ശാസ്താംകോട്ട എല്‍ ബി എസ് സെന്ററില്‍ ഡി സി എ, ഡി സി എ(എസ്), പി ജി ഡി സി എ കോഴ്‌സുകളിലേക്ക് അപേക്ഷിക്കാം. www.lbscentre.kerala.gov.in/services/courses ലിങ്ക് വഴി സമര്‍പ്പിക്കാം. യോഗ്യത : ഡി സി എ : എസ് എസ് എല്‍ സി. ഡി സി എ(എസ്) : പ്ലസ്ടു, പി ജി. ഡി സി എ : ഡിഗ്രി. എസ് സി, എസ് റ്റി, ഒ ഇ സി, ഒ ബി സി (എച്ച്) വിഭാഗക്കാര്‍ക്ക് ഫീസ് സൗജന്യമാണ്. ഫോണ്‍: 9446854661.

പീപ്പിള്‍സ് ബയോ ഡൈവേഴ്‌സിറ്റി രജിസ്റ്റര്‍ പുതുക്കുന്നതിന്റെ ഭാഗമായ ജില്ലാതല ശില്‍പശാല സെപ്റ്റംബര്‍ 23 ന് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ നടക്കും. ജില്ലാ പഞ്ചായത്ത് പ്രസിഡന്റ് ഉദ്്ഘാടനം ചെയ്യും.

പേവിഷബാധയെ സംബന്ധിക്കുന്ന സംശയനിവാരണത്തിനും ബോധവത്കരണത്തിനുമായി മൃഗസംരക്ഷണ വകുപ്പിന്റെ ആഭിമുഖ്യത്തില്‍ എസ് പി സി എയുടെ സഹകരണത്തോടെ ഇന്ന് (സെപ്തംബര്‍ 13) ശ്രീനാരായണ വനിതാ കോളജില്‍ സെമിനാര്‍ നടത്തുന്നു. രാവിലെ 9.30ന് ജില്ലാ പഞ്ചായത്ത് പ്രസിഡന്റ് ഡോ പി കെ ഗോപന്‍ ഉദ്ഘാടനം ചെയ്യും. മൃഗങ്ങളെ വളര്‍ത്തുന്നവര്‍ക്കും പൊതുജനത്തിനും തെരുവ്‌നായ് ഭീഷണിയുടെ പശ്ചാത്തലത്തില്‍ പേവിഷഭീഷണി നേരിടാനുള്ള അറിവ് പകരുന്ന സെമിനാറില്‍ കോളജ് പ്രിന്‍സിപ്പല്‍ ഡോ.അശ്വതി സുഗുണന്‍ അധ്യക്ഷയാകും. ജില്ലാ മൃഗസംരക്ഷണ ഓഫീസര്‍ ഡോ എസ്. അനില്‍കുമാര്‍, ജില്ലാ മൃഗാശുപത്രി മേധാവി ഡോ ഡി ഷൈന്‍ കുമാര്‍, എസ്. പി. സി.

ഓച്ചിറ കാളകെട്ട് മഹോത്സവത്തിനുള്ള തയ്യാറെടുപ്പുകള്‍ക്ക് പ്രാഥമികതല മാനദണ്ഡങ്ങള്‍ നിശ്ചയിച്ചു. ജില്ലാ കലക്ടര്‍ അഫ്‌സാന പര്‍വീണിന്റെ അധ്യക്ഷതയില്‍ ചേര്‍ന്ന യോഗത്തില്‍ തയ്യാറെടുപ്പുകള്‍ക്കുള്ള നിര്‍ദ്ദേശങ്ങളും നല്‍കി. ഗതാഗതനിയന്ത്രണം, സുരക്ഷാക്രമീകരണങ്ങള്‍, അടിയന്തരസേവനങ്ങള്‍ തുടങ്ങിയവയ്ക്കായി അതത് വകുപ്പ് മേധാവികളെയാണ് ചുമതലപ്പെടുത്തിയത്. കെട്ട്കാളകളുടെ ഉയരം 70 അടിയായി നിജപ്പെടുത്താന്‍ കാളകെട്ട്‌സമിതി ഭാരവാഹികള്‍ക്ക് നിര്‍ദ്ദേശം നല്‍കാന്‍ ക്ഷേത്രഭരണസമിതിയെ ചുമതലപ്പെടുത്തി. ജില്ലാതിര്‍ത്തിയില്‍ നടക്കുന്ന ഉത്സവമെന്ന പരിഗണനയോടെ ആലപ്പുഴയിലേയും ഉദ്യോഗസ്ഥരെ ക്രമീകരണങ്ങള്‍ക്കായി ചുമതലപ്പെടുത്തും.

