ജില്ലാ കളക്ടര്‍ എം. അഞ്ജന ഓഗസ്റ്റ് ഒന്നിന് നടത്തുന്ന മീനച്ചില്‍ താലൂക്ക് തല ഓണ്‍ലൈന്‍ അദാലത്തിലേക്കുള്ള പരാതികള്‍ ഇന്ന് (ജൂലൈ 23 ) രാവിലെ 10 മുതല്‍ വൈകുന്നേരം നാലു വരെ സ്വീകരിക്കും. താലൂക്കിലെ   അക്ഷയ കേന്ദ്രങ്ങള്‍ വഴി  ഇ-ആപ്ലിക്കേഷന്‍ മുഖേനയാണ്  പരാതികള്‍ സമര്‍പ്പിക്കേണ്ടത്. നിശ്ചിത സമയത്തിനു ശേഷം ലഭിക്കുന്നവ സ്വീകരിക്കില്ല. 

വീടും സ്ഥലവും ലഭ്യമാക്കല്‍, മുഖ്യമന്ത്രിയുടെ ദുരിതാശ്വാസനിധിയില്‍ നിന്നുള്ള ചികിത്സാ ധനസഹായം, പ്രളയ ദുരിതാശ്വാസ സഹായം, റേഷന്‍ കാര്‍ഡ്, നിലം-തോട്ടം- പുരയിടം ഇനം മാറ്റം എന്നീ വിഭാഗങ്ങളില്‍പെട്ടവ ഒഴികെയുളള പരാതികളാണ് അദാലത്തില്‍ പരിഗണിക്കുക.

 ബ്രേക്ക് ദി ചെയിന്‍ പ്രചാരണം ശക്തമാക്കുന്നതിന്  ജില്ലയിലെ എല്ലാ ഗ്രാമപഞ്ചായത്തുകളിലും യുവജന ക്ഷേമ ബോര്‍ഡിന്റെ നേതൃത്വത്തില്‍  ആരോഗ്യ മേഖലയുമായി ബന്ധപ്പെട്ടവരുടെ സംഘം രൂപീകരിക്കുന്നു. വിരമിച്ച ഡോക്ടര്‍മാര്‍, സ്വകാര്യ മേഖലയില്‍ ജോലി ചെയ്യുന്ന ഡോക്ടര്‍മാര്‍, നഴ്സുമാര്‍, ഫാര്‍മസിസ്റ്റുകള്‍, ലാബ് ടെക്നീഷ്യന്മാര്‍,  ആരോഗ്യ മേഖലയുമായി ബന്ധപ്പെട്ട കോഴ്‌സുകള്‍ പഠിക്കുന്നവര്‍  തുടങ്ങിയവര്‍  9746284329, 9656957573 എന്നീ ഫോണ്‍ നമ്പരുകളില്‍ ബന്ധപ്പെട്ട് വിവരം നല്‍കണം

സമ്പര്‍ക്കം മുഖേന രോഗം ബാധിച്ച 41 പേര്‍ ഉള്‍പ്പെടെ 51 പേര്‍ക്കു കൂടി കോട്ടയം ജില്ലയില്‍ കോവിഡ്-19 സ്ഥിരീകരിച്ചു. ജില്ലയിലെ ഏറ്റവും ഉയര്‍ന്ന പ്രതിദിന രോഗബാധാ നിരക്കാണിത്. 
 
പുതിയ രോഗികളില്‍ 23 പേരും ചങ്ങനാശേരി, പായിപ്പാട് മേഖലകളില്‍നിന്നുള്ളവരാണ്. ചിങ്ങവനത്ത് നേരത്തെ രോഗം സ്ഥിരീകരിച്ചയാള്‍ക്കൊപ്പം സംസ്കാരച്ചടങ്ങില്‍ പങ്കെടുത്ത നാലു പേര്‍ക്കും വൈക്കം മത്സ്യമാര്‍ക്കറ്റില്‍ രോഗബാധിതനായ ആളുടെ സമ്പര്‍ക്ക പട്ടികയിലുണ്ടായിരുന്ന രണ്ടു പേര്‍ക്കും  കോവിഡ്  ബാധിച്ചു. വിദേശത്തുനിന്നും മറ്റു സംസ്ഥാനങ്ങളില്‍നിന്നും എത്തിയ അഞ്ചു പേര്‍വീതം രോഗബാധിതരായി. 

