*ചട്ടമ്പിസ്വാമിക്കും തലസ്ഥാന നഗരിയിൽ സ്മാരകം ഒരുക്കും
ശ്രീനാരായണ ഗുരുവിന്റെ സന്ദേശങ്ങൾക്ക് സാർവദേശീയ പ്രസക്തിയുണ്ടെന്ന് മുഖ്യമന്ത്രി പിണറായി വിജയൻ പറഞ്ഞു. നമുക്ക് ജാതിയില്ല വിളംബര ശതാബ്ദി സ്മാരകമായി തിരുവനന്തപുരത്ത് സ്ഥാപിച്ച ശ്രീനാരായണ ഗുരുവിന്റെ പ്രതിമ അനാച്ഛാദനം ചെയ്ത് സംസാരിക്കുകയായിരുന്നു അദ്ദേഹം.

കാർഷിക മേഖലയിലെ പരിഷ്‌കരണവുമായി ബന്ധപ്പെട്ട് കേന്ദ്രസർക്കാർ കൊണ്ടുവന്ന മൂന്ന് ബില്ലുകൾ ജനദ്രോഹവും കാർഷിക മേഖലയെ ബഹുരാഷ്ട്ര കുത്തകകൾക്ക് അടിയറവയ്ക്കുന്നതാണെന്നും കൃഷിമന്ത്രി വി.എസ്.സുനിൽകുമാർ. പ്രാഥമിക ഉല്പാദന വിപണന മേഖലകളിൽ ലോകത്തിലെ ഏത് കമ്പനികൾക്കും കടന്നുവരാനുതകുന്നതാണ് നിയമഭേദഗതിയെന്നും മന്ത്രി വാർത്താസമ്മേളനത്തിൽ വ്യക്തമാക്കി.

തിരുവമ്പാടി ഗ്രാമപഞ്ചായത്തിലെ 11-ാം വാര്‍ഡ് തൊണ്ടിമ്മലില്‍ പഞ്ചായത്ത് സാക്ഷരത തുടര്‍വിദ്യാകേന്ദ്രം പഞ്ചായത്ത് പ്രസിഡന്റ് പി.ടി.അഗസ്റ്റിന്‍ ഉദ്ഘാടനം ചെയ്തു. നിരവധി ആളുകള്‍ക്ക് തുടര്‍ സാക്ഷരതപദ്ധതിയിലൂടെ വിദ്യാഭ്യാസം നല്‍കിക്കൊണ്ടിരിക്കുന്ന പ്രവര്‍ത്തനങ്ങള്‍ സുഗമമാക്കുന്നതിന് സ്വന്തമായി ഒരു ഓഫീസെന്ന സ്വപ്നമാണ് ഇതോടുകൂടി പൂര്‍ത്തിയാകുന്നത്. വാര്‍ഡ് മെമ്പര്‍ കെ.ആര്‍.ഗോപാലന്‍ അധ്യക്ഷത വഹിച്ചു. യോഗത്തില്‍ വാര്‍ഡ് വികസന സമിതി കണ്‍വീനര്‍ ജയപ്രസാദ്, സാക്ഷരത പ്രേരക് സജന, ഗിരീഷ്, ഗോപിനാഥന്‍, രഘുപ്രസാദ്, ഗോപി എന്നിവര്‍ സംസാരിച്ചു.

തിരുവമ്പാടി ഗ്രാമപഞ്ചായത്തിന്റെ തൊഴിലുറപ്പ് പദ്ധതിയില്‍ ഉള്‍പ്പെടുത്തി നിര്‍മ്മിച്ച തൊണ്ടിമ്മല്‍ കോളനിയിലേക്കുള്ള നടപ്പാത പഞ്ചായത്ത് പ്രസിഡന്റ് പി.ടി.അഗസ്റ്റിന്‍ ഉദ്ഘാടനം ചെയ്തു.  തൊഴിലുറപ്പ് പദ്ധതിയില്‍ ഉള്‍പ്പെടുത്തി 3.5 ലക്ഷം രൂപ ചിലവഴിച്ച് നിര്‍മ്മിച്ച ഈ നടപ്പാത കോളനിയിലുള്ള 50 ഓളം കുടുംബങ്ങള്‍ക്ക് ഉപകാരപ്രദമാകും. വാര്‍ഡ് മെമ്പര്‍ കെ.ആര്‍.ഗോപാലന്‍ അധ്യക്ഷത വഹിച്ചു.  വാര്‍ഡ് വികസന സമിതി കണ്‍വീനര്‍ ജയപ്രസാദ്, സദാനന്ദന്‍, കെ. ഉഷ എന്നിവര്‍ പങ്കെടുത്തു.

