സംസ്ഥാനത്ത് ജപ്പാന്റെ മാനുഫാക്ചറിങ് ഇന്‍സ്റ്റിറ്റ്യൂട്ട് സ്ഥാപിക്കുന്ന കാര്യം പരിഗണിക്കുമെന്ന് ഇന്ത്യയിലെ ജപ്പാന്‍ അംബാസിഡര്‍ കെന്‍ജി ഹിരാമസൂ പറഞ്ഞു. മുഖ്യമന്ത്രി പിണറായി വിജയനുമായി ബുധനാഴ്ച നടത്തിയ ചര്‍ച്ചയിലാണ് ഈ വാഗ്ദാനം. കേരളത്തില്‍ റബ്ബര്‍ അധിഷ്ഠിത വ്യവസായങ്ങള്‍ സ്ഥാപിക്കുന്നതിന് ജപ്പാനുമായി സഹകരിക്കാന്‍ താല്പര്യമുണ്ടെന്ന് മുഖ്യമന്ത്രി അറിയിച്ചപ്പോഴാണ് മാനുഫാക്ചറിങ് ഇന്‍സ്റ്റിറ്റ്യൂട്ട് പരിഗണിക്കാമെന്ന് അംബസിഡര്‍ പറഞ്ഞത്. ഏതൊക്കെ മേഖലകളില്‍ സാങ്കേതിക വിദ്യ ലഭ്യമാക്കണമെന്നും നിക്ഷേപം നടത്തണമെന്നും ഈ സ്ഥാപനത്തിന് തീരുമാനിക്കാന്‍ കഴിയും.

ആന്റി നാര്‍കോട്ടിക് ആക്ഷന്‍ സെന്റര്‍ ഓഫ് ഇന്ത്യാ യൂണിവേഴ്‌സിറ്റി കോളേജ് സ്റ്റുഡന്റ്‌സ് യൂണിയന്‍, ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ്, ലയണ്‍സ് ക്ലബ്, തിരുവനന്തപുരം നഗരസഭ എന്നിവ സംയുക്തമായി സംഘടിപ്പിക്കുന്ന എയ്ഡ്‌സ് രോഗനിവാരണ ദിനാചരണവും റെഡ് റിബര്‍ മാര്‍ച്ചും ഡിസംബര്‍ ഒന്നിനു നടക്കും.  രാവിലെ 9.30 ന് റെഡ് റിബണ്‍ മാര്‍ച്ച് യൂണിവേഴ്‌സിറ്റി കോളേജിനു മുന്നില്‍ നിന്നാരംഭിക്കും.  രാവിലെ 10.30 ന് യൂണിവേഴ്‌സിറ്റി കോളേജ് ആഡിറ്റോറിയത്തില്‍ നടക്കുന്ന ദിനാചരണ പരിപാടികള്‍ സഹകരണ വകുപ്പു മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്യും.

ഇടുക്കി ജില്ലയിലെ ഒരു അര്‍ദ്ധ സര്‍ക്കാര്‍ സ്ഥാപനത്തില്‍ ഡെയറി ടെക്‌നോളജിയില്‍ ടീച്ചിംഗ് അസിസ്റ്റന്റിനെ താല്ക്കാലികമായി നിയമിക്കുന്നു.  ബി.ടെക് ഡെയറി ടെക്‌നോളജി, ഡെയറി സയന്‍സ് ആന്റ ടെക്‌നോളജി ബിരുദാനന്തരബിരുദം എ.എ.ടി/പിഎച്ച്.ഡി (യു.ജി.സി. മാനദണ്ഡം അനുസരിച്ച്) ആണ് യോഗ്യത.  18-40 വയസ് (നിയമാനുസൃത വയസിളവ് ബാധകം) ആയിരിക്കണം പ്രായം.  അധ്യാപന, ഗവേഷണ പരിചയം അഭികാമ്യം.

ഇ. ചന്ദ്രശേഖരന്‍ നായരുടെ വിയോഗത്തിലൂടെകേരളത്തിന്റെ പൊതുസമൂഹത്തിന് നഷ്ടമായത്ഏറെ പ്രിയപ്പെട്ട ജനനേതാവിനെയാണെന്ന് മന്ത്രി കടകംപള്ളി സുരേന്ദ്രന്‍ പറഞ്ഞു. 

ഇ.ചന്ദ്രശേഖരന്‍ നായരുടെ വിയോഗം കേരളീയ സമൂഹത്തില്‍ വലിയ വിടവാണുണ്ടാക്കിയിരിക്കുന്നതെന്ന് തൊഴിലും നൈപുണ്യവും എക്സൈസും വകുപ്പു മന്ത്രി ടി.പി.രാമകൃഷ്ണന്‍ അനുശോചന സന്ദേശത്തില്‍ പറഞ്ഞു. 

ഇടതുപക്ഷ ജനാധിപത്യ ഐക്യം ഉറപ്പിക്കുന്നതിനും, മതനിരപേക്ഷത ശക്തിപ്പെടുത്തുന്ന രാഷ്ട്രീയ ദൗത്യം നിര്‍വ്വഹിക്കുന്നതിലും ഇ.ചന്ദ്രശേഖരന്‍ നായര്‍ വഹിച്ച പങ്ക് നിസ്തുലമാണ്. മികവുറ്റ നിയമസഭാ സാമാജികന്‍, ശ്രമകരമായ പരിഷ്‌കാരങ്ങള്‍ ദീര്‍ഘവീക്ഷണത്തോടെ നടപ്പാക്കിയ മന്ത്രി, സമകാലിക രാഷ്ട്രീയ വിഷയങ്ങള്‍ അപഗ്രഥിക്കുന്ന പംക്തിക്കാരന്‍ എന്നിങ്ങനെ വിവിധ മേഖലകളില്‍ അദ്ദഹം നിറഞ്ഞ് നിന്നു.