കോവിഡ് വ്യാപനം രൂക്ഷമായിക്കൊണ്ടിരിക്കുന്ന സാഹചര്യത്തില്‍
കോട്ടയം മെഡിക്കല്‍ കോളേജ് ഉള്‍പ്പെടെയുള്ള ജില്ലയിലെ പ്രധാന സര്‍ക്കാര്‍ ആശുപത്രികളില്‍ ഗുരുതരമല്ലാത്ത ആരോഗ്യ പ്രശ്നങ്ങള്‍ക്ക് നേരിട്ട് ചികിത്സ തേടുന്നത് ഒഴിവാക്കണമെന്ന് ജില്ലാ കളക്ടര്‍ എം. അഞ്ജന നിര്‍ദേശിച്ചു. 

രോഗബാധ റിപ്പോര്‍ട്ട് ചെയ്യപ്പെട്ടിട്ടുള്ള ആശുപത്രികളില്‍ പോലും തിരക്ക് വര്‍ധിക്കുന്നത് അപകടകരമായ സാഹചര്യത്തിന് ഇടയാക്കും. ഡോക്ടറുടെ സേവനത്തിനായി സൗജന്യ ടെലി കണ്‍സള്‍ട്ടേഷന്‍, ഓണ്‍ലൈന്‍ സംവിധാനങ്ങള്‍ പ്രയോജനപ്പെടുത്തണം.

1. കുവൈറ്റില്‍നിന്നെത്തി ജൂണ്‍ 18ന് രോഗം സ്ഥിരീകരിച്ച എരുമേലി സ്വദേശി(28)

2. കുവൈറ്റില്‍നിന്നെത്തി ജൂണ്‍ 18ന് രോഗം സ്ഥിരീകരിച്ച കുറിച്ചി സ്വദേശി(34)

3. കുവൈറ്റില്‍നിന്നെത്തി ജൂണ്‍ 25ന് രോഗം സ്ഥിരീകരിച്ച പായിപ്പാട് സ്വദേശി(57)

4. കുവൈറ്റില്‍നിന്നെത്തി ജൂണ്‍ 26ന് രോഗം സ്ഥിരീകരിച്ച പാമ്പാടി സ്വദേശി(37)

5. സൗദി അറേബ്യയില്‍നിന്നെത്തി ജൂണ്‍ 30ന് രോഗം സ്ഥിരീകരിച്ച ഉഴവൂര്‍ സ്വദേശി(49)

6. സൗദി അറേബ്യയില്‍നിന്നെത്തി ജൂലൈ രണ്ടിന് രോഗം സ്ഥിരീകരിച്ച മണര്‍കാട് സ്വദേശി(63)

----
പായിപ്പാട് ഗ്രാമപഞ്ചായത്തിലെ ഏഴാം വാര്‍ഡ് കണ്ടെയ്ന്‍മെന്‍റ് സോണായി പ്രഖ്യാപിച്ച് ജില്ലാ കളക്ടര്‍ ഉത്തരവായി. ഇതോടെ പായിപ്പാട് പഞ്ചായത്തിൽ അഞ്ചു  വാര്‍ഡുകള്‍ കണ്ടെയ്ന്‍മെന്‍റ് സോണുകളായി.

ജില്ലയില്‍ ആകെ 18 തദ്ദേശഭരണ സ്ഥാപനങ്ങളിലായി 31 കണ്ടെയ്ന്‍മെന്‍റ് സോണുകളാണുള്ളത്.
പട്ടിക ചുവടെ(തദ്ദേശഭരണ സ്ഥാപനം വാര്‍ഡ് എന്ന ക്രമത്തില്‍)

മുനിസിപ്പാലിറ്റികള്‍ 
---------                                       
1.ചങ്ങനാശേരി-24, 31, 33, 34
2.ഏറ്റുമാനൂര്‍-4, 35
3.കോട്ടയം-39 , 46

-----
80 പുതിയ രോഗികള്‍; 389 പേര്‍ ചികിത്സയില്‍

കോട്ടയം ജില്ലയില്‍ 80 പേര്‍ക്ക് പുതിയതായി കോവിഡ് സ്ഥിരീകരിച്ചു. ഇതില്‍ അഞ്ച് ആരോഗ്യ പ്രവര്‍ത്തകരും സമ്പര്‍ക്കത്തിലൂടെ ബാധിച്ച 49 പേരും ഉള്‍പ്പെടുന്നു. വിദേശത്തുനിന്നെത്തിയ 11 പേരും മറ്റു സംസ്ഥാനങ്ങളില്‍നിന്നും വന്ന 15 പേരും രോഗബാധിതരായി. 

