മഞ്ചേരി മുന്‍സിപ്പാലിറ്റി പരിധിയിലെ അങ്കണവാടികളില്‍ പോഷകബാല്യം പദ്ധതി വഴി പാല്‍, മുട്ട എന്നിവ വിതരണം ചെയ്യുന്നതിന് താത്പര്യമുള്ള വ്യക്തികളില്‍ നിന്നും ക്വട്ടേഷന്‍ ക്ഷണിച്ചു. ആഗസ്റ്റ് 11 ന് രണ്ടിനകം ക്വട്ടേഷന്‍ ലഭ്യമാക്കണം. ടെണ്ടര്‍ ഫോമും കൂടുതല്‍ വിവരങ്ങളും ഐ.സി.ഡി.എസ്.മലപ്പുറം അര്‍ബന്‍ ഓഫീസില്‍ ലഭ്യമാണ്. ഫോണ്‍- 9526954451.

ആലപ്പുഴ സ്ത്രീകളുടേയും കുട്ടികളുടെയും ആശുപത്രിയിൽ 24 മണിക്കൂറും പ്രവർത്തിക്കുന്ന ക്ലിനിക്കൽ ലാബ്, ബ്ലഡ് ബാങ്ക് എന്നീ വിഭാഗങ്ങളിലേക്ക് താൽകാലിക ടെക്നീഷ്യന്മാരെ നിയമിക്കുന്നു.  ആഗസ്റ്റ് 10 രാവിലെ 11 മണിക്ക് ആശുപത്രിയിൽ അഭിമുഖം നടത്തും.  അന്നേദിവസം രവിലെ  10 മണിക്ക് യോഗ്യത തെളിയിക്കുന്ന അസ്സൽ സർട്ടിഫിക്കറ്റുകളും അനുബന്ധ സർട്ടിഫിക്കറ്റുകളും ആധാർ കാർഡും സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകളും സഹിതം  ആശുപത്രി കോൺഫറൻസ് ഹാളിൽ  എത്തണം.

സ്റ്റേറ്റ് റിസോഴ്‌സ് സെന്ററിന്റെ കീഴിലുള്ള എസ്.ആര്‍.സി കമ്മ്യൂണിറ്റി കോളേജ് ജൂലൈ സെഷനില്‍ നടത്തുന്ന 'സര്‍ട്ടിഫിക്കറ്റ് ഇന്‍ മാനേജ്മെന്റ് ഓഫ് സ്‌പെസിഫിക് ലേണിംഗ് ഡിസോഡേഴ്‌സ്' കോഴ്സിന് അപേക്ഷിക്കാനുള്ള അവസാന തീയതി ജൂലൈ 31 വരെ ദീര്‍ഘിപ്പിച്ചു. വിദൂര വിദ്യാഭ്യാസ രീതിയില്‍ നടത്തുന്ന ഈ ആറുമാസത്തെ പഠന പ്രോഗ്രാമിലേക്ക് പന്ത്രണ്ടാം ക്ലാസ് യോഗ്യതയുള്ളവര്‍ക്ക് പ്രായപരിധിയില്ലാതെ www.srccc.in എന്ന വെബ്സൈറ്റ് വഴി അപേക്ഷിക്കാം.

കുടിശ്ശിക തുകയായ 1, 80, 000/ ഈടാക്കുന്നതിനായി ആലിപ്പറമ്പ് വില്ലേജില്‍ സര്‍വേ നമ്പര്‍ 26/5 ല്‍ 04.88 സെന്റ് ഭൂമി ജൂലൈ 28 ന് രാവിലെ 11 ന് ആനമങ്ങാട് വില്ലേജ് ഓഫീസില്‍ ലേലം ചെയ്യും.

സർക്കാർ പ്രൈമറി സ്കൂൾ വിദ്യാർഥികൾക്കായി നടപ്പിലാക്കുന്ന ഇംഗ്ലീഷ് ലാംഗ്വേജ് എൻറിച്ച്മെന്റ് പ്രോഗ്രാം പദ്ധതി 2026-27 ന്റെ ഭാഗമായി ആലപ്പുഴ ജില്ലയിലെ സ്കൂളുകളിലേക്ക് റിസോഴ്സ് അധ്യാപകരെ നിയമിക്കുന്നു. ദിവസ വേതനാടിസ്ഥാനത്തിലാണ്  (പ്രതിദിനം 955/- രൂപ നിരക്കിൽ) നിയമനം.

മലപ്പുറം ജില്ലാ ഹോമിയോ ആശുപത്രിയില്‍ ലാബ് ടെക്‌നീഷ്യന്‍, നൈറ്റ് വാച്ച്മാന്‍ തസ്തികകളില്‍ താത്കാലിക അടിസ്ഥാനത്തില്‍ നിയമനം നടത്തുന്നതിനുള്ള അഭിമുഖം ജൂലൈ 28 ന് രാവിലെ 10 മുതല്‍ ഒന്നു വരെ വരെ മലപ്പുറം ജില്ലാ ഹോമിയോ ആശുപത്രിയില്‍ നടക്കും. താത്പര്യമുള്ളവര്‍ അസ്സല്‍ രേഖകളും സാക്ഷ്യപ്പെടുത്തിയ പകര്‍പ്പുകളും സഹിതം അഭിമുഖത്തിന് ഹാജരാകണം. ഫോണ്‍- 9446614577.