സത്യസന്ധതയും ജനങ്ങളോടുള്ള പ്രതിബദ്ധതയും പരമപ്രധാനമെന്നു കരുതി രാഷ്ട്രീയപ്രവര്‍ത്തനത്തെ നിസ്വാര്‍ത്ഥ സേവനത്തിനുള്ള അവസരമായി കണ്ട നേതാവായിരുന്നു ഇ. ചന്ദ്രശേഖരന്‍ നായര്‍ എന്ന് ജലവിഭവ വകുപ്പു മന്ത്രി മാത്യു. ടി. തോമസ് പറഞ്ഞു.

മുന്‍മന്ത്രി ഇ. ചന്ദ്രശേഖരന്‍ നായരുടെ നിര്യാണത്തിലൂടെ നഷ്ടമായത് കാരണവസ്ഥാനത്തുള്ള നല്ലൊരു രാഷ്ട്രീയ ഗുരുനാഥന്‍ കൂടിയാണെന്ന് വനം വകുപ്പുമന്ത്രി അഡ്വ. കെ. രാജു അനുശോചന സന്ദേശത്തില്‍ പറഞ്ഞു.  കൊല്ലം ജില്ലയിലെ പാര്‍ട്ടി പ്രവര്‍ത്തനങ്ങളിലും നിയമസഭാ സമാജികന്‍ എന്ന നിലയില്‍ അദ്ദേഹം വിവിധ മണ്ഡലങ്ങളെ പ്രതിനിധികരിച്ചപ്പോഴും അടുത്തിടപഴകാനും ആത്മബന്ധം സ്ഥാപിക്കാനും കഴിഞ്ഞു.  പൊതു പ്രവര്‍ത്തന രംഗത്ത് ഒട്ടേറെ നല്ല മാതൃകകള്‍ അദ്ദേഹത്തില്‍ നിന്ന് പകര്‍ത്താന്‍ ശ്രമിച്ചിട്ടുണ്ട്.

കേരളം കണ്ട മികച്ച ഭരണകര്‍ത്താക്കളില്‍ ഒരാളും മാവേലി മന്ത്രി എന്ന പേരില്‍ ജനാധിപത്യ കേരളത്തില്‍ ജനഹൃദയങ്ങളില്‍ ഇടം നേടിയ പ്രഗത്ഭമതിയുമായിരുന്നു.  ഇ.ചന്ദ്രശേഖരന്‍ നായര്‍ എന്ന് ഭക്ഷ്യ പൊതുവിതരണ വകുപ്പ് മന്ത്രി പി. തിലോത്തമന്‍ അനുസ്മരിച്ചു.

ഭക്ഷ്യ-പൊതുവിതരണ വകുപ്പ് മന്ത്രി എന്ന നിലയില്‍ ചന്ദ്രശേഖരന്‍ നായരുടെ ഭരണപാടവം എന്നും സ്മരിക്കപ്പെടും. അദ്ദേഹം നടപ്പിലാക്കിയ മാവേലി സ്റ്റോറുകള്‍ പൊതുവിതരണ രംഗത്ത് വിലക്കയറ്റം പിടിച്ചു നിര്‍ത്താന്‍ ഏറ്റവും വലിയ ഇടപെടലായിരുന്നു.  ഇന്‍ഡ്യക്കാകെ  മാതൃകയാണ് മാവേലി സ്റ്റോറുകളുടെ പ്രവര്‍ത്തനം.  

കേരള വന ഗവേഷണ സ്ഥാപനത്തില്‍ ഒരു വര്‍ഷം വരെ കാലാവധിയുള്ള സമയബന്ധിത ഗവേഷണ പദ്ധതിയായ കാംപസ് ഗാര്‍ഡന്‍ ഡെവലപ്‌മെന്റ് പ്രോജക്ട് അസിസ്റ്റന്റിന്റെ താല്ക്കാലിക ഒഴിവുണ്ട്.  ഉദ്യോഗാര്‍ത്ഥികള്‍ ഡിസംബര്‍ എട്ട് രാവിലെ 10 ന് കേരള വന ഗവേഷണ സ്ഥാപനത്തിന്റെ തൃശ്ശൂര്‍ പീച്ചി ഓഫീസില്‍ വാക്ക്-ഇന്‍-ഇന്റര്‍വ്യൂവിന് എത്തണം. വെബ്‌സൈറ്റ്: swww.kfri.res.in 

പി.എന്‍.എക്‌സ്.5085/17

കേരള നിയമസഭയുടെ വജ്രജൂബിലി ആഘോഷങ്ങളോടനുബന്ധിച്ച് കാസര്‍ഗോഡ് ജില്ലയില്‍ 2017 ഡിസംബര്‍ നാല് അഞ്ച് തീയതികളില്‍ സംഘടിപ്പിക്കാന്‍ നിശ്ചയിച്ചിരുന്ന പരിപാടികള്‍ മാറ്റിവച്ചതായി നിയമസഭാ സെക്രട്ടറി അറിയിച്ചു.  പുതുക്കിയ തീയതി പിന്നീട് അറിയിക്കും.

പി.എന്‍.എക്‌സ്.5084/17