എം.ബി.എ പ്രവേശനത്തിന് ജൂണ്‍ 24 ന് കേരളത്തിലെ വിവിധ കേന്ദ്രങ്ങളില്‍ നടത്തുന്ന കെ മാറ്റ് കേരള പരീക്ഷയ്ക്ക് ഓണ്‍ലൈനായി ജൂണ്‍ ഏഴ് വരെ അപേക്ഷിക്കാം.
    അവസാന വര്‍ഷ ഡിഗ്രി വിദ്യാര്‍ത്ഥികള്‍ക്കും പരീക്ഷാഫലം കാത്തിരിക്കുന്നവര്‍ക്കും അപേക്ഷിക്കാം. http://kmatkerala.in/ പരീക്ഷയ്ക്കുള്ള ഹാള്‍ ടിക്കറ്റ് ജൂണ്‍ 14 മുതല്‍ ഡൗണ്‍ലോഡ് ചെയ്യാം.  കൂടുതല്‍ വിവരങ്ങള്‍ക്ക് 0471 - 2335133, 8547255133
പി.എന്‍.എക്‌സ്.1793/18

    വിദേശ രാജ്യങ്ങളില്‍ ജോലി ചെയ്യുന്നവരും, ജോലി തേടി പോകുന്നവരുമായ നേഴ്‌സുമാര്‍ക്ക് ജോലി സംബന്ധമായ ആവശ്യങ്ങള്‍ക്കായി കേരള നേഴ്‌സസ് ആന്റ് മിഡ് വൈഫ്‌സ് കൗണ്‍സിലില്‍ നിന്നും ലഭിക്കേണ്ട ഗുഡ്സ്റ്റാന്റിംഗ്, വെരിഫിക്കേഷന്‍ ഉള്‍പ്പെടെയുള്ള വിവിധ സര്‍ട്ടിഫിക്കറ്റുകള്‍ക്ക് ഉദ്യോഗാര്‍ത്ഥികള്‍ നേരിട്ട് അപേക്ഷിക്കണമെന്ന് രജിസ്ട്രാര്‍ അറിയിച്ചു.  ഏജന്റുമാര്‍ മുഖേന നല്‍കുന്ന അപേക്ഷകള്‍ സ്വീകരിക്കില്ല.
പി.എന്‍.എക്‌സ്.1792/18

    സ്വകാര്യ സംരംഭകരുടെ സഹകരണത്തോടെ കേരളത്തിലെ നഗരങ്ങളെ മാലിന്യ മുക്തമാക്കുന്നതിന് കോര്‍പ്പറേഷനുകളും മുനിസിപ്പാലിറ്റികളും നടപടി സ്വീകരിക്കണമെന്ന് തദ്ദേശസ്വയംഭരണ വകുപ്പ് മന്ത്രി ഡോ. കെ. ടി. ജലീല്‍ പറഞ്ഞു. തദ്ദേശസ്വയംഭരണ വകുപ്പും ശുചിത്വ മിഷനും കേന്ദ്ര ഭവന നഗരകാര്യ മന്ത്രാലയത്തിന്റെ സഹകരണത്തോടെ മാസ്‌കറ്റ് ഹോട്ടലില്‍ സംഘടിപ്പിച്ച മാലിന്യ രഹിത നഗരങ്ങള്‍ക്കുള്ള സ്റ്റാര്‍ റേറ്റിംഗ് സംബന്ധിച്ച ശില്‍പശാല ഉദ്ഘാടനം ചെയ്യുകയായിരുന്നു അദ്ദേഹം.

    കേരളത്തിലെ വിവിധ ഐ.ടി പാര്‍ക്കുകളില്‍ ഇടം തേടി കൂടുതല്‍ കമ്പനികളെത്തുന്നു. അടുത്തിടെയായി റെക്കോഡ് വേഗത്തിലാണ് സൈബര്‍ പാര്‍ക്കുകളിലെ സ്ഥലം കമ്പനികള്‍ സ്വന്തമാക്കുന്നത്. ഐ. ടി. മേഖലയില്‍ പുതിയതായുണ്ടായ കുതിപ്പും സൗഹൃദ അന്തരീക്ഷവുമാണ് കമ്പനികളെ ഇവിടേക്ക് ആകര്‍ഷിക്കുന്ന പ്രധാന ഘടകം. കേരളത്തിന്റെ അഭിമാനമായ തിരുവനന്തപുരം ടെക്‌നോപാര്‍ക്കില്‍ ഇടം തേടി കമ്പനികള്‍ ക്യൂവിലാണ്. ഇവിടെ ഒന്നാംഘട്ടത്തില്‍ 104 കമ്പനികളും മൂന്നാംഘട്ടത്തില്‍ 97 കമ്പനികളും സ്ഥലത്തിനായി ക്യൂവിലുണ്ട്.

