എടപ്പാള്‍ പട്ടണത്തിലെ  ഗതാഗതക്കുരുക്കിന് ശാശ്വതമായ പരിഹാരമാകുന്നു. എടപ്പാള്‍ മേല്‍പ്പാലത്തിന്റെ നിര്‍മാണോദ്ഘാടനവും എടപ്പാള്‍ - നീലിയാട് റോഡിന്റെ സമര്‍പ്പണവും ജനുവരി 19 ന് സ്പീക്കര്‍ പി.ശ്രീരാമകൃഷ്ണന്‍ നിര്‍വഹിക്കും. വൈകീട്ട് നാലരയ്ക്ക് നടക്കുന്ന പരിപാടിയില്‍ ഉന്നത വിദ്യഭ്യാസ വകുപ്പ് മന്ത്രി ഡോ. കെ.ടി ജലീല്‍ അധ്യക്ഷനും പൊന്നാനി എം.പി ഇ.ടി  മുഹമ്മദ് ബഷീര്‍ മുഖ്യാതിഥിയുമായിരിക്കും.

പോത്തൻകോട് ബ്ലോക്കിൽ പി.എം.എ.വൈ പദ്ധതിയിൽ ഉൾപ്പെട്ട ഗുണഭോക്താക്കൾക്ക് അധിക ധനസഹായമായ ഒരു ലക്ഷം രൂപം വിതരണം ചെയ്തു. എസ്.സി വിഭാഗത്തിൽപ്പെട്ട 132 ഗുണഭോക്താക്കൾക്കാണ് ധനസഹായം. ആദ്യ ഘട്ടത്തിൽ രണ്ടു ലക്ഷം രൂപയാണ് അനുവദിച്ചിരുന്നത് അതിനു പുറമേയാണ് രണ്ടാം ഘട്ടമായി ഒരു ലക്ഷം രൂപ കൂടി അനുവദിച്ചത്.

ധനസഹായ വിതരണോദ്ഘാടനം ബ്ലോക്ക് പ്രസിഡന്റ് ഷാനിബാ ബീഗം നിർവ്വഹിച്ചു. ബ്ലോക്ക് വൈസ് പ്രസിഡന്റ്, അഡ്വ. യാസിർ അധ്യക്ഷത വഹിച്ച ചടങ്ങിൽ ബ്ലോക്ക് ചെയർപേഴ്‌സൺമാർ, മെമ്പർമാർ, ഉദ്യോഗസ്ഥർ തുടങ്ങിയവർ പങ്കെടുത്തു.
(പി.ആർ.പി. 66/2019)

ചെങ്കൽ പഞ്ചായത്ത്, കൃഷിഭവൻ, ഹരിതകേരളം മിഷൻ, വിവ കൾച്ചറൽ ഡെവലപ്‌മെന്റ് ഓർഗനൈസേഷൻ എന്നിവ സംയുക്തമായി ചെങ്കൽ പഞ്ചായത്തിൽ നടപ്പാക്കുന്ന ഓർഗാനിക് തിയേറ്റർ പദ്ധതിയുടെ ഉദ്ഘാടനം ഇന്ന് (ജനുവരി 18) രാവിലെ 11ന് വ്‌ളാത്താങ്കര വൃന്ദാവൻ ഹൈസ്‌കൂൾ അങ്കണത്തിൽ നടക്കും. ഭരണ പരിഷ്‌കാര കമ്മീഷൻ ചെയർമാൻ വി.എസ്. അച്യുതാനന്ദൻ പദ്ധതി ഉദ്ഘാടനം ചെയ്യും.

