ഏനാദിമംഗലം ഗ്രാമപഞ്ചായത്തിലെ വാര്‍ഡ് ഒന്‍പത് (കാട്ടുകാല, മുളയങ്കോട് ഭാഗം), കല്ലൂപ്പാറ ഗ്രാമപഞ്ചായത്തിലെ വാര്‍ഡ് ഒന്‍പത്, 10, 11, 12, കടപ്ര ഗ്രാമപഞ്ചായത്തിലെ വാര്‍ഡ് അഞ്ച്, ഒന്‍പത്, ആനിക്കാട് ഗ്രാമപഞ്ചായത്തിലെ വാര്‍ഡ് ഒന്‍പത്, ഏഴംകുളം ഗ്രാമപഞ്ചായത്തിലെ വാര്‍ഡ് രണ്ട് (വെള്ളപ്പാറ മുരുപ്പ് ഭാഗം), എഴുമറ്റൂര്‍ ഗ്രാമപഞ്ചായത്തിലെ വാര്‍ഡ് 12 (തൊട്ടിമല, പുറമല ഭാഗങ്ങള്‍) എന്നീ സ്ഥലങ്ങളില്‍ സെപ്റ്റംബര്‍ 21 മുതല്‍ ഏഴു ദിവസത്തേക്ക് കണ്ടെയ്ന്‍മെന്റ് സോണ്‍ നിയന്ത്രണം ഏര്‍പ്പെടുത്തി.

പത്തനംതിട്ട ജില്ലയിലെ സന്നദ്ധസേനയില്‍ രജിസ്റ്റര്‍ ചെയ്ത് വിജയകരമായി ട്രെയിനിംഗ് പൂര്‍ത്തിയാക്കിയ 325 വിദ്യാര്‍ഥികള്‍ക്ക് ജില്ലാ ഭരണകൂടത്തിന്റെ നേതൃത്വത്തില്‍ സര്‍ട്ടിഫിക്കറ്റ് വിതരണം ചെയ്യുന്നു. സര്‍ട്ടിഫിക്കറ്റുകളുടെ വിതരണ ഉദ്ഘാടനം ഇന്ന് (22) രാവിലെ കളക്ടറേറ്റില്‍ നടക്കും.
ആദ്യഘട്ടത്തില്‍ ട്രെയിനിംഗ് പൂര്‍ത്തിയാക്കിയ 325 വിദ്യാര്‍ഥികള്‍ക്കാണ്  സര്‍ട്ടിഫിക്കറ്റുകള്‍ നല്‍കുന്നത്. അറിയിപ്പ് ലഭിച്ച വിദ്യാര്‍ഥികള്‍ക്ക് അതതു താലൂക്കുകളില്‍ നിന്നും ഇന്ന്(22) ഉച്ചക്കുശേഷം സര്‍ട്ടിഫിക്കറ്റുകള്‍ കൈപ്പറ്റാം. കോവിഡ് മാനദണ്ഡങ്ങള്‍ പാലിച്ചാകും സര്‍ട്ടിഫിക്കറ്റുകള്‍ വിതരണം ചെയ്യുക.

കാലാവസ്ഥാ നിരീക്ഷണ കേന്ദ്രവും സംസ്ഥാന ദുരന്തനിവാരണ അതോറിറ്റിയും ജില്ലയില്‍ ഇന്ന് (21) മഞ്ഞ അലര്‍ട്ട് പ്രഖ്യാപിച്ചിട്ടുണ്ട്. അതിശക്തമായ മഴ ജില്ലയില്‍ ഉണ്ടാകാന്‍ സാധ്യതയുണ്ട്. ജില്ലയുടെ കിഴക്കന്‍ മേഖലകളിലും അണക്കെട്ടുകളുടെ വൃഷ്ടി പ്രദേശങ്ങളിലും അതിശക്തമായ മഴ പെയ്തു വരുന്നതിനാലും, കാരിക്കയം അണക്കെട്ടിന്റെ സംഭരണശേഷി 45 മീറ്ററായി നിലനിര്‍ത്തുന്നതിന് വേണ്ടിയും മണിയാര്‍ ബാരേജിലെ ജലനിരപ്പ് 34.62 മീറ്ററായി ക്രമീകരിക്കുന്നതിനായി ഇന്ന് (21) വൈകിട്ട് മൂന്നു മുതല്‍ മണിയാര്‍ ബാരേജിലെ അഞ്ചു ഷട്ടറുകള്‍ 150 സെന്റിമീറ്റര്‍ വീതം ഉയര്‍ത്തുന്നതാണ്.

