കാലിക്കറ്റ് സർവകലാശാലയിൽ അഫിലിയേറ്റ് ചെയ്ത   അപ്ലൈയ്ഡ് സയൻസ് കോളേജുകളിൽ ബിരുദ കോഴ്സുകളിൽ  പ്രവേശനത്തിന് അപേക്ഷ ക്ഷണിച്ചു.
  
http://ihrd.kerala.gov.in/cascap എന്ന വെബ്സൈറ്റ് മുഖേന അപേക്ഷ സമർപ്പിക്കണം.  കൂടുതൽ വിവരങ്ങൾ www.ihrd.ac.in എന്ന വെബ് സൈറ്റിൽ ലഭ്യമാണ് ഫോൺ : 0471 2322985, 2322501

മത്സ്യ തൊഴിലാളി ക്ഷേമ നിധി ബോർഡിൽ  രജിസ്റ്റർ ചെയ്തിട്ടുള്ളവരുടെ മക്കൾക്ക് മെഡിക്കൽ എൻട്രൻസ് പരിശീലനത്തിന് ധനസഹായം നൽകുന്ന പദ്ധതിയിലേക്ക് ഫിഷറീസ് വകുപ്പ് അപേക്ഷ ക്ഷണിച്ചു.ഹയർ സെക്കന്‍ഡറി / വൊക്കേഷണൽ ഹയർ സെക്കന്‍ഡറി തലത്തിൽ ഫിസിക്സ്, കെമിസ്ട്രി, ബയോളജി വിഷയങ്ങൾക്ക് 85 ശതമാനം മാർക്ക് ഉള്ളവർക്കും കഴിഞ്ഞ നീറ്റ് പരീക്ഷയിൽ 40 ശതമാനം മാർക്ക് ലഭിച്ചവർക്കും  അപേക്ഷിക്കാം. അവസാന തീയതി ഓഗസ്റ്റ് 17. അപേക്ഷാ ഫോറവും കൂടുതൽ വിവരങ്ങളും ഫിഷറീസ് വകുപ്പ് ജില്ലാ ഓഫീസിൽ ലഭിക്കും.

കെല്‍ട്രോണ്‍ നോളജ് സെന്‍ററുകളില്‍ ആരംഭിക്കുന്ന വിവിധ കോഴ്സുകളില്‍ പ്രവേശനത്തിന് അപേക്ഷ ക്ഷണിച്ചു. എസ്.എസ്.എല്‍.സി, പ്ലസ് ടു, ഐ.ടി ഐ, ഡിപ്ലോമ, ഡിഗ്രി എന്നിവയാണ് അടിസ്ഥാന യോഗ്യതകള്‍. ബി.ടെക് കഴിഞ്ഞവര്‍ക്കും അപേക്ഷിക്കാം. കൂടുതല്‍ വിവരങ്ങള്‍ക്ക് ഫോണ്‍: 9188665545 എന്ന ഫോണ്‍ നമ്പരിലും വെബ്സൈറ്റിലും(www.ksg.keltron.in) ലഭിക്കും.

കോട്ടയം ജില്ലയിൽ‍ 40 പേരുടെ കൂടി കോവിഡ് പരിശോധനാ ഫലം പോസിറ്റീവായി. ഇതില്‍ 35 പേര്‍ക്കും സമ്പര്‍ക്കം മുഖേനയാണ് രോഗം ബാധിച്ചത്. രണ്ടു പേര്‍ വിദേശത്തുനിന്നും മൂന്നു പേര്‍ മറ്റു സംസ്ഥാനങ്ങളില്‍ നിന്നും എത്തിയവരാണ്. 

സമ്പര്‍ക്കം മുഖേന രോഗം ബാധിച്ചവരില്‍ 12 പേര്‍ കോട്ടയം മുനിസിപ്പാലിറ്റിയിലും ഏഴുപേര്‍ ഏറ്റുമാനൂര്‍ മുനിസിപ്പാലിറ്റിയിലും ഉള്ളവരാണ്. കോട്ടയം മുനിസിപ്പാലിറ്റിയിലെ രോഗബാധിതരില്‍ കോട്ടയം നഗരത്തിലെ വ്യാപാര സ്ഥാപനത്തിലെ ജീവനക്കാരായ അഞ്ചു പേരും താഴത്തങ്ങാടിയില്‍ നേരത്തെ രോഗം സ്ഥിരീകരിച്ചയാളുടെ സമ്പര്‍ക്ക പട്ടികയിലുണ്ടായിരുന്ന വീട്ടമ്മയും മൂന്നു മക്കളും ഉള്‍പ്പെടുന്നു. 

തലയാഴം ഗ്രാമപഞ്ചായത്തിലെ 14-ാം വാര്‍ഡും ടിവി പുരം ഗ്രാമപഞ്ചായത്തിലെ 11-ാം വാര്‍ഡും കണ്ടെയ്ന്‍മെന്റ് സോണുകളായി   പ്രഖ്യാപിച്ച് കോട്ടയം ജില്ലാ കളക്ടര്‍ ഉത്തരവായി. 

പുതുപ്പള്ളി-14, വാഴപ്പള്ളി-17, 20, ഉദയനാപുരം-6, 7,  കുമരകം-10, 11, അയ്മനം-14, നീണ്ടൂര്‍- 8 എന്നീ ഗ്രാമപഞ്ചായത്ത് വാര്‍ഡുകള്‍  പട്ടികയില്‍നിന്ന് ഒഴിവാക്കി. 

