സംസ്ഥാന ആസൂത്രണ ബോര്‍ഡില്‍ കേള്‍വിക്കുറവ് സംബന്ധമായ ഭിന്നശേഷി (ഒ.ബി.സി) വിഭാഗത്തില്‍ ഉള്‍പ്പെട്ടവര്‍ക്കായി സംവരണം ചെയ്ത ഒരു കോണ്‍ഫിഡന്‍ഷ്യല്‍ അസിസ്റ്റന്റിന്റെ താത്കാലിക ഒഴിവിലേക്ക് അപേക്ഷ ക്ഷണിച്ചു. പ്ലസ്ടു, ടൈപ്പ്‌റൈറ്റിംഗ് ഇംഗ്ലീഷ്, മലയാളം ലോവര്‍, ഷോര്‍ട്ട്ഹാന്‍ഡ് ഇംഗ്ലീഷ്, മലയാളം ലോവര്‍, കമ്പ്യൂട്ടര്‍ വേഡ് പ്രോസസിംഗ് അല്ലെങ്കില്‍ തത്തുല്യ യോഗ്യതകള്‍ ഉണ്ടായിരിക്കണം. 18-41 മധ്യേയാണ് പ്രായപരിധി. വേതനം 20000-43600.  ഉദ്യോഗാര്‍ത്ഥികള്‍ അസല്‍ സര്‍ട്ടിഫിക്കറ്റുകളുമായി  അതത് എംപ്ലോയ്‌മെന്റ് എക്‌സ്‌ചേഞ്ചില്‍ 25 ന് മുന്‍പ് പേര് രജിസ്റ്റര്‍ ചെയ്യണം.
പി.എന്‍.എക്‌സ്.1786/18

    കേരള നിയമസഭയുടെ പട്ടികജാതി പട്ടികവര്‍ഗ ക്ഷേമം സംബന്ധിച്ച സമിതിയുടെ ഉപസമിതി മേയ് 17, 18 തീയതികളില്‍ വയനാട് ജില്ല സന്ദര്‍ശിക്കും. 17 ന് രാവിലെ 11 ന് പനമരം പഞ്ചായത്ത് കമ്മ്യൂണിറ്റി ഹാളിലും 18 ന് രാവിലെ 11 ന് തിരുനെല്ലി പഞ്ചായത്ത് ഹാളിലും യോഗം ചേരും. ജില്ലയിലെ പണിയ സമുദായം നേരിടുന്ന വിവിധ പ്രശ്‌നങ്ങള്‍ സംബന്ധിച്ചും സമുദായത്തിന്റെ ഉന്നമനത്തിനായി നടപ്പാക്കേണ്ട ക്ഷേമ-വികസന പദ്ധതികള്‍ സംബന്ധിച്ചും സമുദായത്തിന്റെ സംഘടനാ പ്രതിനിധികള്‍, ജനപ്രതിനിധികള്‍, ബന്ധപ്പെട്ട ജില്ലാതല ഉദ്യോഗസ്ഥര്‍ എന്നിവരുമായി ചര്‍ച്ച നടത്തും. യോഗാനന്തരം പ്രദേശങ്ങളിലെ പണിയ സമുദായങ്ങളുടെ കോളനികള്‍ സന്ദര്‍ശിക്കും.

    സ്വച്ഛ് ഭാരത് മിഷനും ശുചിത്വ മിഷനും ചേര്‍ന്ന് നഗരങ്ങള്‍ക്ക് 7 സ്റ്റാര്‍ റേറ്റിംഗ് സംവിധാനം നടപ്പിലാക്കുന്നതുമായി ബന്ധപ്പെട്ട്  സംസ്ഥാനത്തെ  മേയര്‍മാര്‍, നഗരസഭാ ചെയര്‍മാന്‍/ചെയര്‍പേഴ്‌സണ്‍/സെക്രട്ടറിമാര്‍ക്കായി സംസ്ഥാനതല ശില്‍പശാല സംഘടിപ്പിക്കും. ഇന്ന് (മേയ് 15) രാവിലെ പത്തിന് മാസ്‌ക്കറ്റ് ഹോട്ടലില്‍ നടക്കുന്ന ശില്‍പശാലയുടെ ഉദ്ഘാടനം തദ്ദേശ സ്വയംഭരണ വകുപ്പ് മന്ത്രി ഡോ. കെ.ടി. ജലീല്‍ നിര്‍വഹിക്കും. തദ്ദേശഭരണ വകുപ്പ് അഡീഷണല്‍ ചീഫ് സെക്രട്ടറി ടി.കെ. ജോസ്, സെക്രട്ടറിമാരായ എ. അജിത്കുമാര്‍, ഡോ. ബി.

