രോഗമുക്തി 348

സംസ്ഥാന സര്‍ക്കാര്‍ പൊതുമേഖല   സ്ഥാപനമായ    കെല്‍ട്രോണിന്റെ  കോഴിക്കോട് നോളജ്  സെന്ററില്‍  തൊഴിലധിഷ്ഠിത ഓണ്‍ലൈന്‍  ഐ.ടി. ഇന്റേണ്‍ഷിപ്പ് ട്രെയിനിങ് ഇന്‍ ലാംപ് ടെക്നോളജി പ്രോഗ്രാമിലേക്ക് അപേക്ഷ ക്ഷണിച്ചു .  യോഗ്യത :ഡിഗ്രി ഒന്നാം വര്‍ഷം മുതല്‍.  ദൈര്‍ഘ്യം : നാലു മാസം. വിലാസം : കെല്‍ട്രോണ്‍ നോളജ് സെന്റര്‍, റെയില്‍വേ ലിങ്ക് റോഡ്,കോഴിക്കോട്. ഫോണ്‍ : 8281963090.

കോഴിക്കോട് ജില്ലയില്‍ ദേശീയപാത  കൈനാട്ടി മുതല്‍ നന്തി വരെയും ദേശീയപാത 66 ബൈപ്പാസില്‍ വെങ്ങളം മുതല്‍ രാമനാട്ടുകര വരെയും ആറുവരി പാതയായി വികസിപ്പിക്കുന്ന പ്രവൃത്തി നടപ്പിലാക്കുന്നതിനായി നാഷണല്‍ ഹൈവേ അതോറിറ്റി ഓഫ് ഇന്ത്യയ്ക്ക് കൈമാറിയതിനാല്‍ പ്രസ്തുത ഹൈവെയെ സംബന്ധിച്ച ആവശ്യങ്ങള്‍ക്കായി നാഷണല്‍ ഹൈവെ അതോറിറ്റി പ്രോജക്ട് ഡയറക്ടറുടെ ഓഫീസ്, സിവില്‍ സ്റ്റേഷനു സമീപം, കോഴിക്കോടുമായി ബന്ധപ്പടേണ്ടതാണെന്ന് നാഷണല്‍ ഹൈവേ വിഭാഗം എക്സിക്യട്ടീവ് എഞ്ചിനീയര്‍ അറിയിച്ചു. ഫോണ്‍ : 0495 2727765.

സംസ്ഥാന സര്‍ക്കാര്‍ സ്ഥാപനമായ ഇന്‍സ്റ്റിറ്റ്യൂട്ട് ഓഫ് ഹ്യൂമന്‍ റിസോഴ്സസ് ഡെവലപ്മെന്റിന്റെ (ഐ.എച്ച്.ആര്‍.ഡി) കീഴില്‍ കേരള സര്‍വ്വകലാശാലയില്‍ അഫിലിയേറ്റ് ചെയ്തിട്ടുള്ള അപ്ലൈഡ് സയന്‍സ് കോളേജുകളില്‍ 2020-21 അദ്ധ്യയന വര്‍ഷത്തില്‍ ബിരുദാനന്തര ബിരുദ കോഴ്സുകളില്‍ കോളേജുകള്‍ക്ക് അനുവദിച്ച 50% സീറ്റുകളില്‍ ഓണ്‍ലൈന്‍/ഓഫ് ലൈന്‍ വഴി പ്രവേശനത്തിനായി അര്‍ഹരായവരില്‍ നിന്നും അപേക്ഷ ക്ഷണിച്ചു. അപേക്ഷ http://ihrd.kerala.gov.in/cascap എന്ന വെബ്സൈറ്റ് വഴി ഇന്ന് (സെപ്തംബര്‍ 19) രാവിലെ 10 മണി മുതല്‍ ഓണ്‍ലൈനായി സമര്‍പ്പിക്കാം.

വനിത ശിശുവികസന വകുപ്പ് ബാലുശ്ശേരി അഡീഷണല്‍ ഐസിഡിഎസ് ഓഫീസിന്റെ ഉപയോഗത്തിനായി 2021 മാര്‍ച്ച് 31 വരെ വാടകയ്ക്ക് വാഹനം നല്‍കുന്നതിന് താല്‍പര്യമുളള വ്യക്തികളില്‍നിന്നും സ്ഥാനപത്തില്‍നിന്നും  ടെണ്ടര്‍ ക്ഷണിച്ചു. അവസാന തീയതി സെപ്തംബര്‍ 28ന് രണ്ട് മണി വരെ. ഫോണ്‍ : 0496 2705228.
 

കോഴിക്കോട് വെസ്റ്റഹില്‍ എക്സിബിഷന്‍ റോഡിലെ എന്‍.സി.സി കോംപ്ലക്സിലുള്ള മാവ് മുറിച്ചുമാറ്റുന്നതിനുള്ള ലേലം 25ന് നടക്കും. പങ്കെടുക്കാനാഗ്രഹിക്കുന്നവര്‍ പകല്‍ 2.30ന് എന്‍.സി.സി കോംപ്ലക്സില്‍ നടക്കുന്ന ലേലത്തില്‍ നേരിട്ട് പങ്കെടുക്കണമെന്ന് ഗ്രൂപ്പ് കമാന്‍ഡര്‍ അറിയിച്ചു.

   
                കോഴിക്കോട് സിവില്‍ സ്റ്റേഷനിലെ  എംപ്ലോയബിലിറ്റി സെന്റര്‍ മുഖേന ജില്ലയിലെ സ്വകാര്യ സ്ഥാപനത്തിലേക്ക് പി.എച്ച്.പി. പ്രോഗ്രാമര്‍ / വെബ് ഡെവലപ്പര്‍  ഒഴിവിലേക്ക് സെപ്തംബര്‍ 22 ന് കോഴിക്കോട് എംപ്ലോയബിലിറ്റി സെന്ററില്‍  കൂടിക്കാഴ്ച  നടത്തും.   യോഗ്യത: ഡിഗ്രിയും  പി.എച്ച്.പി. പ്രോഗ്രാമിംഗില്‍ രണ്ട് വര്‍ഷത്തെ തൊഴില്‍ പരിചയവും.  കൂടുതല്‍ വിവരങ്ങള്‍ക്ക് : 0495 2370176/178.