ഡിസംബര്‍ മൂന്നിന് അന്തര്‍ദ്ദേശീയ ഭിന്നശേഷി ദിനം ജില്ലയില്‍ ആഘോഷിക്കുന്നതു സംബന്ധിച്ച കാര്യങ്ങള്‍ ചര്‍ച്ച ചെയ്യുന്നതിനായി നവംബര്‍ 17ന്  രാവിലെ 10 ന് ജില്ലാ പഞ്ചായത്തില്‍ ആലോചനാ യോഗം ചേരും. ജില്ലയില്‍ ഭിന്നശേഷിയുളളവരുടെ ക്ഷേമത്തിനായി പ്രവര്‍ത്തിക്കുന്ന സന്നദ്ധ സംഘടനകളുടെ പ്രതിനിധികളും സ്‌പെഷ്യല്‍ സ്‌കൂള്‍, ബഡ്‌സ് സ്‌കൂള്‍ പ്രതിനിധികളും യോഗത്തില്‍ പങ്കെടുക്കണമെന്ന് ജില്ലാ സാമൂഹ്യനീതി ഓഫീസര്‍ അറിയിച്ചു.

ലോണ്‍ കുടിശ്ശിക ഈടാക്കുന്നതിനായി ഏറനാട് താലൂക്ക് ചെമ്പ്രശ്ശേരി വില്ലേജ്  ബ്ലോക്ക് 146 റീസര്‍വ്വെ 104/3ല്‍പ്പെട്ട 0.0203 ഹെക്ടര്‍ ഭൂമി നവംബര്‍ 18ന് രാവിലെ 11ന് ചെമ്പ്രശ്ശേരി വില്ലേജില്‍ ലേലം ചെയ്യും.

ശിശുക്ഷേമ സമിതിയുടെ നേതൃത്വത്തില്‍ ദേശീയ ചിത്രരചനാ മത്സരം നവംബര്‍ 19ന് രാവിലെ ഒമ്പതിന് മലപ്പുറം ആനന്ദ് തിയേറ്ററിനു സമീപമുള്ള കെമിസ്റ്റ് ഹാളില്‍ നടക്കും.  ജില്ലയിലെ സ്‌കൂള്‍ വിദ്യാര്‍ഥികള്‍ക്ക് വിവിധ ഗ്രൂപ്പുകളായാണ് മത്സരം നടത്തുക.  ഫോണ്‍ 9946287500, 9447203054, 9544657265.

ജില്ലാതല വിജിലന്‍സ് സമിതി യോഗം ജില്ലാ കലക്ടറുടെ ചേമ്പറില്‍ ചെയര്‍മാന്‍ കൂടിയായ ജില്ലാ കലക്ടറുടെ അധ്യക്ഷതയില്‍ ചേര്‍ന്നു.  സമിതി കണ്‍വീനര്‍ വിജിലന്‍സ് ഡി.വൈ.എസ്.പി എ. രാമചന്ദ്രന്‍, ജില്ലയിലെ വിവിധ സര്‍ക്കാര്‍ വകുപ്പുതല മേധാവികള്‍, കമ്മിറ്റി മെമ്പര്‍മാര്‍, അഴിമിതി വിരുദ്ധ സംഘടനകള്‍, സന്നദ്ധ സംഘടനകള്‍, കലാകായിക സംഘടനകള്‍, ജില്ലയിലെ അകീകൃത രാഷ്ട്രീയ പാര്‍ട്ടികളുടെ പ്രതിനിധികള്‍ എന്നിവര്‍ യോഗത്തില്‍ പങ്കെടുത്തു.

കോട്ടക്കല്‍ ഗവ: വനിതാ പോളിടെക്‌നിക്ക് കോളേജില്‍ താല്‍ക്കാലികാടിസ്ഥാനത്തില്‍ ഇലക്‌ട്രോണിക്‌സ് ആന്റ് ഇന്‍സ്ട്രുമെന്റേഷന്‍ എഞ്ചിനീയറിംഗ് ബ്രാഞ്ചില്‍ ഡെമോണ്‍സ്‌ട്രേറ്റര്‍,  ഇലക്‌ട്രോണിക്‌സ് ആന്റ് കമ്മ്യൂണിക്കേഷന്‍, ഇലക്‌ട്രോണിക്‌സ് എഞ്ചിനീയറിംഗ്  ബ്രാഞ്ചുകളില്‍ ട്രേഡ്‌സ്മാന്‍ തസ്തികകളില്‍ ഒഴിവുണ്ട്.  സാങ്കേതിക വിദ്യാഭ്യാസ വകുപ്പ് നിഷ്‌കര്‍ശിച്ചിച്ചുള്ള യോഗ്യത, പ്രായം, പ്രവര്‍ത്തി പരിചയം എന്നിവ ആവശ്യമാണ്. കൂടിക്കാഴ്ച നവംബര്‍ 20ന് ന് രാവിലെ 10 ന് കോളേജില്‍ നടത്തും.

    ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ സ്വയം തൊഴില്‍ വിഭാഗത്തിന്റെ ആഭിമുഖ്യത്തില്‍ നവംബര്‍ 22ന് രാവിലെ 10ന് കൊണ്ടോട്ടി ബ്ലോക്ക് പഞ്ചായത്ത് ഹാളില്‍ സ്വയംതൊഴില്‍ ബോധവത്കരണ ശില്‍പ്പശാല സംഘടിപ്പിക്കുന്നു.  താല്‍പര്യമുള്ളവര്‍ രാവിലെ 10ന് എത്തണം.

പെരിന്തല്‍മണ്ണ പി.ടി.എം ഗവ. കോളേജ് ബിരുദാനന്തര ബിരുദ അറബിക് വിഭാഗം അറബിക് - ഇംഗ്ലീഷ് ട്രാന്‍സ്‌ലേഷനില്‍ ഹൃസ്വകാല കോഴ്‌സ് നടത്തുന്നു.  താത്പര്യമുളള ബിരുദ യോഗ്യതയുളളവര്‍ക്ക് അപേക്ഷിക്കാം. ഫോണ്‍ നമ്പര്‍: 9946178910, 8078077910

 
       പെരിന്തല്‍മണ്ണ ഗവ. പോളിടെക്‌നിക്ക് കോളേജില്‍  പാര്‍ട്ട് ടൈം  ഡിപ്‌ളോമ  അഡ്മിഷന്‍ 2017-18 ന്റെ  റാങ്ക് ലിസ്റ്റില്‍ ഉള്‍പ്പെട്ട  ഇലക്ട്രിക്കല്‍ ആന്റ് ഇലക്‌ട്രോണിക്‌സ് എഞ്ചിനീയറിംഗ്, സിവില്‍ എഞ്ചിനീയറിംഗ് ബ്രാഞ്ചുകളിലെ അപേക്ഷകര്‍ നവംബര്‍ 20ന് രാവിലെ ഒമ്പതിന് അപേക്ഷയോടൊപ്പം സമര്‍പ്പിച്ച സര്‍ട്ടിഫിക്കറ്റുകളുടെ ഒറിജിനലും കൂടാതെ ടി.സി., സി.സി., എന്‍.ഒ.സി. എന്നിവയും, ആദ്യസെമസ്റ്റര്‍ ഫീസ് (ഏകദേശം 13,850/- രൂപ) എന്നിവ സഹിതം പ്രവേശനത്തിന്  എത്തണം. റാങ്ക്‌ലിസ്റ്റ് നോട്ടീസ് ബോര്‍ഡില്‍ പ്രസിദ്ധീകരിച്ചിട്ടുണ്ട്.  ഫോണ്‍ 04933 227253, 9400006448.

ജീവിതത്തിലുണ്ടാവുന്ന പ്രതിസന്ധികള്‍ അതിജീവിക്കാന്‍ പെണ്‍കുട്ടികള്‍ ശാരീരികമായും മാനസികമായും കരുത്താര്‍ജ്ജിക്കണമെന്ന് തദ്ദേശ സ്വയംഭരണ വകുപ്പ് മന്ത്രി കെ.ടി. ജലീല്‍ പറഞ്ഞു.  ആര്‍.എം.എസ്.എയുടെ കീഴില്‍ നടപ്പാക്കുന്ന പെണ്‍ക്കുട്ടികള്‍ക്കുള്ള പ്രതിരോധ പരിശീലനത്തിന്റെ ജില്ലാതല ഉദ്ഘാടനം മലപ്പുറം ഗവ. ഗേള്‍സ് ഹയര്‍ സെക്കന്‍ഡറി സ്‌കൂളില്‍ നിര്‍വ്വഹിച്ച് സംസാരിക്കുകയായിരുന്നു അദ്ദേഹം.