റവന്യൂ വകുപ്പിലെയും തദ്ദേശഭരണ സ്ഥാപനങ്ങളിലെയും ക്വാറന്‍റയിനില്‍ കഴിയുന്നവര്‍ ഒഴികെയുള്ള എല്ലാ ജീവനക്കാരും അവധി ദിവസങ്ങളില്‍ ഉള്‍പ്പെടെ ജോലിക്ക് ഹാജരാകണമെന്ന് കോട്ടയം ജില്ലാ കളക്ടര്‍ എം. അഞ്ജന ഉത്തരവിട്ടു. ചികിത്സാ ആവശ്യത്തിന് ഒഴികെ അവധി അനുവദിക്കാന്‍ പാടില്ല.  നിലവില്‍ അനുവദിച്ചിട്ടുള്ള അവധികള്‍ക്കും ഇത് ബാധകമാണ്.
വകുപ്പുകളില്‍ നിലവില്‍ ഓഫീസില്‍ എത്തുന്നവരുടെയും അനുമതിയോടെ വര്‍ക്ക് ഫ്രം ഹോം സംവിധാനത്തില്‍ ജോലി ചെയ്യുന്നവരുടെയും വിവരം ഇന്ന്(ഓഗസ്റ്റ് എട്ട്) വൈകുന്നേരത്തിനു മുന്‍പ് ലഭ്യമാക്കാന്‍ വകുപ്പ് മേധാവികള്‍ക്ക് നിര്‍ദേശം നല്‍കി.

വെള്ളപ്പൊക്കവും മണ്ണിടിച്ചിലും വ്യാപകമായ സാഹചര്യത്തില്‍ ജനങ്ങളുടെ സുരക്ഷയെ ബാധിക്കുന്ന വിവിധ പ്രവര്‍ത്തനങ്ങള്‍ നിരോധിച്ച് കോട്ടയം ജില്ലാ കളക്ടര്‍ എം. അഞ്ജന ഉത്തരവായി. നിരോധനങ്ങള്‍ ചുവടെ.

ആളുകള്‍ കൂട്ടം കൂടുന്നത് 

വെള്ളപ്പൊക്ക ബാധിത മേഖലകളിലും മണ്ണിടിച്ചിലിന് സാധ്യതയുള്ള സ്ഥലങ്ങളിലും ആളുകള്‍ കൂട്ടം കൂടുന്നതും വെള്ളത്തില്‍ ഇറങ്ങുന്നതും വിനോദങ്ങളില്‍ ഏര്‍പ്പെടുന്നതും. നിരോധനം നടപ്പാക്കുന്നതിന് പോലീസ് നിരീക്ഷണവും ഉണ്ടാകും.

ഖനനം 

====
കോട്ടയം ജില്ലയിലെ തോട്ടം മേഖലകളിലെ ലയങ്ങളുടെയും തൊഴിലാളികളുടെയും സുരക്ഷ ഉറപ്പാക്കുവാനും ആവശ്യമെങ്കില്‍ തൊഴിലാളികളെ മാറ്റി താമസിപ്പിക്കുവാനും  എസ്റ്റേറ്റ്, പ്ലാന്റേഷന്‍ മാനേജര്‍മാര്‍ക്ക് നിര്‍ദേശം നല്‍കി  ജില്ലാ കളക്ടര്‍ ഉത്തരവിട്ടു. 

നിര്‍ദേശങ്ങള്‍ ലംഘിക്കുന്നവര്‍ക്കെതിരെ ദുരന്ത  നിവാരണ നിയമപ്രകാരം നടപടി സ്വീകരിക്കും. ബന്ധപ്പെട്ട ഉദ്യോഗസ്ഥര്‍ തുടര്‍ നടപടികള്‍ ഉറപ്പാക്കേണ്ടതാണെന്നും ഉത്തരവില്‍ പറയുന്നു

=========
കോട്ടയം മുനിസിപ്പാലിറ്റിയിലെ 28, 48 എന്നീ വാർഡുകളും കുറിച്ചി ഗ്രാമപഞ്ചായത്തിലെ ഒന്നാം വാർഡും കണ്ടെയ്ന്‍മെന്റ് സോണുകളായി   പ്രഖ്യാപിച്ച് കോട്ടയം ജില്ലാ കളക്ടര്‍ ഉത്തരവായി. 

