വാരാമ്പറ്റ ഗവ ഹൈസ്‌ക്കൂളില്‍ ഒഴിവുള്ള എല്‍.പി.എസ്.ടി, ഓഫീസ് അറ്റന്‍ഡന്റ് തസ്തികകളില്‍ ദിവസവേതാടിസ്ഥാനത്തില്‍ താത്കാലിക നിയമനം. ഉദ്യോഗാര്‍ത്ഥികള്‍ അസല്‍ സര്‍ട്ടിഫിക്കറ്റുകളും പകര്‍പ്പുമായി ജൂലൈ 18ന് രാവിലെ 10.30ന് അഭിമുഖത്തിന് ഓഫീസിലെത്തണം. ഓഫീസ് അറ്റന്‍ഡന്റ് തസ്തികയിലേക്ക് ഉച്ചയ്ക്ക് രണ്ടിനാണ് അഭിമുഖം. ഫോണ്‍-9947565541

2024 ഐ.ടി.ഐ അഡ്മിഷനുമായി ബന്ധപ്പെട്ട് അപേക്ഷ സമര്‍പ്പിച്ചവരില്‍ അഡ്മിഷന്‍ ഫീസ് അടക്കാത്തവരും വെരിഫിക്കേഷന്‍ പൂര്‍ത്തിയാക്കാത്തവരും ജൂലൈ 15ന് വൈകുന്നേരം അഞ്ചിനകം പൂര്‍ത്തിയാക്കണം. അപേക്ഷാ വെരിഫിക്കേഷന്‍ കല്‍പ്പറ്റ, നെന്‍മെനി, വെള്ളമുണ്ട ഗവ. ഐ.ടി.ഐകളില്‍  
പൂര്‍ത്തിയാക്കാവുന്നതാണ്. ഫോണ്‍- 04936 205519
 

ജില്ലയിലെ തീരങ്ങളിൽ നാളെ (ജൂലൈ 15) രാവിലെ 11.30 മുതൽ മറ്റന്നാൾ  (ജൂലൈ 16) രാത്രി 11.30 വരെ 2.6  മുതൽ 3.3 മീറ്റർ വരെ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.

 കന്യാകുമാരി തീരത്ത്‌ ജൂലൈ 16 രാത്രി 11.30 വരെ 2.7  മുതൽ 3.1 മീറ്റർ വരെ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ട്.

 കേരള തീരത്തും, തമിഴ്‌നാട് തീരത്തും ജൂലൈ 16 രാത്രി 11.30 വരെ കള്ളക്കടൽ പ്രതിഭാസത്തിനും, ഉയർന്ന തിരമാലയ്ക്കും സാധ്യതയുണ്ടെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രത്തിന്റെ അറിയിപ്പിൽ പറയുന്നു.

ന്യൂ ഇന്ത്യ ലിറ്ററസി പ്രോഗ്രാം - ഉല്ലാസ് മേള മന്ത്രി ഉദ്ഘാടനം ചെയ്തു

ഇന്ന് (ജൂലൈ 13) ജില്ലയിൽ 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാൽ, കേന്ദ്രകാലാവസ്ഥാവകുപ്പ് മഞ്ഞ അലർട്ട് മുന്നറിയിപ്പ് നൽകി.

*ഉപഭോക്താക്കൾക്കായി 50/50 പദ്ധതിയും ഹാപ്പി അവേഴ്‌സും ഓഗസ്റ്റ് 13 വരെ

അമ്പതാം വാർഷികത്തോടനുബന്ധിച്ച് വൻ ഓഫറുകളും വിലക്കുറവുകളുമായി സപ്ലൈകോ. സപ്ലൈകോ വിൽപന ശാലകളിൽ ഉപഭോക്താക്കൾക്കായി നിരവധി ഓഫറുകളാണ് ഓഗസ്റ്റ് 13 വരെ ലഭിക്കുക.

പട്ടികവർഗ വികസന വകുപ്പിന് കീഴിൽ നെടുമങ്ങാട് ഐ.റ്റി.ഡി.പിയുടെ പരിധിയിൽ ലാൻഡ് ബാങ്ക് പദ്ധതി പ്രകാരമുള്ള വീരണകാവ് പുളിങ്കോട് പുനരധിവാസ മേഖലയിൽ മുറിച്ച മരങ്ങളുടെ തടികൾ പുനർ ലേലം ചെയ്യുന്നു. മൂന്ന് ആഞ്ഞിലി, ഒരു മാവ്, ഒൻപത് തെങ്ങ്, ഏഴ് റബർ, ഏഴ് കവുങ്ങ് എന്നിവയുടെ തടികളാണ് ലേലത്തിനുള്ളത്. താത്പര്യമുള്ളവർ ജൂലൈ 24 രാവിലെ 11ന് നടക്കുന്ന പുനർ ലേലത്തിൽ പങ്കെടുക്കണമെന്ന് ഐ.റ്റി.ഡി.പി പ്രോജക്ട് ഓഫീസർ അറിയിച്ചു.