നിലവില്‍ ജില്ലയില്‍ 22 തദ്ദേശഭരണ സ്ഥാപന മേഖലകളിലെ 90 വാര്‍ഡുകള്‍ കണ്ടെയ്ന്‍മെന്റ് സോണുകളാണ്. പട്ടിക ചുവടെ
(തദ്ദേശ ഭരണ സ്ഥാപനം, വാര്‍ഡ് എന്ന ക്രമത്തില്‍)

കനത്ത മഴയെത്തുടര്‍ന്ന് മീനച്ചിലാറ്റിലും മണിമലയാറ്റിലും ജലനിരപ്പ് ഉയരുകയും കൂട്ടിക്കല്‍ മേലേത്തടത്ത് നേരിയ ഉരുള്‍പൊട്ടല്‍ ഉണ്ടാവുകയും ചെയ്ത സാഹചര്യത്തില്‍ കോട്ടയം ജില്ലയിലെ ദുരന്തസാധ്യതാ മേഖലകളില്‍ മുന്‍കരുതല്‍ നടപടികള്‍ ഊര്‍ജ്ജിതമാക്കി.

ജില്ലാ കളക്ടറുടെ നിര്‍ദേശപ്രകാരം ജില്ലാ, താലൂക്ക്  ഇന്‍സിഡന്റ് റസ്‌പോണ്‍സ് ടീമും പോലീസും ഫയര്‍ ഫോഴ്‌സും ചേര്‍ന്ന് ആളുകളെ ഒഴിപ്പിക്കുന്നതിന് നടപടികള്‍ സ്വീകരിച്ചു. 

=====
കാലവര്‍ഷ ദുരന്ത നിവാരണവുമായി ബന്ധപ്പെട്ട അടിയന്തര സഹായത്തിനും വിവരങ്ങള്‍ നല്‍കുന്നതിനും പൊതുജനങ്ങള്‍ക്ക്  കോട്ടയം കളക്ടറേറ്റിലും താലൂക്ക് ഓഫീസുകളിലും 24 മണിക്കൂറും പ്രവര്‍ത്തിക്കുന്ന  കണ്‍ട്രോള്‍ റൂമുകളില്‍ ബന്ധപ്പെടാം.

ഫോണ്‍ നമ്പരുകള്‍ ചുവടെ
കളക്ടറേറ്റ് കണ്‍ട്രോള്‍ റൂം-0481 2565400, 2566300, 9446562236, 1077(ടോള്‍ ഫ്രീ)

താലൂക്ക് കണ്‍ട്രോള്‍ റൂമുകള്‍

കോട്ടയം -0481 2568007, 
മീനച്ചില്‍-048222 12325
വൈക്കം -04829 231331
കാഞ്ഞിരപ്പള്ളി -04828 202331
ചങ്ങനാശേരി -04812 420037

കോട്ടയം ജില്ലയില്‍ 37 പേര്‍ക്കു കൂടി കോവിഡ് സ്ഥിരീകരിച്ചു. 33 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. നാലു പേര്‍ സംസ്ഥാനത്തിന് പുറത്തുനിന്ന് എത്തിയവരാണ്. 

ഏറ്റുമാനൂരില്‍ മാത്രം 12 പേര്‍ക്ക് സമ്പര്‍ക്കത്തിലൂടെ രോഗം ബാധിച്ചു. 
70 പേര്‍ രോഗമുക്തരായി. നിലവില്‍ 450 പേര്‍ ചികിത്സയിലുണ്ട്. ഇതുവരെ ആകെ 1499 പേര്‍ക്ക് രോഗം ബാധിച്ചു.1046 പേര്‍ രോഗമുക്തരായി.

പുതിയതായി 862 സാമ്പിളുകളുടെ പരിശോധനാ ഫലമാണ് ലഭിച്ചത്.  1015 സാമ്പിളുകള്‍ പരിശോധനയ്ക്ക് അയച്ചു. 

ശക്തമായ മഴയെത്തുടര്‍ന്ന് നദികളില്‍ ക്രമാതീതമായി ജലനിരപ്പ് ഉയരുകയും പല സ്ഥലങ്ങളിലും ഉരുള്‍പൊട്ടലും മണ്ണിടിച്ചിലും ഉണ്ടാവുകയും ചെയ്ത സാഹചര്യത്തില്‍ കോട്ടയം ജില്ലയില്‍ ദുരന്ത സാധ്യതാ മേഖലകളിലുള്ള എല്ലാവരെയും ദുരിതാശ്വാസ ക്യാമ്പുകളിലേക്ക് മാറ്റും. 

ജില്ലയുടെ ചുമതലയുള്ള മന്ത്രി പി. തിലോത്തമന്‍ പാലായിലും ഈരാറ്റുപേട്ടയിലും ജലനിരപ്പ് ഉയര്‍ന്ന മേഖലകളില്‍ സന്ദര്‍ശനം നടത്തി.  മീനച്ചില്‍ താലൂക്ക് ഓഫീസില്‍ നടന്ന യോഗത്തില്‍ ജില്ലയിലെ സ്ഥിതിഗതികള്‍ അദ്ദേഹം വിലയിരുത്തി.

നദികളില്‍ ഗണ്യമായി ജലനിരപ്പ് ഉയരുകയും പല മേഖലകളിലും മണ്ണിടിച്ചില്‍ ഉണ്ടാവുകയും ചെയ്യുന്ന സാഹചര്യത്തില്‍ ദുരന്ത നിവാരണ അതോറിറ്റി അതീവ ജാഗ്രത പുലര്‍ത്തണമെന്നും റവന്യൂ ഉദ്യോഗസ്ഥര്‍ നിര്‍ദേശം നല്‍കിയാലുടന്‍ വീടുവിട്ട് ദുരിതാശ്വാസ ക്യാമ്പുകളിലേക്ക് മാറാന്‍ ജനങ്ങള്‍ തയ്യാറാകണമെന്നും മന്ത്രി നിര്‍ദേശിച്ചു.