പാമ്പാടി ഗവണ്‍മെന്‍റ് ടെക്നിക്കല്‍ ഹൈസ്കൂള്‍ കോമ്പൗണ്ടിലെ 427 അക്കേഷ്യ മരങ്ങള്‍ വില്‍ക്കുന്നതിന് ദര്‍ഘാസ് ക്ഷണിച്ചു. ഓഗസ്റ്റ് 19ന് വൈകുന്നേരം നാലിനകം സൂപ്രണ്ട് , ഗവണ്‍മെന്‍റ് ടെക്നിക്കല്‍ ഹൈസ്കൂള്‍, പാമ്പാടി, കോട്ടയം-686501 എന്ന വിലാസത്തില്‍  ലഭ്യമാക്കണം. ഫോണ്‍: 0481-2507556.

പ്ലസ് വണ്‍ സ്പോര്‍ട്സ് ക്വാട്ട പ്രവേശനം ആഗ്രഹിക്കുന്ന കായിക താരങ്ങള്‍ ഹയര്‍ സെക്കന്‍ഡറി  വെബ്സൈറ്റില്‍(http://www.dhsekerala.gov.in/)    കായിക മികവ് തെളിയിക്കുന്ന സര്‍ട്ടിഫിക്കറ്റുകളുടെ വിവരങ്ങള്‍ ഉള്‍പ്പെടുത്തി രജിസ്റ്റര്‍ ചെയ്യണം. ഇതിന്‍റെ പ്രിന്‍റ് ഔട്ടും  സ്പോര്‍ട്സ് സര്‍ട്ടിഫിക്കറ്റുകളുടെ അസലും ktmplusonesportsquota@gmail.com  എന്ന ഇ മെയില്‍ വിലാസത്തില്‍ ഓഗസ്റ്റ് 17-നകം  സ്വന്തം മെയില്‍ ഐ.ഡി യില്‍ നിന്ന് അയയ്ക്കണം. ഫോണ്‍: 9447395988, 04812563825

സ്വാതന്ത്ര്യ ദിനാഘോഷത്തോടനുബന്ധിച്ച് വജ്രജൂബിലി ഫെലോഷിപ്പ് പദ്ധതിയുടെ ആഭിമുഖ്യത്തില്‍ കുട്ടികള്‍ക്കായി  ഓണ്‍ലൈന്‍ മത്സരങ്ങള്‍ സംഘടിപ്പിക്കുന്നു. ചിത്ര രചന, ഉപന്യാസ രചന, ദേശഭക്തി ഗാനം, പ്രച്ഛന്നവേഷം എന്നീ ഇനങ്ങളിലാണ് മത്സരം. രജിസ്ട്രേഷനും കൂടുതല്‍ വിവരങ്ങള്‍ക്കും 8921056292 എന്ന ഫോണ്‍ നമ്പരില്‍ ബന്ധപ്പെടണം.

സ്വാതന്ത്ര്യ സമര സേനാനിയായ  എം.കെ. രവീന്ദ്രനെ ക്വിറ്റ് ഇന്ത്യാ സമര വാര്‍ഷികത്തോടനുബന്ധിച്ച്  രാഷ്ട്രപതിക്കു വേണ്ടി ആദരിച്ചു. കോട്ടയം സബ് ഡിവിഷണല്‍ മജിസ്‌ട്രേറ്റ് ജോളി ജോസഫ്  കാഞ്ഞിരപ്പള്ളി മടുക്കയിലെ അദ്ദേഹത്തിന്റെ വീട്ടിലെത്തിയാണ് ആദരിച്ചത്. കാഞ്ഞിരപ്പള്ളി തഹസില്‍ദാര്‍ അജിത്കുമാറും സന്നിഹിതനായിരുന്നു.

കോട്ടയം മണര്‍കാട് പാലമുറി പാലത്തിനു സമീപം കാറുമായി ഒഴുക്കില്‍ പെട്ടു കാണാതായ അങ്കമാലി  അയ്യമ്പുഴ സ്വദേശി ജസ്റ്റിന്‍ ജോയി(26) മരണമടഞ്ഞു. മണിക്കൂറുകള്‍ നീണ്ട തിരച്ചിലിനൊടുവില്‍ ഇന്ന്(ഓഗസ്റ്റ് 9) ഉച്ചയ്ക്ക്  ഒന്നരയോടെ സമീപത്തെ പാടത്ത് കാര്‍ കണ്ടെത്തുകയായിരുന്നു. കാറിനുള്ളില്‍ മരിച്ച നിലയിലായിരുന്നു യുവാവ്. 

