തൃശൂർ ജില്ലയിലെ ഭൂരഹിത-ഭവനരഹിത ഗുണഭോക്താക്കൾക്കായുളള മൂന്നാമത്തെ ലൈഫ് മിഷൻ ഭവനസമുച്ചയത്തിന്റെ നിർമ്മാണ ഉദ്ഘാടനം സെപ്റ്റംബർ 24ന് രാവിലെ 11.30ന് മുഖ്യമന്ത്രി പിണറായി വിജയൻ ഓൺലൈൻ വഴി നിർവഹിക്കും. കാറളം ഗ്രാമപഞ്ചായത്തിലെ വെളളാനിയിൽ തദ്ദേശസ്വയംഭരണ വകുപ്പ് മന്ത്രി എ.സി മൊയ്തീൻ തറക്കല്ലിടും. ഇരിങ്ങാലക്കുട എം.എൽ.എ പ്രൊഫ. കെ.യു. അരുണൻ അധ്യക്ഷനാകും. സംസ്ഥാനത്തെ വിവിധ ജില്ലകളിലെ 28 ഭവനസമുച്ചയങ്ങളുടെ നിർമ്മാണ ഉദ്ഘാടനവും ഓൺലൈൻ വഴി നടത്തും.

അയ്യന്തോൾ കൃഷിഭവൻ പരിധിയിലെ കുറിഞ്ഞ്യാക്കൽ പ്രദേശത്തും കാര്യാട്ടുകര പ്രദേശത്തും കൃഷി ഗ്രാമം ഒരുങ്ങുന്നു. കുറിഞ്ഞ്യാക്കൽ പ്രദേശത്ത് നൂറ് വീടുകളിലും കാര്യാട്ടുക്കരയിൽ 50 വീടുകളിലും ആണ് കൃഷി ഗ്രാമം ഒരുക്കുക. ക്ലസ്റ്റർ രീതിയിൽ രൂപപ്പെടുന്ന കൃഷി ഗ്രാമങ്ങൾ വിപണിയുമായി ബന്ധിപ്പിക്കും. ഇവിടെ ഉൽപാദിപ്പിക്കുന്ന വിഷരഹിതമായ പച്ചക്കറികൾ വീട്ടിലെ അംഗങ്ങൾക്ക് ഉപയോഗിക്കുന്നതിനും, മിച്ചം വരുന്നത് നാട്ടുചന്ത, ഇക്കോഷോപ്പുകൾ വഴി എന്നിവരുടെ വിപണനം നടത്തുവാനും സാധിക്കും. കൃഷിഗ്രാമങ്ങളിൽ കൃഷിയിൽ ഏർപ്പെടുന്ന വീട്ടമ്മമാർക്ക് സ്ഥിരവരുമാനം ഇതിലൂടെ ലഭിക്കും.

ചന്തപ്പുര- കോട്ടപ്പുറം ബൈപ്പാസിന് പുറകെ കൊടുങ്ങല്ലൂരിന്റെ നഗരഹൃദയമായ വടക്കേനടയും മനോഹരമാക്കുന്നു. വടക്കേ നടയില്‍ വില്ലേജ് ഓഫീസിന്റെ മുന്‍ഭാഗത്ത് നിന്ന് ചന്തപ്പുര ബസ് സ്റ്റാന്റ് പരിസരം വരെയുള്ള ഭാഗമാണ് സൗന്ദര്യവല്‍ക്കരണത്തിന്റെ രണ്ടാംഘട്ടത്തില്‍ മനോഹരമാകുന്നത്.  സ്വകാര്യ സ്ഥാപനത്തിന്റെ സഹകരണത്തോടെ, പഴയ ദേശീയപാതയില്‍ നിലവിലുണ്ടായിരുന്ന ഡിവൈഡറുകള്‍ പുന:സ്ഥാപിച്ച് പൂച്ചെടികളും ആധുനിക വിളക്ക് സംവിധാനങ്ങളും ഒരുക്കിയാണ്  നഗരസഭ രണ്ടാംഘട്ട സൗന്ദര്യവത്കരണത്തിന് തുടക്കം കുറിച്ചിരിക്കുന്നത്.

