നൊച്ചാട് പഞ്ചായത്തിലെ വിവിധ പദ്ധതികൾ തൊഴിൽ വകുപ്പ്  മന്ത്രി ടി.പി. രാമകൃഷ്ണൻ ഉദ്ഘാടനം ചെയ്തു. നവീകരിച്ച മുയ്യറ്റമല കുടിവെള്ള പദ്ധതി അദ്ദേഹം നാടിന് സമർപ്പിച്ചു.    പതിനൊന്നാം വാർഡിലെ വെള്ളിയൂരിൽ ബെവ്‌കോ സിഎസ്ആർ ഫണ്ടിൽ നിന്നും 26.4 ലക്ഷം രൂപ ചിലവിലാണ് പദ്ധതി പൂർത്തിയാക്കിയത്. 

 737   പേര്‍ കൂടി നിരീക്ഷണത്തില്‍

ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സി കള്‍ എന്നിവിടങ്ങളില്‍ ചികിത്സയിലായിരുന്ന 344 പേര്‍  കൂടി രോഗമുക്തിനേടി.

ഇന്ന് പുതുതായി വന്ന  737  പേരുള്‍പ്പെടെ  ജില്ലയില്‍ 21,113   പേര്‍ നിരീക്ഷണത്തില്‍ ഉണ്ട്.   ജില്ലയില്‍ ഇതുവരെ   97,512    പേര്‍ നിരീക്ഷണം പൂര്‍ത്തിയാക്കി.

ഇന്ന് പുതുതായി വന്ന  348    പേരുള്‍പ്പെടെ  3,048 പേരാണ് ആശുപത്രികളില്‍ നിരീക്ഷണത്തിലുള്ളത്.   310  പേര്‍ ഇന്ന് ഡിസ്ചാര്‍ജ്ജ് ആയി .

രോഗമുക്തി 344

ജില്ലയില്‍ ഇന്ന് 412 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു. വിദേശത്ത് നിന്ന് എത്തിയ 3 പേർക്കും  ഇതര സംസ്ഥാനങ്ങളില്‍ നിന്ന് എത്തിയവരില്‍ 19 പേര്‍ക്കുമാണ് പോസിറ്റീവായത്. 44 പേരുടെ ഉറവിടം വ്യക്തമല്ല. സമ്പര്‍ക്കം വഴി 346 പേര്‍ക്കാണ് രോഗം ബാധിച്ചത്. ചികിത്സയിലുള്ള കോഴിക്കോട് സ്വദേശികളുടെ എണ്ണം 3573 ആയി. ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സി കള്‍ എന്നിവിടങ്ങളില്‍ ചികിത്സയിലായിരുന്ന 344 പേര്‍ കൂടി രോഗമുക്തിനേടി ആശുപത്രി വിട്ടു.

ബീച്ചിൽ 'അയാം സേവിങ് മൈ ബീച്ച്' പതാക ഉയർത്തും 

ടൂറിസത്തിന്റെ ഭാഗമായി പ്രവർത്തിക്കുന്ന അന്താരാഷ്ട്ര സംഘടന നൽകുന്ന ബ്ലൂ ഫ്ലാഗ് സർട്ടിഫിക്കറ്റിന് കാപ്പാട് കടൽത്തീരം ഒരുങ്ങി.    അന്താരാഷ്ട്ര തീരദേശ ശുചീകരണ ദിനത്തോടനുബന്ധിച്ച്  സർട്ടിഫിക്കേഷനുവേണ്ടി ഒരുക്കങ്ങൾ പൂർത്തിയാക്കിയ രാജ്യത്തെ മറ്റ് 7 തീരങ്ങളിലായി കൂടി നടന്ന 'അയാം സേവിങ് മൈ ബീച്ച്' എന്ന് ആലേഖനം ചെയ്ത പതാകയുയർത്തൽ ചടങ്ങ് ആനിമേഷൻ  ചിത്രീകരണം വഴി കേന്ദ്ര പരിസ്ഥിതി-വനം വകുപ്പ് സെക്രട്ടറി ആർ.പി ഗുപ്ത ഉദ്ഘാടനം ചെയ്തു.  

കാക്കൂര്‍ ഗ്രാമപഞ്ചായത്തിലെ പി.സി. പാലം പ്രാഥമിക ആരോഗ്യ കേന്ദ്രത്തിനു കീഴില്‍ ആംബുലന്‍സ് ഡ്രൈവറായി ദിവസവേതന അടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു.  പരിചയ സമ്പന്നരായ നിശ്ചിത യോഗ്യതയുളളവര്‍ സെപ്തംബര്‍ 22 നകം ബന്ധപ്പെട്ട രേഖകള്‍ സഹിതം അപേക്ഷിക്കണമെന്ന് സെക്രട്ടറി അറിയിച്ചു. കൂടുതല്‍ വിവരങ്ങള്‍ക്ക് 0495 2260232, 9496048199.

1,068  പേര്‍ കൂടി നിരീക്ഷണത്തില്‍