കൊച്ചി: ക്ഷീരവികസന വകുപ്പിന്റെയും വാഴക്കുളം ബ്ലോക്ക് പഞ്ചായത്തിന്റെയും ഗ്രാമ പഞ്ചായത്തുകളുടെയും ക്ഷീര സഹകരണ  സംഘങ്ങളുടേയും സംയുക്താഭിമുഖ്യത്തില്‍ ചേലക്കുളം ക്ഷീരോത്പാദക സഹകരണ സംഘത്തിന്റെ്  ആതിഥേയത്വത്തില്‍ സംഘടിപ്പിച്ച ക്ഷീരസംഗമം. വി. പി. സജീന്ദ്രന്‍ എം. എല്‍. എ ഉദ്ഘാടനം ചെയ്തു. ക്ഷീരവികസന വകുപ്പിന്റെ ധനസഹായത്തോടു കൂടി നിര്‍മ്മിച്ച ചേലക്കുളം ക്ഷീരസംഘത്തിന്റെ ഫാര്‍മേഴ്‌സ്  ഫെസിലിറ്റേഷന്‍ സെന്ററിന്റെ ഉദ്ഘാടനവും അദ്ദേഹം നിര്‍വഹിച്ചു. 

ബ്ലോക്കിലെ മികച്ച ക്ഷീരസംഘമായി തെരഞ്ഞെടുത്ത വെങ്ങോല സംഘത്തെയും മികച്ച കര്‍ഷകരെ ആദരിച്ചു. 

കൊച്ചി: പട്ടികജാതി വികസന വകുപ്പിന്റെ അധീനതയില്‍ ആലുവ കീഴ്മാട് പ്രവര്‍ത്തിക്കുന്ന ആണ്‍കുട്ടികള്‍ക്കായുളള ഗവ: മോഡല്‍ റസിഡന്‍ഷ്യല്‍ ഹയര്‍സെക്കന്‍ഡറി സ്‌കൂളില്‍ 2018-19 അദ്ധ്യയന വര്‍ഷം പ്ലസ് വണ്‍ പ്രവേശനത്തിന് പട്ടികജാതി, പട്ടികവര്‍ഗം, മറ്റു സമുദായത്തില്‍പ്പെട്ട കുട്ടികളില്‍ നിന്നും പ്രിന്‍സിപ്പല്‍ അപേക്ഷ ക്ഷണിച്ചു. ഫിസിക്‌സ്, കെമിസ്ട്രി, ബയോളജി, കണക്ക് എന്നിവ ഉള്‍പ്പെടുന്ന സയന്‍സ് ഗ്രൂപ്പാണ് ഉളളത്.

കൊച്ചി: സാഹിത്യതത്പരരായ പട്ടിക വിഭാഗക്കാര്‍ക്ക് അവരുടെ സാഹിത്യാഭിരുചി വര്‍ദ്ധിപ്പിക്കുന്നതിനും സര്‍ഗ്ഗവാസനയെ പരിപോഷിപ്പിക്കുന്നതിനുമായി പട്ടികജാതി വികസന വകുപ്പ് സാഹിത്യ ശില്‍പ്പശാല സംഘടിപ്പിക്കുന്നു. 18 വയസിന് മുകളില്‍ പ്രായമുളള സാഹിത്യാഭിരുചിയുള്ള പട്ടികജാതി/വര്‍ഗ വിഭാഗത്തില്‍പ്പെട്ടവരില്‍ നിന്നും അപേക്ഷ ക്ഷണിച്ചു. മറ്റു വിഭാഗത്തില്‍പ്പെട്ട അഞ്ചുപേരെയും ശില്‍പ്പശാലയില്‍ പങ്കെടുപ്പിക്കും.

കൊച്ചി: നാഷണല്‍ എംപ്ലോയ്‌മെന്റ് സര്‍വ്വീസ് വകുപ്പിന്റെ കീഴില്‍ എറണാകുളത്ത് പ്രവര്‍ത്തിക്കുന്ന കോച്ചിംഗ് കം ഗൈഡന്‍സ് സെന്റര്‍ ഫോര്‍ എസ്.സി/എസ്.റ്റി എന്ന സ്ഥാപനം 2018-19 അദ്ധ്യയന വര്‍ഷം നടത്തുന്ന ടൈപ്പ്‌റൈറ്റിംഗ്/കമ്പ്യൂട്ടര്‍ വേഡ് പ്രോസസിംഗഗ്/സ്റ്റെനോഗ്രാഫി കോച്ചിംഗ് ക്ലാസിലേക്ക് അപേക്ഷ ക്ഷണിച്ചു. അപേക്ഷകര്‍ എറണാകുളം/കോട്ടയം/ഇടുക്കി/തൃശൂര്‍/ആലപ്പുഴ എന്നീ ജില്ലകളിലെ ഏതെങ്കിലും എംപ്ലോയ്‌മെന്റ് എക്‌സ്‌ചേഞ്ചുകളില്‍ പേര് രജിസ്റ്റര്‍ ചെയ്തിട്ടുളളതും പ്ലസ് ടു യോഗ്യതയുളളവരും, 18 നും 30 നും മധ്യേ പ്രായമുളള പട്ടികജാതി/വര്‍ഗ ഉദ്യോഗാര്‍ഥികളായിരിക്കണം.