ഏലംകുളം കുടുംബാരോഗ്യകേന്ദ്രത്തില്‍ ഫാര്‍മസിസ്റ്റ് (ഈവനിംഗ് ഒ.പി), ഡാറ്റ എന്‍ട്രി ഓപ്പറേറ്റര്‍ തസ്തികകളിലേക്ക് താത്കാലിക നിയമനം നടത്തുന്നതിനായി ജൂലൈ 27-ന് രാവിലെ 11 ന് അഭിമുഖം നടത്തും. ഫാര്‍മസിസ്റ്റ് തസ്തികയ്ക്ക് ഡി.ഫാം അല്ലെങ്കില്‍ ബി.ഫാം യോഗ്യതയും ഫാര്‍മസി കൗണ്‍സില്‍ രജിസ്‌ട്രേഷനും ഡാറ്റ എന്‍ട്രി തസ്തികയ്ക്ക് പ്ലസ് ടുവും എല്‍.ബി.എസ് അംഗീകൃത കംപ്യൂട്ടര്‍ കോഴ്‌സ് സര്‍ട്ടിഫിക്കറ്റുമാണ് യോഗ്യത. 2026 ജനുവരി 1-ന് 40 വയസ്സ് കവിയാത്തവര്‍ക്ക് പങ്കടുക്കാം. ഏലംകുളം ഗ്രാമപഞ്ചായത്തിലെ സ്ഥിരം താമസക്കാര്‍ക്കും പ്രവൃത്തിപരിചയമുള്ളവര്‍ക്കും മുന്‍ഗണനയുണ്ട്.

ജില്ലാ ആസൂത്രണ സമിതി (അഡ്‌ഹോക്ക് കമ്മിറ്റി) യോഗം ജൂലൈ 28 ന് ഉച്ചയ്ക്ക് ശേഷം മൂന്നിന് ജില്ലാ ആസൂത്രണ സമിതി കോണ്‍ഫ്രന്‍സ് ഹാളില്‍ ചേരും.

ജില്ലാ വെക്ടർ കൺട്രോൾ യൂണിറ്റിൽ കൊതുക് നശീകരണ പ്രവർത്തനങ്ങളായ സ്പ്രേയിംഗ്, ഫോഗിങ്, സോഴ്സ് റിഡക്ഷൻ എന്നിവയ്ക്കായി 90 ദിവസത്തേക്ക് 46 കണ്ടിജന്റ് തൊഴിലാളികളെ ദിവസവേതനാടിസ്ഥാനത്തിൽ നിയമിക്കുന്നു.  2026 ജനുവരി ഒന്നിന് 18 വയസ് പൂർത്തിയാകുന്നവരും 40 വയസ്സ് അധികരിക്കാത്തവരും ഫീൽഡ് ഡ്യൂട്ടി ചെയ്യുവാൻ കായികക്ഷമതയുള്ള ഏഴാം ക്ലാസ് പാസ്സായവർക്ക് അപേക്ഷിക്കാം (ബിരുദധാരികൾ അപേക്ഷിക്കേണ്ടതില്ല).  മുൻപരിചയമുള്ളവർക്ക് മുൻഗണന.

പെരിന്തല്‍മണ്ണ പി.ടി.എം ഗവണ്‍മെന്റ് കോളേജില്‍ ഒന്നാം വര്‍ഷ പി.ജി കോഴ്‌സുകളില്‍ ഒഴിവുള്ള സംവരണ സീറ്റുകളിലേക്ക് അഡ്മിഷന്‍ ആരംഭിച്ചു. ഒഴിവുകളുള്ള വകുപ്പുകളും സംവരണ വിഭാഗവും താഴെ നല്‍കുന്നു. എം.എ അറബിക് (ഇ.ടി.ബി, എസ്.സി., എസ്.ടി., ഇ.ഡബ്ലിയു.എസ്., സ്‌പോര്‍ട്‌സ്), എം.എ ഇംഗ്ലീഷ് (എസ്.ടി, സ്‌പോര്‍ട്‌സ്), എം.കോം (എസ്.ടി, സ്‌പോര്‍ട്‌സ്), എം.എസ്.സി മാത്തമാറ്റിക്‌സ് (എസ്.സി, എസ്.ടി, ഇ.ഡബ്ലിയു.എസ്., സ്‌പോര്‍ട്‌സ്), എം.എസ്.സി ഫിസിക്‌സ് (എസ്.സ്ി, എസ്.ടി, സ്‌പോര്‍ട്‌സ്). അര്‍ഹരായ വിദ്യാര്‍ഥികള്‍ ഓഗസ്റ്റ് നാലിന്  ഉച്ചയ്ക്ക് രണ്ടിനകം കോളേജില്‍ നേരിട്ടോ ഓണ്‍ലൈന്‍ മുഖേനയോ ഹാജരാകണം. ഫോണ്‍: 9074006717.