കല്ലപ്പള്ളി വട്ടോളി കമ്മാടി റോഡില്‍ പന്നിപ്പാറ തോടിനു കുറുകെ നിര്‍മ്മിക്കുന്ന പാലത്തിന്റെ പ്രവൃത്തി ഉദ്ഘാടനം  റവന്യു വകുപ്പ് മന്ത്രി ഇ ചന്ദ്രശേഖരന്‍ നിര്‍വഹിച്ചു. എംഎല്‍എയുടെ ആസ്തിവികസന ഫണ്ടില്‍നിന്ന് 80 ലക്ഷം രൂപയാണ് പാലം നിര്‍മാണത്തിന് നീക്കിവച്ചിരിക്കുന്നത്. പാലം നിര്‍മ്മാണം പൂര്‍ത്തിയാകുന്നതോടെ സംസ്ഥാന അതിര്‍ത്തിയായ കല്ലപ്പള്ളിയിലെയും കമ്മാടിയിലെയും ജനങ്ങളുടെ ദീര്‍ഘകാല യാത്ര ദുരിതങ്ങള്‍ക്കാണ് പരിഹാരമാകുന്നത്. അതിര്‍ത്തി പ്രദേശവും  ഭാഷാ ന്യൂനപക്ഷവുമായ ഈ പ്രദേശത്തിന്റെ സമഗ്രവികസനം  ലക്ഷ്യമാക്കിയുള്ള പ്രവര്‍ത്തനങ്ങളാണ് പഞ്ചായത്തിന്റെ  നേതൃത്വത്തില്‍ നടന്നു വരുന്നത്.

ഭൂരഹിതരായ ഭവനരഹിതര്‍ക്ക് പാര്‍പ്പിടമൊരുക്കുന്ന ലൈഫ് മിഷന്‍ പദ്ധതിയുടെ മൂന്നാംഘട്ടത്തിന്റെ ഭാഗമായി ജില്ലയിലെ പൈലറ്റ് പ്രൊജക്ടിന്റെ നിര്‍മാണോദ്ഘാടനം മുഖ്യമന്ത്രി പിണറായി വിജയന്‍ ഈ മാസം 24ന് വീഡിയോ കോണ്‍ഫറന്‍സിലൂടെ നിര്‍വഹിക്കും. ചെമ്മനാട് ഗ്രാമപഞ്ചായത്തിലെ സ്വരാജ് ഓഡിറ്റോറിയത്തില്‍ രാവിലെ 11.30ന് നടക്കുന്ന ചടങ്ങില്‍ റവന്യു-ഭവന നിര്‍മാണ വകുപ്പ് മന്ത്രി ഇ ചന്ദ്രശേഖരന്‍ ശിലാഫലകം അനാഛാദനം ചെയ്യും. രാജ്മോഹന്‍ ഉണ്ണിത്താന്‍ എംപി, കെ കുഞ്ഞിരാമന്‍ എംഎല്‍എ, ജില്ലാ പഞ്ചായത്ത് പ്രസിഡന്റ് എ ജി സി ബഷീര്‍ മുഖ്യാതിഥികളാവും. ജില്ലാ കളക്ടര്‍ ഡോ.

