റേഷന്‍ കാര്‍ഡ് പുതുക്കല്‍ സമയത്ത് റേഷന്‍ കാര്‍ഡ് പുതുക്കാന്‍ കഴിയാത്തവര്‍ക്ക് ഫെബ്രുവരി 15 മുതല്‍ പെരിന്തല്‍മണ്ണ താലൂക്ക് സപ്ലൈ ഓഫീസില്‍ അപേക്ഷ നല്‍കാമെന്ന് താലൂക്ക് സപ്ലൈ ഓഫീസര്‍ അറിയിച്ചു.  

ജില്ലയെ പൂര്‍ണമായും മാലിന്യമുക്തമാക്കുന്നതിന് സമഗ്രമായ പദ്ധതികള്‍ ആവിഷ്‌കരിക്കുമെന്ന് ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍. മാലിന്യസംസ്‌കരണം - പഞ്ചായത്തുകള്‍ നേരിടുന്ന വെല്ലുവിളികള്‍ എന്ന വിഷയത്തില്‍ നടന്ന സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം. ത്രിതല പഞ്ചായത്തുകള്‍ മുന്നിട്ടിറങ്ങിയാല്‍ മാലിന്യപ്രശ്‌നത്തിന് ശാശ്വത പരിഹാരം കാണാന്‍ കഴിയും. അടുത്ത രണ്ടു വര്‍ഷത്തിനുള്ളില്‍ അത് സാധ്യമാകുമെന്നും അദ്ദേഹം പറഞ്ഞു. 

ജില്ലാ പദ്ധതിയുടെ ഭാഗമായി ഏറ്റെടുക്കുന്ന സംയോജിത പദ്ധതികള്‍ക്ക് പ്രത്യേക സാമ്പത്തിക സഹായം നല്‍കുമെന്ന് ധനമന്ത്രി ഡോ. ടി.എം. തോമസ് ഐസക് പറഞ്ഞു.

ജില്ലാ ആസൂത്രണ സമിതികള്‍ തയാറാക്കിയ ജില്ലാപദ്ധതി വിലയിരുത്തല്‍ ശില്‍പശാലയുടെ രണ്ടാംദിനത്തിലെ സെഷനില്‍ മുഖ്യാതിഥിയായി സംസാരിക്കുകയായിരുന്നു അദ്ദേഹം.

ഭാഗ്യക്കുറിയെ പൂര്‍ണമായി സംരക്ഷിക്കുന്ന നിലപാട് സര്‍ക്കാര്‍ സ്വീകരിക്കുമെന്ന് മുഖ്യമന്ത്രി പിണറായി വിജയന്‍ പറഞ്ഞു. ഭാഗ്യക്കുറി സുവര്‍ണ ജൂബിലി സംസ്ഥാനതല സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. 

കേരള സാമൂഹ്യ നീതി വകുപ്പിന്റെ നിയന്ത്രണത്തില്‍ കേരള മഹിള സമഖ്യ സൊസൈറ്റിയുടെ ആഭിമുഖ്യത്തില്‍ പ്രവര്‍ത്തിക്കുന്ന മലപ്പുറം നിര്‍ഭയ ഷെല്‍ട്ടര്‍ ഹോമില്‍ സോഷ്യല്‍ വര്‍ക്കര്‍, ഫീല്‍ഡ് വര്‍ക്കര്‍, ക്ലിനിക്കല്‍ സൈക്കോളജിസ്റ്റ്, സെക്യൂരിറ്റി, അസിസ്റ്റന്റ് കെയര്‍ ടേക്കര്‍ തസ്തികകളിലേക്ക് നിലമ്പൂരിലെ ജില്ലാ ഓഫീസില്‍ 19 ന് രാവിലെ 11 മണിക്ക് സാമൂഹ്യ സേവനത്തില്‍ താല്‍പര്യമുള്ള സ്ത്രീ ഉദേ്യാഗാര്‍ത്ഥികള്‍ക്കായി വാക്ക് ഇന്‍ ഇന്റര്‍വ്യൂ  നടത്തും.  ഒരു വര്‍ഷത്തെ കരാര്‍ അടിസ്ഥാനത്തിലാണ് നിയമനം.  വിശദ വിവരങ്ങള്‍ക്ക് : 9447111271, 9447666077.

പി.എന്‍.എക്‌സ്.572/18

ഫെബ്രുവരി 16 ന് നോര്‍ക്കയുടെ തിരുവനന്തപുരത്തെ സെന്ററില്‍ സര്‍ട്ടിഫിക്കറ്റ് ഓതന്റിക്കേഷന്‍ ഉണ്ടായിരിക്കുന്നതല്ല. അന്നേ ദിവസം കൊല്ലം കളക്‌ട്രേറ്റിലെ നോര്‍ക്ക സെല്ലില്‍ രാവിലെ 9.30 മുതല്‍ ഉച്ചയ്ക്ക് ഒരു മണിവരെ സര്‍ട്ടിഫിക്കറ്റ് ഓതന്റിക്കേഷന്‍ ഉണ്ടായിരിക്കും. അപേക്ഷകര്‍ www.norkaroots.net ല്‍ രജിസ്റ്റര്‍ ചെയ്യണം.

പി.എന്‍.എക്‌സ്.571/18

നഴ്‌സിംഗ് മേഖലയിലെ (ജനറല്‍ & പബ്ലിക് ഹെല്‍ത്ത്) ഉദ്യോഗസ്ഥര്‍ക്കുള്ള 2018 ലെ കേന്ദ്രഗവണ്‍മെന്റിന്റെ ഫ്‌ളോറന്‍സ് നൈറ്റിംഗേള്‍ പുരസ്‌കാരത്തിന് അപേക്ഷ ക്ഷണിച്ചു.  അപേക്ഷയുടെ മാതൃകയും തെരഞ്ഞെടുക്കുന്നതിനുള്ള മാനദണ്ഡങ്ങളും ജില്ലാ മെഡിക്കല്‍ ഓഫീസുകളിലും www.dhs.kerala.gov.in എന്ന വെബ്‌സൈറ്റിലും ലഭ്യമാണ്.  നഴ്‌സുമാര്‍, ആക്‌സിലറി നഴ്‌സ് മിഡ് വൈഫുമാര്‍, ലേഡി ഹെല്‍ത്ത് ഇന്‍സ്‌പെക്ടര്‍മാര്‍ (പി.എച്ച്.എന്‍) വിഭാഗത്തില്‍പ്പെട്ടവരില്‍ നിന്നുള്ള അപേക്ഷയുടെ രണ്ട് പകര്‍പ്പുകള്‍ ആവശ്യമായ രേഖകള്‍ക്കൊപ്പം 28 ന് വൈകിട്ട്  അഞ്ചു മണിക്കു മുമ്പ് അഡീഷണല്‍ ഡയറക്ടര്‍ (നഴ്‌സിംഗ്), ആരോഗ്യ വകുപ്പ് ഡയറക്ടറുടെ കാര്യാല