കോവിഡിന്റെ പശ്ചാത്തലത്തില്‍ ജില്ലയില്‍ സ്വാതന്ത്ര്യദിനാഘോഷം നിയന്ത്ര ണങ്ങള്‍ പാലിച്ച് നടത്താന്‍ തീരുമാനമായി. മലപ്പുറം എം.എസ്.പി പരേഡ് ഗ്രൗണ്ടില്‍  ഓഗസ്റ്റ് 15ന് രാവിലെ ഒന്‍പതിന് നടക്കുന്ന ചടങ്ങില്‍ പൊതുജനങ്ങള്‍ക്ക് പ്രവേശനം അനുവദിക്കില്ല. ചടങ്ങില്‍ പങ്കെടുക്കുന്ന ക്ഷണിതാക്കള്‍ 100 പേരില്‍ കൂടരുതെന്നും നിര്‍ദേശമുണ്ട്. എ.ഡി.എമ്മിന്റെ ചുമതല വഹിക്കുന്ന ഡപ്യൂട്ടി  കലക്ടര്‍ (എല്‍.എ) ഒ.ഹംസയുടെ അധ്യക്ഷതയില്‍ കലക്ടറേറ്റില്‍ ചേര്‍ന്ന യോഗം ഇതുസംബന്ധിച്ച ക്രമീകരണങ്ങള്‍ വിലയിരുത്തി. 

പന്തലായനി ബ്ലോക്ക് പഞ്ചായത്തിന്റെ 2020-21 വാര്‍ഷിക പദ്ധതിയിലുള്‍പ്പെടുത്തിയിട്ടുള്ള പ്രവൃത്തികള്‍ ഏറ്റെടുത്ത് നടത്തുന്നതിന് അംഗീകൃത കരാറുകാരില്‍ നിന്നും റീ ഇ-ടെണ്ടറുകള്‍ ക്ഷണിച്ചു. ആഗസ്റ്റ്  14. വൈകീട്ട് അഞ്ച് മണി മുതല്‍ വെബ്‌സൈറ്റില്‍ വിവരം ലഭ്യമാകും.e-tenderskerala.gov.inv. ഫോണ്‍: 0496 2630800.

ജില്ലയിൽ കൊറോണ ബാധിതരുടെ  പേരുവിവരങ്ങൾ വാട്സാപ്പ് തുടങ്ങി സാമൂഹിക മാധ്യമങ്ങളിലൂടെ പ്രചരിപ്പിക്കുന്നവർക്കെതിരെ  ശക്തമായ നിയമ നടപടികൾ സ്വീകരിക്കുമെന്ന് ജില്ലാ കലക്ടർ സാംബശിവറാവു അറിയിച്ചു.

 രോഗബാധിതരെ ഒറ്റപെടുത്താനോ ശത്രുതാ മനോഭാവത്തോടെ പെരുമാറാനോ ഒരു കാരണവശാലും പാടില്ല. ഇത്തരം പ്രവണതകൾ ജില്ലയുടെ ചില ഭാഗങ്ങളിൽ ഉണ്ടാകുന്നതായി ശ്രദ്ധയിൽപ്പെട്ടിട്ടുണ്ടെന്നും ഇത് ഒട്ടും ആശ്വാസകരമല്ലെന്നും കലക്ടർ അറിയിച്ചു.  ഒരു കേസ് അന്വേഷണത്തിനായി പോലീസ് സൈബർ സെല്ലിന്  കഴിഞ്ഞ ദിവസം നൽകിയിട്ടുണ്ട്.

ഓണക്കാലത്ത് മദ്യം-മയക്കുമരുന്ന് എന്നിവയുടെ ദുരുപയോഗം കൂടുതലായി ഉണ്ടാവാന്‍ സാധ്യതയുള്ളതിനാല്‍ വ്യാജമദ്യ/ലഹരി മരുന്ന് വിതരണവും, വിപണനവും ഫലപ്രദമായി തടയുന്നതിനായി വിവിധ വകുപ്പുകളെ ഏകോപിപ്പിച്ച് രാത്രികാല പട്രോളിങ് കാര്യക്ഷമമായി നടത്തുന്നതിനും 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമിന്റേയും സ്ട്രൈക്കിംഗ് ഫോഴ്സുകളുടെയും പ്രവര്‍ത്തനം ഊര്‍ജ്ജിതപ്പെടുത്തി.

