ദുരന്തവേളകളിൽ കേരളത്തിന്റെ കണ്ണും കാതുമായി സംസ്ഥാന ദുരന്തനിവാരണ അതോറിറ്റിയിലെ സ്റ്റേറ്റ് എമർജൻസി ഓപറേഷൻസ് സെന്റർ പ്രവർത്തനം മുന്നോട്ട്. വിവിധ സ്രോതസ്സുകളിൽ നിന്നുള്ള കാലാവസ്ഥാ മുന്നറിയിപ്പുകൾ വിശകലനം ചെയ്തും ദുരന്തസാധ്യകൾ മുൻകൂട്ടി കണ്ട് രക്ഷാദൗത്യങ്ങൾ ഏകോപിപ്പിക്കാനും വിവിധ വകുപ്പുകളെ ഉൾപ്പെടുത്തിക്കൊണ്ട് ഫ്യൂഷൻ റൂം മാസങ്ങളായി ഇവിടെ പ്രവർത്തന സജ്ജമാണ്.

    കണ്ടെയ്ന്‍മെന്റ് സോണുകളാക്കി പ്രഖ്യാപിക്കപ്പെടുന്ന പ്രദേശങ്ങളില്‍ മുന്‍കൂട്ടി നിശ്ചയിക്കപ്പെട്ട വിവാഹ ചടങ്ങുകള്‍ക്ക് മറ്റ് പ്രദേശങ്ങളില്‍ നിന്ന് വരന്‍/ വധുവിനും  സംഘത്തിനും എത്തിച്ചേരുന്നതിനും പുറത്തേക്ക് പോകുന്നതിനുമുള്ള പാസ് അനുവദിക്കുന്നതിനായി താലൂക്ക്   തഹസില്‍ദാര്‍മാരെ ചുമതലപ്പെടുത്തി. കണ്ടെയ്ന്‍മെന്റ് സോണുകളിലെ വിവാഹ ചടങ്ങുകള്‍ക്ക് മറ്റ് പ്രദേശങ്ങളില്‍ നിന്ന് വരന്‍/വധുവിന് എത്തിച്ചേരുന്നതിന് പ്രയാസങ്ങള്‍ അനുഭവപ്പെടുന്നതായി ശ്രദ്ധയില്‍പ്പെട്ട സാഹചര്യത്തിലാണ് പാസ് അനുവദിക്കുന്നതിനായി ഇന്‍സിഡന്റ് കമാന്‍ഡര്‍മാരായ താലൂക്ക്   തഹസില്‍ദാര്‍മാരെ ചുമതലപ്പെടുത്തിയത്.
 

    തെക്ക് പടിഞ്ഞാറന്‍ കാലവര്‍ഷം ശക്തമായി തുടരുന്ന സാഹചര്യത്തില്‍ ഉരുള്‍പ്പൊട്ടല്‍, മണ്ണിടിച്ചില്‍ എന്നിവ മൂലമുളള അപകടങ്ങള്‍ കുറക്കുന്നതിനുള്ള മുന്‍  കരുതലുകള്‍ സ്വീകരിക്കുന്നതിനായി  ജില്ലയില്‍  എല്ലാവിധ ഖനന പ്രവര്‍ത്തനങ്ങള്‍ക്കും ഇനിയൊരു ഉത്തരവ് ഉണ്ടാകുന്നതു വരെ നിരോധനം ഏര്‍പ്പെടുത്തി ജില്ലാകലക്ടര്‍ ഉത്തരവ് പുറപ്പെടുവിച്ചു. ദുരന്തനിവാരണ നിയമ പ്രകാരം പുറപ്പെടുവിച്ച ഉത്തരവ് ലംഘിക്കുന്നവര്‍ക്കെതിരെ കര്‍ശന നടപടി സ്വീകരിക്കുന്നതിന് ജില്ലാ പൊലീസ് മേധാവിക്ക് നിര്‍ദേശം നല്‍കിയിട്ടുണ്ട്. 
 

