കുട്ടികളുടെ ഭാവി നശിപ്പിക്കുന്ന വിധത്തില്‍ ചില സാമൂഹ്യവിരുദ്ധ ശക്തികള്‍ ഇടപെടുന്നതായും മയക്കുമരുന്ന് ലോബി കുട്ടികളെ കാരിയര്‍മാരായി ഉപയോഗിക്കുന്ന നിലയുണ്ടെന്നും മുഖ്യമന്ത്രി പിണറായി വിജയന്‍ പറഞ്ഞു. സംസ്ഥാന ശിശുക്ഷേമ സമിതിയുടെ ആഭിമുഖ്യത്തില്‍ എസ്. എം. വി ഹയര്‍സെക്കന്‍ഡറി സ്‌കൂളില്‍ സംഘടിപ്പിച്ച ശിശുദിനാഘോഷ ചടങ്ങില്‍ ശിശുദിന സന്ദേശം നല്‍കുകയായിരുന്നു അദ്ദേഹം. 

പരീക്ഷാഭവന്‍ നവംബര്‍ 20 മുതല്‍ 25 വരെ നടത്തുന്ന ട്രെയിന്‍ഡ് ടീച്ചേഴ്‌സ് സര്‍ട്ടിഫിക്കറ്റ് (റ്റി.റ്റി.സി) പ്രൈവറ്റ് പരീക്ഷയുടെ ഹാള്‍ ടിക്കറ്റ്, ടൈംടേബിള്‍, ക്യാന്‍ഡിഡേറ്റ് ലിസ്റ്റ് എന്നിവ www.keralapreekshbhavan.in ല്‍ ലഭ്യമാണ്.  പരീക്ഷാര്‍ത്ഥികള്‍ പരീക്ഷാകേന്ദ്രങ്ങളിലെ ചീഫ് സൂപ്രണ്ടില്‍ നിന്നും ഹാള്‍ടിക്കറ്റ് വാങ്ങണം.

പി.എന്‍.എക്‌സ്.4845/17

നവംബര്‍ 20 ന് ആരംഭിക്കുന്ന ഡി.എഡ് ഒന്ന്, മൂന്ന് സെമസ്റ്റര്‍ പരീക്ഷകളുടെ ഹാള ടിക്കറ്റ്: www.keralapareekshabhavan.in ല്‍ പ്രസിദ്ധീകരിച്ചു.  പ്രിന്‍സിപ്പാല്‍മാര്‍ ഡി.എഡ് ലോഗിന്‍ ഉപയോഗിച്ച് പ്രിന്റ് എടുത്ത് വിതരണം ചെയ്യണം.

പി.എന്‍.എക്‌സ്.4844/17

കേരള നിയമസഭയുടെ വജ്രജൂബിലി അഘോഷങ്ങളോടനുബന്ധിച്ച് പ്രസിദ്ധീകരിച്ച 'കേരള നിയമസഭ - നിയമനിര്‍മ്മാണത്തിന്റെ ആറ് പതിറ്റാണ്ടുകള്‍ 1957-2017' എന്ന ഗ്രന്ഥം 950 രൂപ നിരക്കില്‍ നിയമസഭാ മ്യൂസിയത്തിലെ സെയില്‍സ് വിഭാഗത്തില്‍ ലഭ്യമാണ്.  വജ്രജൂബിലി ആഘോഷത്തിന്റെ ഭാഗമായി 2018 ഏപ്രില്‍ 27 വരെയുള്ള വില്‍പ്പനയ്ക്ക് 20 ശതമാനം റിബേറ്റ് അനുവദിക്കുമെന്ന് നിയമസഭാ സെക്രട്ടറി അറിയിച്ചു.

പി.എന്‍.എക്‌സ്.4843/17

തിരുവനന്തപുരം ഗവ: ആയുര്‍വേദ കോളേജ് ശാലാക്യതന്ത്ര വകുപ്പില്‍ റിസര്‍ച്ച് ഫെല്ലോമാരെ നിയമിക്കുന്നതിന് നാളെ (നവംബര്‍ 16) രാവിലെ 11ന് വാക്ക് ഇന്‍ ഇന്റര്‍വ്യൂ നടത്തും.  ശാലാക്യതന്ത്ര ബിരുദാനന്തര ബിരുദമുളള ഉദ്യോഗാര്‍ത്ഥികള്‍ ബയോഡേറ്റയും ബന്ധപ്പെട്ട സര്‍ട്ടിഫിക്കറ്റുകളുടെ അസലും ഓരോ പകര്‍പ്പും സഹിതം അന്നേ ദിവസം രാവിലെ 10ന് തിരുവനന്തപുരം ഗവ: ആയുര്‍വേദ കോളേജ് പ്രിന്‍സിപ്പാളിന്റെ ഓഫീസില്‍ എത്തണം.

