കൊച്ചി: സംസ്ഥാന സര്‍ക്കാര്‍ സ്ഥാപനമായ സി-ഡിറ്റിന്റെ കവടിയാര്‍ കേന്ദ്രത്തില്‍ വിഷ്വല്‍ മീഡിയ കോഴ്‌സുകള്‍ക്ക് അപേക്ഷ ക്ഷണിച്ചു. ഡിപ്ലോമ കോഴ്‌സ് ഇന്‍ വെബ് ഡിസൈന്‍ ആന്റ് ഡവലപ്‌മെന്റ്; വിദ്യാഭ്യാസ യോഗ്യത  പ്ലസ് ടു. കോഴ്‌സ് ദൈര്‍ഘ്യം ആറ് മാസം. ഡിപ്ലോമ ഇന്‍ ഡിജിറ്റല്‍ മീഡിയ പ്രൊഡക്ഷന്‍; കോഴ്‌സ് ദൈര്‍ഘ്യം ആറ് മാസം. വിദ്യാഭ്യാസ യോഗ്യത  പ്ലസ് ടു. സര്‍ട്ടിഫിക്കറ്റ് കോഴ്‌സ് ഇന്‍ വീഡിയോഗ്രാഫി വിദ്യാഭ്യാസ യോഗ്യത  പ്ലസ് ടു. കോഴ്‌സ് കാലാവധി മൂന്ന് മാസം. സര്‍ട്ടിഫിക്കറ്റ് കോഴ്‌സ് ഇന്‍ നോണ്‍ ലീനിയര്‍ എഡിറ്റിംഗ് വിദ്യാഭ്യാസ യോഗ്യത  പ്ലസ് ടു. കോഴ്‌സ് കാലാവധി മൂന്ന് മാസം.

    കാറഡുക്ക ഗ്രാമപഞ്ചായത്തിലെ  2018-19 വാര്‍ഷിക പദ്ധതിയിലെ  വ്യക്തിഗത ആനുകൂല്യങ്ങള്‍ക്കുളള അപേക്ഷാ ഫോറങ്ങള്‍ വിതരണം തുടങ്ങി. പഞ്ചായത്ത് ഓഫീസ്, കൃഷി ഓഫീസ്, മൃഗാശുപത്രി, അംഗണ്‍വാടികള്‍,  കുടുംബശ്രീകള്‍  വഴിയാണ് അപേക്ഷാഫോറം  വിതരണം ചെയ്യുന്നത്. അപേക്ഷ ബന്ധപ്പെട്ട നിര്‍വഹണ ഉദ്യോഗസ്ഥര്‍ മുമ്പാകെ സമര്‍പ്പിക്കണം.
        

കൊച്ചി: കുടുംബശ്രീയുടെ മേല്‍നോട്ടത്തില്‍ തദ്ദേശ സ്വയംഭരണ സ്ഥാപനങ്ങളുടെ ഉടമസ്ഥതയില്‍ പ്രവര്‍ത്തിക്കുന്ന/തുടങ്ങുവാന്‍ ഉദ്ദേശിക്കുന്ന ബഡ്‌സ് സ്ഥാപനങ്ങളില്‍ ഹോണററി തസ്തികകളിലേക്കുളള ഒഴിവുകളിലേക്ക് നിയമിക്കപ്പെടുന്നതിന് യോഗ്യരായ ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു.

കൊച്ചി: കേരള സര്‍വ്വകലാശാലയുടെയും, എ.ഐ.സി.റ്റി.ഇയുടെയും അംഗീകാരത്തോടെ പുന്നപ്ര അക്ഷര നഗരി കേപ്പ് കാമ്പസില്‍ പ്രവര്‍ത്തിക്കുന്ന ഗവണ്‍മെന്റ് അംഗീകൃത സ്ഥാപനമായ ഇന്‍സ്റ്റിറ്റിയൂട്ട് ഓഫ് മാനേജ്‌മെന്റ് ആന്റ് ടെക്‌നോളജി (ഐ.എം.റ്റി) പുന്നപ്ര യില്‍ 2018 - 2020  ബാച്ചിലേയ്ക്കുള്ള ദ്വിവത്സര ഫുള്‍ടൈം എം. ബി.

കൊച്ചി: പരിസ്ഥിതി സൗഹൃദ നിര്‍മ്മാണങ്ങള്‍ പ്രോത്സാഹിപ്പിക്കുന്നതിന്റെ ഭാഗമായി, പരിസ്ഥിതി സംരക്ഷണ നിയമങ്ങള്‍ സംബന്ധിച്ച് എറണാകുളം ജില്ലയില്‍ നിര്‍മ്മാണമേഖലയോടനുബന്ധിച്ച് പ്രവര്‍ത്തിക്കുന്ന ആര്‍കിടെക്റ്റുകള്‍, എഞ്ചിനീയര്‍മാര്‍ തുടങ്ങിയവര്‍ക്കുള്ള പരിശീലന പരിപാടി ഇന്ന് (2018 മെയ് 16) കാക്കനാട് സിവില്‍ സ്റ്റേഷനിലെ ആസൂത്രണ സമിതി സെക്രട്ടറിയേറ്റ് കോണ്‍ഫറന്‍സ് ഹാളില്‍ നടക്കും. രാവിലെ 9.45 മണി മുതല്‍ 1.30 വരെയാണ് പരിശീലന പരിപാടി. തീരദേശപരിപാലന നിയമം, നെല്‍വയല്‍-തണ്ണീര്‍ത്തട സംരക്ഷണ നിയമം, മലിനീകരണ നിയന്ത്രണ നിയമങ്ങള്‍ തുടങ്ങിയവയാണ് പരിശീലന പരിപാടിയില്‍ ഉള്‍പ്പെടുത്തിയിരിക്കുന്ന വിഷയങ്ങള്‍.

