?ജില്ലയില്‍ ക്വാറന്‍റയിനില്‍ കഴിയുന്ന എല്ലാവരെയും 
ഉള്‍പ്പെടുത്തി സമൂഹ മാധ്യമ കൂട്ടായ്മകള്‍

?വിരസതയും മാനസിക സമ്മര്‍ദ്ദവും അകറ്റാനും സാധ്യതകള്‍

ക്വാറന്‍റയിനില്‍ കഴിയുന്ന എല്ലാവരെയും സാമൂഹ മാധ്യമങ്ങളിലൂടെ ബന്ധിപ്പിച്ച് കോവിഡിന്‍റെ സമ്പര്‍ക്ക വ്യാപനം തടയുന്നതിനുള്ള പുതിയ ബോധവത്കരണ പരിപാടിക്ക് കോട്ടയം ജില്ലയില്‍ തുടക്കം കുറിക്കുന്നു. രോഗബാധിതരില്‍നിന്നും വീട്ടിലെ മറ്റുള്ളവരിലേക്ക് കോവിഡ് പകരുന്ന എല്ലാ സാധ്യതകളും ഒഴിവാക്കുകയാണ് 'കരം തൊടാത്ത കരുതല്‍' എന്ന പ്രചാരണ പരിപാടിയുടെ പ്രധാന ലക്ഷ്യം.

കോട്ടയം ജില്ലയില്‍ 23 പേര്‍ക്കു കൂടി കോവിഡ് സ്ഥിരീകരിച്ചു. ഇതില്‍ 21 പേര്‍ക്കും സമ്പര്‍ക്കത്തിലൂടെയാണ് രോഗം ബാധിച്ചത്. മറ്റു രണ്ടു പേര്‍ സംസ്ഥാനത്തിനു പുറത്തുനിന്ന് വന്നവരാണ്. 

സമ്പര്‍ക്കത്തിലൂടെ രോഗം ബാധിച്ചവരില്‍ ഏഴു പേര്‍ അതിരമ്പുഴ ഗ്രാമപഞ്ചായത്തിലും നാലു പേര്‍ കുറിച്ചി ഗ്രാമപഞ്ചായത്തിലും മൂന്നു പേര്‍ ഏറ്റുമാനൂരിലും ഉള്ളവരാണ്. പത്തനംതിട്ട തിരുവല്ലയിലെ കോണ്‍വെന്‍റില്‍നിന്നുള്ള മാടപ്പള്ളി സ്വദേശിനിയായ കന്യാസ്ത്രീക്കും രോഗം സ്ഥിരീകരിച്ചു. 

ജില്ലാ കളക്ടര്‍ എം. അഞ്ജന ഓഗസ്റ്റ് 21ന് നടത്തുന്ന കോട്ടയം താലൂക്ക് തല ഓണ്‍ലൈന്‍ പരാതി പരിഹാര അദാലത്തിലേക്കുള്ള പരാതികള്‍ ഓഗസ്റ്റ് ഏഴിനു രാവിലെ 10 മുതല്‍ വൈകുന്നേരം നാലു വരെ സ്വീകരിക്കും. താലൂക്കിലെ   അക്ഷയ കേന്ദ്രങ്ങള്‍ വഴി  ഇ-ആപ്ലിക്കേഷന്‍ മുഖേനയാണ്  പരാതികള്‍ സമര്‍പ്പിക്കേണ്ടത്. നിശ്ചിത സമയത്തിനു ശേഷം ലഭിക്കുന്നവ സ്വീകരിക്കില്ല. 

വീടും സ്ഥലവും ലഭ്യമാക്കല്‍, മുഖ്യമന്ത്രിയുടെ ദുരിതാശ്വാസനിധിയില്‍ നിന്നുള്ള ചികിത്സാ ധനസഹായം, പ്രളയ ദുരിതാശ്വാസ സഹായം, റേഷന്‍ കാര്‍ഡ് , നിലം-തോട്ടം- പുരയിടം ഇനം മാറ്റം എന്നീ വിഭാഗങ്ങളില്‍പെട്ടവ ഒഴികെയുളള പരാതികളാണ് അദാലത്തില്‍ പരിഗണിക്കുക.

