വനം വകുപ്പ് തിരുവനന്തപുരം ടിംബര്‍ സെയില്‍സ് ഡിവിഷന്റെ തടി ഡിപ്പോകളില്‍ ഒക്്‌ടോബറില്‍ ഇ-ലേലം നടത്തും. തേക്ക്, കട്ടിത്തടികള്‍ എന്നിവയാണ് ലേലംചെയ്യുന്നത്. തേക്കിന് 50,000 രൂപയും മറ്റിനങ്ങള്‍ക്ക് 25,000 രൂപയുമാണ് നിരതദ്രവ്യം. ആര്യങ്കാവ് തടി ഡിപ്പോ സെയില്‍സ് ഡിവിഷനില്‍ ഒക്്‌ടോബര്‍ ഏഴിനും കുളത്തൂപ്പുഴ (അച്ചന്‍കോവില്‍ അനക്‌സ്) തടി ഡിപ്പോ മുള്ളുമലയില്‍ ഒക്്‌ടോബര്‍ 16-നും അച്ചന്‍കോവില്‍ തെ•ല തടി ഡിപ്പോ യില്‍ 25-നുമാണ് ഇ-ലേലം. ഫോണ്‍ -0471-2360166. രജിസ്ട്രേഷനായി ഇ-ഓക്ഷന്‍ വെബ് സൈറ്റ് www.mstcecommerce.com , www.forest.kerala.gov.in

പാലയ്ക്കല്‍ - ഇരിഞ്ഞാലക്കുട റോഡിന്റെ കോണ്‍ക്രീറ്റ് പ്രവൃത്തികള്‍ 30 ദിവസത്തിനകം പൂര്‍ത്തിയാക്കാന്‍ ജില്ലാ കലക്ടര്‍ വി ആര്‍ കൃഷ്ണ തേജ ബന്ധപ്പെട്ടവര്‍ക്ക് നിര്‍ദ്ദേശം നല്‍കി. ആദ്യഘട്ട കോണ്‍ക്രീറ്റിംഗ് 10 ദിവസത്തിനുള്ളില്‍ പൂര്‍ത്തിയാക്കണമെന്നും ഇതുമായി ബന്ധപ്പെട്ട് ജില്ലാ കളക്ടറുടെ അധ്യക്ഷതയില്‍ ചേര്‍ന്ന അവലോകന യോഗത്തില്‍ നിര്‍ദ്ദേശിച്ചു. ആദ്യഘട്ട കോണ്‍ക്രീറ്റിംഗ് പൂര്‍ത്തിയാകുന്ന മുറയ്ക്ക് റോഡിന്റെ ഇരുഭാഗങ്ങള്‍ തമ്മിലെ ഉയരം കുറയുമെന്നതിനാല്‍ കൊടുങ്ങല്ലൂരില്‍ നിന്നുള്ള വരുന്ന വാഹനങ്ങള്‍ക്ക് മെയിന്‍ റോഡ് വഴി തൃശൂരിലേക്ക് വരാനാവും.

2023-24 സാമ്പത്തികവര്‍ഷം വനിതകള്‍ ഗൃഹനാഥയായുള്ള കുടുംബങ്ങളിലെ കുട്ടികള്‍ക്ക് വിദ്യാഭ്യാസ ധനസഹായം (അച്ഛനോ അമ്മയോ മരിച്ചുപോയ വിദ്യാര്‍ഥികള്‍ ഒഴികെയുള്ളവര്‍ക്ക്) അനുവദിക്കുന്നതിനായി www.schemes.wcd.kerala.gov.in മുഖേന ഡിസംബര്‍ 15 വരെ അപേക്ഷിക്കാം. വിവരങ്ങള്‍ തൊട്ടടുത്ത അംഗന്‍വാടികളില്‍ നിന്നോ ഐ സി ഡി എസ് പ്രോജക്ട് ഓഫീസില്‍ നിന്നോ ജില്ലാ വനിത ശിശു വികസന ഓഫീസില്‍ നിന്നോ അറിയാം. ഫോണ്‍- 0474 2992809.

തൃശൂർ ഗവ. മെഡിക്കൽ കോളജിലെ അനാട്ടമി വിഭാഗത്തിന് കീഴിൽ അലുമിനി ഓഡിറ്റോറിയത്തിൽ  സെപ്റ്റംബർ 16ന് നടത്താൻ നിശ്ചയിച്ച ബോഡി ഡോണേഴ്സ് മീറ്റ് മാറ്റിവെച്ചതായി പ്രിൻസിപ്പാൾ അറിയിച്ചു.

കൊട്ടാരക്കര താലൂക്ക് ആശുപത്രിയില്‍ ഈവനിംഗ് ഒ.പിയിലേക്ക് ദിവസവേതന അടിസ്ഥാനത്തില്‍ രണ്ട് ഡോക്ടര്‍മാര്‍, ഒരു ബ്ലഡ് ബാങ്ക് കൗണ്‍സിലറേയും കരാറടിസ്ഥാനത്തില്‍ നിയമിക്കും. യോഗ്യത: ഡോക്ടര്‍ - എം ബി ബി എസ് (ഇന്ത്യന്‍ മെഡിക്കല്‍ കൗണ്‍സില്‍ അംഗീകാരം), കൗണ്‍സിലര്‍ - എം എസ് ഡബ്ല്യൂ.