    സംസ്ഥാനത്തെ എല്ലാ സര്‍ക്കാര്‍/അര്‍ധസര്‍ക്കാര്‍/പൊതുമേഖല/സ്വയംഭരണ സ്ഥാപനങ്ങളിലെയും വിദ്യാഭ്യാസ സ്ഥാപനങ്ങളിലെയും വ്യക്തിഗത രജിസ്റ്റര്‍, ഹാജര്‍ പുസ്തകം, ആകസ്മികാവധി രജിസ്റ്റര്‍, വിവിധ അപേക്ഷാഫോറങ്ങള്‍ (അവധി അപേക്ഷ ഉള്‍പ്പെടെ)  എന്നിവ പൂര്‍ണമായി മലയാളത്തില്‍ അച്ചടിച്ച് വിതരണത്തിന് നടപടിയെടുക്കാന്‍ പ്രിന്റിംഗ് ആന്റ് സ്‌റ്റേഷനറി ഡയറക്ടര്‍ക്ക് സര്‍ക്കാര്‍ നിര്‍ദേശം നല്‍കി.

    പ്ലസ് വണ്‍ പ്രവേശനത്തിന് അപേക്ഷിക്കുന്ന (മാനേജ്‌മെന്റ്/കമ്മ്യൂണിറ്റി/അണ്‍ -എയ്ഡഡ് ഉള്‍പ്പെടെ) ഭിന്നശേഷി വിഭാഗത്തില്‍പ്പെട്ട വിദ്യാര്‍ത്ഥികളുടെ കൗണ്‍സലിംഗിനും മെഡിക്കല്‍ ബോര്‍ഡ് സര്‍ട്ടിഫിക്കറ്റുകളുടെ പരിശോധനയ്ക്കും ജില്ലാതലത്തില്‍ പ്രത്യേക സമിതി രൂപീകരിച്ച് ജില്ലാതല കൗണ്‍സലിംഗ് സര്‍ട്ടിഫിക്കറ്റുകള്‍ നല്‍കും. പ്രായോഗിക പരീക്ഷകളുളള വിഷയങ്ങള്‍ പഠിക്കാനാഗ്രഹിക്കുന്ന വിഭാഗത്തിലെ വിദ്യാര്‍ത്ഥികള്‍ സമിതിക്ക് മുന്നില്‍ കൗണ്‍സലിംഗിന് ഹാജരാകണം. ഇത്തരം വിഷയങ്ങല്‍ പഠിക്കുന്നതിനുള്ള വിദ്യാര്‍ത്ഥിയുടെ പ്രാപ്തി വിലയിരുത്തി സമിതി ശുപാര്‍ശ ചെയ്യും.

പാവപ്പെട്ടവരുടെയും പാര്‍ശ്വവത്കരിക്കപ്പെട്ടവരുടെയും മക്കള്‍ പഠിക്കുന്ന സര്‍ക്കാര്‍ സ്‌കൂളുകളുടെ വികസനത്തിന് ഒന്നും തടസ്സമാവരുതെന്നാണ് സര്‍ക്കാറിന്റെ നിശ്ചയദാര്‍ഢ്യത്തോടെയുള്ള തീരുമാനമെന്ന് സഹകരണ, ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ പറഞ്ഞു. പയ്യന്നൂര്‍ നിയമസഭാ മണ്ഡലത്തിലെ കരിവെള്ളൂര്‍ എ.വി. സ്മാരക ഗവ. ഹയര്‍ സെക്കന്‍ഡറി സ്‌കൂള്‍ അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിന്റെ ഭാഗമായുള്ള അക്കാദമിക് കാമ്പസിന്റെ ശിലാസ്ഥാപനം നിര്‍വഹിച്ച് സംസാരിക്കുകയായിരുന്നു മന്ത്രി. 