ഇ-പോസ് മെഷീനുകളെക്കുറിച്ചും ഭക്ഷ്യഭദ്രതാ നിയമത്തെക്കുറിച്ചും കേരളത്തിന്റെ പൊതുവിതരണരംഗത്തുണ്ടായ വിപ്ലവകരമായ മാറ്റങ്ങളെക്കുറിച്ചും ജനങ്ങളിൽ അവബോധം സൃഷ്ടിക്കുന്നതിനായി ഇ-പോസ് മെഷീൻ ദിനം ആചരിച്ചു. പരിപാടിയുടെ സംസ്ഥാനതല ഉദ്ഘാടനം വി.എസ്. ശിവകുമാർ എം.എൽ.എ നിർവഹിച്ചു. പ്രസ്‌ക്ലബിനു സമീപം നടന്ന പരിപാടിയിൽ സിവിൽ സപ്ലൈസ് കമ്മിഷണർ സി.എ. ലത അധ്യക്ഷത വഹിച്ചു. റേഷനിംഗ് കൺട്രോളർ ആർ. മീന, കൗൺസിലർ എം.വി. ജയലക്ഷ്മി, അസിസ്റ്റന്റ് സെക്രട്ടറി വേണുഗോപാൽ, ജില്ലാ സപ്ലൈ ഓഫിസർ ജലജ ജി.എസ്. റാണി, നോർത്ത് സിറ്റി റേഷനിംഗ് ഓഫിസർ കെ. അജിത്കുമാർ എന്നിവർ പങ്കെടുത്തു.
(പി.ആർ.പി. 62/2019)

കുഴൽമന്ദം ഗവൺമെന്റ് ഐ.ടി.ഐയിൽ ഈ മാസം ആരംഭിക്കുന്ന ലിഫ്റ്റ് ഇറക്ടർ കോഴ്‌സിന് അപേക്ഷ ക്ഷണിച്ചു. മൂന്നു മാസമാണു കോഴ്‌സ് കാലാവധി. 18 വയസ് പൂർത്തിയായ പ്ലസ്ടു യോഗ്യതയുള്ളവർക്ക് അപേക്ഷിക്കാം. ആദ്യം അപേക്ഷിക്കുന്ന 30 പേർക്കാണു പ്രവേശനം. കൂടുതൽ വിവരങ്ങൾ 049 22273888, 9446360105 എന്നീ നമ്പറുകളിൽ ലഭിക്കും.
(പി.ആർ.പി. 61/2019)

നഗരസഭ ചുമതലപ്പെടുത്താത്ത വ്യക്തികളും സ്ഥാപനങ്ങളും നഗര പരിധിയിൽനിന്നു മാലിന്യം ശേഖരിക്കുന്നതു വിലക്കി ജില്ലാ കളക്ടർ ഉത്തരവിട്ടു. അംഗീകാരമില്ലാത്ത വ്യക്തികൾക്കോ സ്ഥാപനങ്ങൾക്കോ മാലിന്യം കൈമാറുന്നതിനും വിലക്കുണ്ട്. നഗരസഭയുടെ അനുമതിയില്ലാതെ മാലിന്യം ശേഖരിച്ച് പൊതുസ്ഥലങ്ങളും ജലസ്രോതസുകളിലും നിക്ഷേപിക്കുന്നതു ശ്രദ്ധയിൽപ്പെട്ടതിന്റെ അടിസ്ഥാനത്തിലാണു കളക്ടറുടെ ഉത്തരവ്.
(പി.ആർ.പി. 60/2019)

കുഴൽമന്ദം ഐ.ടി.ഐയിൽ ലിഫ്റ്റ് ഇറക്ടർ കോഴ്‌സ്

പയ്യനങ്ങാടി-താനാളൂര്‍ റോഡില്‍ നിര്‍മ്മാണ പ്രവൃത്തികല്‍ നടക്കുന്നതിനാല്‍ വാഹനഗതാഗതം  ജനുവരി 16 മുതല്‍ പ്രവൃത്തി തീരുന്നതുവരെ പൂര്‍ണ്ണമായി നിരോധിച്ചിരിക്കുന്നു.വാഹനങ്ങള്‍ തിരൂര്‍-വട്ടത്താണി,വൈലത്തൂര്‍-വട്ടത്താണി റോഡുകള്‍ വഴി പോകണം.

മരിയാപുരം ഗ്രാമപഞ്ചായത്തിലെ  എല്‍.എസ്.ജി.ഡി  വിഭാഗം  അസിസ്റ്റന്റ് എഞ്ചിനീയറുടെ ഔദ്യോഗികാവശ്യങ്ങള്‍ക്കായി  പി.ഡബ്ല്യൂ.ഡി നിരക്കില്‍  വാഹനം വാടകക്ക് നല്‍കുന്നതിന് ടെണ്ടര്‍ ക്ഷണിച്ചു. അപേക്ഷകള്‍ ജനുവരി 25 വരെ സ്വീകരിക്കും. വിവരങ്ങള്‍ പഞ്ചായത്ത് ഓഫീസില്‍ നിന്നും അറിയാം.