കാലവര്‍ഷത്തെ തുടര്‍ന്ന് ആരംഭിച്ച ജില്ലയിലെ 28 ദുരിതാശ്വാസക്യാമ്പുകളിലായി 524 പേര്‍. കൊയിലാണ്ടി (4 ക്യാമ്പുകള്‍), കോഴിക്കോട് (12), വടകര (10), താമരശേരി (2) എന്നിങ്ങനെയാണ് ക്യാമ്പുകള്‍ പ്രവര്‍ത്തിക്കുന്നത്. മഴ അല്‍പ്പം മാറിനിന്നതോടെ ചില ക്യാമ്പുകളിലുള്ളവര്‍ വീടുകളിലേക്ക് മടങ്ങിയിട്ടുണ്ട്.

സംസ്ഥാനത്തെ  ഒ.ബി.സി  വിഭാഗത്തില്‍ ഉള്‍പ്പെട്ടവരും, ഒരു ലക്ഷം രൂപയില്‍ അധികരിക്കാത്ത വാര്‍ഷിക വരുമാനം ഉള്ളവരുമായ കളിമണ്‍പാത്ര  നിര്‍മ്മാണ തൊഴിലാളികള്‍ക്ക് പിന്നാക്ക വിഭാഗ വികസന വകുപ്പ് ധനസഹായം അനുവദിക്കുന്നു .  അപേക്ഷകര്‍ നിശ്ചിത മാതൃകയിലുള്ള അപേക്ഷ ഫാറവും, അനുബന്ധരേഖകളും സെപ്തംബര്‍ 10ന് മുമ്പ് മേഖലാ ഡെപ്യൂട്ടി ഡയറക്ടര്‍,പിന്നാക്ക വിഭാഗ വികസന വകുപ്പ്, സിവില്‍ സ്റ്റേഷന്‍, കാക്കനാട് , എറണാകുളം എന്ന വിലാസത്തില്‍ ലഭ്യമാക്കണം.  അപേക്ഷാഫാറവും വിശദ വിവരങ്ങളും www.bcdd.kerala.gov.in എന്ന വെബ്‌സൈറ്റില്‍ ലഭിക്കും.  ഫോണ്‍ 0484 -2429130.
 

പട്ടികജാതി വികസന വകുപ്പ് തിരുവനന്തപുരം പ്രസ് ക്ലബുമായി സഹകരിച്ച് പട്ടികജാതി പട്ടികവര്‍ഗ വിഭാഗക്കാര്‍ക്കായി നടത്തുന്ന ഒരുവര്‍ഷത്തെ സൗജന്യ പോസ്റ്റ് ഗ്രാജ്വേറ്റ് ഡിപ്ലോമ ഇന്‍ ജേര്‍ണലിസം കോഴ്സിലേക്ക് 20 വരെ അപേക്ഷിക്കാം. അംഗീകൃത സര്‍വകലാശാല ബിരുദമാണ് യോഗ്യത. അവസാന വര്‍ഷ ഫലം കാത്തിരിക്കുന്നവര്‍ക്കും അപേക്ഷിക്കാം. ബിരുദ പരീക്ഷ മാര്‍ക്കിന്റെയും ഇന്റര്‍വ്യൂവില്‍ ലഭിക്കുന്ന മാര്‍ക്കിന്റെയും അടിസ്ഥാനത്തില്‍ 30 വിദ്യാര്‍ത്ഥികള്‍ക്കാണ് പ്രവേശനം. പ്രായപരിധി 28 വയസ്സ്. www.icsets.org യില്‍ അപേക്ഷിക്കാം. ഫോണ്‍: 0471 2533272, ഇ-മെയില്‍:  icsets@gmail.com. 

 540  പേര്‍ കൂടി നിരീക്ഷണത്തില്‍

ഇന്ന്  രോഗമുക്തി നേടിയവര്‍ - 71  പേര്‍

കുടയത്തൂര്‍ ഗ്രാമപഞ്ചായത്തില്‍ കോളപ്രയില്‍ പ്രവര്‍ത്തിക്കുന്ന ആയുഷ് എന്‍.എച്ച്.എം ഹോമിയോ ഡിസ്‌പെന്‍സറിയിലേയ്ക്ക് ദിവസവേതനാടിസ്ഥാനത്തില്‍ ഒരു കാഷ്വല്‍  സ്വീപ്പര്‍ കം  അറ്റന്റ്‌റെ തെരഞ്ഞെടുക്കുന്നതിന് അപേക്ഷ ക്ഷണിച്ചു. തദ്ദേശിയരായ ഉദ്യോഗാര്‍ത്ഥികള്‍ ബയോഡേറ്റ സഹിതം ഓഗസ്റ്റ് 14നകം നേരിട്ട് അപേക്ഷ സമര്‍പ്പിക്കണം. കൂടുതല്‍ വിവരങ്ങള്‍ പ്രവര്‍ത്തി ദിവസങ്ങളില്‍ ഓഫീസില്‍ നിന്നും നേരിട്ട് അറിയാം.

കോഴിക്കോട് - ജില്ലയില്‍ ഇന്ന് 66   പോസിറ്റീവ് കേസുകള്‍ കൂടി റിപ്പോര്‍ട്ട്     ചെയ്തതായി  ജില്ലാ  മെഡിക്കല്‍ ഓഫീസര്‍ ഡോ. ജയശ്രീ. വി. അറിയിച്ചു.  

വിദേശത്ത് നിന്ന് എത്തിയവരില്‍ പോസിറ്റീവ് ആയവര്‍  -   2
ഇതര സംസ്ഥാനങ്ങളില്‍നിന്ന് എത്തിയവരില്‍ പോസിറ്റീവ് ആയവര്‍ - 6
സമ്പര്‍ക്കം വഴി പോസിറ്റീവ് ആയവര്‍  -    52
ഉറവിടം വ്യക്തമല്ലാത്ത പോസിറ്റീവ് കേസുകള്‍ -  6

.

മൂടാടി ഗ്രാമപഞ്ചായത്തിലെ വലിയമല എസ്.സി. കോളനി കുടിവെള്ള പദ്ധതി ഉദ്ഘാടനം നാളെ (ആഗസ്റ്റ് 12) രാവിലെ 11.30 ന് പട്ടികജാതി-പട്ടികവർഗ്ഗ വികസന വകുപ്പ് മന്ത്രി എ.കെ ബാലൻ വീഡിയോ കോൺഫറൻസിലൂടെ നിർവഹിക്കും.  മൂടാടി ഗ്രാമപഞ്ചായത്ത് ഹാളിൽ നടക്കുന്ന ചടങ്ങിൽ കെ ദാസൻ എംഎൽഎ അധ്യക്ഷത വഹിക്കും.

മൂടാടി വലിയമല എസ്.സി. കോളനി കുടിവെള്ള പദ്ധതി 62 ലക്ഷം രൂപ ചെലവഴിച്ച് 83 കുടുംബങ്ങൾക്ക് വ്യക്തിഗത കണക്ഷനുകൾ നൽകിയാണ് പൂർത്തീകരിച്ചിരിക്കുന്നത്.

കോവിഡ്- 19 ന്റെ പശ്ചാത്തലത്തിൽ എല്ലാ പ്രോട്ടോക്കോളുകളും പാലിച്ചാണ് ഹ്രസ്വ പരിപാടി നടക്കുന്നത്. ജനപ്രതിനിധികൾ, ഉദ്യോഗസ്ഥർ എന്നിവർ പങ്കെടുക്കും.