ജില്ലാ കളക്ടറുടെ മഞ്ചേശ്വരം താലൂക്ക്തല  ഓണ്‍ലൈന്‍ പരാതി പരിഹാര അദാലത്ത്  ഒക്‌ടോബര്‍ അഞ്ചിന്   ഉച്ചയ്ക്ക് രണ്ടിന് നടത്തും. അദാലത്തിലേക്കുള്ള പരാതി ഇന്ന് (സെപ്തംബര്‍ 22) മുതല്‍   ഈ മാസം  28 രാത്രി 12 വരെ  സമര്‍പ്പിക്കാം. കുടിവെള്ളം, വൈദ്യുതി, പെന്‍ഷന്‍, തദ്ദേശ സ്വയംഭരണം-ആരോഗ്യ വകുപ്പ് എന്നിവയുമായി  ബന്ധപ്പെട്ട പരാതികള്‍ അദാലത്തില്‍ ഉന്നയിക്കാം.

ആയിരക്കണക്കിന് കോടിയുടെ വികസനമാണ് സംസ്ഥാനത്തെ വിദ്യാഭ്യാസ മേഖലയില്‍ കഴിഞ്ഞ നാലര വര്‍ഷത്തിനിടെ നടപ്പാക്കിയതെന്ന് റവന്യൂ ഭവന നിര്‍മ്മാണ വകുപ്പ് മന്ത്രി ഇ ചന്ദ്രശേഖരന്‍. മാലോത്ത് കസബ ഹയര്‍ സെക്കന്‍ഡറി സ്‌കൂളിലെ പുതിയ കെട്ടിടത്തിന്റെ ശിലാസ്ഥാപനം നിര്‍വഹിക്കുകയായിരുന്നു അദ്ദേഹം.കാഞ്ഞങ്ങാട് നിയോജക മണ്ഡലത്തിലെ മുഴുവന്‍ വിദ്യാലയങ്ങള്‍ക്കും അടിസ്ഥാന സൗകര്യങ്ങള്‍ വര്‍ധിപ്പിക്കാന്‍ ആസ്തി വികസന ഫണ്ടില്‍ നിന്നും ഫണ്ട്  അനുവദിച്ചിട്ടുണ്ട്. അടിസ്ഥാനസൗകര്യ വികസനത്തിനായി മണ്ഡലത്തിലെ 9 സ്‌കൂളുകള്‍ക്ക് 3 കോടി വീതവും 21 സ്‌കൂളുകള്‍ക്ക് ഒരു കോടി വീതവും അനുവദിച്ചിരുന്നു.

ബളാല്‍ പഞ്ചായത്തിലെ മൈക്കയം ദേവഗിരി കോളനിക്ക് സമീപം കൊന്നക്കാട് ചൈത്രവാഹിനി തോടിന് കുറുകെ നിര്‍മ്മിക്കുന്ന വി സി ബി കം ട്രാക്ടര്‍ വേയുടെ പ്രവൃത്തി ഉദ്ഘാടനം റവന്യൂ ഭവന നിര്‍മ്മാണ വകുപ്പ് മന്ത്രി ഇ ചന്ദ്രശേഖരന്‍ നിര്‍വഹിച്ചു. പിന്നോക്ക മേഖലയായ ഈ പ്രദേശത്തിന്റെ   കാര്‍ഷിക ആവശ്യങ്ങള്‍ നിറവേറ്റുന്നതിനും  യാത്രാ സൗകര്യം ഒരുക്കുന്നതിനും ജലസംരക്ഷണം ഉറപ്പാക്കുന്നതിനും വി  സി ബി കം ട്രാക്ടര്‍ വേ പദ്ധതിയിലൂടെ സാധ്യമാകുമെന്നു മന്ത്രി പറഞ്ഞു. 

കോവിഡാനന്തര കാലത്ത് പുതിയ തലമുറയ്ക്ക് പ്രതീക്ഷ നല്‍കുന്ന പ്രവര്‍ത്തനങ്ങള്‍ ആവിഷ്‌കരിക്കേണ്ടത് നമ്മുടെ ഉത്തരവാദിത്വമാണെന്ന് റവന്യൂ- ഭവന നിര്‍മ്മാണ വകുപ്പ് മന്ത്രി ഇ ചന്ദ്രശേഖരന്‍ പറഞ്ഞു. ബളാല്‍ പഞ്ചായത്തിലെ കല്ലന്‍ ചിറ വാട്ടര്‍ഷെഡ്  പദ്ധതി പ്രവൃത്തി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.