കല്‍പ്പാത്തി ദേശീയ സംഗീതോത്സവത്തിന് ഇന്ന് (നവംബര്‍ എട്ട്) തുടക്കമാവും. കല്പാത്തി ചാത്തപ്പുരം മണി അയ്യര്‍ റോഡില്‍ പ്രത്യേകം സജ്ജീകരിച്ച  ലാല്‍ഗുഡി.ജി.ജയരാമന്‍ നഗറില്‍   വൈകീട്ട് ആറിന് എം.ബി.രാജേഷ് എം.പി സംഗീതോത്സവം ഉദ്ഘാടനം ചെയ്യും.

സംസ്ഥാന ടൂറിസം വകുപ്പിന്റെ ആഭിമുഖ്യത്തില്‍  ജില്ലാ ടൂറിസം പ്രമോഷന്‍ കൗണ്‍സില്‍ 'പര്യടന്‍ പര്‍വ്' ന്റെ ഭാഗമായി ഒക്ടോബര്‍ 19-ന് ഹയര്‍ സെക്കന്‍ഡറി , വെക്കേഷനല്‍ ഹയര്‍ സെക്കന്‍ഡറി വിദ്യാര്‍ഥികള്‍ക്കായി സംഘടിപ്പിച്ച  ജലച്ചായ ചിത്രരചനാ മത്സരത്തില്‍ മുണ്ടൂര്‍  എച്ച്.എസ്സ്.എസ്സിലെ കെ.എസ്.അനാമിക ഒന്നാം സ്ഥാനവും ആലത്തൂര്‍ ബി.എസ്സ്.എസ്സ്.ജി.എച്ച്.എസ്സ്.എസ്.ലെ അഫ്സല്‍.എ.സലിം രണ്ടാം സ്ഥാനവും പാലക്കാട്   പി.എം.ജി.എച്ച്.എസ്സ്.എസ്.ലെ വി.സാന്ദ്ര മൂന്നാം സ്ഥാനവും നേടി.

പട്ടാമ്പി-പളളിപ്പുറം സ്റ്റേഷനുകള്‍ക്കിടയിലുളള  പെരുമുടിയൂര്‍  , കൊടുമുണ്ട റെയില്‍വെ ഗെയ്റ്റുകള്‍  അറ്റകുറ്റപ്പണികള്‍ക്കായി അടച്ചിടും. ഇന്ന് (നവംബര്‍ എട്ട്) രാവിലെ ഏഴ് മുതല്‍ വൈകീട്ട് അഞ്ചു വരെ പെരുമുടിയൂര്‍ ഗെയ്റ്റ് അടച്ചിടുന്നതിനാല്‍ ഇതു വഴിയുള്ള വാഹനങ്ങള്‍ 
പട്ടാമ്പി-ശങ്കരമംഗലം റോഡ് വഴി പോകണം. 

കൊടുമുണ്ട റെയില്‍വെ ഗെയ്റ്റ് നവംബര്‍ ഒമ്പത് രാവിലെ ഏഴ് മുതല്‍ വൈകീട്ട് അഞ്ച് വരെ അടച്ചിടുന്നതിനാല്‍ ഇതുവഴിയുള്ള വാഹനങ്ങള്‍  കൊപ്പം-മുതുതല റോഡ് വഴി പോകണമെന്ന് ഷൊര്‍ണ്ണൂര്‍ അസിസ്റ്റന്റ് ഡിവിഷന്‍ എഞ്ചിനീയര്‍ അറിയിച്ചു.  

