ജില്ലാ കേരളോത്സവത്തിന്റെ  കലാമത്സരങ്ങള്‍ ഡിസംബര്‍ 3,4 തീയതികളില്‍ നടക്കും. നവംബര്‍ 25,26 തീയതികളില്‍ നടക്കുമെന്നായിരുന്നു നേരത്തെ അറിയിച്ചിരുന്നത്. ഘോഷയാത്ര ഡിസംബര്‍ രണ്ടിന് നടക്കും. മത്സരങ്ങളുടെ ഇനങ്ങളും വേദികളും മുന്‍ നിശ്ചയിച്ചത് പോലെ നടക്കും. പിഎസ് സി പരീക്ഷ നടക്കുന്നതിനാലാണ് തീയതി മാറ്റിയത്.

പി.ടി.എം ഗവ. കോളേജ് ഫിസിക്‌സ് വിഭാഗത്തിന്റെ നേതൃത്വത്തില്‍ ദ്വിദിന ആസ്‌ട്രോ ഫിസിക്‌സ് ദേശീയ സെമിനാര്‍ നവംബര്‍ 23,24 തീയതികളില്‍ കോളേജില്‍ നടക്കും.  കോളേജ് വിദ്യാഭ്യാസ വകുപ്പിന്റെ സാമ്പത്തിക സഹായത്തോടെയാണ് സെമിനാര്‍ സംഘടിപ്പിക്കുന്നത്.  ഡോ. അജി എ ആനപ്പാറ, ഡോ. ലിബു അലക്‌സാണ്ടര്‍, ഡോ. ബിജു, ഡോ. ജിനു പി യോഹന്നാന്‍ എന്നിവര്‍ പങ്കെടുക്കും.

തദ്ദേശസ്ഥാപനങ്ങളുടെ പദ്ധതികള്‍ക്ക് അംഗീകാരം നല്‍കുന്നതിനായി ജില്ലാ ആസൂത്രണ സമിതിയുടെ യോഗം ഇന്ന് (നവംബര്‍ 22) ജില്ലാ പഞ്ചായത്ത് സമ്മേളന ഹാളില്‍ ചേരും.