മൂന്നാർ മോഡൽ റസിഡൻഷ്യൽ സ്ക്കൂളിൽ സംഗീതം,ഫിസിക്കൽ എഡ്യൂക്കേഷൻ വിഭാഗങ്ങളിൽ അധ്യാപക ഒഴിവുണ്ട്. ദിവസവേതനാടിസ്ഥാനത്തിലാകും നിയമനം. പി എസ് സി നിഷ്കർഷിക്കുന്ന എല്ലാ യോഗ്യതകളും ബാധകമാണ്.താൽപര്യമുള്ള ഉദ്യോഗാർത്ഥികൾ ബയോഡാറ്റയും, വെള്ള പേപ്പറിൽ തയ്യാറാക്കിയ അപേക്ഷയും, യോഗ്യത തെളിയിക്കുന്ന ഒറിജിനൽ സർട്ടിഫിക്കറ്റുകളും സഹിതം ജൂലൈ 19 വെള്ളിയാഴ്ച രാവിലെ 11 ന് സ്ക്കൂൾ ഓഫീസിൽ കൂടിക്കാഴ്ചയ്ക്കായി നേരിട്ട് ഹാജരാകേണ്ടതാണ്. കൂടുതൽ വിവരങ്ങൾക്ക് 9447067684.

മൃഗസംരക്ഷണ വകുപ്പിന്റെ പദ്ധതികൾ ക്ഷീരകർഷകരുടെ വീട്ടുപടിക്കൽ എത്തിക്കുന്നത് ലക്ഷ്യമിട്ട് ആരംഭിച്ചിട്ടുള്ള എ - ഹെൽപ് (അക്രെഡിറ്റഡ് ഏജൻറ് ഫോർ ഹെൽത്ത് ആൻഡ് എക്സ്റ്റൻഷൻ ഓഫ് ലൈവ്സ്റ്റോക്ക് പ്രൊഡക്ഷൻ ) പദ്ധതിയുടെ ജില്ലാതല ഉദ്ഘാടനവും,പരിശീലന പരിപാടിയും ആരംഭിച്ചു.നാല്പത്തിരണ്ട്‌ ദിവസത്തെ പശുസഖി പരിശീലനം പൂർത്തിയാക്കിയ വനിതകൾക്കാണ് ആദ്യ ഘട്ടത്തിൽ പരിശീലനം. പൊതുവിൽ ആരോഗ്യ വകുപ്പിലെ ആശ വർക്കർമാരെപ്പോലെയാകും ഇവരുടെ പ്രവർത്തനം. ട്രെയിനിങ് പൂർത്തിയാക്കിയ ശേഷം നാഷണൽ അക്കാദമി ഓഫ് ആർ .എസ് .ഇ .ടി .ഐ നടത്തുന്ന പരീക്ഷയും വിജയിക്കേണ്ടതുണ്ട്.

        ലോകപ്രശസ്ത ഹൃദയ ശസ്ത്രക്രിയാ വിദഗ്ധൻ ഡോ. എം.എസ്. വല്യത്താന്റെ നിര്യാണത്തിൽ ആരോഗ്യ വകുപ്പ് മന്ത്രി വീണാ ജോർജ് അനുശോചനം രേഖപ്പെടുത്തി. ആരോഗ്യ മേഖലയ്ക്ക് അദ്ദേഹം നൽകിയ സംഭാവനകൾ നിസ്തുലമാണ്. തിരുവനന്തപുരം മെഡിക്കൽ കോളജിലെ ആദ്യ ബാച്ച് വിദ്യാർഥിയാണ് അദ്ദേഹം. തിരുവനന്തപുരം ശ്രീചിത്തിര തിരുനാൾ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിന്റെ ആദ്യ ഡയറക്ടറാണ്. മണിപ്പാൽ യൂണിവേഴ്‌സിറ്റിയുടെ ആദ്യ വി.സിയായിരുന്നു. ഇന്ത്യൻ അക്കാദമി ഓഫ് സയൻസസിന്റെ ചെയർമാനായിരുന്നു.

