കോഴിക്കോട് ബീച്ച് ആശുപത്രി കോവിഡ് ആശുപത്രിയാക്കി മാറ്റിയതായി ജില്ലാ മെഡിക്കൽ ഓഫീസർ ഡോ. ജയശ്രീ.വി അറിയിച്ചു. ആശുപത്രിയിലെ ഡയാലിസ് സെന്റർ അവിടെ നിലനിർത്തിയിട്ടുണ്ട്. കോവിഡ് വാർഡുമായി യാതൊരു വിധ ബന്ധവുമില്ലാത്ത രീതിയിൽ ഡയാലിസിസ് സെൻ്ററിലെ ഉള്ളിൽ നിന്നുള്ള പ്രവേശനം പൂർണ്ണമായും അടച്ചു. പകരം ആശുപത്രി കോമ്പൗണ്ടിൽ നിന്നും നേരെ ഡയാലിസിസ് സെൻ്ററിലേക്ക് പ്രവേശന റാംമ്പ് സഹിതം സജ്ജമാക്കിയിട്ടുണ്ടെന്ന് മെഡിക്കൽ ഓഫീസർ പറഞ്ഞു.
 

ഉള്ളിയേരി ഗ്രാമപഞ്ചായത്ത് പരിധിയിൽ വർദ്ധിച്ചു വരുന്ന ജനതിരക്ക് കണക്കിലെടുത്ത് ഇന്ന്  (ഓഗസ്റ്റ് 11) മുതൽ ക്രമീകരണങ്ങൾ ഏർപ്പെടുത്തുമെന്ന് ഉള്ളിയേരി ഗ്രാമപഞ്ചായത്ത് പ്രസിഡണ്ട് ഷാജു ചെറുക്കാവിൽ അറിയിച്ചു.

വലിയങ്ങാടി മേഖലയില്‍ പരിശോധന വര്‍ധിപ്പിക്കും

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ഓഗസ്റ്റ് 10) വൈകിട്ട് 7 വരെ ജില്ലയിൽ പോലീസ് നടത്തിയ പരിശോധനയിൽ 48 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 95 പേരെ അറസ്റ്റ് ചെയ്തു. രണ്ട്  വാഹനങ്ങൾ പിടിച്ചെടുത്തു.

 മാസ്ക് ധരിക്കാത്ത 348 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 348 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി  കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.
 

ജില്ലയിൽ നിലവിൽ 13 ക്യാമ്പുകളിൽ 156 കുടുംബങ്ങളിലെ 433 പേർ തുടരുന്നതായി ജില്ലാ ദുരന്തനിവാരണ അതോറിറ്റി അധികൃതർ അറിയിച്ചു. മണ്ണാർക്കാട് താലൂക്കിൽ ഒമ്പതും ചിറ്റൂർ താലൂക്കിൽ രണ്ടും ആലത്തൂരിലും ഒറ്റപ്പാലത്തും ഒന്ന് വീതം ക്യാമ്പുകളുമാണ് തുറന്നത്. ഇതിൽ 153 സ്ത്രീകളും 145 പുരുഷന്മാരും 135 കുട്ടികളും ഉൾപ്പെടുന്നു.

കോവിഡ് 19 ബാധിതരായി  ജില്ലയില്‍ നിലവില്‍ 635 പേരാണ് ചികിത്സയിലുള്ളത്.  ഇന്ന് (ഓഗസ്റ്റ് 10) ജില്ലയില്‍ 147 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 65 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 34245 സാമ്പിളുകള്‍ പരിശോധനയ്ക്കായി അയച്ചതില്‍ 32890 പരിശോധനാ ഫലങ്ങളാണ് ലഭ്യമായത്. ഇന്ന് 302 പരിശോധനാ ഫലങ്ങളാണ് ലഭിച്ചത്. പുതുതായി 143 സാമ്പിളുകൾ അയച്ചു. 2442 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 1768 പേർ രോഗമുക്തി നേടി. ഇനി 423 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

പാലക്കാട് ജില്ലയിൽ ഇന്ന്(ഓഗസ്റ്റ് 10) തൃശ്ശൂർ, മലപ്പുറം സ്വദേശികൾക്ക് ഉൾപ്പെടെ 147
 പേർക്ക് കൊവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. 
ഇതിൽ  സമ്പർക്കത്തിലൂടെ രോഗബാധ ഉണ്ടായ 70 പേർ,  ഇതര സംസ്ഥാനങ്ങളിൽ നിന്ന് വന്ന 14 പേർ, വിവിധ രാജ്യങ്ങളിൽ നിന്ന് വന്ന 27 പേർ, ഉറവിടം അറിയാത്ത രോഗബാധ ഉണ്ടായ 29
 പേർ , ആറ് ആരോഗ്യ പ്രവർത്തകർ എന്നിവർ ഉൾപ്പെടും. കൂടാതെ ഓഗസ്റ്റ് 7 ന് മരിച്ച പരുതൂർ സ്വദേശിയും ഇന്ന് രോഗം സ്ഥിരീകരിച്ചവരിൽ ഉൾപ്പെടുന്നുണ്ട്. .102 പേർക്ക് രോഗമുക്തി ഉള്ളതായും അധികൃതർ അറിയിച്ചു.

കാലവർഷം ശക്തമായതിനെ തുടർന്ന് ജില്ലയിൽ ഓഗസ്റ്റ് ഒമ്പത്   രാവിലെ എട്ടുമുതൽ ഇന്ന് (ഓഗസ്റ്റ് 10) രാവിലെ എട്ടു വരെ ലഭിച്ചത് 22.09 മില്ലിമീറ്റർ മഴ. ജില്ലയിലെ ആറു  താലൂക്കുകളിലായി ലഭിച്ച ശരാശരി മഴയാണിത്. 

 ഒറ്റപ്പാലം താലൂക്കിൽ 44.6 മില്ലിമീറ്റർ, പാലക്കാട് 33.9, ആലത്തൂർ 18, പട്ടാമ്പി 14.25,  മണ്ണാർക്കാട് 13.8, ചിറ്റൂർ 8 മില്ലിമീറ്റർ മഴയാണ് ലഭിച്ചത്.