മാലിന്യമുക്ത നവകേരളം ജില്ലാ ക്യാമ്പയിന്‍ സെക്രട്ടറിയേറ്റിന്റെ നേതൃത്വത്തില്‍ നഗരസഭാ, ബ്ലോക്ക് പഞ്ചായത്ത് ചുമതലയുള്ള ജീവനക്കാര്‍ക്ക് ജില്ലാതല ശില്‍പശാല സംഘടിപ്പിച്ചു. തദ്ദേശ സ്ഥാപനങ്ങളില്‍ നടത്തേണ്ട പ്രവര്‍ത്തനങ്ങള്‍ ചര്‍ച്ച ചെയ്ത ശില്‍പശാലയില്‍ അന്തിമ കര്‍മ്മ പരിപാടികള്‍ ആസൂത്രണം ചെയ്തു. മാലിന്യ സംസ്‌ക്കരണ മേഖലയില്‍ ജില്ലയിലെ മികച്ച മാതൃകകള്‍ ശില്‍പശാലയില്‍ അവതരിപ്പിച്ചു. ജില്ലാ പഞ്ചായത്ത് പ്രസിഡണ്ട് സംഷാദ് മരയ്ക്കാര്‍ ഉദ്ഘാടനം ചെയ്തു. നഗരസഭാ, ബ്ലോക്ക് പഞ്ചായത്ത് സെക്രട്ടറിമാര്‍ അവലോകനം നടത്തി.

ലക്കിടിയിലെ എന്‍ ഊര് ചാരിറ്റബിള്‍ സൊസൈറ്റി, മാനന്തവാടി സബ്ബ് കളക്ടര്‍ ഓഫീസ് എന്നിവിടങ്ങളില്‍ ഇന്റേണ്‍ഷിപ്പ് ട്രെയ്‌നിയായി പ്രവര്‍ത്തിക്കുന്നതിന് അപേക്ഷകള്‍ ക്ഷണിച്ചു. ഏതെങ്കിലും വിഷയത്തില്‍ ബിരുദമുള്ള പട്ടിക വര്‍ഗ്ഗ വിഭാഗത്തിലെ ഉദ്യോഗാര്‍ത്ഥികള്‍ക്ക് അപേക്ഷിക്കാം. അപേക്ഷകള്‍ സബ്ബ് കലക്ടര്‍ ആന്‍ഡ് പ്രസിഡണ്ട് എന്‍ ഊര് ചാരിറ്റബിള്‍ സൊസൈറ്റി പൂക്കോട്, വയനാട് വിലാസത്തില്‍ ജൂലൈ 22ന് വൈകുന്നേരം അഞ്ചിനകം നേരിട്ടോ തപാല്‍ മുഖേനയോ ലഭിക്കണം.
ഫോണ്‍ 04936 292902 -9778783522

പിന്നാക്ക വിഭാഗ വികസന വകുപ്പ് നടപ്പാക്കുന്ന 'കരിയര്‍ ഇന്‍ പ്രൈവറ്റ് ഇന്‍ഡസ്ട്രി ത്രൂ പബ്ലിക് പ്രൈവറ്റ് പാര്‍ട്ടിസിപ്പേഷന്‍ പദ്ധതിയുമായി സഹകരിക്കുവാനും പരിശീലനം പൂര്‍ത്തിയാക്കുന്നവര്‍ക്ക് തൊഴില്‍ ഉറപ്പ് നല്‍കുവാനും തയ്യാറുള്ള സ്വകാര്യ സംരംഭകരില്‍ നിന്നും സ്ഥാപനങ്ങളില്‍ നിന്നും താത്പര്യപത്രം ക്ഷണിച്ചു. അപേക്ഷാ ഫാറവും അനുബന്ധ വിവരങ്ങളും www.bcdd.kerala.gov.in ല്‍ ലഭ്യമാണ്. താത്പര്യപത്രം ജൂലൈ 15 വരെ സ്വീകരിക്കും. ഫോണ്‍- 0495-2377786