തലയോലപ്പറമ്പ്, വൈക്കം ആശുപത്രികളില്‍
പുതിയ കെട്ടിടങ്ങൾ ഉദ്ഘാടനം ചെയ്തു

സംസ്ഥാന സര്‍ക്കാരിന്റെ ആര്‍ദ്രം മിഷന്‍  ആരോഗ്യ മേഖലയില്‍ സ്വപ്‌ന തുല്യമായ മാറ്റങ്ങള്‍ക്ക് വഴിയൊരുക്കിയെന്ന് ആരോഗ്യ മന്ത്രി കെ.കെ. ശൈലജ ടീച്ചര്‍ പറഞ്ഞു. തലയോലപ്പറമ്പ് സാമൂഹികാരോഗ്യ കേന്ദ്രത്തിന്റെ പുതിയ മന്ദിരത്തിന്റെയും വൈക്കം താലൂക്ക് ഹെഡ് ക്വാര്‍ട്ടേഴ്‌സ് ആശുപത്രിയുടെ അഡ്മിനിസ്‌ട്രേറ്റീവ് ബ്ലോക്കിന്റെയും  ഉദ്ഘാടനം വീഡിയോ കോണ്‍ഫറന്‍സിലൂടെ നിര്‍വഹിക്കുകയായിരുന്നു മന്ത്രി.

==============

ചിറക്കടവ്  - 11, മുളക്കുളം - 8 എന്നീ ഗ്രാമപഞ്ചായത്ത്  വാർഡുകളെ കണ്ടെയ്ന്‍മെന്റ്
സോണുകളായി പ്രഖ്യാപിച്ച് കോട്ടയം ജില്ലാ കളക്ടര്‍ ഉത്തരവായി.

തിടനാട് - 9, ആർപ്പൂക്കര - 13 എന്നീ വാർഡുകൾ  പട്ടികയില്‍നിന്ന് ഒഴിവാക്കി.

നിലവില്‍ 21 തദ്ദേശഭരണ സ്ഥാപന മേഖലകളില്‍ 32 കണ്ടെയ്ന്‍മെന്റ് സോണുകളാണുള്ളത്.

പട്ടിക ചുവടെ(തദ്ദേശ സ്ഥാപനം, വാര്‍ഡ് എന്ന് ക്രമത്തില്‍)

മുനിസിപ്പാലിറ്റികള്‍
=========

1.കോട്ടയം  -20, 32, 42, 47, 48,39

ഗ്രാമപഞ്ചായത്തുകള്‍
=======

2. മീനടം-11

3. എരുമേലി-  7, 22

ജില്ലാ വികസന സമിതി യോഗം സെപ്തംബർ 26ന് രാവിലെ 11ന് വീഡിയോ കോൺഫറന്‍സില്‍ നടക്കുമെന്ന് ജില്ലാ പ്ലാനിംഗ് ഓഫീസർ അറിയിച്ചു. ജില്ലാ കളക്ടർ എം. അഞ്ജന അധ്യക്ഷത വഹിക്കും.

വാഴൂർ സമഗ്ര ശിശു വികസന പദ്ധതിയുടെ ആവശ്യത്തിന് കാർ വാടകയ്ക്ക് നൽകുന്നതിന്  ടെണ്ടർ ക്ഷണിച്ചു. സെപ്തംബർ 29ന് ഉച്ചകഴിഞ്ഞ് രണ്ടിനകം നൽകണം. ഫോൺ: 0481 24 58 400

ഹാർബർ എൻജിനീയറിംഗ് വകുപ്പിൽ ഓവർസിയർ ഗ്രേഡ് I /ഡ്രാഫ്റ്റ്സ് മാൻ ഗ്രേഡ് I (സിവിൽ ), പട്ടികജാതി-പട്ടിക വർഗ വികസന കോർപ്പറേഷനിൽ ട്രേയ്സര്‍, പട്ടിക ജാതി വികസന വകുപ്പിൽ ട്രെയിനിംഗ് ഇൻസ്ട്രക്ടർ ( ഡ്രാഫ്റ്റ്സ് മാൻ സിവിൽ) തുടങ്ങിയ ഒൻപത്   പരീക്ഷകൾക്ക്  സെപ്റ്റംബർ 24 ന്   തൃക്കോതമംഗലം സർക്കാർ വി.എച്ച്.എസ്.എസിൽ  പ്രവേശനം അനുവദിച്ചിരുന്ന   117023 മുതൽ   117222 വരെ  രജിസ്റ്റർ നമ്പരിൽപ്പെട്ടവരുടെ  പരീക്ഷാ കേന്ദ്രം നാട്ടകം ഗവൺമെൻ്റ് കോളേജിലേക്ക് മാറ്റിയതായി പി.എസ്.സി ജില്ലാ ഓഫീസർ അറിയിച്ചു.