പള്ളിക്കത്തോട് ഗവണ്‍മെന്‍റ് ഐ.ടി.ഐയില്‍ ഗസ്റ്റ് ഇന്‍സ്ട്രക്ടര്‍ നിയമനത്തിന്  ഓഗസ്റ്റ് അഞ്ചിന് രാവിലെ 10 ന് ഇന്‍റര്‍വ്യൂ നടത്തും. ടെക്നീഷ്യന്‍ പവര്‍ ഇലക്ട്രോണിക്സ് സിസ്റ്റം, കമ്പ്യൂട്ടര്‍  ഹാര്‍ഡ് വെയര്‍ ആന്‍റ് നെറ്റ് വര്‍ക്ക് മെയിന്‍റനന്‍സ്, വയര്‍മാന്‍ എന്നീ ട്രേഡുകളിലാണ് നിയമനം.

ബന്ധപ്പെട്ട ട്രേഡുകളില്‍  ഡിഗ്രി/ഡിപ്ലോമ അല്ലെങ്കില്‍ എന്‍.ടി.സിയും മൂന്ന് വര്‍ഷത്തെ പ്രവൃത്തിപരിചയവും അല്ലെങ്കില്‍ എന്‍.എ.സിയും രണ്ട് വര്‍ഷത്തെ പ്രവൃത്തി പരിചയവുമാണ് യോഗ്യത. അസല്‍ സര്‍ട്ടിഫിക്കറ്റുകളും പകര്‍പ്പുകളുമായി ഹാജരാകണം.  ഫോണ്‍: 0481 2551062

=========

കുറിച്ചി ഗ്രാമപഞ്ചായത്തിലെ 19-ാം വാര്‍ഡും ഉദയനാപുരം ഗ്രാമപഞ്ചായത്തിലെ 17-ാം വാര്‍ഡും കണ്ടെയ്ന്‍മെന്റ് സോണുകളായി   പ്രഖ്യാപിച്ച് കോട്ടയം ജില്ലാ കളക്ടര്‍ ഉത്തരവായി. 

കോട്ടയം മുനിസിപ്പാലിറ്റിയിലെ 36-ാം വാര്‍ഡും വെച്ചൂര്‍ ഗ്രാമപഞ്ചായത്തിലെ 1, 4 വാര്‍ഡുകളും പട്ടികയില്‍നിന്ന് ഒഴിവാക്കി. 

ചങ്ങനാശേരി മുനിസിപ്പാലിറ്റിയിലും പായിപ്പാട്, പാറത്തോട് പഞ്ചായത്തുകളിലും കണ്ടെയ്ന്‍മെന്റ് സോണുകള്‍ അല്ലാത്ത വാര്‍ഡുകളില്‍ നേരത്തെ ഏര്‍പ്പെടുത്തിയിരുന്ന പ്രത്യേക നിയന്ത്രണങ്ങള്‍ പിന്‍വലിച്ചു.

കോട്ടയം ജില്ലയിലെ ഹോട്ടലുകള്‍ക്കും ബേക്കറികള്‍ക്കും ജൂലൈ 27ലെ ഉത്തരവു പ്രകാരം ജില്ലാ കളക്ടര്‍ ഏര്‍പ്പെടുത്തിയിട്ടുള്ള നിയന്ത്രണങ്ങള്‍ തുടരും. മറ്റുള്ള എല്ലാ വ്യാപാര സ്ഥാപനങ്ങളും വൈകുന്നേരം ഏഴു വരെ മാത്രമേ പ്രവര്‍ത്തിക്കാന്‍ പാടുള്ളൂ. മെഡിക്കല്‍ സ്റ്റോറുകള്‍ക്ക് ഈ നിയന്ത്രണം ബാധകമല്ല.

സമ്പര്‍ക്ക വ്യാപനത്തിനെതിരായ പ്രചാരണ പരിപാടിക്ക് തുടക്കമായി

കോവിഡ് സമ്പര്‍ക്ക വ്യാപനത്തിനെതിരായ ബോധവത്കരണത്തിനായി കോട്ടയം ജില്ലാ ഭരണകൂടത്തിന്‍റെ ആഭിമുഖ്യത്തില്‍ തുടക്കം കുറിച്ച കരം തൊടാത്ത കരുതല്‍ മാതൃകാപരമായ പദ്ധതിയാണെന്നും എല്ലാ ജില്ലകളിലും നടപ്പാക്കേണ്ടതാണെന്നും ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍ പറഞ്ഞു. പദ്ധതിയുടെ ഉദ്ഘാടനം വീഡിയോ കോണ്‍ഫറന്‍സിലൂടെ നിര്‍വഹിക്കുകയായിരുന്നു മന്ത്രി. 

