കണ്ണൂര്‍ ഗവ.എഞ്ചിനീയറിംഗ് കോളേജിലെ ലേഡീസ് ഹോസ്റ്റലിന്റെ വാച്ച്മാന്‍ ക്യാബിന്‍ അറ്റകുറ്റപ്പണികള്‍, ചുറ്റുമതില്‍ പെയിന്റ് ചെയ്യുക തുടങ്ങിയ ജോലികള്‍ക്ക് ക്വട്ടേഷന്‍ ക്ഷണിച്ചു.  15 ന് ഉച്ചക്ക് 12.30 വരെ ക്വട്ടേഷന്‍ സ്വീകരിക്കും.  ഫോണ്‍: 0497 2780226.
പി എന്‍ സി/500/2018

കണ്ണൂര്‍ ജില്ലാ ആശുപത്രിയിലെ ഡയാലിസിസ് യൂണിറ്റിലേക്ക് രണ്ട് ഡോണര്‍ കൗച്ചുകള്‍ വാങ്ങുന്നതിന് ടെണ്ടര്‍ ക്ഷണിച്ചു.  14 ന് ഉച്ചക്ക് 12.30 വരെ ടെണ്ടര്‍ സ്വീകരിക്കും.

സംസ്ഥാനത്തെ പൊതുവിദ്യാലയങ്ങളില്‍ ഒമ്പതാം തരത്തിലെ മുഴുവന്‍ കുട്ടികളെയും പങ്കെടുപ്പിച്ച് നടത്തിയ സയന്‍സ് ബഡീസ് ടാലന്റ് ഹണ്ട് പരീക്ഷയില്‍ കണ്ണൂര്‍ ജില്ലയിലെ കുട്ടികള്‍ അഭിമാനാര്‍ഹമായ വിജയം നേടി. സംസ്ഥാന വ്യാപകമായി നടത്തിയ പരീക്ഷയില്‍ മുഴുവന്‍ മാര്‍ക്കും നേടിയത് ആകെ മൂന്ന് കുട്ടികളാണ്. അതില്‍ രണ്ട് പേര്‍ കണ്ണൂര്‍ ജില്ലയെ പ്രതിനിധീകരിച്ച് മല്‍സരത്തില്‍ പങ്കെടുത്ത മടമ്പം മേരിലാന്റ് ഹൈസ്‌കൂളിലെ ഷാരോണ്‍ കൃഷ്ണ കെ, വെള്ളോറ ടാഗോര്‍ ഹൈസ്‌കൂളിലെ ഉദയ പി.വി എന്നീ കുട്ടികളാണ്.

  എം.ബി.എ 2018-19 അക്കാഡമിക് വര്‍ഷത്തെ പ്രവേശനത്തിന് നടത്തുന്ന കെ. മാറ്റ് കേരള 2018 ന്റെ ഈ വര്‍ഷത്തെ രണ്ടാമത്തെ പ്രവേശന പരീക്ഷ ജൂണ്‍ 24 ന് കേരളത്തിലെ വിവിധ കേന്ദ്രങ്ങളിലും ബംഗളൂരു, ചെന്നൈ, കോയമ്പത്തൂര്‍ എന്നീ കേന്ദ്രങ്ങളിലും നടത്തും.

കേരളത്തിനു പുറത്തെ കേന്ദ്രങ്ങളില്‍ കുറഞ്ഞത് 100 അപേക്ഷാര്‍ത്ഥികള്‍ ഇല്ലാത്തപക്ഷം അപേക്ഷകരെ തൊട്ടടുത്ത കേന്ദ്രത്തിലേക്ക് മാറ്റും.  അവസാന വര്‍ഷ ബിരുദ വിദ്യാര്‍ത്ഥികള്‍ക്കും പരീക്ഷാഫലം പ്രതീക്ഷിക്കുന്നവര്‍ക്കും അപേക്ഷിക്കാം.

