കൃഷി വകുപ്പ് മന്ത്രി പി പ്രസാദിൻ്റെ അധ്യക്ഷതയിൽ ചേർത്തല നിയോജകമണ്ഡലം പട്ടയ അസംബ്ലി ചേർന്നു. ജില്ലാ പഞ്ചായത്ത് വൈസ് പ്രസിഡൻ്റ് എൻ എസ് ശിവപ്രസാദ്, ഗ്രാമപഞ്ചായത്ത് പ്രസിഡൻ്റുമാരായ ഗീത കാർത്തികേയൻ, ടി എസ് ജാസ്മിൻ, ജയിംസ് ചിങ്കുത്തറ, ഓമന ബാനർജി, ഡെപ്യൂട്ടി കലക്ടർ പ്രീത സ്കറിയ, തഹസിൽദാർ എസ് ഷീജ തുടങ്ങിയവർ പങ്കെടുത്തു.

(പി.ആര്‍/എ.എല്‍.പി/1049)

കായംകുളം അഗ്നിരക്ഷാ നിലയം കോമ്പൗണ്ടിൽ അപകടകരമായി നിൽക്കുന്ന താന്നിമരം ഏപ്രിൽ 21 രാവിലെ 10 മണിക്ക് അഗ്നിരക്ഷാ നിലയത്തിൻ്റെ പരിസരത്ത് പരസ്യമായി ലേലം ചെയ്യും. ഫോൺ 0477 2251211.  

(പി.ആര്‍/എ.എല്‍.പി/1048)

*മെഡിമാര്‍ട്ടില്‍ മരുന്നുകൾക്ക് 10 മുതൽ 20 ശതമാനം വരെ വിലക്കുറവ്

കേരള സ്റ്റേറ്റ് ഡ്രഗ്‌സ് ആൻഡ് ഫാർമസ്യൂട്ടിക്കൽസ് ലിമിറ്റഡിന്റെ (കെഎസ്ഡിപി) 50ാം വാർഷികാഘോഷ പരിപാടികളുടെയും മെഡി മാർട്ടിന്റെയും ഉദ്ഘാടനം ഇന്ന് (ഏപ്രിൽ 8 ) രാവിലെ 10 മണിക്ക് കെഎസ്ഡിപി അങ്കണത്തിൽ വ്യവസായ,നിയമ, കയർ വകുപ്പ് മന്ത്രി പി രാജീവ് നിർവഹിക്കും. പി പി ചിത്തരഞ്ജൻ എം എൽ എ അധ്യക്ഷത വഹിക്കും. കെ സി വേണുഗോപാൽ എം പി, ജില്ലാ പഞ്ചായത്ത് പ്രസിഡന്റ് കെ ജി രാജേശ്വരി തുടങ്ങിയവർ മുഖ്യാതിഥികളാകും.

2025-26 അധ്യയന വർഷത്തിലെ സർക്കാർ ഹയർസെക്കന്ററി അധ്യാപകരുടെ പൊതുസ്ഥലമാറ്റവും നിയമനവും ഓൺലൈനായി നടത്തുന്നതിന് മുന്നോടിയായി എല്ലാ അധ്യാപകരുടെയും പ്രൊഫൈൽ കൃത്യമാക്കുന്നതിനും പ്രിൻസിപ്പൽമാർ ഒഴിവുകൾ റിപ്പോർട്ട് ചെയ്യുന്നതിനുമായി പോർട്ടൽ തുറന്നു.  കേരള ഇൻഫ്രാസ്ട്രക്ചർ ആന്റ് ടെക്‌നോളജി ഫോർ എഡ്യൂക്കേഷന്റെ (കൈറ്റ്) സാങ്കേതിക പിന്തുണയോടെ ജൂൺ 1-ന് മുമ്പ് സ്ഥലമാറ്റവും നിയമനവും പൂർത്തീകരിക്കുന്ന വിധത്തിലാണ് പോർട്ടൽ ഒരുക്കിയിരിക്കുന്നത്.

തദ്ദേശസ്വയംഭരണ സ്ഥാപനങ്ങൾ പൊതുജനങ്ങൾക്ക് നൽകുന്ന സേവനങ്ങൾ ഏകീകൃത പ്ലാറ്റ്ഫോമിലൂടെ  നൽകുന്ന കെ സ്മാർട്ട് പദ്ധതിയുടെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയൻ നിർവഹിക്കും. രാവിലെ 10.30 ന് തിരുവനന്തപുരം കവടിയാർ ഉദയ് പാലസ് കൺവെൻഷൻ സെന്ററിൽ നടക്കുന്ന ചടങ്ങിൽ തദ്ദേശ സ്വയംഭരണ വകുപ്പ് മന്ത്രി എം. ബി. രാജേഷ് അധ്യക്ഷത വഹിക്കും. കെ സ്മാർട്ട് വഴി അനുവദിക്കുന്ന ആദ്യ ജനന സർട്ടിഫിക്കറ്റ് പ്രതിപക്ഷ നേതാവ് വി ഡി സതീശൻ കൈമാറും.