പിന്നാക്ക വിഭാഗ വികസന വകുപ്പ് മുഖേന വിശ്വകര്‍മ പെന്‍ഷന്‍ ലഭിക്കുന്നവര്‍   ലൈഫ് സര്‍ട്ടിഫിക്കറ്റും പഞ്ചായത്തില്‍ നിന്നുള്ള സാക്ഷ്യപത്രവും നവംബര്‍ 30നകം പിന്നാക്ക വിഭാഗ വികസന വകുപ്പിന്റെ തിരുവനന്തപുരം,കോഴിക്കാട്,എറണാകുളം ഓഫീസ് വിലാസത്തില്‍ ലഭ്യമാക്കണമെന്ന് ഡെപ്യൂട്ടി ഡയറക്ടര്‍ അറിയിച്ചു. 

ക്ഷീര കര്‍ഷകര്‍ക്ക് രാത്രികാലങ്ങളില്‍ അടിയന്തര സഹായത്തിനായി മൃഗസംരക്ഷണ വകുപ്പ് ബ്ലോക്കുകള്‍ തോറും താത്കാലികമായി വെറ്ററിനറി ഡോക്ടര്‍മാരെ നിയമിച്ചു. പാലക്കാട,് ചിറ്റൂര്‍,ശ്രീകൃഷ്ണപുരം , പട്ടാമ്പി , ആലത്തൂര്‍ ബ്ലോക്കുകളിലെ ക്ഷീരകര്‍ഷകര്‍ക്ക് രാത്രികാലങ്ങളിലെ അടിയന്തര സേവനത്തിനായി താത്കാലികമായി വെറ്ററിനറി ഡോക്ടര്‍മാരെ നിയമിച്ചതായി ജില്ലാ മൃഗസംരക്ഷണ ഓഫീസര്‍ അറിയിച്ചു. ക്ഷീരകര്‍ഷകരുടെ അറിവിലേയ്ക്കായി വെറ്ററിനറി ഡോക്ടര്‍മാരുടെ ഫോണ്‍ നമ്പറുകള്‍ ചുവടെ കൊടുക്കുന്നു.

ദേശീയ നഗരാരോഗ്യദൗത്യത്തിന് കീഴില്‍ ജില്ലയിലെ അര്‍ബന്‍ ഹെല്‍ത്ത് കോഡിനേറ്ററുടെ കരാര്‍ നിയമനം നടത്തുന്നു. എം.ബി.എയും രണ്ടു വര്‍ഷത്തെ പ്രവൃത്തി പരിചയവുമാണ് യോഗ്യത. പ്രായം 2017 ഏപ്രില്‍ ഒന്നിന് 40 കവിയരുത്. പ്രതിമാസം  20,000/ രൂപയാണ് ശമ്പളം.

അപേക്ഷയോടൊപ്പം വയസ്സ്,  വിദ്യാഭ്യാസയോഗ്യത, പ്രവൃത്തി പരിചയം തെളിയിക്കുന്ന സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍, ഫോണ്‍ നമ്പര്‍, ഇമെയില്‍ വിലാസം നല്‍കണം.

വിദ്യാര്‍ഥികളിലെ നൈപുണ്യ വികസനം ലക്ഷ്യമിട്ടുള്ള അഡീഷനല്‍ സ്‌കില്‍ അക്വിസിഷന്‍ പ്രോഗ്രാം (അസാപ്) പദ്ധതിയില്‍ വ്യവസായ മേഖലയുടെ പ്രാതിനിധ്യം ഉറപ്പാക്കുന്നതിനായി ജില്ലാ കലക്ടറേറ്റ് സമ്മേളനഹാളില്‍ 'ഇന്‍ഡസ്ട്രി റൗണ്ട് ടേബ്ള്‍' യോഗം ചേര്‍ന്നു.

വിദ്യാര്‍ഥികളിലെ കഴിവുകളെ കണ്ടെത്തി പ്രത്യേക പരിശീലനം നല്‍കി വ്യവസായ മേഖലയില്‍ തൊഴില്‍  ഉറപ്പാക്കുകയും അതുവഴി വ്യവസായിക വികസനവും നടപ്പാക്കുകയാണ് യോഗത്തിന്റെ ലക്ഷ്യം.ഒറ്റപ്പാലം കിന്‍ഫ്രയിലും തൃത്താല ചാത്തന്നൂരും തുടങ്ങുന്ന കമ്മ്യൂനിറ്റി സ്‌കില്‍ പാര്‍ക്കില്‍  വ്യവസായികളുടെയും സംരഭകരുടെയും പ്രാതിനിധ്യം ഉറപ്പാക്കും.