2017-18 വര്‍ഷം ജില്ലയില്‍ എസ്.എസ്.എല്‍.സി. പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടിയ പട്ടികവര്‍ഗ വിദ്യാര്‍ഥികളില്‍ നിന്നും, സി.ബി.എസ്.ഇ. 10-ാം ക്ലാസ്്   പരീക്ഷയില്‍ എല്ലാ വിഷയങ്ങള്‍ക്കും എ1 നേടിയ പട്ടികവര്‍ഗ വിദ്യാര്‍ഥികളെയും   സ്വര്‍ണ്ണമെഡല്‍ നല്‍കി ആദരിക്കുന്നതിന് പട്ടികവര്‍ഗ വിദ്യാര്‍ഥികളില്‍ നിന്നും അപേക്ഷ ക്ഷണിച്ചു.  അപേക്ഷകര്‍ പേര്, വ്യക്തമായ മേല്‍വിലാസം, ഫോണ്‍ നമ്പര്‍,   പിന്‍കോഡ്, ജാതി, മെരിറ്റ് സര്‍ട്ടിഫിക്കറ്റിന്റെ പകര്‍പ്പ് എന്നിവ സഹിതം ജൂണ്‍ അഞ്ചിനകം ജില്ലാ ട്രൈബല്‍ ഡവലപ്‌മെന്റ് ഓഫീസില്‍   ലഭ്യമാക്കണണം.
 

പ്ലസ് വണ്‍ പ്രവേശനവുമായി ബന്ധപ്പെട്ട് വിഭിന്നശേഷിയുളള കുട്ടികള്‍ക്കുള്ള കൗണ്‍സിലിംഗ്, കാസര്‍കോട് വിദ്യാഭ്യാസ ജില്ലയിലെ എസ്.എസ്.എല്‍.സി. പാസ്സായ വിദ്യാര്‍ത്ഥികള്‍ക്ക് ഈ മാസം 17 ന് രാവിലെ 10 ന് കാസര്‍കോട്  ജിഎച്ച്.എസ്.എസിലും കാഞ്ഞങ്ങാട് വിദ്യാഭ്യാസ ജില്ലയിലെ വിദ്യാര്‍ത്ഥികള്‍ക്ക് 18 ന് ഹൊസ്ദുര്‍ഗ് ഗവ. എച്ച്.എസ്.എസിലും  നടത്തും. വിദ്യാര്‍ത്ഥികള്‍ ഐ.ഇ.ഡി. സര്‍ട്ടിഫിക്കറ്റ് (ഒറിജിനലും പകര്‍പ്പും), എസ്.എസ്.എല്‍.സി മാര്‍ക്ക് ലിസ്റ്റിന്റെ പകര്‍പ്പ് എന്നിവ സഹിതം രക്ഷിതാക്കളോടൊപ്പം  എത്തിച്ചേരണമെന്ന് റീജണല്‍ ഡെപ്യൂട്ടി ഡയറക്ടര്‍ അറിയിച്ചു.    

    തദ്ദേശസ്വയംഭരണ വകുപ്പിന്റെ കീഴിലുള്ള ജില്ലാ ശുചിത്വമിഷനുകളില്‍ അസിസ്റ്റന്റ് ജില്ലാ കോഓര്‍ഡിനേറ്റര്‍ ഒഴിവിലേക്ക് വിവിധ വകുപ്പുകളില്‍ നിന്നും ശുചിത്വമിഷന്‍ പ്രവര്‍ത്തനങ്ങളില്‍ താല്‍പര്യമുള്ള    20000-45800/- മുതല്‍ 35700-75600/- വരെ ശമ്പള സ്‌കെയിലുള്ള ജീവനക്കാരില്‍ നിന്നും ഡെപ്യുട്ടേഷന്‍ വ്യവസ്ഥയില്‍ നിയമനത്തിനായി അപേക്ഷ ക്ഷണിച്ചു. 

    ജില്ലാ സാക്ഷരതാമിഷന്‍ പ്രേരക്മാര്‍ക്കായി  സംഘടിപ്പിക്കുന്ന കര്‍മ്മപദ്ധതി വിശദീകരണ ശില്‍പശാല ഇന്ന് (15)  ജില്ലാ പഞ്ചായത്ത് അനക്‌സ് ഹാളില്‍  രാവിലെ  11 ന് നടക്കും.  സംസ്ഥാന സാക്ഷരതാ മിഷന്റെ നേതൃത്വത്തില്‍ നടക്കുന്ന അക്ഷരലക്ഷം, സമഗ്ര, നവചേതന, ചങ്ങാതി, സര്‍ട്ടിഫിക്കറ്റ് കോഴ്‌സുകള്‍, പുരാരേഖ സര്‍വെ, അക്ഷര കൈരളി ക്യാമ്പെയിന്‍, അക്ഷരസാഗരം തുടങ്ങിയ പദ്ധതികളുമായി ബന്ധപ്പെട്ട് സെപ്തംബര്‍  വരെയുളള കര്‍മ്മപദ്ധതികള്‍ക്കാണ്  സാക്ഷരതാമിഷന്‍ രൂപം നല്‍കിയിട്ടുളളത്.