ചെങ്ങന്നൂര്‍ -ചിങ്ങവനം റെയില്‍വേ പാത ഇരട്ടിപ്പിക്കലിന്റെ ഭാഗമായി കാലായിപ്പടി- പുളിമൂട് ഓവര്‍ ബ്രിഡ്ജ് വഴിയുളള ഗതാഗതം ഫെബ്രുവരി 16 മുതല്‍ നിരോധിക്കും. വാഹനങ്ങള്‍ ചിങ്ങവനം- പരുത്തുംപാറ ജംഗ്ഷനിലൂടെ ചിങ്ങവനം ഓവര്‍ബ്രിഡ്ജ് വഴിയും കുറിച്ചി ഔട്ട് പോസ്റ്റ്- എണ്ണക്കച്ചിറ റോഡ് വഴിയും തുരുത്തി-മലകുന്നം റോഡ് വഴിയും തിരിഞ്ഞു പോകണം. 

മലപ്പുറം , പാലക്കാട് ജില്ലകളിലെ  കയര്‍ തൊഴിലാളികളുടെ ക്ഷേമനിധിയുമായി ബന്ധപ്പെട്ട വിവിധ പരാതികള്‍ പരിഹരിക്കുന്നതിനായി ക്ഷേമനിധി ബോര്‍ഡ് ഫെബ്രുവരി     28 ന് പൊന്നാനി മിനി സിവില്‍ സ്റ്റേഷന്‍ ഹാളില്‍ അദാലത്തു നടത്തുന്നു. 

റേഷന്‍ കാര്‍ഡ് പുതുക്കല്‍ സമയത്ത് റേഷന്‍ കാര്‍ഡ് പുതുക്കാന്‍ കഴിയാത്തവര്‍ക്കും സംസ്ഥാനത്ത് ഒരിടത്തും റേഷന്‍ കാര്‍ഡ് ലഭിച്ചിട്ടില്ലാത്തവര്‍ക്കും ഫെബ്രുവരി 15 മുതല്‍ പൊന്നാനി താലൂക്ക് സപ്ലൈ ഓഫീസില്‍ അപേക്ഷ നല്‍കാമെന്ന് താലൂക്ക് സപ്ലൈ ഓഫീസര്‍ അറിയിച്ചു.  

സൗദി അറേബ്യയിലെ ഡോ. സോളിമാന്‍ ഫകീഹ് ആശുപത്രിയിലേയ്ക്ക് നഴ്‌സുമാരെ തിരഞ്ഞെടുക്കുന്നതിന് അപേക്ഷ ക്ഷണിച്ചു. ബി.എസ്‌സി നഴ്‌സിങ് യോഗ്യതയും രണ്ടുവര്‍ഷത്തെ പ്രവൃത്തിപരിചയവും ഉളള വനിതകള്‍ക്ക് അപേക്ഷിക്കാം. ഒഴിവുകളുടെ എണ്ണം 30.  പ്രായം 40ല്‍ താഴെ. ഫെബ്രുവരി 22നകം ംംം.ിീൃസമൃീീെേ.ില േവെബ്‌സൈറ്റിലെ ലിങ്ക് മുഖേന അപേക്ഷിക്കണം. കൂടുതല്‍ വിവരങ്ങള്‍ ംംം.ിീൃസമൃീീെേ.ില േല്‍ ലഭിക്കും. 

ജില്ലാ കലക്ടറുടെ നേതൃത്വത്തില്‍ തിരൂര്‍ താലൂക്കിലെ പൊതുജന പരാതി പരിഹാര അദാലത്ത് തിരൂര്‍ വാഗണ്‍ട്രാജഡി ഹാളിനു പകരം ഫെബ്രുവരി 17ന് രാവിലെ ഒമ്പത് മുതല്‍ ഉച്ചവരെ തിരൂര്‍ ജി.എം.യു.പി സ്‌കൂളില്‍ നടക്കും. 
 

കുടുംബശ്രീ വഴി നടപ്പാക്കുന്ന ദീന്‍ദയാല്‍ ഉപാധ്യായ ഗ്രാമീണ്‍ കൗശല്യയോജന പദ്ധതിയിലൂടെ നടത്തുന്ന സൗജന്യ തൊഴില്‍ പരിശീലനത്തിനുള്ള കൗണ്‍സിലിംഗ് ഫെബ്രുവരി 16ന് രാവിലെ  10.30 ന് വേങ്ങര ഗ്രാമ പഞ്ചായത്ത് ഹാളില്‍ നടത്തുന്നു. പരിശീലനത്തില്‍  ഗ്രാമീണ മേഖലയിലെ 18 നും 35 നും ഇടയില്‍ പ്രായമുള്ള ബി.പി.എല്‍, കുടുംബശ്രീ തൊഴിലുറപ്പ്, ആശ്രയ എന്നീ പദ്ധതികളില്‍ ഉള്‍പ്പെട്ട എസ്.സി, മൈനോറിറ്റി വിഭാഗത്തിലുള്ളവര്‍ക്ക് പങ്കെടുക്കാം. പരിശീലനം പൂര്‍ത്തിയാക്കുന്നവര്‍ക്ക് ജോലിയില്‍ നിയമനം നല്‍കുന്നതാണ്.  വിദ്യാഭ്യാസ യോഗ്യത: എസ്.എസ്.എല്‍.സി. ഫോണ്‍ 9074 611 961, 04832 733470.

ബേപ്പൂര്‍ സര്‍ക്കാര്‍ ക്ഷീരപരിശീലന കേന്ദ്രത്തില്‍ ജില്ലയിലെ ക്ഷീരകര്‍ഷകര്‍ക്ക്  ഫെബ്രുവരി 19 മുതല്‍ 24 വരെ ഡയറി ഫാം ആസൂത്രണം, ലാഭകരമായ നടത്തിപ്പ്, വൈവിധ്യവല്‍ക്കരണം എന്നീ വിഷയങ്ങളില്‍ പരിശീലനം നല്‍കുന്നു.  പരിശീലനത്തില്‍ പങ്കെടുക്കുവാന്‍ താല്‍പര്യമുളളവര്‍ ഫെബ്രുവരി 19ന് രാവിലെ 10 നകം ഫോട്ടോ പതിച്ച തിരിച്ചറിയല്‍ കാര്‍ഡിന്റെ പകര്‍പ്പു സഹിതം പരിശീലന കേന്ദ്രത്തില്‍ എത്തണം. കൂടുതല്‍ വിവരങ്ങള്‍ക്ക് ഓഫീസ് പ്രവൃത്തി സമയങ്ങളില്‍ 0495 2414579 എന്ന ഫോണ്‍ നമ്പരിലോ ബ്ലോക്ക് തലത്തിലുള്ള ക്ഷീര വികസന സര്‍വ്വീസ് യൂണിറ്റുമായോ ബന്ധപ്പെടാവുന്നതാണെന്ന് ക്ഷീരപരിശീലന കേന്ദ്രം പ്രിന്‍സിപ്പല്‍ അറിയിച്ചു.

റേഷന്‍ കാര്‍ഡ് പുതുക്കല്‍ സമയത്ത് റേഷന്‍ കാര്‍ഡ് പുതുക്കാന്‍ കഴിയാത്തവര്‍ക്ക് ഫെബ്രുവരി 15 മുതല്‍ പെരിന്തല്‍മണ്ണ താലൂക്ക് സപ്ലൈ ഓഫീസില്‍ അപേക്ഷ നല്‍കാമെന്ന് താലൂക്ക് സപ്ലൈ ഓഫീസര്‍ അറിയിച്ചു.