കോട്ടയം ജില്ലയിലെ കോവിഡ് പ്രാഥമിക ചികിത്സാ കേന്ദ്രങ്ങളില്‍ (സി.എഫ് എല്‍. ടി.സി) സ്റ്റാഫ് നഴ്‌സ് തസ്തികയിലേക്ക് ഇന്നു കൂടി അപേക്ഷിക്കാം. യോഗ്യത -ബി എസ് സി / ജി എന്‍ എം. കേരളാ നഴ്‌സിംഗ് കൗണ്‍സില്‍ രജിസ്‌ട്രേഷന്‍ നിര്‍ബന്ധം. 

പ്രായം 2020 ജൂലൈ ഒന്നിന് 40 വയസ് തികയരുത്. ഇന്ന് ( ഓഗസ്റ്റ് 6)  വൈകുന്നേരം ആറിനകം  hrnhmkottayam@gmail.com എന്ന ഇ മെയില്‍ വിലാസത്തില്‍ അപേക്ഷ നല്‍കണം. യോഗ്യരായവരുടെ അഭിമുഖം  ടെലിഫോണ്‍ മുഖേന   നടത്തും.

കോവിഡ് 19 പ്രതിരോധ നിയന്ത്രണങ്ങള്‍ നിലനില്‍ക്കുന്ന സാഹചര്യത്തില്‍ കോട്ടയം മഹിളാ പ്രധാൻ ഏജൻ്റ്സ് വെൽഫെയർ സൊസൈറ്റിയിൽ ഇനി ഒരു അറിയിപ്പുണ്ടാകുന്നത് വരെ കന്യാസുരക്ഷ പദ്ധതിയുടെ അപേക്ഷകൾ സ്വീകരിക്കില്ലെന്ന്  നാഷണല്‍ സേവിംഗ്സ്  ഡെപ്യൂട്ടി ഡയറക്ടര്‍ അറിയിച്ചു.

 കുടിശ്ശികയില്ലാത്ത  പ്രീമിയം അതത് പ്രദേശങ്ങളിലെ സർവ്വീസ് സഹകരണ ബാങ്കുകളിൽ അടയ്ക്കാം. കുടിശ്ശിക പ്രീമിയം അടയ്ക്കുന്നതു സംബന്ധിച്ച വിവരങ്ങൾ പിന്നീട് അറിയിക്കും.

ഫോൺ: 0481 2301655

കോട്ടയം ജില്ലയില്‍ 51 പേര്‍ക്ക് പുതിയതായി കോവിഡ് സ്ഥിരീകരിച്ചു. ഇതില്‍ ഒരു ആരോഗ്യ പ്രവര്‍ത്തകയും സമ്പര്‍ക്കം മുഖേന രോഗം ബാധിച്ച 39 പേരും ഉള്‍പ്പെടുന്നു. മറ്റു സംസ്ഥാനങ്ങളില്‍നിന്ന് വന്ന 10 പേര്‍ക്കും വിദേശത്തുനിന്ന് വന്ന ഒരാള്‍ക്കും  വൈറസ് ബാധയുണ്ടായി. 

ഉത്തര്‍ പ്രദേശില്‍നിന്നും ജൂലൈ 17ന് എത്തി മുണ്ടക്കയത്ത് ക്വാറന്‍റയിനില്‍ കഴിഞ്ഞിരുന്ന ആറ് അതിഥി തൊഴിലാളികളും വൈക്കം ടിവി പുരം സ്വദേശിയായ പോലീസ് ഉദ്യോഗസ്ഥനും കോട്ടയം മെഡിക്കല്‍ കോളേജ് ആശുപത്രിയിലെ നഴ്സും രോഗബാധിതരില്‍ ഉള്‍പ്പെടുന്നു.