 കണ്ണൂര്‍ ജില്ലാ എംപ്ലോയബിലിറ്റി സെന്റര്‍ മാര്‍ച്ച് 10ന് കണ്ണൂര്‍ എസ്.എന്‍ കോളജില്‍ ലക്ഷ്യ 2018 മെഗാ ജോബ് ഫെസ്റ്റ് സംഘടിപ്പിക്കുന്നു. രാവിലെ ഒമ്പതിന് പി.കെ ശ്രീമതി ടീച്ചര്‍ എം.പി ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് കെ.വി സുമേഷ് അധ്യക്ഷത വഹിക്കും. 

ജില്ലാ പഞ്ചായത്ത് 2018-19 വാര്‍ഷിക പദ്ധതി രൂപീകരണവുമായി ബന്ധപ്പെട്ട വികസന സെമിനാര്‍ നാളെ (മാര്‍ച്ച് ഒമ്പത്) രാവിലെ 10 മണിക്ക്  സംസ്ഥാന പ്ലാനിംഗ് ബോര്‍ഡ് വൈസ് ചെയര്‍മാന്‍ ഡോ.വി.കെ.രാമചന്ദ്രന്‍ ഉദ്ഘാടനം ചെയ്യും. ബ്ലോക്ക്, ഗ്രാമപഞ്ചായത്ത് പ്രസിഡന്റുമാര്‍, ജില്ലാ പഞ്ചായത്ത് ആസൂത്രണ സമിതി അംഗങ്ങള്‍, വര്‍ക്കിംഗ് ഗ്രൂപ്പ് കണ്‍വീനര്‍മാര്‍, വര്‍ക്കിംഗ് ഗ്രൂപ്പ് അംഗങ്ങള്‍, നിര്‍വ്വഹണ ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.
പി എന്‍ സി/500/2018

തോട്ടട കണ്ണൂര്‍ ഗവ. ഐ.ടി.ഐയില്‍ എംപ്ലോയബിലിറ്റി സ്‌കില്‍ വിഷയത്തില്‍ ഗസ്റ്റ് ഇന്‍സ്ട്രക്ടറുടെ ഒഴിവുണ്ട്. എം.ബി.എ /ബി.ബി.എയും രണ്ടു വര്‍ഷത്തെ പ്രവൃത്തി പരിചയവും അല്ലെങ്കില്‍ സോഷ്യോളജി/സോഷ്യല്‍ വെല്‍ഫേര്‍/ഇക്കണോമിക്‌സ് ബിരുദവും രണ്ടു വര്‍ഷത്തെ പ്രവൃത്തി പരിചയവും അല്ലെങ്കില്‍ എംപ്ലോയബിലിറ്റി സ്‌കില്‍ വിഷയത്തില്‍ ഡി.ജി.ഇ.ടിയില്‍ നിന്നും പരിശീലനം ലഭിച്ച് രണ്ടു വര്‍ഷത്തെ പ്രവൃത്തി പരിചയത്തോടുകൂടിയ ബിരുദം അല്ലെങ്കില്‍ ഡിപ്ലോമ ആണ് യോഗ്യത.

സര്‍ക്കാര്‍ ഉത്തരവ് പ്രകാരം 2018-19 സാമ്പത്തിക വര്‍ഷത്തിലെ വാര്‍ഷിക പദ്ധതികള്‍ ആസൂത്രണഘട്ടങ്ങളും നടപടിക്രമങ്ങളും അനുവര്‍ത്തിച്ച് തയ്യാറാക്കി ജില്ലാ ആസൂത്രണ സമിതി അംഗീകാരം 17 നകം വാങ്ങണം.  നിശ്ചിത തീയതിക്കകം തന്നെ ഡി പി സി അംഗീകാരം വാങ്ങുന്നതിനുള്ള അടാ#ിയന്തിര നടപടികള്‍ എല്ലാ തദ്ദേശഭരണ സ്ഥാപന അധ്യക്ഷന്‍മാരും സെക്രട്ടറിമാരും സ്വീകരിക്കണമെന്ന് ജില്ലാ പ്ലാനിങ്ങ് ഓഫീസര്‍ അറിയിച്ചു.
പി എന്‍ സി/500/2018