നിപ പ്രതിരോധ പ്രവർത്തനങ്ങളുടെ ഭാഗമായി ഗവ.ഗസ്റ്റ് ഹൗസിൽ ആരംഭിച്ച നിപ കൺട്രോൾ റൂം പ്രവർത്തന സജ്ജമായി. ആരോഗ്യ വകുപ്പ് മന്ത്രി വീണാ ജോർജ്, പൊതുമരാമത്ത് ടൂറിസം വകുപ്പ് മന്ത്രി പി എ മുഹമ്മദ് റിയാസ്,  ആരോഗ്യ വകുപ്പ് പ്രിൻസിപ്പൽ സെക്രട്ടറി എ പി എം മുഹമ്മദ്‌ ഹനീഷ് എന്നിവർ നേരിട്ടെത്തി കൺട്രോൾ റൂം പ്രവർത്തനങ്ങൾ വിലയിരുത്തി. വിവിധ കൗണ്ടറുകളിലായാണ് കൺട്രോൾ റൂം പ്രവർത്തിക്കുന്നത്.

ജില്ലയിൽ നിപ വൈറസ് സ്ഥിരീകരിച്ചവരുമായി സമ്പർക്കത്തിലായ കൂടുതൽ പേരെ കണ്ടെത്തി. മൂന്ന് കേസുകളിൽ നിന്നായി നിലവിൽ ആകെ 
 702 പേരാണ് സമ്പർക്ക പട്ടികയിലുള്ളത്. ആദ്യം മരണപ്പെട്ട ആളുടെ സമ്പർക്ക പട്ടികയിൽ 371 പേരും രണ്ടാമത്തെ ആളുടെ  സമ്പർക്കപട്ടികയിൽ 281 പേരും ചികിത്സയിൽ കഴിയുന്ന കുട്ടിയുടെ സമ്പർക്ക പട്ടികയിൽ 50 പേരുമാണുള്ളത്.

തൃക്കരിപ്പൂർ ഗവ.പോളിടെക്‌നിക്ക് കോളേജിൽ ഈ അധ്യയന വർഷത്തിലെ ത്രിവത്സര എഞ്ചിനീയറിങ് ഡിപ്ലോമ കോഴ്സുകളിൽ ഒന്നാം വർഷത്തെ നിലവിൽ പട്ടിക ജാതി വിഭാഗത്തിനായുള്ള ഒഴിവുകളിലേക്കും പ്രതീക്ഷിത മറ്റ് ഒഴിവുകളിലേക്കുമായുള്ള പ്രവേശനത്തിന് 15 ന് സ്പോട്ട് അഡ്മിഷൻ നടത്തും. റാങ്ക് ലിസ്റ്റിൽ ഉൾപ്പെട്ട എല്ലാ വിദ്യാർഥികൾക്കും സ്പോട്ട്  അഡ്മിഷനിൽ  പങ്കെടുക്കാം.

കെൽട്രോണിന്റെ ഡിപ്ലോമ ഇൻ മോണ്ടിസോറി ടീച്ചർ ട്രെയിനിങ് കോഴ്സിന്റെ സൗജന്യ ഓൺലൈൻ ക്ലാസ് സെപ്റ്റംബർ 16ന് വൈകിട്ട് ഏഴ് മുതൽ ഒമ്പത് മണി വരെ നടത്തുന്നു.  താൽപര്യമുള്ളവർ മുൻകൂട്ടി പേര് രജിസ്റ്റർ ചെയ്യണം.  ഫോൺ: 9072592412, 9072592416.

ജില്ലയിലെ സർക്കാർ/ സർക്കാർ ഇതര പോളിടെക്നിക് കോളേജുകളിലേക്കുള്ള രണ്ടാം ജില്ലാതല  തത്സമയ പ്രവേശനം സെപ്റ്റംബർ 15 ന്  ജില്ലയിലെ നോഡൽ പോളിടെക്നിക് കോളേജായ തോട്ടട ഗവ. പോളിടെക്നിക്കിൽ നടക്കും. പ്രവേശനത്തിന് പങ്കെടുക്കാവുന്നവരുടെ സമയക്രമം ഉൾപ്പെടെയുള്ള  വിശദ വിവരങ്ങൾ https://www.polyadmission.org എന്ന വെബ് സൈറ്റിലെ SPOT ADMISSION SHEDULE എന്ന ലിങ്കിൽ ലഭിക്കും.

