കണ്ണൂര്‍ താലൂക്കിന്റെ പരിധിയില്‍ വരുന്ന കണ്ണൂര്‍, അഴീക്കോട്, കല്ല്യാശ്ശേരി, ധര്‍മ്മടം  എന്നീ നിയോജകമണ്ഡലങ്ങളിലെ ബൂത്ത് ലെവല്‍ ഓഫീസര്‍മാര്‍ക്കുള്ള പരിശീലനം മെയ് 14, 15 തീയതികളില്‍ കലക്ടറേറ്റ് ഓഡിറ്റോറിയത്തില്‍ നടത്തും.  14 ന് രാവിലെ 10.30 ന് അഴീക്കോട് മണ്ഡലം, ഉച്ചയ്ക്ക് 2.30 ന് കല്ല്യാശ്ശേരി, 15 ന് രാവിലെ 10.30 ന് കണ്ണൂര്‍, 2.30 ന് ധര്‍മ്മടം എന്നിങ്ങനെയാണ് ക്ലാസുകള്‍.  മുഴുവന്‍ ബൂത്ത് ബി എല്‍ ഒ മാരും പരിശീലനത്തില്‍ പങ്കെടുക്കേണ്ടതാണെന്ന് ഇലക്ടറല്‍ രജിസ്‌ട്രേഷന്‍ ഓഫീസര്‍ കൂടിയായ തഹസില്‍ദാര്‍ അറിയിച്ചു.

കൈറ്റ് വിക്ടേഴ്‌സ് ചാനലില്‍ ക്ലാസിക് ഇന്ത്യന്‍ ചലച്ചിത്രങ്ങളുടെ വിഭാഗത്തില്‍ മേയ് 12 രാത്രി 09.15-ന് മങ്ങാട് ബാലകൃഷ്ണന്‍ തിരക്കഥ എഴുതി സി.പി. പത്മകുമാര്‍ സംവിധാനം ചെയ്ത 'സമ്മോഹന'വും  മേയ് 13 രാവിലെ 09.15-ന് 1992 ലെ ദേശീയ പുരസ്‌കാരം നേടിയ   ഹിന്ദി ചിത്രം 'ധാരാവി' യും സംപ്രേഷണം ചെയ്യും.

 ജില്ലയില്‍ സമഗ്ര ആരോഗ്യ ഇന്‍ഷൂറന്‍സ് പദ്ധതിയില്‍ അംഗമാകുന്നതിന് അക്ഷയകേന്ദ്രം മുഖേന രജിസ്റ്റര്‍ ചെയ്തവര്‍ക്ക് ഇന്ന്(മെയ് 12) പുതിയ കാര്‍ഡ് നല്‍കുന്നു.  ഗുണഭോക്താക്കള്‍ അതാത് കേന്ദ്രങ്ങളില്‍ ഹാജരായി കാര്‍ഡ് കൈപ്പറ്റണമെന്ന് ജില്ലാ ലേബര്‍ ഓഫീസര്‍ അറിയിച്ചു.  പഞ്ചായത്ത്, വിതരണ കേന്ദ്രം എന്ന ക്രമത്തില്‍. ഇരിക്കൂര്‍ - ഇരിക്കൂര്‍ പഞ്ചായത്ത് ഹാള്‍, കാങ്കോല്‍-ആലപ്പടമ്പ - കാങ്കോല്‍ സി ഡി എസ് ഹാള്‍, മാത്തില്‍, രാമന്തളി - രാമന്തളി സെന്റര്‍ വായനശാല, കരിവെള്ളൂര്‍- എ വി സ്മാരക ഹയര്‍ സെക്കണ്ടറി സ്‌കൂള്‍. 

സ്റ്റുഡന്റ്‌സ് ട്രാവല്‍ ഫെസിലിറ്റി യോഗം മെയ് 30 ന് വൈകിട്ട് 3.30 ന്് ജില്ലാ കലക്ടറുടെ ചേമ്പറില്‍ ചേരും.