25 പേര്‍ രോഗമുക്തരായി. കോട്ടയം ജില്ലക്കാരായ 389 പേരാണ് ചികിത്സയിലുള്ളത്.  ഇതുവരെ ജില്ലയില്‍ ആകെ 687 പേര്‍ക്ക് രോഗം ബാധിച്ചു. 298 പേര്‍ രോഗമുക്തരായി. 

ജീവനക്കാരന് കോവിഡ് സ്ഥിരീകരിച്ചതിനെത്തുടര്‍ന്ന് കോട്ടയം ജില്ലാ കളക്ടര്‍ എം. അഞ്ജന ക്വാറന്റയിനില്‍ പ്രവേശിച്ചു. കളക്ടറുടെ കാര്യാലയത്തിലെ  കോട്ടയം സ്വദേശിക്കാണ് രോഗം ബാധിച്ചത്. സമ്പര്‍ക്ക പശ്ചാത്തലം വ്യക്തമല്ല. 

ഇദ്ദേഹവുമായി നേരിട്ട് സമ്പര്‍ക്കം പുലര്‍ത്തിയവരില്‍ കളക്ടറും അഡീഷണല്‍ ജില്ലാ മജിസ്‌ട്രേറ്റ് അനില്‍ ഉമ്മനും ഉള്‍പ്പെടെ 14 പേരെയാണ് ഇതുവരെ കണ്ടെത്തിയിട്ടുള്ളത്. എല്ലാവര്‍ക്കും ക്വാറന്റയിന്‍ നിര്‍ദേശിച്ചു.

രോഗമുക്തരായവരുടെ പേരുവിവരം

1 .  മുംബൈയില്‍ നിന്നെത്തി ജൂണ്‍ 28ന്  രോഗം  സ്ഥിരീകരിച്ച മണിമല സ്വദേശിനി (23)

2 .  മുംബൈയില്‍ നിന്നെത്തി ജൂലൈ രണ്ടിന് രോഗം  സ്ഥിരീകരിച്ച കോട്ടയം  സ്വദേശിനി  (36)

3   ഹരിയാനയില്‍ നിന്നെത്തി ജൂലൈ അഞ്ചിന് രോഗം  സ്ഥിരീകരിച്ച പായിപ്പാട് സ്വദേശിനി  (34)

4.  ഡൽഹിയില്‍ നിന്നെത്തി ജൂലൈ അഞ്ചിന് രോഗം സ്ഥിരീകരിച്ച വാഴപ്പള്ളി സ്വദേശി (39)

5.  മഹാരാഷ്ട്രയില്‍നിന്നെത്തി ജൂലൈ എട്ടിന് രോഗം സ്ഥിരീകരിച്ച പനച്ചിക്കാട് സ്വദേശിനി  (38)

6.  ഷാര്‍ജയില്‍ നിന്നെത്തി ജൂലൈ എട്ടിന് രോഗം സ്ഥിരീകരിച്ച നെടുംകുന്നം സ്വദേശി (53)

======
കോവിഡ് 19 രോഗികള്‍ക്കായി പ്രാഥമിക ചികിത്സാ കേന്ദ്രങ്ങള്‍ സജ്ജമാക്കുന്നതിന് കോട്ടയം ജില്ലാ ഭരണകൂടം ഇതുവരെ ഏറ്റെടുത്തത് 55 സ്ഥാപനങ്ങള്‍. കൂടുതല്‍ സൗകര്യങ്ങളുള്ള 33 കേന്ദ്രങ്ങളില്‍ മാത്രം 4255
പേരെ താമസിപ്പിക്കാനാകും. 1362 പേര്‍ക്കുള്ള സൗകര്യങ്ങള്‍ സജ്ജമായിയിക്കഴിഞ്ഞു. നാലു സി.എഫ്.എല്‍.ടി.സികളിലായി 307 പേരാണ് ഇപ്പോള്‍ ചികിത്സയില്‍ കഴിയുന്നത്. 

ചികിത്സയ്ക്കാവശ്യമായ ക്രമീകരണങ്ങള്‍ സജ്ജമാക്കുന്നതിനുള്ള നടപടികള്‍ മറ്റു കേന്ദ്രങ്ങളില്‍ പുരോഗമിക്കുകയാണ്.