കോട്ടയം മുനിസിപ്പാലിറ്റി 31ാം വാർഡ്, വാഴപ്പള്ളി- 7, തലയാഴം - 7, 9, കാണക്കാരി - 10 എന്നീ ഗ്രാമപഞ്ചായത്ത് വാര്‍ഡുകള്‍  പട്ടികയില്‍നിന്ന് ഒഴിവാക്കി. 

നിലവില്‍ ജില്ലയില്‍ 22 തദ്ദേശഭരണ സ്ഥാപന മേഖലകളിലെ 88 വാര്‍ഡുകള്‍ കണ്ടെയ്ന്‍മെന്റ് സോണുകളാണ്. പട്ടിക ചുവടെ
(തദ്ദേശ ഭരണ സ്ഥാപനം, വാര്‍ഡ് എന്ന ക്രമത്തില്‍)

കോട്ടയം ജില്ലയില്‍ 15 പേര്‍ക്കു കൂടി കോവിഡ് സ്ഥിരീകരിച്ചു. 12 പേര്‍ക്കും സമ്പര്‍ക്കം മുഖേനയാണ് രോഗം ബാധിച്ചത്. മൂന്നു പേര്‍ വിദശത്തുനിന്ന് വന്നവരാണ്. 59 പേര്‍ രോഗമുക്തരായി. നിലവില്‍ 406 പേര്‍ ചികിത്സയിലുണ്ട്.

ഇതുവരെ ആകെ 1514 പേര്‍ക്ക് ജില്ലയില്‍ രോഗം സ്ഥിരീകരിച്ചു. 1105 പേര്‍ രോഗമുക്തരായി. പുതിയതായി 593 സാമ്പിള്‍ പരിശോധനാഫലങ്ങളാണ് ലഭിച്ചത്. 544 സാമ്പിളുകള്‍ പരിശോധനയ്ക്കയച്ചു.

കോട്ടയം ജില്ലയില്‍  വൈകുന്നേരം 7.30 വരെ വരെ 127 ദുരിതാശ്വാസ ക്യാമ്പുകള്‍ തുറന്നു. 959  കുടുംബങ്ങളിലെ 3126 പേരാണ് ക്യാമ്പുകളില്‍ കഴിയുന്നത്. ഇതില്‍ 1306പുരുഷന്‍മാരും 1318 സ്ത്രീകളും 502 കുട്ടികളും  ഉള്‍പ്പെടുന്നു.

പൊതു വിഭാഗത്തിനായി 85 ഉം അറുപതു വയസിനു മുകളിലുള്ളവര്‍ക്കായി 39ഉം ക്വാറന്റയിനില്‍ കഴിയുന്നവര്‍ക്കായി മൂന്നും ക്യാമ്പുകളാണ് സജ്ജീകരിച്ചിട്ടുള്ളത്. 

ഏറ്റവുമധികം ദുരിതാശ്വാസ ക്യാമ്പുകള്‍ കോട്ടയം താലൂക്കിലാണ്. 83 ക്യാമ്പുകളാണ് ഇവിടെയുള്ളത്. മീനച്ചില്‍-17, കാഞ്ഞിരപ്പള്ളി-16, വൈക്കം-10, ചങ്ങനാശേരി-1 എന്നിങ്ങനെയാണ് മറ്റു താലൂക്കുകളിലെ ക്യാമ്പുകളുടെ എണ്ണം.