കുടുംബശ്രീ സംസ്ഥാന മിഷൻ പബ്‌ളിക് റിലേഷൻസ് വിഭാഗത്തിലേക്ക് വീഡിയോ എഡിറ്ററെ ആവശ്യമുണ്ട്. രണ്ടു മാസത്തേക്കാണ് നിയമനം. പ്രതിമാസ ശമ്പളം 40,000 രൂപ. യോഗ്യത ഏതെങ്കിലും അംഗീകൃത സ്ഥാപനത്തിൽ നിന്നും വിഡിയോ എഡിറ്റിങ്ങിൽ ബിരുദം അല്ലെങ്കിൽ ഡിപ്ലോമ.

പ്രിയദർശിനി പ്ലാനറ്റോറിയം ക്യാമ്പസിൽ പ്രവർത്തിക്കുന്ന മോഡൽ ഫിനിഷിംഗ് സ്കൂളിൽ 30 ദിവസം ദൈർഘ്യമുള്ള കമ്പ്യൂട്ടർ/ എ ഐ/ സൈബർ സെക്യൂരിറ്റി/ ലഹരി വിരുദ്ധ ബോധവൽക്കരണം/ യോഗ ആൻഡ് മെഡിറ്റേഷൻ എന്നിവ ഉൾപ്പെടുന്ന വേനലവധിക്കാല ക്യാമ്പിൽ പങ്കെടുക്കുന്നതിന് അപേക്ഷ ക്ഷണിച്ചു. എട്ടാം ക്ലാസ് പൂർത്തിയായവർക്കും ഫലം കാത്തിരിക്കുന്നവർക്കും ചേരാം. പി.എം.ജി യിലെ ഓഫീസിൽ നിന്നും നൽകുന്ന അപേക്ഷകൾ പൂരിപ്പിച്ച് സമർപ്പിക്കാവുന്നതാണ്.

  കുളത്തൂപ്പുഴ ട്രൈബല്‍ എക്സ്റ്റന്‍ഷന്‍ ഓഫീസിലെ സഹായി സെന്ററിലേക്ക് പട്ടികവര്‍ഗ്ഗക്കാരില്‍ നിന്നും കമ്പ്യൂട്ടര്‍ ഓപ്പറേറ്റര്‍ തസ്തികയില്‍ താത്കാലിക നിയമനം നടത്തും.   യോഗ്യത: ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍,   ഡാറ്റ എന്‍ട്രി ജോലികള്‍, വിവിധ ഓണ്‍ലൈന്‍ രജിസ്‌ട്രേഷന്‍ സമര്‍പ്പിക്കല്‍, മലയാളം, ഇംഗ്ലീഷ് ടൈപ്പ്‌റൈറ്റിംഗ് (കെ.ജി.ടി.ഇ ടൈപ്പ്‌റൈറ്റിംഗ്) പരിജ്ഞാനം അഭിലഷണീയം. ജാതി, യോഗ്യത   സര്‍ട്ടിഫിക്കറ്റുകളുടെ അസലും പകര്‍പ്പും സഹിതം ഏപ്രില്‍ എട്ട് രാവിലെ 10.30ന് കുളത്തൂപ്പുഴ ട്രൈബല്‍ എക്സ്റ്റന്‍ഷന്‍ ഓഫീസില്‍  നടത്തുന്ന വോക്ക് ഇന്‍ ഇന്റര്‍വ്യൂവില്‍ പങ്കെടുക്കണം. ഫോണ്‍: 9496070347 .

  അസാപ് കേരള കഴക്കൂട്ടം കമ്മ്യൂണിറ്റി സ്‌കില്‍ പാര്‍ക്കില്‍ പ്രവര്‍ത്തിക്കുന്ന  എ.ആര്‍/ വി.ആര്‍ സെന്റര്‍ ഓഫ് എക്‌സലന്‍സില്‍    വി ആര്‍ ഡെവലപ്പര്‍, ഗെയിം ഡെവലപ്പര്‍ കോഴ്‌സുകളിലേക്ക് അപേക്ഷ ക്ഷണിച്ചു.    https://asapkerala.gov.in/course/unity-certified-user-vr-developer/ മുഖേന ഏപ്രില്‍ 15 നകം രജിസ്റ്റര്‍ ചെയ്യണം. ഫോണ്‍.9495999693.