അരിക്കുളം ഗ്രാമപഞ്ചായത്തിൽ നിർമ്മിച്ച മീറ്റിംഗ് ഹാൾ, ശുചിത്വ പ്രഖ്യാപനം, റോഡ് പ്രവൃത്തി പഞ്ചായത്ത് തല ഉദ്ഘാടനം എന്നിവ തൊഴിൽ എക്സൈസ് വകുപ്പ് മന്ത്രി ടി.പി രാമകൃഷ്ണൻ നിർവഹിച്ചു. ഗ്രാമപഞ്ചായത്ത് പ്രസിഡന്റ് സി.രാധ അധ്യക്ഷത വഹിച്ചു.

സംസ്ഥാന സർക്കാർ ശുചിത്വ മേഖലയിലെ പ്രവർത്തന മികവിന് തദ്ദേശ സ്വയംഭരണ സ്ഥാപനങ്ങൾക്ക് നൽകുന്ന ശുചിത്വ പദവിക്ക് അരിക്കുളം പഞ്ചായത്ത്‌ അർഹത നേടി.
പഞ്ചായത്ത്‌ കോൺഫറൻസ് ഹാളിൽ നടന്ന ചടങ്ങിൽ തൊഴിൽ എക്‌സൈസ് വകുപ്പ് മന്ത്രി ടി.പി രാമകൃഷ്ണൻ ശുചിത്വ പ്രഖ്യാപനം നടത്തി. 100ൽ 83 മാർക്ക് ലഭിച്ചാണ് പഞ്ചായത്ത് സർക്കാരിൻ്റെ ശുചിത്വ പദവിക്ക് അർഹത നേടിയത്. 

അംബേദ്കര്‍ ഗ്രാമ പദ്ധതിയിൽ ജില്ലയില്‍ പൂര്‍ത്തിയായത് മുക്കം തടപ്പറമ്പ് കോളനി

നൊച്ചാട് പഞ്ചായത്തിലെ വിവിധ പദ്ധതികൾ തൊഴിൽ വകുപ്പ്  മന്ത്രി ടി.പി. രാമകൃഷ്ണൻ ഉദ്ഘാടനം ചെയ്തു. നവീകരിച്ച മുയ്യറ്റമല കുടിവെള്ള പദ്ധതി അദ്ദേഹം നാടിന് സമർപ്പിച്ചു.    പതിനൊന്നാം വാർഡിലെ വെള്ളിയൂരിൽ ബെവ്‌കോ സിഎസ്ആർ ഫണ്ടിൽ നിന്നും 26.4 ലക്ഷം രൂപ ചിലവിലാണ് പദ്ധതി പൂർത്തിയാക്കിയത്. 

ജില്ലയില്‍ ജാഗ്രതാ മുന്നറിയിപ്പ്

ശക്തമായ മഴക്ക് സാധ്യതയുള്ളതിനാൽ കോഴിക്കോട് ജില്ലയില്‍ സെപ്റ്റംബര്‍ 21 വരെ  കേന്ദ്ര കാലാവസ്ഥവകുപ്പ് ഓറഞ്ച് അലേര്‍ട്ട് പ്രഖ്യാപിച്ചു.  ഒറ്റപ്പെട്ടയിടങ്ങളില്‍ 24 മണിക്കൂറില്‍ 115.6 മില്ലീ മീറ്റര്‍ മുതൽ 204.4 മില്ലീ മീറ്റര്‍വരെ  ശക്തമായ മഴ ഉണ്ടാവാൻ സാധ്യതയുണ്ട്.  22ന് യെല്ലോ അലേർട്ടാണ്. 

സംസ്ഥാനത്തെ 250 സാമൂഹ്യ പഠനമുറികളിൽ ആറെണ്ണം ജില്ലയിൽനിന്നും

പട്ടികജാതി പട്ടികവർഗ്ഗ വിദ്യാർത്ഥികളുടെ പഠന നിലവാരം ഉയർത്തുന്നതിന് ആവിഷ്കരിച്ച 'വീടിനോടനുബന്ധിച്ച പഠനമുറിയും സാമൂഹ്യ പഠനമുറിയും' പദ്ധതിയിൽ പൂർത്തിയായവയുടെ ഉദ്ഘാടനം വീഡിയോ കോൺഫറൻസ് വഴി മുഖ്യമന്ത്രി പിണറായി വിജയൻ നിർവ്വഹിച്ചു.