മൃഗസംരക്ഷണ മേഖലയിലെ ദുരന്തനിവാരണ പ്രവര്‍ത്തനങ്ങള്‍ ഏകോപിപ്പിക്കുന്നതിന് ജില്ലാ വെറ്ററിനറി കേന്ദ്രത്തില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം തുറന്നു. പൊതുജനങ്ങള്‍ക്ക് 0481-2564623 എന്ന നമ്പരില്‍ ബന്ധപ്പെടാം.

കോട്ടയം ജില്ലയിലെ ദുരന്തനിവാരണ പ്രവര്‍ത്തനങ്ങളില്‍ പങ്കുചേരാന്‍ എത്തിയ ദേശീയ ദുരന്ത പ്രതികരണ സേന(എന്‍.ഡി.ആര്‍.എഫ്) രണ്ടു സംഘങ്ങളായി ജില്ലയിലെ ദുരന്ത സാധ്യതാ മേഖലകളില്‍ സന്ദര്‍ശനം നടത്തി.

കുമരകം മേഖലയിലും കഴിഞ്ഞ ദിവസം ഉരുള്‍പൊട്ടലുണ്ടായ പൂഞ്ഞാര്‍ നടുഭാഗം വില്ലേജിലെ പെരിങ്ങളത്തും  ദുരിതാശ്വാസ ക്യാമ്പുകളിലുമാണ് ഇവര്‍ പോയത്.  നിലവിലെ സ്ഥിതിഗതികള്‍ വിലയിരുത്തുന്നതിന്റെ ഭാഗമായിരുന്നു സന്ദര്‍ശനം. ജില്ലയില്‍ ഇതുവരെ നടത്തിയിട്ടുള്ള ദുരന്ത നിവാരണ പ്രവര്‍ത്തനങ്ങള്‍ തൃപ്തികരമാണെന്ന് എന്‍.ഡി.എആര്‍.എഫ് വിലയിരുത്തി. 

=========
വെച്ചൂർ ഗ്രാമപഞ്ചായത്ത് ആറാം വാർഡ് കണ്ടെയ്ന്‍മെന്റ് സോണായി പ്രഖ്യാപിച്ച് കോട്ടയം ജില്ലാ കളക്ടര്‍ ഉത്തരവായി. 

വൈക്കം മുനിസിപ്പാലിറ്റിയിലെ13 - ാം വാർഡ്, ഉദയനാപുരം-16, പനച്ചിക്കാട്-16 എന്നീ ഗ്രാമപഞ്ചായത്ത് വാര്‍ഡുകള്‍  പട്ടികയില്‍നിന്ന് ഒഴിവാക്കി. 

നിലവില്‍ ജില്ലയില്‍ 22 തദ്ദേശഭരണ സ്ഥാപന മേഖലകളിലെ 86 വാര്‍ഡുകള്‍ കണ്ടെയ്ന്‍മെന്റ് സോണുകളാണ്. പട്ടിക ചുവടെ
(തദ്ദേശ ഭരണ സ്ഥാപനം, വാര്‍ഡ് എന്ന ക്രമത്തില്‍)

മുനിസിപ്പാലിറ്റികള്‍
======
1.കോട്ടയം മുനിസിപ്പാലിറ്റി-11, 21,28, 30,32, 46,48

2.ഏറ്റുമാനൂര്‍ മുനിസിപ്പാലിറ്റി- എല്ലാ വാര്‍ഡുകളും

പട്ടികവര്‍ഗ വികസന വകുപ്പിന്‍റെ കീഴില്‍ ഏറ്റുമാനൂരില്‍ പ്രവര്‍ത്തിക്കുന്ന ഗവണ്‍മെന്‍റ് മോഡല്‍ റസിഡന്‍ഷ്യല്‍ സ്കൂളില്‍  ഈ വര്‍ഷം പുതിയതായി അനുവദിച്ച പ്ലസ് വണ്‍ കൊമേഴ്സ്, ഹ്യുമാനിറ്റീസ് ബാച്ചുകളില്‍ പ്രവേശനത്തിന് അപേക്ഷ ക്ഷണിച്ചു.