    സി.പി നാരായണന്‍ എംപി യുടെ എംപി ഫണ്ടില്‍ നിന്നും  പിലിക്കോട് ഗ്രാമപഞ്ചായത്തിലെ  പടിക്കില്‍ ഗവ. യു പു സ്‌കൂളിന് ഓഡിറ്റോറിയം  നിര്‍മ്മിക്കുന്നതിനായി  10 ലക്ഷം രൂപ അനുവദിച്ചു. പദ്ധതിക്ക്  ജില്ലാകളക്ടര്‍ ജീവന്‍ബാബു.കെ ഭരണാനുമതി നല്‍കി.
 

കൊച്ചി: കരഭൂമിയില്‍ ധനസഹായത്തോടുകൂടി നെല്‍കൃഷി ചെയ്യാന്‍ സന്നദ്ധരായ കൊച്ചിന്‍ കോര്‍പ്പറേഷന്‍ പരിധിയിലെ കര്‍ഷകര്‍, കര്‍ഷക സംഘങ്ങള്‍, സര്‍ക്കാര്‍-സര്‍ക്കാരിതര സ്ഥാപനങ്ങള്‍ എന്നിവര്‍ക്കുള്ള സൗജന്യ നെല്‍വിത്ത് വൈറ്റില കൃഷിഭവനില്‍ തയ്യാറായിട്ടുണ്ട്. ആവശ്യമുള്ളവര്‍  ഭൂമിയുടെ കരം അടച്ച രസീതിയുടെയും ബാങ്ക് പാസ്ബുക്കിന്റെയും പകര്‍പ്പുകള്‍ സഹിതം മെയ് 21ന് തിങ്കളാഴ്ച രാവിലെ 11ന് നേരിട്ട് ഹാജരാകേണ്ടതാണ്. പാട്ടത്തിനെടുത്ത ഭൂമിയില്‍ കൃഷിചെയ്യുന്നവര്‍ക്കും ആനുകൂല്യങ്ങള്‍ ലഭ്യമായിരിക്കും. അന്നേ ദിവസം കരനെല്‍കൃഷിയെ സംബന്ധിച്ച ക്ലാസും ഉണ്ടായിരിക്കും.

കൊച്ചി: ഖാദി ഗ്രാമവ്യവസായ കമ്മീഷന്‍ ബാംഗ്ലൂരില്‍ ആരംഭിക്കുന്ന ഖാദി ടൂള്‍സ് ആന്റ് എക്യൂപ്‌മെന്റ് മ്യൂസിയത്തിലേക്ക് ഹെറിറ്റേജ് ആയി കണക്കാക്കാവുന്ന ചര്‍ക്കകള്‍, തറികള്‍ എന്നിവ കൈവശമുളളവര്‍ മ്യൂസിയത്തിലേക്ക് വിട്ടു നല്‍കുന്നതിന് താത്പര്യപ്പെടുന്നെങ്കില്‍ ജില്ലാ ഖാദി ഗ്രാമവ്യവസായ ഓഫീസ്, ഖാദി ടവര്‍, കലൂര്‍ ഓഫീസുമായി ബന്ധപ്പെടുക. ഫോണ്‍ 0484-2339080.

കൊച്ചി: പാരമ്പര്യ തനിമ വിളിച്ചോതുന്ന കുടുംബശ്രീ ഉല്‍പന്നങ്ങള്‍ 10% ഡിസ്‌കൗണ്ടില്‍ സ്വന്തമാക്കാം. സംസ്ഥാന സര്‍ക്കാരിന്റെ രണ്ടാം വാര്‍ഷികത്തോടനുബന്ധിച്ച് നാളെ (മെയ് 16) മുതല്‍ മറൈന്‍ഡൈവ്രില്‍ നടക്കുന്ന പ്രദര്‍ശന വിപണന മേളയിലാണ് കുടുംബശ്രീ ഉല്‍പന്നങ്ങള്‍ വിലക്കുറവില്‍ ലഭിക്കുന്നത്. ആയുര്‍വേദക്കൂട്ടുകള്‍ ചേര്‍ത്ത്് ഉണ്ടാക്കിയ സോപ്പ്, ഷാംപ്പൂ, മായം കലരാത്ത മുളകുപൊടി, മഞ്ഞള്‍പ്പൊടി, തുടങ്ങിയ കറിപ്പൊടികള്‍, വൈവിധ്യമാര്‍ന്ന അച്ചാറുകള്‍, കരകൗശല വസ്തുക്കള്‍, വിവിധതരം ഫേല്‍ര്‍മാറ്റുകള്‍, തുണിത്തരങ്ങള്‍ എന്നീ ഉല്‍പന്നങ്ങളാണ് വിലക്കുറവില്‍ ലഭ്യമാകുന്നത്.