കൊച്ചി: ആലപ്പുഴ, എറണാകുളം, തൃശൂര്‍ ജില്ലകളിലെ ഇന്‍ഷുറന്‍സ് മെഡിക്കല്‍ സര്‍വ്വീസസ് വകുപ്പിന്റെ കീഴിലുളള വിവിധ ഇ.എസ്.ഐ സ്ഥാപനങ്ങളിലെ അസിസ്റ്റന്റ് ഇന്‍ഷുറന്‍സ് മെഡിക്കല്‍ ഓഫീസര്‍ തസ്തികയില്‍ നിലവിലുളള ഒഴിവുകളിലേക്ക് കരാര്‍ അടിസ്ഥാനത്തില്‍ താത്കാലിക നിയമനം നടത്തുന്നതിന് വാക്-ഇന്‍-ഇന്റര്‍വ്യൂ മെയ് 21-ന് രാവിലെ 11-ന് എറണാകുളം നോര്‍ത്തിലെ ഇ.എസ്.ഐ ആശുപത്രിക്ക് സമീപമുളള പോള്‍ അബ്രോ റോഡിലെ ഇന്‍ഷുറന്‍സ് മെഡിക്കല്‍ സര്‍വ്വീസസ് മദ്ധ്യമേഖല റീജിയണല്‍ ഡെപ്യൂട്ടി ഡയറക്ടറുടെ ഓഫീസില്‍ നടത്തും. സംസ്ഥാന ഗവണ്‍മെന്റ് അംഗീകരിച്ച എം.ബി.ബി.എസ് ബിരുദമാണ് അടിസ്ഥാന യോഗ്യത.

കാക്കനാട്: സംസ്ഥാന സാക്ഷരതാ മിഷന്‍ പുരാരേഖാ വകുപ്പിന്റെ ആഭിമുഖ്യത്തില്‍ നടത്തുന്ന ചരിത്ര രേഖാ സര്‍വ്വേക്ക് ജില്ലയില്‍ തുടക്കമായി.  ജില്ലയിലെ ഏറ്റവും പഴക്കം ചെന്ന ഇല്ലങ്ങളിലൊന്നായ അശമന്നൂര്‍ ഗ്രാമപഞ്ചായത്തിലെ പുന്നയം ചന്ദ്രമന ഇല്ലത്തുവെച്ച് സംസ്ഥാന സാക്ഷരതാ മിഷന്‍ ഡയറക്ടര്‍ ഡോ. പി. എസ്. ശ്രീകല ഉദ്ഘാടനം നിര്‍വ്വഹിച്ചു.

ഇല്ലത്ത് സൂക്ഷിച്ചിട്ടുള്ള അഞ്ചു നൂറ്റാണ്ടിലധികം പഴക്കമുള്ള പുരാരേഖകള്‍ ഇപ്പോഴത്തെ കാരണവരായ നാരായണന്‍ നമ്പൂതിരി ചടങ്ങില്‍ പരിചയപ്പെടുത്തി.  മലയാള ഭാഷയുടെ തുടക്കത്തില്‍ രചിക്കപ്പെട്ട ഭാഗവതം താളിയോല ഗ്രന്ഥവും ഇവിടുത്തെ അമൂല്യ ശേഖരത്തിലുണ്ട്.

കൊച്ചി: ചെല്ലാനം ഫിഷിങ് ഹാര്‍ബര്‍ സംബന്ധിച്ച സാമൂഹ്യാഘാതപഠന റിപ്പോര്‍ട്ട് വിലയിരുത്തുന്നതിനായി വിദഗ്ദ്ധസമിതിയെ നിയോഗിച്ച് ജില്ലാ കളക്ടര്‍ ഉത്തരവായി. വിദഗ്ദ്ധസമിതിയുടെ ആദ്യയോഗം മെയ് 19 വൈകീട്ട് 3ന് കളക്ടറേറ്റില്‍ നടത്തും. ഫിഷിങ് ഹാര്‍ബര്‍ പൊന്നുംവില നടപടികള്‍ ത്വരിതപ്പെടുത്തുന്നതിന്റെ ഭാഗമായാണ് ഈ നടപടി.