 വേങ്ങാട് ഇലക്ട്രിക്കല്‍ സെക്ഷനില്‍ വ്യാഴാഴ്ച ( ജൂലൈ18) അടിയന്തിര അറ്റകുറ്റ പ്രവൃത്തി നടക്കുന്നതിനാല്‍  രാവിലെ എട്ട്  മുതല്‍മൂന്ന് മണി വരെ  ഊര്‍പ്പള്ളി, ശശിപീടിക,കുരിയോട് കോളനി ട്രാന്‍സ്‌ഫോര്‍മര്‍ പരിധികളില്‍ ഭാഗികമായി വൈദ്യുതി തടസ്സപ്പെടും.

ജില്ലാ ആശുപത്രി പട്ടിക വർഗ്ഗ വികസന സമഗ്ര ആരോഗ്യ സുരക്ഷാ പദ്ധതിയിൽ  പട്ടിക വർഗ്ഗ വിഭാഗത്തിൽ പെട്ട രോഗികൾക്ക് മരുന്ന്, സർജിക്കൽ ഉപകരണങ്ങൾ   എന്നിവ ലഭ്യമാക്കാൻ  അംഗീകൃത സ്ഥാപനങ്ങളിൽ നിന്നും ടെൻഡർ ക്ഷണിച്ചു.  അവസാന തീയതി ജൂലൈ 30 ഉച്ചകഴിഞ്ഞ് 3 മണി വരെ

കണ്ണൂർ ജില്ലാ ലൈബ്രറി കൗൺസിലിൻ്റെ  'കർക്കിടക വായന '  പുസ്തകാസ്വാദന സദസ്സിൻ്റെ താലൂക്ക് തല ഉദ്ഘാടനം  നടന്നു.  

കണ്ണൂര്‍ ഗവ എഞ്ചിനീയറിങ് കോളേജിലെ ഇലക്ട്രോണിക്സ് ആന്റ് കമ്മ്യൂണിക്കേഷന്‍്് എഞ്ചിനീയറിങ് വിഭാഗത്തില്‍ ട്രേഡ്സ് മാന്‍ തസ്തികയില്‍ ഒഴിവുണ്ട് . യോഗ്യതയുള്ള ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളുമായി ജൂലൈ 19   ന് രാവിലെ 10 ന് കോളേജില്‍ നടക്കുന്ന കൂടിക്കാഴ്ചയില്‍ പങ്കെടുക്കേണ്ടതാണ്.

കുടുംബശ്രീയുടെ ബാലസഭാ   ശുചിത്വോത്സവം രണ്ടാം ഘട്ടത്തിന്റെ ഭാഗമായി കുട്ടികൾക്ക്  പ്രബന്ധ  മത്സരം സംഘടിപ്പിക്കുന്നു. മാലിന്യ മുക്ത നവ കേരളം പ്രശ്നങ്ങളും സാധ്യതകളും എന്നതാണ് വിഷയം. 

  മികച്ച  പ്രബന്ധം കുടുംബശ്രീ നവംബറിൽ സംഘടിപ്പിക്കുവാൻ ഉദ്ദേശിക്കുന്ന കുട്ടികളുടെ അന്താരാഷ്ട്ര ഉച്ചകോടിയിൽ അവതരിപ്പിക്കാൻ അവസരം ലഭിക്കും.

നടുവില്‍ ഗവ. പോളി ടെക്‌നിക്ക് കോളേജിലെ രണ്ടാം വര്‍ഷ ലാറ്ററല്‍ എന്‍ട്രി പ്രവേശനത്തിനുള്ള സ്ഥാപന തല സ്‌പോട്ട് അഡ്മിഷന്‍ ജൂലൈ 19ന് നടക്കും. പുതുതായി അപേക്ഷ സമര്‍പ്പിക്കുന്നവര്‍ക്കും പങ്കെടുക്കാം. താല്‍പ്പര്യമുള്ളവര്‍ രാവിലെ 10 മണിക്ക് മുമ്പ് എത്തണം. ഫോണ്‍: 0460 2251033.