കലക്ടറേറ്റിൽ സെപ്റ്റംബർ 14ന് വിചാരണ നടത്താനിരുന്ന ഇരിട്ടി തലശ്ശേരി ദേവസ്വം ലാന്റ് ട്രിബ്യൂണൽ പട്ടയ കേസുകൾ ഒക്ടോബർ 31ലേക്ക് മാറ്റിയതായി ഡി എം ഡെപ്യൂട്ടി കലക്ടർ അറിയിച്ചു.

ചൊവ്വ ഹയർ സെക്കണ്ടറി സ്‌കൂളിൽ പ്ലസ്ടു വിഭാഗത്തിൽ ഫിസിക്കൽ സയൻസ് സീനിയർ വിഭാഗത്തിൽ താൽക്കാലിക അധ്യാപക ഒഴിവുണ്ട്. അഭിമുഖം സെപ്റ്റംബർ 18ന് രാവിലെ 10.30ന് സ്‌കൂൾ മാനേജരുടെ ഓഫീസിൽ നടക്കും.  ഫോൺ: 0497 2725242.

കണ്ണൂർ കൃഷ്ണമേനോൻ മെമ്മോറിയൽ ഗവ.വനിതാ കോളേജിൽ മാത്തമാറ്റിക്സ് വിഷയത്തിൽ ഗസ്റ്റ് ലക്ചററുടെ ഒഴിവ്. കോളേജ് വിദ്യാഭ്യാസ ഡെപ്യൂട്ടി ഡയറക്ടറുടെ കോഴിക്കോട് ഓഫീസിൽ പേര് രജിസ്റ്റർ ചെയ്ത ബിരുദാനന്തര ബിരുദത്തിൽ 55 ശതമാനത്തിൽ കുറയാത്ത മാർക്കും നെറ്റ്/പി എച്ച് ഡിയുമുള്ള ഉദ്യോഗാർഥികൾ സർട്ടിഫിക്കറ്റുകളുടെ അസ്സലും പകർപ്പും സഹിതം സെപ്റ്റംബർ 19ന് രാവിലെ 10.30ന് പ്രിൻസിപ്പൽ മുമ്പാകെ കൂടിക്കാഴ്ചക്ക് ഹാജരാകണം. ഫോൺ: 0497 2746175.
 

ജില്ലാ എംപ്ലോയ്മെന്റ് എക്സ്ചേഞ്ചിലെ വൊക്കേഷണൽ ഗൈഡൻസ് വിഭാഗത്തിന്റെ ആഭിമുഖ്യത്തിൽ കൂടാളി പൊതുജന വായനശാലയിൽ  30 ദിവസത്തെ സൗജന്യ മത്സര പരീക്ഷ പരിശീലനം നൽകുന്നു. പത്താതരം മുതൽ യോഗ്യത നേടിയ  ഉദ്യോഗാർഥികൾക്ക് അപേക്ഷിക്കാം. പി എസ് സി, എസ് എസ് സി മുതലായ മത്സര പരീക്ഷകൾക്ക് അപേക്ഷ നൽകിയവർക്ക് മുൻഗണന. താൽപര്യമുള്ള ഉദ്യോഗാർഥികൾ  ജില്ലാ എംപ്ലോയ്മെന്റ് എക്സ്ചേഞ്ചിൽ സെപ്റ്റംബർ 16നകം ഫോൺ നമ്പർ സഹിതമുള്ള വിശദ വിവരങ്ങൾ അടങ്ങിയ അപേക്ഷ സമർപ്പിക്കേണ്ടതാണ്. ഫോൺ: 0497 2700831.
 

ജില്ലയുടെ സമഗ്ര വിവരങ്ങളുമായി തയ്യാറാക്കുന്ന വിവര സഞ്ചയികയുടെ ഭാഗമായി ഏകദിന ശിൽപശാല സംഘടിപ്പിച്ചു. ജില്ലാ പഞ്ചായത്ത് പ്രസിഡണ്ട് പി പി ദിവ്യ ഉദ്ഘാടനം നിർവഹിച്ചു. ജില്ലയുടെ വികസനത്തിനുതകുന്ന രീതിയിൽ സമഗ്ര ആസൂത്രണത്തിന് കൃത്യമായ വിവരങ്ങൾ ലഭ്യമാക്കാൻ ജില്ലാ, ബ്ലോക്ക്, ഗ്രാമപഞ്ചായത്തുകൾ സംയുക്തമായാണ് പദ്ധതി നടപ്പാക്കുന്നത്. 47 ഗ്രാമപഞ്ചായത്തുകളും, 11 ബ്ലോക്ക് പഞ്ചായത്തുകളും ഒരു നഗരസഭയുമാണ് വിവരശേഖരണ സർവേ നടത്തുക.