ലോക ഭിന്നശേഷി ദിനാചരണത്തോടനുബന്ധിച്ച്  ഡിസംബര്‍ മൂന്നിന് ജില്ലയില്‍ വിവിധ പരിപാടികള്‍ നടത്തുന്നതിന് നവംബര്‍ 13ന് കലക്റ്ററേറ്റ് സമ്മേളന ഹാളില്‍ ആലോചന യോഗം ചേരും.

രാവിലെ 10.30ന് ജില്ലാ കലക്ടര്‍ ഡോ: പി. സുരേഷ് ബാബുവിന്റെ അധ്യക്ഷതയില്‍ ചേരുന്ന യോഗത്തില്‍ ഭിന്നശേഷിക്കാര്‍ക്കായി പ്രവര്‍ത്തിക്കുന്ന സ്ഥാപന മേധാവികളും സംഘടന പ്രതിനിധികളും പങ്കെടുക്കണമെന്ന് ജില്ലാ സാമൂഹിക നീതി ഓഫീസര്‍ അറിയിച്ചു.
 

പാലക്കാട് നഗരസഭാ കൃഷിഭവനില്‍ ഫലവൃക്ഷതൈകള്‍ 75 ശതമാനം സബ്‌സിഡി നിരക്കില്‍ വിതരണം ചെയ്യും. ഒട്ടുമാവിന്‍  തൈ 15 രൂപയ്ക്കും ഒട്ടുപ്ലാവിന്‍ തൈ 12.50 രൂപയ്ക്കും കറിവേപ്പില തൈ 2.5 രൂപയ്ക്കും ലഭിക്കും.

മട്ടുപ്പാവില്‍  പച്ചക്കറി കൃഷി ചെയ്യുന്നതിന് 25 തൈകള്‍ 50 ശതമാനം സബ്‌സിഡി നിരക്കില്‍ ആയിരം രൂപയ്ക്ക് ലഭിക്കും. നഗരസഭാ പരിധിയില്‍  താമസിക്കുന്നവര്‍ നഗരസഭാ കൃഷിഭവനിലോ നഗരസഭാ അംഗങ്ങളുമായോ ബന്ധപ്പെടണമെന്ന് കൃഷി ഓഫീസര്‍ അറിയിച്ചു. 
 

കല്‍പ്പാത്തി രഥോത്സവം പ്രമാണിച്ച് നവംബര്‍ 16-ന് (വ്യാഴം) പാലക്കാട് താലൂക്ക് പരിധിയിലുളള സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും പ്രാദേശിക അവധി പ്രഖ്യാപിച്ച് ജില്ലാ കലക്ടര്‍ ഉത്തരവിട്ടു. മുന്‍ നിശ്ചയപ്രകാരമുളള പൊതുപരീക്ഷകള്‍ക്ക് അവധി ബാധകമല്ല.

മദ്യ വില്പന ശാലകള്‍ അടച്ചിടും

കല്‍പ്പാത്തി രഥോത്സവത്തോടനുബന്ധിച്ച് ക്രമസമാധാനം ഉറപ്പാക്കുന്നതിനായി നവംബര്‍ 16-ന് പാലക്കാട് ക, കക, കകക  വില്ലേജ് പരിധിയില്‍ മദ്യം - മറ്റ് ലഹരി വില്പനശാലകള്‍ അടച്ചിടാനും ജില്ലാ കലക്ടര്‍ നിര്‍ദ്ദേശം നല്‍കിയിട്ടുണ്ട്.