ഫോട്ടോപതിച്ച അപേക്ഷയോടൊപ്പം യോഗ്യതതെളിയിക്കുന്ന സര്‍ട്ടിഫിക്കറ്റിന്റെ കോപ്പിയും ബയോഡേറ്റയും സെപ്റ്റംബര്‍ 20 ഉച്ചയ്ക്ക് രണ്ടിനകം സൂപ്രണ്ട്, താലൂക്ക് ആശുപത്രി, കൊട്ടാരക്കര വിലാസത്തില്‍ ലഭിക്കണം. ഫോണ്‍ 0474 2452610

തൃശൂർ ഗവ. എഞ്ചിനീയറിങ് കോളജിൽ ബിടെക് ഒന്നാം വർഷം ഇലക്ട്രിക്കൽ, പ്രൊഡക്ഷൻ എന്നീ കോഴ്സുകളിൽ ഒഴിവുള്ള ഓരോ സീറ്റിലേക്കുള്ള കോളജ്തല സ്പോട്ട് അഡ്മിഷൻ സെപ്റ്റംബർ 14 ന് നടക്കും. രജിസ്ട്രേഷൻ അന്നേ ദിവസം രാവിലെ 10 മുതൽ 12 വരെ നടക്കും. കൂടുതൽ വിവരങ്ങൾക്ക് www.gectcr.ac.in സന്ദർശിക്കുക. ഫോൺ 0487 2334144.

അഞ്ഞൂർ ജൂതംകുളം റോഡിൽ കണ്ടംമ്പുള്ളി, ഞമനേംങ്ങാട് ഭാഗത്ത് കൾവർട്ട് പണി ആരംഭിക്കുന്നതിനാൽ സെപ്റ്റംബർ 18 മുതൽ ഒക്ടോബർ 17 വരെ ഗതാഗതം പൂർണമായി തടസ്സപ്പെടുമെന്ന് അസിസ്റ്റന്റ് എഞ്ചിനിയർ അറിയിച്ചു.

കൊട്ടാരക്കര കോളജ് ഓഫ് എഞ്ചിനീയറിങില്‍ ഒഴിവുള്ള ബിടെക് കമ്പ്യൂട്ടര്‍ സയന്‍സ് ആന്‍ഡ് എഞ്ചിനീയറിങ,് കമ്പ്യൂട്ടര്‍ സയന്‍സ് ആന്‍ഡ് എഞ്ചിനീയറിങ് (ആര്‍ട്ടിഫിഷ്യല്‍ ഇന്റലിജന്‍സ് ആന്‍ഡ് മെഷീന്‍ ലേണിംഗ്) ബ്രാഞ്ചുകളിലേക്ക് സ്പോട്ട് അഡ്മിഷന്‍ നടത്തും. ഏതെങ്കിലും ത്രിവത്സര ഡിപ്ലോമ കോഴ്‌സ് പാസായ ബി.ടെക് ലാറ്ററല്‍ എന്‍ട്രി റാങ്ക് ലിസ്റ്റില്‍ ഉള്‍പ്പെട്ടിട്ടുള്ളവര്‍ അസല്‍ സര്‍ട്ടിഫിക്കറ്റുമായി കോളജില്‍ എത്തണം. ഫോണ്‍- 9447266800, 8547005039.

സ്വച്ച് ഭാരത് മിഷൻ അർബൻ 2.0 ഇന്ത്യൻ സ്വച്ഛത ലീഗ് സീസൺ - 2 മത്സരത്തിന്റെ ഭാഗമായി കുന്നംകുളം നഗരസഭ സ്വച്ഛ് ഭാരത് മിഷന്‍ പ്രവര്‍ത്തനങ്ങളുടെ ലോഗോ പ്രകാശനം നടത്തി. 

നഗരസഭ അങ്കണത്തില്‍ ചെയർപേഴ്സൺ സീത രവീന്ദ്രന്‍ പ്രകാശനം ചെയ്തു. വൈസ് ചെയര്‍പേഴ്സണ്‍ സൗമ്യ അനിലന്‍, സ്ഥിരംസമിതി അധ്യക്ഷന്മാരായ പി എം സുരേഷ്, സജിനി പ്രേമന്‍, ടി സോമശേഖരന്‍, പ്രിയ സജീഷ്, പി കെ ഷെബീര്‍, സെക്രട്ടറി വി എസ് സന്ദീപ് കുമാര്‍, സിസിഎം ആറ്റ്ലി പി ജോണ്‍ തുടങ്ങിയവര്‍ പങ്കെടുത്തു.

തൊഴിലുറപ്പ് പദ്ധതി ഓംബുഡ്സ്മാന്‍ സിറ്റിങ് സെപ്റ്റംബര്‍ 14ന് രാവിലെ 11 മുതല്‍ 12 വരെ ശാസ്താംകോട്ട ബ്ലോക്ക് പഞ്ചായത്ത് ഓഫീസില്‍ നടത്തും. തൊഴിലുറപ്പ് പദ്ധതി, പ്രധാനമന്ത്രി ആവാസ് യോജനയും സംബന്ധിച്ച പരാതികള്‍ നേരിട്ടോ, സയീദ് എ, ഓംബുഡ്സ്മാന്‍, എം ജി എന്‍ ആര്‍ ഇ ജി എസ്, കലക്ട്രേറ്റ്, കൊല്ലം മേല്‍വിലാസത്തിലോ ombudsmankollam@gmail.com വഴിയോ 9995491934 നമ്പറിലോ സമര്‍പ്പിക്കാം.