പി.എന്‍.എക്‌സ്.4842/17

കേരള ശാസ്ത്ര സാങ്കേതിക പരിസ്ഥിതി കൗണ്‍സില്‍ തലശ്ശേരി ഗവണ്‍മെന്റ് ബ്രണ്ണന്‍ കോളേജില്‍ നടത്തുന്ന 30 -ാമത് കേരള ശാസ്ത്ര കോണ്‍ഗ്രസിലേക്കുള്ള രജിസ്‌ട്രേഷനും പ്രബന്ധങ്ങളും സ്വീകരിക്കുന്ന  തീയതി നവംബര്‍ 22 വരെ നീട്ടി.  വിശദ വിവരങ്ങള്‍ www.ksc.kerala.gov.in ല്‍ ലഭ്യമാണ്.

പി.എന്‍.എക്‌സ്.4841/17

കയര്‍ വ്യവസായ ബന്ധസമിതി തൊഴിലാളി പ്രതിനിധിയായി വി.എസ് മണി, തൊഴിലുടമാ പ്രതിനിധിയായി ജോസ് പോള്‍ മാത്യു എന്നിവരെ ഉള്‍പ്പെടുത്തി പുന:സംഘടിപ്പിച്ച് ഉത്തരവായി.

പി.എന്‍.എക്‌സ്.4840/17

കേരള നിയമസഭയുടെ മുതിര്‍ന്ന പൗരന്മാരുടെ ക്ഷേമം സംബന്ധിച്ച സമിതി ഇന്നും നാളെയും (നവംബര്‍ 15, 16) യഥാക്രമം ഇടുക്കി, മൂന്നാര്‍ എന്നിവിടങ്ങളില്‍ നടത്താന്‍ തീരുമാനിച്ചിരുന്ന യോഗങ്ങള്‍ മാറ്റിവച്ചതായി നിയമസഭാ സെക്രട്ടറി അറിയിച്ചു.

പി.എന്‍.എക്‌സ്.4839/17

പ്രവാസി പുനരധിവാസത്തിനായി  നോര്‍ക്ക റൂട്ട്‌സ് നടപ്പാക്കുന്ന സ്വയംതൊഴില്‍ വായ്പാപദ്ധതിയുടെ (NDPREM) ഭാഗമായുള്ള തൊഴില്‍ സംരംഭകത്വ പരിശീനപരിപാടിയുടെ പുതിയ ബാച്ചുകളിലേക്ക് അപേക്ഷ ക്ഷണിച്ചു. സര്‍ക്കാര്‍ സ്വയംഭരണ സ്ഥാപനമായ തിരുവനന്തപുരം സെന്റര്‍ ഫോര്‍ മാനേജ്‌മെന്റ് ഡവലപ്പ്‌മെന്റ് (സി.എം.ഡി) ആണ് പരിശീലനപരിപാടി സംഘടിപ്പിക്കുന്നത്.

സംസ്ഥാന സ്‌കൂള്‍ കലോത്സവം  തൃശൂരില്‍ നടത്തുന്നതുമായി ബന്ധപ്പെട്ട്  സംഘാടക സമിതി രൂപീകരണ യോഗം നവംബര്‍ 17 രാവിലെ 9.30 ന് ടൗണ്‍ഹാളില്‍ ചേരും. വിദ്യാഭ്യാസ വകുപ്പ് മന്ത്രി പ്രൊഫ.സി.രവീന്ദ്രനാഥ് ഉദ്ഘാടനം ചെയ്യും. കൃഷി വകുപ്പ് മന്ത്രി അഡ്വ.വി.എസ്.സുനില്‍കുമാര്‍ അദ്ധ്യക്ഷത വഹിക്കും. വ്യവസായ വകുപ്പ് മന്ത്രി എ.സി.മൊയ്തീന്‍ മുഖ്യാതിഥിയാകും.