    നാടുകാണി ചുരം റോഡില്‍ വിള്ളല്‍ കണ്‍െത്തിയതിനെ തുടര്‍ന്ന് പകല്‍ സമയങ്ങളില്‍ ചുരത്തിലൂടെയുള്ള യാത്ര ഒരു ഭാഗത്തു കൂടി മാത്രം അനുവദിക്കുമെന്ന്  എ.ഡി.എം എന്‍.എം മെഹറലി അറിയിച്ചു. കാലവര്‍ഷം ശക്തി പ്രാപിക്കുന്ന സാഹചര്യത്തില്‍ ചുരത്തിലൂടെ രാത്രി എട്ട് മുതല്‍ രാവിലെ ആറ് വരെയുള്ള രാത്രി യാത്ര നേരത്തെ തന്നെ പൂര്‍ണമായി നിരോധിച്ചിട്ടുണ്‍്. ഈ നിരോധനം തുടരും.
 

53 പേര്‍ക്ക് വിദഗ്ധ ചികിത്സക്കു ശേഷം രോഗമുക്തി
സമ്പര്‍ക്കത്തിലൂടെ 223 പേര്‍ക്ക് വൈറസ്ബാധ
രോഗബാധിതരായി ചികിത്സയില്‍ 1,390 പേര്‍
ഇതുവരെ രോഗബാധ സ്ഥിരീകരിച്ചത് 3,513 പേര്‍ക്ക്
1,608 പേര്‍ക്ക് കൂടി പ്രത്യേക നിരീക്ഷണം
ആകെ നിരീക്ഷണത്തിലുള്ളത് 32,536 പേര്‍

    പെരിന്തല്‍മണ്ണ ഐ.സി.ഡി.എസ് പ്രൊജക്ടിന് കീഴിലെ അങ്ങാടിപ്പുറം, ഏലംകുളം, പുലാമന്തോള്‍ പഞ്ചായത്തിലെയും പെരിന്തല്‍മണ്ണ നഗരസഭയിലെയും അങ്കണവാടികളില്‍ വര്‍ക്കര്‍/ഹെല്‍പ്പര്‍ തസ്തികകളില്‍ നിയമനം നടത്തുന്നു. പഞ്ചായത്ത്/നഗരസഭയില്‍ സ്ഥിരതാമസക്കാരും 18നും 46നും ഇടയില്‍ പ്രായമുള്ള വനിതകള്‍ക്ക് അപേക്ഷിക്കാം. അപേക്ഷ സമര്‍പ്പിക്കേണ്ട അവസാന തീയതി  പുലമന്തോള്‍ പഞ്ചായത്ത് ഓഗസ്റ്റ് 17,  അങ്ങാടിപ്പുറം, ഏലംകുളം, പെരിന്തല്‍മണ്ണ നഗരസഭ ഓഗസ്റ്റ് 25നുമാണ്. അപേക്ഷാഫോമിന്റെ മാതൃകയും വിശദവിവരങ്ങളും പെരിന്തല്‍മണ്ണ മിനി സിവില്‍ സ്റ്റേഷനിലുള്ള ഐ.സി.ഡി.എസ് പ്രൊജക്ട് ഓഫീസില്‍ ലഭിക്കും. ഫോണ്‍: 04933 220 630 
 

    താനൂര്‍ ഗവ. ആര്‍ട്‌സ് ആന്‍ഡ് സയന്‍സ് കോളജില്‍ മൂന്നാം സെമസ്റ്റര്‍ ബി.ബി.എ. കോഴ്‌സില്‍ എസ്.സി. വിഭാഗത്തില്‍ രണ്ട് സീറ്റുകള്‍ ഒഴിവുണ്ട്. താത്പര്യമുള്ളവര്‍  ഓഗസ്റ്റ് 13ന് ഉച്ചയ്ക്ക് ഒന്നിനകം യോഗ്യതാ സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പ് സഹിതം കോളജ് ഓഫീസില്‍ ഹാജരായി അപേക്ഷ നല്‍കണമെന്ന് പ്രിന്‍സിപ്പല്‍ അറിയിച്ചു.