പ്രതികൂല കാലാവസ്ഥയും കോവിഡ് വ്യാപനവും കാരണം കണ്ടെയ്ന്‍മെന്റ് സോണുകള്‍ വര്‍ധിക്കുന്ന സാഹചര്യവും പരിഗണിച്ച്  മുന്‍ഗണന/അന്ത്യോദയ കാര്‍ഡുടമകള്‍ പി.എം.ജി.കെ.വൈ പദ്ധതിയില്‍ ഉള്‍പ്പെട്ട റേഷന്‍ വിഹിതവും സാധാരണ റേഷന്‍ വിഹിതവും ആഗസ്റ്റ്  15 നകം റേഷന്‍ കടകളില്‍ നിന്നും വാങ്ങണമെന്ന് സിറ്റി റേഷനിംഗ് ഓഫീസര്‍ (നോര്‍ത്ത്) അറിയിച്ചു.
 

സംസ്ഥാന മത്സ്യവകുപ്പ് മുഖേന മത്സ്യത്തൊഴിലാളികളുടെ മക്കള്‍ക്ക് സൗജന്യമായി മെഡിക്കല്‍ എന്‍ട്രന്‍സ് പരീക്ഷാ പരിശീലനം നല്‍കുന്നു. ഒരു വര്‍ഷത്തെ എന്‍ട്രന്‍സ് കോച്ചിങ്ങിനാണ് സര്‍ക്കാര്‍ ധനസഹായം നല്‍കുന്നത്. അപേക്ഷ ഫോറവും വിശദ വിവരങ്ങളും ജില്ലാ ഫിഷറീസ് ഓഫീസില്‍ ലഭ്യമാണ്. പൂരിപ്പിച്ച അപേക്ഷ ഫോറം ആഗസ്റ്റ് 17 നകം കോഴിക്കോട് ഫിഷറീസ് ഡെപ്യൂട്ടി ഡയറക്ടര്‍ ഓഫീസില്‍ സമര്‍പ്പിക്കണം.  

കേരള ഷോപ്സ് ആന്റ് കൊമേഴ്സ്യല്‍ എസ്റ്റാബ്ലിഷ്മെന്റ്സ് തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത അംഗങ്ങളുടെ മക്കളില്‍ 2018-2019, 2019-2020 വര്‍ഷങ്ങളില്‍ സ്പോര്‍ട്സ് കൗണ്‍സില്‍ അംഗീകരിച്ച കായിക ഇനങ്ങളില്‍ ദേശീയ തലത്തിലും സംസ്ഥാനതല കലോത്സവങ്ങളിലും, സര്‍വ്വകലാശാല തലത്തിലും ഒന്നാം സ്ഥാനം നേടിയ വിദ്യാര്‍ത്ഥികള്‍ക്ക് 3000 രൂപ ക്യാഷ് അവാര്‍ഡിന് അപേക്ഷിക്കാം. അപേക്ഷാഫോറം www.peedika.kerala.gov.in വെബ്സൈറ്റില്‍ ലഭിക്കും. അപേക്ഷ സ്വീകരിക്കുന്ന അവസാന തീയതി സെപ്തംബര്‍ 10. ഫോണ്‍: 0495 2372434.
 

പന്തലായനി ബ്ലോക്ക് പഞ്ചായത്തിന്റെ 2020-21 വാര്‍ഷിക പദ്ധതിയിലുള്‍പ്പെടുത്തിയിട്ടുള്ള പ്രവൃത്തികള്‍ ഏറ്റെടുത്ത് നടത്തുന്നതിന് അംഗീകൃത കരാറുകാരില്‍ നിന്നും റീ ഇ-ടെണ്ടറുകള്‍ ക്ഷണിച്ചു. ആഗസ്റ്റ്  14. വൈകീട്ട് അഞ്ച് മണി മുതല്‍ വെബ്‌സൈറ്റില്‍ വിവരം ലഭ്യമാകും.e-tenderskerala.gov.inv. ഫോണ്‍: 0496 2630800.

   
പന്തലായനി ബ്ലോക്ക് പഞ്ചായത്തിന്റെ  2020-21 വാര്‍ഷിക പദ്ധതിയില്‍ ഉള്‍പ്പെടുത്തിയിട്ടുള്ള  പൊതുമരാമത്ത്  പ്രവൃത്തികള്‍ ഏറ്റെടുത്ത് നടത്തുന്നതിന് അംഗീകൃത കരാറുകാരില്‍ നിന്നും  ക്വട്ടേഷന്‍ ക്ഷണിച്ചു.  ക്വട്ടേഷന്‍-5 എണ്ണം.  അവസാന തീയ്യതി ആഗസ്റ്റ് 19 ന്  ഉച്ചക്ക് രണ്ട് മണി വരെ. ഫോണ്‍ : 0496 2630800.

മാഹി ബൈപ്പാസ് നിർമ്മാണത്തിൽ അഴിയൂരിലെ വിവിധ പ്രദേശങ്ങളിൽ രൂപംകൊണ്ട വെള്ളക്കെട്ട് പ്രശ്നം ശാശ്വതമായി പരിഹരിക്കുന്നതിന് ഹൈവേ അതോറിറ്റിയുടെ പ്രതിനിധി തദ്ദേശസ്വയംഭരണ വകുപ്പിലെ റിട്ട. ഡെപ്യൂട്ടി ചീഫ് എഞ്ചിനീയർ രാജീവൻ വിവിധ പ്രദേശങ്ങളിൽ സന്ദർശനം നടത്തി.

അമ്പലത്തിൽ കണ്ടി, കക്കടവ് പ്രദേശം, ജി എം ജെ ബി സ്കൂൾ, ഗ്രീൻസ്‌  ഹോസ്പിറ്റൽ  പരിസരം, മനയിൽ ക്ഷേത്രപരിസരം,  പരദേവതാ കുളം പരിസരം, അണ്ടി കമ്പനി  റോഡ്, രണ്ടാം ഗേറ്റ് പരിസരം എന്നീ സ്ഥലങ്ങളിലാണ് സന്ദർശനം നടത്തിയത്.

കാലവര്‍ഷത്തെ തുടര്‍ന്ന് ആരംഭിച്ച ജില്ലയിലെ 28 ദുരിതാശ്വാസക്യാമ്പുകളിലായി 524 പേര്‍. കൊയിലാണ്ടി (4 ക്യാമ്പുകള്‍), കോഴിക്കോട് (12), വടകര (10), താമരശേരി (2) എന്നിങ്ങനെയാണ് ക്യാമ്പുകള്‍ പ്രവര്‍ത്തിക്കുന്നത്. മഴ അല്‍പ്പം മാറിനിന്നതോടെ ചില ക്യാമ്പുകളിലുള്ളവര്‍ വീടുകളിലേക്ക് മടങ്ങിയിട്ടുണ്ട്.