ലൈഫ് മിഷൻ പദ്ധതിയുടെ ഭാഗമായി നിർമ്മിക്കുന്ന ഭവന സമുച്ചയങ്ങളുടെ നിർമാണോദ്ഘാടനം ഇന്ന്  (വ്യാഴം) രാവിലെ 11.30 ന് മുഖ്യമന്ത്രി പിണറായി വിജയൻ ഓൺലൈനായി നിർവ്വഹിക്കും. തദ്ദേശ സ്വയംഭരണ വകുപ്പ് മന്ത്രി എ.സി. മൊയ്തീൻ അദ്ധ്യക്ഷത വഹിക്കും.

കേരളത്തിലെ ഹൈസ്‌ക്കൂള്‍ ഹയര്‍ സെക്കണ്ടറി വിദ്യാര്‍ത്ഥികള്‍ക്കായി കേരള ഖാദി ഗ്രാമവ്യവസായ ബോര്‍ഡ് നടത്തുന്ന സംസ്ഥാനതല ക്വിസ്സ് മല്‍സരം  'പ്രജ്ഞ 2020' ഓണ്‍ലൈന്‍ ആയി നടക്കും. പ്രശസ്ത ഗ്രാന്റ് മാസ്റ്റര്‍ ഡോ.ജി.എസ്സ്. പദീപ് ആണ് ക്വിസ്സ് മല്‍സരം നയിക്കുന്നത്.ക്വിസ്സ് മല്‍സരത്തിന്റെ വിഷയം 70 ശതമാനം പൊതു വിജ്ഞാനവും 30 ശതമാനം ഗാന്ധിജിയും ഖാദിയും ഇന്ത്യന്‍ സ്വാതന്ത്ര്യസമരവും എന്നതാണ്.

ആലപ്പുഴ: ജില്ല ജനറൽ ആശുപത്രിയിലെ ജീവനക്കാരുടെ കൃത്യമായ ഇടപെടലിലൂടെ  മാരാരിക്കുളം സ്വദേശി രവീന്ദ്രൻ നായർക്ക് തിരികെ കിട്ടിയത് സ്വന്തം ജീവിതം തന്നെ.  

അത്യാസന്ന നിലയിൽ ആശുപത്രിയിൽ പ്രവേശിപ്പിച്ച ഇയാളെ സെപ്റ്റംബർ 23ന് ബന്ധുക്കൾ കണ്ടെത്തുന്നത് വരെയുള്ള പന്ത്രണ്ട് ദിവസങ്ങളിൽ ആശുപത്രി ജീവനക്കാർ തന്നെയാണ് പരിചരിച്ചതും. 

വയനാട് ജില്ലയില്‍ ഇന്ന് (23.09.20) 59 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 31 പേര്‍ രോഗമുക്തി നേടി. ഒരു ആരോഗ്യ പ്രവര്‍ത്തക ഉള്‍പ്പെടെ 56 പേര്‍ക്ക് സമ്പര്‍ക്കത്തിലൂടെയാണ് രോഗബാധ. മൂന്ന് പേര്‍ ഇതര സംസ്ഥാനത്ത് നിന്നും എത്തിയവരാണ്. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 2774 ആയി. 2091 പേര്‍ ഇതുവരെ രോഗമുക്തരായി. നിലവില്‍ 667 പേരാണ് ചികിത്സയിലുള്ളത്.