നെടുമ്പാശേരി വിമാനത്താവളത്തിൽ ടാക്‌സി ഡ്രൈവറായ ജസ്റ്റിന്‍ മല്ലപ്പള്ളിയിലേക്ക് ഓട്ടം പോയി മടങ്ങും വഴിയാണ് ശനിയാഴ്ച്ച രാത്രി  ഒഴുക്കില്‍ പെട്ടത്.

എരുമേലി ഗ്രാമപഞ്ചായത്ത് 20-ാം വാർഡ് കണ്ടെയ്ന്‍മെന്റ് സോണായി പ്രഖ്യാപിച്ച് കോട്ടയം ജില്ലാ കളക്ടര്‍ ഉത്തരവായി. 

നിലവില്‍ ജില്ലയില്‍ 22 തദ്ദേശഭരണ സ്ഥാപന മേഖലകളിലെ 87 വാര്‍ഡുകള്‍ കണ്ടെയ്ന്‍മെന്റ് സോണുകളാണ്. പട്ടിക ചുവടെ
(തദ്ദേശ ഭരണ സ്ഥാപനം, വാര്‍ഡ് എന്ന ക്രമത്തില്‍)

മുനിസിപ്പാലിറ്റികള്‍
======
1.കോട്ടയം മുനിസിപ്പാലിറ്റി-11, 21,28, 30,32, 46,48

2.ഏറ്റുമാനൂര്‍ മുനിസിപ്പാലിറ്റി- എല്ലാ വാര്‍ഡുകളും

3.ചങ്ങനാശേരി മുനിസിപ്പാലിറ്റി-24, 31, 33, 37

4.വൈക്കം മുനിസിപ്പാലിറ്റി-21, 24, 25

മഴയും വെള്ളപ്പൊക്കവും ശക്തമായി തുടരുന്ന കോട്ടയം ജില്ലയിലെ സ്ഥിതിഗതികള്‍  ജില്ലയുടെ ചുമതലയുള്ള മന്ത്രി പി. തിലോത്തമന്‍റെ അധ്യക്ഷതയില്‍ ചേര്‍ന്ന യോഗം വിലയിരുത്തി. കൂടുതല്‍ ആളുകളെ ദുരിതാശ്വാസ ക്യാമ്പുകളിലേക്ക് മാറ്റിക്കൊണ്ടിരിക്കുന്ന സാഹചര്യത്തില്‍ കോവിഡ് പ്രോട്ടോക്കോള്‍ പാലിക്കുന്നതിന് പരമാവധി ശ്രദ്ധ ചെലുത്തണമെന്ന് മന്ത്രി നിര്‍ദേശിച്ചു.

കോട്ടയം ജില്ലയില്‍ എല്ലാ വിധ ഖനന പ്രവര്‍ത്തനങ്ങള്‍ക്കും ഏര്‍പ്പെടുത്തിയിരുന്ന നിരോധനം ഇനി ഒരു അറിയിപ്പ് ഉണ്ടാകുന്നതുവരെ നീട്ടിയതായി ജില്ലാ കളക്ടര്‍ എം. അഞ്ജന അറിയിച്ചു.

കന്നുകാലികള്‍ക്കു മാത്രമായി ജില്ലയില്‍ പത്തു ദുരിതാശ്വാസ ക്യാമ്പുകള്‍ തുറന്നു. തലയോലപ്പറമ്പ് ഗ്രാമപഞ്ചായത്തില്‍ നാലും വൈക്കം മുനിസിപ്പാലിറ്റിയിലും കല്ലറ പഞ്ചായത്തിലും രണ്ടു വീതവും മറവന്തുരുത്തിലും മാഞ്ഞൂരിലും ഒന്നുവീതവും ക്യാമ്പുകളാണുള്ളത്. 

ഇതുവരെ 1330 പശുക്കളെയും 131 ആടുകളെയും ക്യാമ്പുകള്‍ ഉള്‍പ്പെടെയുള്ള സുരക്ഷിത സ്ഥാനങ്ങളിലേക്ക് നീക്കി.

കോട്ടയം ജില്ലയിലെ കാര്‍ഷിക  മേഖലയില്‍ പ്രകൃതിക്ഷോഭത്തില്‍ ഇതുവരെ 30.71 കോടി രൂപയുടെ നാശനഷ്ടമുണ്ടായതായി പ്രാഥമിക കണക്ക്. ജൂലൈ 28 മുതല്‍ ഇന്നലെ(ഓഗസ്റ്റ് ഒന്‍പതു വരെ)1200.68 ഹെക്ടറിലെ കൃഷിയാണ് നഷ്ടമായത്. കപ്പ,വാഴ, റബര്‍, നെല്ല് എന്നിവയാണ് പ്രധാനമായും നശിച്ചത്.