ടെണ്ടർ ക്ഷണിച്ചു

കെ എസ് ആർ ടി സി ഇരിങ്ങാലക്കുട - തൃപ്രയാർ - ചാലക്കുടി അൺലിമിറ്റഡ് സ്റ്റോപ്പ്‌ ഓർഡിനറി ബസ് സർവ്വീസ് കെ. യു. അരുണൻ എം. എൽ. എ ഫ്ലാഗ് ഓഫ് ചെയ്തു.  യാത്രക്കാർക്ക് എവിടെനിന്ന് വേണമെങ്കിലും കയറാനും ഇറങ്ങാനും കഴിയും എന്നതാണ് ഈ സർവീസിന്റെ പ്രത്യേകത. രാവിലെ 6.30 ന് ഇരിഞ്ഞാലക്കുടയിൽ നിന്നും  കാട്ടൂർ വഴി തൃപ്രയാറിലേക്ക് സർവീസ് ആരംഭിക്കുകയും തുടർന്ന് അവിടെനിന്നും തൃപ്രയാർ -ചാലക്കുടി റൂട്ടിൽ സർവീസ് നടത്തുകയും ചെയ്യും. തുടർന്ന് വൈകിട്ട് 7.55 ന് തൃപ്രയാറിൽ നിന്ന് പുറപ്പെട്ട് ഇരിഞ്ഞാലക്കുടയിൽ സർവീസ് അവസാനിപ്പിക്കും.

തൃശൂർ ജില്ലാ ഇൻഫർമേഷൻ ഓഫീസിൽ അസിസ്റ്റൻറ് ഇൻഫർമേഷൻ ഓഫീസർ തസ്തികയിൽ നിലവിലുള്ള ഒരു ഒഴിവിലേക്ക് എംപ്ലോയ്‌മെൻറ് എക്‌സ്‌ചേഞ്ച് മുഖേന താൽക്കാലിക നിയമനം നടത്തുന്നതുവരെ ദിവസവേതനാടിസ്ഥാനത്തിൽ നിയമനം നടത്തുന്നു. യോഗ്യത: ബിരുദവും രണ്ട് വർഷത്തെ മാധ്യമ പ്രവർത്തന പരിചയവും.

മൃഗസംരക്ഷണ വകുപ്പിലെ ലൈവ്‌സ്റ്റോക്ക് ഇൻസ്‌പെക്ടർ ഗ്രേഡ്-1 തസ്തികയിലെ 2020 ജനുവരി ഒന്ന്‌വരെയുള്ള നിലവെച്ചുള്ള അന്തിമ മുൻഗണനാ പട്ടിക www.ahdkerala.gov.in യിൽ പ്രസിദ്ധീകരിച്ചു.
പി.എൻ.എക്‌സ്. 3202/2020

കേരള വനഗവേഷണ സ്ഥാപനത്തിൽ മാർച്ച് 31 വരെ കാലാവധിയുള്ള റിസർച്ച് മോണിറ്ററിംഗ് ആൻഡ് ഇവാലുവേഷൻ യൂണിറ്റ് എന്ന പദ്ധതിയിലെ ഒരു പ്രോജക്ട് അസിസ്റ്റന്റിന്റെ താൽക്കാലിക ഒഴിവിലേക്ക് ഓൺലൈനായി അപേക്ഷിക്കാം. വിശദവിവരങ്ങൾ: www.kfri.res.in.    
പി.എൻ.എക്‌സ്. 3201/2020

സംസ്ഥാന വ്യവസായിക പരിശീലന വകുപ്പിന്റെ കീഴിലുള്ള 12 ഐ.ടി.ഐ കളിലായി 13 ട്രേഡുകളിൽ പ്രവേശനത്തിന് തൊഴിലാളി ക്ഷേമനിധി ബോർഡിലെ വരിക്കാരായ അംഗങ്ങളുടെ മക്കൾക്ക് അപേക്ഷിക്കാം. 260 സീറ്റുകളാണ് സംവരണം ചെയ്തിട്ടുള്ളത്. www.labourwelfarefund.in യിൽ ഓൺലൈനായി 28ന് വൈകിട്ട് അഞ്ച് വരെ അപേക്ഷിക്കാം. കൂടുതൽ വിവരങ്ങൾക്ക്: 0471 2570440, 9747625935.
പി.എൻ.എക്‌സ്. 3200/2020