സമ്പര്‍ക്കത്തിലൂടെ രോഗബാധിതരായവര്‍-

ജില്ലാ കളക്ടറുടെ മഞ്ചേശ്വരം താലൂക്ക്തല  ഓണ്‍ലൈന്‍ പരാതി പരിഹാര അദാലത്ത്  ഒക്‌ടോബര്‍ അഞ്ചിന്   ഉച്ചയ്ക്ക് രണ്ടിന് നടത്തും. അദാലത്തിലേക്കുള്ള പരാതി ഇന്ന് (സെപ്തംബര്‍ 22) മുതല്‍   ഈ മാസം  28 രാത്രി 12 വരെ  സമര്‍പ്പിക്കാം. കുടിവെള്ളം, വൈദ്യുതി, പെന്‍ഷന്‍, തദ്ദേശ സ്വയംഭരണം-ആരോഗ്യ വകുപ്പ് എന്നിവയുമായി  ബന്ധപ്പെട്ട പരാതികള്‍ അദാലത്തില്‍ ഉന്നയിക്കാം.

ജില്ലാ എംപ്‌ളോയ്‌മെന്റ് എക്‌സ്‌ചേഞ്ചിന്റെ കീഴിലുളള  എംപ്‌ളോയബിലിറ്റി സെന്ററില്‍ സ്വകാര്യ മേഖലയിലെ ഒഴിവുകളിലേക്ക് കൂടിക്കാഴ്ച നടക്കും. സെപ്റ്റംബര്‍ 29 ന് രാവിലെ 10 നാണ് കൂടിക്കാഴ്ച. ഇ.എം.ടി നേഴ്‌സ്, ഫ്‌ലീറ്റ് കോ-ഓര്‍ഡിനേറ്റര്‍, റീജിയല്‍ മാനേജര്‍ തസ്തികകളിലേക്കാണ് കൂടിക്കാഴ്ച.

ജില്ലയില്‍ ജനവാസ കേന്ദ്രങ്ങളില്‍ നിന്നും പാമ്പിനെ പിടികൂടുന്നതിനായി പാമ്പ് പിടുത്തത്തില്‍ താല്‍പ്പര്യവും പരിചയവുമുളളവരില്‍ നിന്നും പാമ്പ് പിടിക്കുന്നതിനുളള വനം വകുപ്പിന്റെ സാക്ഷ്യ പത്രം ലഭിക്കുന്നതിന് അപേക്ഷ ക്ഷണിച്ചു. അപേക്ഷ ഒക്ടോബര്‍ 10 നകം വിദ്യാനഗര്‍ ഉദയഗിരിയിലുളള സാമൂഹ്യ വനവല്‍ക്കരണ വിഭാഗം അസിസ്റ്റന്റ് ഫോറസ്റ്റ് കണ്‍സര്‍വേറ്ററുടെ ഓഫീസില്‍ നേരിട്ടോ തപാല്‍ മാര്‍ഗ്ഗമോ ലഭിക്കണം. കൂടുതല്‍ വിവരങ്ങള്‍ക്ക് 04994-256910, 8547603836, 8547603838  

ആലപ്പുഴ: വനിത ശിശു വികസന വകുപ്പിന്റെ കീഴിൽ കഞ്ഞിക്കുഴി ഐ.സി.ഡി.എസ്  ഓഫീസിന്റെ ഉപയോഗത്തിലേക്ക് 2020-21 സാമ്പത്തിക വർഷത്തിൽ കാർ /ജീപ്പ് വാടകയ്ക്ക് നൽകുന്നതിന് താൽപര്യമുള്ള വ്യക്തികൾ/സ്ഥാപനങ്ങൾ എന്നിവരിൽ നിന്ന് മുദ്രവെച്ച ടെണ്ടർ ക്ഷണിച്ചു. ഏഴു വർഷത്തിൽ കൂടുതൽ പഴക്കമുണ്ടാകരുത്. ടാക്‌സി പെർമിറ്റ് നിലവിലുണ്ടായിരിക്കണം. ഒക്ടോബർ അഞ്ചിന് ഉച്ചകഴിഞ്ഞ് 2.30 വരെ ടെൻഡർ സ്വീകരിക്കും. അന്നേ ദിവസം വൈകിട്ട് മൂന്നിന് തുറക്കും. കൂടുതൽ വിവരത്തിന് ഫോൺ 0478 2869677.