കൊല്ലങ്കോട് പൊലീസ് സ്റ്റേഷന്‍ വളപ്പില്‍ അപകടകരമായ വിധത്തില്‍ നില്‍ക്കുന്ന വേപ്പ് (1), വേപ്പിന്റെ ശിഖിരം (2) എന്നിവ മുറിച്ച് മാറ്റി ലേലം ചെയ്യുന്നു. ലേലം പൊലീസ് സ്റ്റേഷന്‍ വളപ്പില്‍ ജനുവരി 22 പകല്‍ 11 ന് നടക്കും. കൂടുതല്‍ വിവരങ്ങള്‍ക്ക് ഫോണ്‍: 04912536700

മോഡേണൈസേഷന്‍ ഓഫ് ലോ ഡിപാര്‍ട്ട്‌മെന്റ് പദ്ധതിയുടെ ഭാഗമായി സംസ്ഥാന നിയമ വകുപ്പ് സ്ത്രീകള്‍ക്കും വിദ്യാര്‍ഥികള്‍ക്കുമായി നടത്തുന്ന സാമൂഹ്യ-നിയമ അവബോധ പരിപാടിയായ 'മാറ്റൊലി-2026' ജനുവരി 30 ന് നടക്കും. പാലക്കാട് ജില്ലാ പഞ്ചായത്ത് ഹാളില്‍ രാവിലെ 10നാണ് പരിപാടി നടക്കുകയെന്ന് നിയമ സെക്രട്ടറി അറിയിച്ചു.

വനിത ശിശുവികസന വകുപ്പിന് കീഴില്‍ പ്രവര്‍ത്തിക്കുന്ന മണ്ണാര്‍ക്കാട് അഡീഷണല്‍ ഐ.സി.ഡി.എസ് ഓഫീസിന്റെ ആവശ്യങ്ങള്‍ക്ക് 2025-26, 2026-27 വര്‍ഷത്തില്‍ കരാര്‍ അടിസ്ഥാനത്തില്‍ വാഹനം ലഭ്യമാക്കുന്നതിന് താല്‍പര്യമുള്ളവരില്‍ നിന്ന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ജനുവരി 23 ഉച്ചയ്ക്ക് രണ്ട് വരെ ഓഫീസില്‍ സ്വീകരിക്കും. അന്നേദിവസം മൂന്നിന് ക്വട്ടേഷനുകള്‍ തുറക്കും.

കെല്‍ട്രോണ്‍ പാലക്കാട് നോളജ് സെന്ററില്‍ വിവിധ കോഴ്‌സുകളിലേക്ക് ജനുവരി 24 വരെ അപേക്ഷിക്കാം. ഡി.സി.എ(DCA), പി.ജി.ഡി.സി.എ(PGDCA), ഡിപ്ലോമ ഇന്‍ ഓഫീസ് അക്കൗണ്ടിങ്, കമ്പ്യൂട്ടര്‍ ഓപ്പറേറ്റിങ് ആന്‍ഡ് ഡാറ്റാ എന്‍ട്രി എന്നീ കോഴ്‌സുകളിലേക്കാണ് അപേക്ഷ ക്ഷണിച്ചത്. കൂടുതല്‍ വിവരങ്ങള്‍ മഞ്ഞക്കുളം റോഡിലുള്ള കെല്‍ട്രോണ്‍ നോളജ് സെന്ററില്‍ ലഭിക്കും. ഫോണ്‍: 0491 2504599

ജില്ലയിലെ പൊതുവിദ്യാഭ്യാസ മേഖലയില്‍ സമഗ്രമായ മുന്നേറ്റം ലക്ഷ്യമിട്ട് പൊതുവിദ്യാഭ്യാസ വകുപ്പും സമഗ്ര ശിക്ഷാ കേരളയും (SSK) സംയുക്തമായി നടപ്പാക്കുന്ന 'സമഗ്ര ഗുണമേന്മ വിദ്യാഭ്യാസ പദ്ധതി'ക്ക് ജില്ലയില്‍ തുടക്കമായി. മുണ്ടൂര്‍ ഐ.ആര്‍.ടി.സി ഹാളില്‍ നടന്ന അധ്യാപക ശില്പശാലയോടെയാണ് പദ്ധതിയുടെ ജില്ലാതല പ്രവര്‍ത്തനങ്ങള്‍ ആരംഭിച്ചത്.

തൃത്താല ചാലിശ്ശേരിയില്‍ സമാപിച്ച പതിമൂന്നാമത് ദേശീയ സരസ്സ് മേളയില്‍ വിപണന-ഭക്ഷണ സ്റ്റാളുകള്‍ക്ക് റെക്കോര്‍ഡ് വിറ്റുവരവ്. മേളയുടെ ഭാഗമായുള്ള ഫുഡ് കോര്‍ട്ടില്‍ നിന്ന് 1.91 കോടി രൂപയും വിവിധ വിപണന സ്റ്റാളുകളില്‍ നിന്ന് 12.06 കോടി രൂപയും ഉള്‍പ്പെടെ ഏകദേശം 14 കോടിയോളം രൂപയുടെ വില്‍പ്പനയാണ് നടന്നത്. കുടുംബശ്രീ യൂണിറ്റുകളുടെ പ്രദര്‍ശന-വിപണന സ്റ്റാളുകളിലും പെയ്ഡ് സ്റ്റാളുകളിലുമായി ആകെ 12,06,08,886 രൂപയുടെ വിറ്റുവരവുണ്ടായി. ഏറ്റവും കൂടുതല്‍ വ്യാപാരം നടന്ന മേളയുടെ ഒന്‍പതാം ദിനത്തില്‍  1,27,88,362 രൂപ വിപണന സ്റ്റാളുകളില്‍ നിന്ന് ലഭിച്ചു.