മലപ്പുറം താലൂക്ക് ആശുപത്രിയില്‍ ഫാര്‍മസിസ്റ്റ് ഗ്രേഡ് കക തസ്തികയിലേക്ക് താല്‍ക്കാലിക നിയമനം നടത്തുന്നതിന് അപേക്ഷ ക്ഷണിച്ചു.  താല്‍പര്യമുള്ളവര്‍ യോഗ്യത തെളിയിക്കുന്ന സര്‍ട്ടിഫിക്കറ്റുകള്‍ സഹിതം കൂടിക്കാഴ്ചയ്ക്കായി മെയ് 19ന് രാവിലെ 10ന്  ആശുപത്രി ഓഫീസില്‍ എത്തണം.  ഫോണ്‍ 0483 2734866.

ജില്ലാ എംപ്ലോയബിലിറ്റി സെന്ററില്‍ പ്രമുഖ ഓട്ടോമൊബൈല്‍, വിദ്യാഭ്യാസസ്ഥാപനം എന്നിവയിലേക്ക അക്കൗണ്ടന്റ്, സ്റ്റുഡന്റ് കൗണ്‍സിലര്‍, അക്കാഡമിക് കൗണ്‍സിലര്‍, റിസപ്ഷനിസ്റ്റ്, ഡാറ്റാഎന്‍ട്രി, സിആര്‍ഇ, സെയില്‍സ് എക്‌സിക്യൂട്ടീവ് എന്നീ തസ്തികകളിലേക്ക് മഞ്ചേരി, പെരിന്തല്‍മണ്ണ തുടങ്ങി ജില്ലയിലെ വിവിധ ഭാഗങ്ങളിലുള്ള ഉദ്യോഗാര്‍ത്ഥികളെ ആവശ്യമുണ്ട്.
എംപ്ലോയബിലിറ്റി സെന്ററില്‍ മെയ്17 രാവിലെ 10 ന് നടക്കുന്ന ഇന്റര്‍വ്യൂവില്‍ ഡിഗ്രി, പ്ലസ്ടു യോഗ്യതയുള്ളവര്‍ക്ക്പങ്കെടുക്കാം. ഫോണ്‍: 0483 2734 737.

ജില്ലാ ചൈല്‍ഡ് പ്രൊഡക്ഷന്‍ കമ്മിറ്റിയുടെ യോഗം മെയ് 16ന് രാവിലെ 10ന് ജില്ലാ പഞ്ചായത്ത് പ്രസിഡന്റിന്റെ ചേമ്പറില്‍ ചേരും.

നാവിക സേനയില്‍ നിന്ന് വിരമിച്ച വിമുക്തഭടന്‍മാരുടെ വിധവകള്‍ക്കായുള്ള ബോധവല്‍ക്കരണ സെമിനാര്‍ മെയ് 16ന് രാവിലെ 11  മുതല്‍ 12:30 വരെ ജില്ലാ സൈനിക ക്ഷേമ ഓഫീസില്‍ നടത്തും. വിവിധ ക്ഷേമ കാര്യങ്ങളെ സംബന്ധിച്ച് നാവിക സേനാ പ്രതിനിധികള്‍ സെമിനാറില്‍ വിശദീകരിക്കുന്നതാണ്. ജില്ലയിലെ നാവികസേനാ വിമുക്തഭടന്‍മാരുടെ വിധവകള്‍ സെമിനാറില്‍ പങ്കെടുക്കണം.  കൂടുതല്‍ വിവരങ്ങള്‍ക്ക്: 04985 223380

വ്യവസായ വാണിജ്യ വകുപ്പ്, മറ്റ് ഏജന്‍സികള്‍ വിവിധ ധനകാര്യ
സ്ഥാപനങ്ങള്‍, കെഎഫ്‌സി തുടങ്ങിയവയുമായി ബന്ധപ്പെട്ട വ്യവസായ സംരംഭകരുടെ
പരാതികളില്‍ തീരുമാനമെടുക്കുന്നതിനായി വ്യവസായ വകുപ്പ് മന്ത്രിയുടെ നേതൃത്വത്തില്‍ നടക്കുന്ന പരാതി  പരിഹാര  അദാലത്തിലേക്ക് അപേക്ഷിക്കുന്നതിനുള്ള അവസാന തീയ്യതി മെയ് 19 വരെ നീട്ടി.