കാലവര്‍ഷ രക്ഷാ പ്രവര്‍ത്തനങ്ങള്‍ക്കായി മത്സഫെഡിന്റെ ആഭിമുഖ്യത്തില്‍ റെസ്‌ക്യൂ ഓപ്പറേഷന്‍ ടീം രൂപീകരിച്ചു. മത്സ്യത്തൊഴിലാളി ഗ്രൂപ്പുകളെ ഉപയോഗിച്ചാണ് ടീം രൂപീകരിച്ചത്. മത്സ്യാഫെഡ് ജില്ലാ ഓഫീസ് - 0495 2380344, ജില്ലാ മാനേജര്‍ - 9526041077, അസി. മാനേജര്‍ - 9526041126, സൂപ്രണ്ട് - 9526041088 എന്ന നമ്പറുകളില്‍ ബന്ധപ്പെടാം.

ഗവ. ആര്‍ട്സ് ആന്‍ഡ് സയന്‍സ് കോളേജ്  ഇംഗ്ലീഷ്, സാമ്പത്തിക വകുപ്പുകള്‍ ഗോള്‍ഡന്‍ ജൂബിലി ആഘോഷിക്കുന്നു. ഒരു വര്‍ഷം നീണ്ടുനില്‍ക്കുന്ന ആഘോഷം ഇന്ന് (ആഗസ്റ്റ് 11) രാവിലെ 10 ന് ഉന്നത വിദ്യാഭ്യാസ വകുപ്പ് മന്ത്രി ഡോ. കെ.ടി ജലീല്‍ ഓണ്‍ലൈന്‍ വഴി ഉദ്ഘാടനം ചെയ്യും. ഡോ.എം.കെ മുനീര്‍ എം.എല്‍.എ മുഖ്യാതിഥിയായിരിക്കും.

കുന്ദമംഗലം നിയോജകമണ്ഡലത്തിലെ പ്രധാനപ്പെട്ട മൂന്ന് റോഡുകളുടെ ഉദ്ഘാടനം ഇന്ന് (ആഗസ്ത് 11 ) ന് രാവിലെ 10 മണിക്ക് പൊതുമരാമത്ത് വുകുപ്പ് മന്ത്രി ജി സുധാകരന്‍ വീഡിയോ കോണ്‍ഫറന്‍സ് മുഖേന നിര്‍വ്വഹിക്കും.  പുല്‍പറമ്പ പാഴൂര്‍ കൂളിമാട് റോഡ്, ചാത്തമംഗലം വേങ്ങേരിമഠം പാലക്കാടി റോഡ്, പെരിങ്ങളം - കുരിക്കത്തൂര്‍ - പെരുവഴിക്കടവ് റോഡ് എന്നിവയുടെ ഉദ്ഘാടനമാണ് ചാത്തമംഗലം അങ്ങാടി പരിസരത്ത് വെച്ച് നിർവ്വഹിക്കുക.

പരിപാടിയില്‍ പി.ടി.എ റഹീം എം.എല്‍.എ അദ്ധ്യക്ഷത വഹിക്കും. ജനപ്രതിനിധികൾ, ഉദ്യോഗസ്ഥർ എന്നിവർ കോവിഡ് 19 പ്രോട്ടോക്കോൾ പാലിച്ച് ചടങ്ങിൽ പങ്കെടുക്കും.

കോവിഡിനെതിരെയുളള പ്രതിരോധ നടപടികള്‍ക്കൊപ്പം തന്നെ തദ്ദേശ സ്വയംഭരണ സ്ഥാപനങ്ങളുടെയും വിവിധ വകുപ്പുകളുടെയും നേതൃത്വത്തിലുളള പദ്ധതികള്‍ സമയബന്ധിതമായി പൂര്‍ത്തിയാക്കുമെന്ന് മുഖ്യമന്ത്രി പിണറായി വിജയന്‍ പറഞ്ഞു. കുന്ദമംഗലം മിനി സിവില്‍സ്റ്റേഷന്റെ ഉദ്ഘാടനം വീഡിയോ കോണ്‍ഫറന്‍സ് വഴി നിര്‍വഹിച്ച് സംസാരിക്കുകയായിരുന്നു അദ്ദേഹം.  

ദുരന്തങ്ങളുടെ സാഹചര്യത്തില്‍ പദ്ധതി നിര്‍വഹണത്തില്‍ തടസമുണ്ടാവും. എന്നാല്‍ നാടിന്റെ ഭാവി ഉറപ്പാക്കുന്ന പദ്ധതികള്‍ നടപ്പാക്കേണ്ടതുണ്ട്. കോവിഡിനെതിരെയുളള പോരാട്ടം നടക്കുന്നതോടൊപ്പം പദ്ധതി നിര്‍വഹണത്തിനുളള നടപടികള്‍ക്ക് മുന്‍ഗണന നല്‍കും.