സംസ്ഥാന വിവരാവകാശ കമ്മീഷണര്‍മാരായി കെ. എല്‍. വിവേകാനന്ദന്‍, 

സംസ്ഥാന മന്ത്രിസഭയുടെ രണ്ടാം വാര്‍ഷികാഘോഷത്തിന്റെ ഭാഗമായി വ്യവസായ വകുപ്പ് സംഘടിപ്പിക്കുന്ന പരാതി പരിഹാര അദാലത്തില്‍ മെയ് 19 വരെ പരാതികള്‍ സമര്‍പ്പിക്കാം. സംരംഭകര്‍ക്കും പൊതുജനങ്ങള്‍ക്കും പരാതികള്‍ സമര്‍പ്പിക്കാവുന്നതാണ്. ഓണ്‍ലൈനായി  www.industries.kerala.gov.in  വെബ്‌സൈറ്റിലും ജില്ലാ വ്യവസായ കേന്ദ്രത്തില്‍ നേരിട്ടും പരാതികള്‍ നല്‍കാം.

ഫിഷറീസ് വകുപ്പിന് കീഴില്‍ പ്രവര്‍ത്തിക്കുന്ന അഴീക്കല്‍ ഗവ.റീജിയണല്‍ ഫിഷറീസ് ടെക്‌നിക്കല്‍ ഹൈസ്‌കൂളിലെ 2018-19 അധ്യയന വര്‍ഷത്തേക്ക് 8, 9 ക്ലാസുകളിലേക്കുള്ള പ്രവേശനം ആരംഭിച്ചു.   മത്സ്യത്തൊഴിലാളി ക്ഷേമനിധി ബോര്‍ഡില്‍ അംഗമായി ഇപ്പോഴും പണമടച്ചുവരുന്ന കടല്‍/ഉള്‍നാടന്‍ മത്സ്യത്തൊഴിലാളികളുടെ മക്കളായ ആണ്‍കുട്ടികള്‍ക്കാണ് പ്രവേശനം.  മികച്ച ഹോസ്റ്റല്‍ സൗകര്യം, സൗജന്യ യൂണിഫോം, പാഠപുസ്തകം മറ്റ് പഠനോപകരണങ്ങള്‍, വിനോദയാത്ര, കൗണ്‍സലിംഗ് & കരിയര്‍ ഗൈഡന്‍സ് ക്ലാസ്, യോഗ പരിശീലനം എന്നിവ ലഭിക്കും. അപേക്ഷാ ഫോറം സ്‌കൂളില്‍ ലഭിക്കും. ഫോണ്‍: 0497 2770474.

കോഴിക്കോട് നോര്‍ക്ക റൂട്ട്‌സ് സര്‍ട്ടിഫിക്കറ്റ് ഓതന്റിക്കേഷന്‍ സെന്ററില്‍ നടത്തിക്കൊണ്ടിരിക്കുന്ന എച്ച്. ആര്‍. ഡി അറ്റസ്റ്റേഷന്‍ പൊതുജന സൗകര്യാര്‍ത്ഥം കണ്ണൂര്‍ ജില്ലാ പഞ്ചായത്ത് മിനി കോണ്‍ഫറന്‍സ്  ഹാളില്‍ 24 ന് രാവിലെ 9 മണി മുതല്‍ 12.30 മണി വരെ നടത്തും.  അറ്റസ്റ്റേഷന് വരുന്നവര്‍ ഓണ്‍ലൈനില്‍ റജിസ്റ്റര്‍ ചെയ്ത് അതില്‍ നിന്നും എടുത്ത പ്രിന്റഡ് അപേക്ഷയുമായി വരണം.  അപേക്ഷയില്‍ ഓഫീസ് കണ്ണൂര്‍ എന്നും  തീയ്യതി 24/05/18 എന്നും ആയിരിക്കണം.