കൊച്ചി: സംസ്ഥാന സര്‍ക്കാരിന്റെ  രണ്ടാം വാര്‍ഷികാഘോഷങ്ങളുടെ ഭാഗമായി മെയ് 16-22 വരെ മറൈന്‍ ഡ്രൈവില്‍ സംഘടിപ്പിക്കുന്ന ജനകീയം 2018 വേദിയില്‍ ഡി.റ്റി.പി.സി യും, സംസ്ഥാന ഉത്തരവാദിത്ത വിനോദ സഞ്ചാര മിഷനും സംയുക്തമായി ഉത്തരവാദിത്ത വിനോദ സഞ്ചാരത്തെ ആസ്പദമാക്കിയുളള സെമിനാര്‍ മെയ് 17-ന് രാവിലെ 11 മുതല്‍ 12.30 വരെ സംഘടിപ്പിക്കുന്നു. ജനപ്രതിനിധികള്‍, ഹോട്ടല്‍ ആന്റ് റെസ്റ്റോറന്റ് അസോസിയേഷന്‍, ടൂറിസം പ്രൊഫാണല്‍ അംഗങ്ങള്‍, കേരള ഹോംസ്റ്റേ സൊസൈറ്റി അംഗങ്ങള്‍, ടൂര്‍ ഗൈഡുകള്‍, വിദ്യാര്‍ഥികള്‍, ടൂറിസം സംരംഭകര്‍, കലാ സാംസ്‌കാരിക സംഘടനകള്‍ എന്നിവര്‍ക്കും സെമിനാറില്‍ പങ്കെടുക്കാം.

കൊച്ചി: പാരമ്പര്യ തനിമ വിളിച്ചോതുന്ന കുടുംബശ്രീ ഉല്‍പന്നങ്ങള്‍ 10% ഡിസ്‌കൗണ്ടില്‍ സ്വന്തമാക്കാം. സംസ്ഥാന സര്‍ക്കാരിന്റെ രണ്ടാം വാര്‍ഷികത്തോടനുബന്ധിച്ച് നാളെ (മെയ് 16) മുതല്‍ മറൈന്‍ഡൈവ്രില്‍ നടക്കുന്ന പ്രദര്‍ശന വിപണന മേളയിലാണ് കുടുംബശ്രീ ഉല്‍പന്നങ്ങള്‍ വിലക്കുറവില്‍ ലഭിക്കുന്നത്. ആയുര്‍വേദക്കൂട്ടുകള്‍ ചേര്‍ത്ത്് ഉണ്ടാക്കിയ സോപ്പ്, ഷാംപ്പൂ, മായം കലരാത്ത മുളകുപൊടി, മഞ്ഞള്‍പ്പൊടി, തുടങ്ങിയ കറിപ്പൊടികള്‍, വൈവിധ്യമാര്‍ന്ന അച്ചാറുകള്‍, കരകൗശല വസ്തുക്കള്‍, വിവിധതരം ഫേഌര്‍മാറ്റുകള്‍, തുണിത്തരങ്ങള്‍ എന്നീ ഉല്‍പന്നങ്ങളാണ് വിലക്കുറവില്‍ ലഭ്യമാകുന്നത്.

    തൃശൂര്‍ ജില്ലയില്‍ പോലീസ് വകുപ്പില്‍ (കെ.എ.പി രണ്ട് - ആംഡ് പോലീസ് ബറ്റാലിയന്‍) വനിത പോലീസ് കോണ്‍സ്റ്റബിള്‍ (എന്‍.സി.എ -ഒ.എക്‌സ് & ധീവര) തസ്തികകളുടെ തെരഞ്ഞെടുപ്പിന് 2018 ഏപ്രില്‍ ഒന്‍പതിന് പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികളുടെ ശാശീരിക അളവെടുപ്പും കായികക്ഷമതാ പരീക്ഷയും രാമവര്‍മ്മപുരം ആംഡ് റിസര്‍വ് പോലീസ് പരേഡ് ഗ്രൗണ്ടില്‍ 29 ന് നടത്തും.  ഉദ്യോഗാര്‍ത്ഥികള്‍ www.keralapsc.gov.in എന്ന വെബ്‌സൈറ്റില്‍ നിന്നും അഡ്മിഷന്‍ ടിക്കറ്റ് ഡൗണ്‍ലോഡ് ചെയ്ത് അസല്‍ തിരിച്ചറിയല്‍ കാര്‍ഡ് സഹിതം രാവിലെ ആറിന്   ഹാജരാകണം.