കേരള സര്‍വ്വകലാശാലയില്‍ അഫിലിയേറ്റ് ചെയ്ത അപ്ലൈ‍‍ഡ് സയന്‍സ് കോളേജുകളില്‍ ബിരുദ ബിരുദാനന്തര   പ്രവേശനത്തിന് അപേക്ഷ ക്ഷണിച്ചു.  അടൂര്‍, ധനുവച്ചപുരം, കുണ്ടറ, മാവേലിക്കര, എന്നിവിടങ്ങളിലെ കോളേജുകളില്‍ ഓണ്‍ലൈനിലാണ് പ്രവേശനം കൂടുതല്‍ വിവരങ്ങള്‍ www.ihrd.ac.in എന്ന വെബ് സൈറ്റില്‍ ലഭ്യമാണ് ഫോണ്‍ : 0471 2322985, 2322501

കോന്നിയിലെ  കോളേജ് ഓഫ് ഇൻഡിജിനസ് ഫുഡ് ടെക്നോളജിയിൽ എം.എസ്.സി ഫുഡ് ടെക്നോളജി ആന്‍റ് ക്വാളിറ്റി അഷ്വറൻസ് കോഴ്സ് പ്രവേശനത്തിന് അപേക്ഷ ക്ഷണിച്ചു.  അപേക്ഷാ ഫോറവും വിശദ വിവരങ്ങളും www.supplycokerala.com എന്ന വെബ് സൈറ്റിൽ ലഭിക്കും

കോട്ടയം ജില്ലാ ആയുർവേദ ആശുപത്രിയിൽ ജില്ലാ പഞ്ചായത്തിൻ്റെ പദ്ധതിയിൽ നിർമ്മിച്ച  ലിഫ്റ്റിൻ്റെ ഉദ്ഘാടനം ജില്ലാ പഞ്ചായത്ത് പ്രസിഡന്‍റ് അഡ്വ.സെബാസ്റ്റ്യൻ കുളത്തുങ്കൽ നിർവഹിച്ചു.

 ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ സഖറിയാസ് കുതിരവേലിൽ അധ്യക്ഷത വഹിച്ചു. വൈസ് പ്രസിഡന്‍റ് ഡോ. ശോഭ സലിമോൻ മുഖ്യപ്രഭാഷണം നടത്തി. സ്റ്റാൻഡിംഗ് കമ്മിറ്റി അധ്യക്ഷൻമാർ, ജില്ലാ പഞ്ചായത്തംഗങ്ങൾ, ചീഫ് മെഡിക്കൽ ഓഫീസർ ഡോ.ആർ അജിത്, ആശുപത്രി വികസന സമിതി അംഗങ്ങൾ, ഉദ്യോഗസ്ഥർ  തുsങ്ങിയവർ പങ്കെടുത്തു.

ആലപ്പുഴ :സംസ്ഥാന സർക്കാരിന്റെ നവകേരള മിഷനിൽ ഒന്നായ സമ്പൂർണ്ണ പാർപ്പിട സുരക്ഷാപദ്ധതിയായ ലൈഫ് മിഷന്റെ മൂന്നാം ഘട്ടത്തിലെ ഭൂരഹിത ഭവനരഹിത ഗുണഭോക്താക്കൾക്കുള്ള 101 ഭവന സമുച്ചയങ്ങളിൽ 29 ഭവനസമുച്ചയങ്ങളുടെ നിർമ്മാണ പ്രവർത്തനങ്ങളുടെ ഉദ്ഘാടനം മുഖ്യമന്ത്രി പിണറായി വിജയൻ 2020 സെപ്റ്റംബർ 24 ന് രാവിലെ 11.30 ന് ഓൺലൈനായി നിർവഹിക്കും. ഇതിൽ രണ്ട് പാർപ്പിട സമുച്ചയങ്ങൾ ആലപ്പുഴ ജില്ലയിലാണ്. 

കൈനകരി  ഗ്രാമപഞ്ചായത്ത് വാർഡ് 8, വീയപുരം ഗ്രാമപഞ്ചായത്ത് വാർഡ് 11,  നൂറനാട് ഗ്രാമപഞ്ചായത്ത് വാർഡ് 7, 8,  13,  14 ചെന്നിത്തല ഗ്രാമപഞ്ചായത്ത് വാർഡ് 9,  തിരുവൻവണ്ടൂർ ഗ്രാമപഞ്ചായത്ത് വാർഡ് 3, 8, ആലപ്പുഴ നഗരസഭ വാർഡ് 33,  ബുധനൂർ ഗ്രാമപഞ്ചായത്ത് വാർഡ് 6.
 തുടങ്ങിയ പ്രദേശങ്ങൾ  കണ്ടെയ്ൻമെന്റ്  സോണിൽ നിന്നും ഒഴിവാക്കി.