        2023-24 വർഷത്തെ ബി.ടെക് പ്രവേശനവുമായി ബന്ധപ്പെട്ട് തിരുവനന്തപുരം ബാർട്ടൺഹിൽ ഗവൺമെന്റ് എൻജിനീയറിംഗ് കോളേജിലെ പ്രതീക്ഷിത ഒഴിവുകളിലേക്കുള്ള സ്പോട്ട് അഡ്മിഷൻ സെപ്റ്റംബർ 14നു നടത്തും. വിദ്യാർഥികൾ തങ്ങളുടെ അസ്സൽ സർട്ടിഫിക്കറ്റുകളും അനുബന്ധ രേഖകളുമായി അന്നേ ദിവസം രാവിലെ ഒമ്പതിനു കോളേജിൽ ഹാജരാകണം. രാവിലെ 11നു ശേഷം രജിസ്ട്രേഷൻ ഉണ്ടായിരിക്കുന്നതല്ല.

        ടൂറിസം ഹോസ്പിറ്റാലിറ്റി മേഖലയിൽ ഉയർന്ന തൊഴിൽ അവസരം നൽകുന്ന ഒരു വർഷം ദൈർഘ്യമുള്ള പി.ജി ഡിപ്ലോമ ഇൻ ടൂറിസം ആൻഡ് ഹോസ്പിറ്റാലിറ്റി മാനേജ്‌മെന്റ്‌ കോഴ്സിലേക്ക് നിലവിൽ സീറ്റുകൾ ഒഴിവുണ്ട്. അടിസ്ഥാന യോഗ്യത 50 ശതമാനം മാർക്കോടുകൂടിയ ബിരുദമാണ്.

        ആറ്റിങ്ങൽ ഗവൺമെന്റ് ഐടിഐയിൽ ഐ.എം.സിയുടെ ആഭിമുഖ്യത്തിൽ എസ് എസ് എൽ സി മുതൽ യോഗ്യതകൾ ഉള്ളവർക്ക് തൊഴിലധിഷ്ഠിത പ്ലേസ്മെന്റ് സപ്പോർട്ടോടു കൂടിയ ഡിപ്ലോമ ഇൻ എസി മെക്കാനിക് കോഴ്സിലേക്കു അഡ്മിഷൻ ആരംഭിച്ചു.

        സംസ്ഥാന വനിതാ വികസന കോർപ്പറേഷന്റെ ഫിനിഷിങ് സ്കൂളായ റീച്ചിൽ കുറഞ്ഞ നിരക്കിൽ വിദേശത്തും സ്വദേശത്തും ജോലി സാധ്യതയുള്ള എൻ.എസ്.ഡി.സി (NSDC) അംഗീകൃത കോഴ്സുകളായ പൈത്തൺ പ്രോഗ്രാമിങ്, ഡാറ്റാ സയൻസ് എന്നിവയിലേക്ക് ഓൺലൈൻ പരിശീലനം ഉടൻ ആരംഭിക്കും.

           തിരുവനന്തപുരം ബാർട്ടൺഹിൽ ഗവ. എൻജിനിയറിങ് കോളജ് ഐ.ഐ.ടികളുടെയും വിവിധ സർക്കാർ വകുപ്പുകളുടെയും സഹകരണത്തോടെ നടത്തുന്ന ഇന്റർഡിസിപ്ലിനറി ട്രാൻസ്ലേഷനൽ എൻജിനിയറിങ് എം.ടെക് കോഴ്‌സിന് സീറ്റുകൾ ഒഴിവുണ്ട്. ബി.ഇ/ബി.ടെക് ഡിഗ്രി എടുത്തവർക്ക് അപേക്ഷിക്കാം.

           2023 ആഗസ്റ്റ് 31നുള്ളിൽ ഇ-മസ്റ്ററിങ് ചെയ്ത് പരാജയപ്പെട്ടവർക്ക് ലൈഫ് സർട്ടിഫിക്കറ്റ് സമർപ്പിക്കാനുള്ള അവസാന തീയതി സെപ്റ്റംബർ 15 വരെയാണെന്നും, ഈ തീയതിക്കുള്ളിൽ മേൽ പറഞ്ഞവർ മാത്രം ആധാർ കാർഡും ലൈഫ് സർട്ടിഫിക്കറ്റും സഹിതം ഓഫീസുമായി ബന്ധപ്പെടണമെന്നും കേരള തയ്യൽ തൊഴിലാളി ക്ഷേമനിധി ബോർഡ് തിരുവനന്തപുരം ജില്ലാ എക്സിക്യൂട്ടീവ് ഓഫീസർ അറിയിച്ചു.