റേഷന്‍ കാര്‍ഡ് പുതുക്കല്‍ സമയത്ത് റേഷന്‍ കാര്‍ഡ് പുതുക്കാന്‍ കഴിയാത്തവര്‍ക്കും നാളിതുവരെയും സംസ്ഥാനത്ത് ഓരിടത്തും റേഷന്‍ കാര്‍ഡ് ലഭിച്ചിട്ടില്ലാത്തവര്‍ക്കും ഫെബ്രുവരി 15 മുതല്‍ പൊന്നാനി താലൂക്ക് സപ്ലൈ ഓഫീസില്‍ അപേക്ഷ നല്‍കാമെന്ന് താലൂക്ക് സപ്ലൈ ഓഫീസര്‍ അറിയിച്ചു.  

ആരോഗ്യവകുപ്പിന്റെ നേത്യത്വത്തില്‍ നടന്ന കുഷ്ഠരോഗ നിര്‍മ്മാര്‍ജന പക്ഷാചരണം സമാപിച്ചു. സമാപന സമ്മേളനം കരുളായി നെടുങ്കണ്ടം ട്രൈബല്‍ കോളനിയില്‍ നടന്നു. മുനിസിപ്പല്‍ ചെയര്‍പേഴ്‌സന്‍ പത്മിനി ഗോപിനാഥ് ഉദ്ഘാടനം നിര്‍വ്വഹിച്ചു.

പൂക്കോട്ടുര്‍ ഗവ. ഹയര്‍ സെക്കണ്ടറി സ്‌കൂളിലെ 2018 - 2021  വര്‍ഷങ്ങളിലേക്കുള്ള അക്കാദമിക് മാസ്റ്റര്‍ പ്ലാന്‍ ലീപ്പ് 2012 പ്രകാശനം  പി. ഉബൈദുള്ള എം എല്‍ എ നിര്‍വഹിച്ചു. ടി, വി, ഇബ്രാഹി എം എല്‍ ചടങ്ങില്‍ സന്നിഹിതനായിരുന്നു. അക്കാദമിക് മാസ്റ്റര്‍ പ്ലാന്‍ നിരവധിസവിശേഷതകളുള്ളതാണെന്നു  ചടങ്ങില്‍ സംസാരിച്ച പി ഉബൈദുള്ള എം എല്‍ എ സൂചിപ്പിച്ചു.ചടങ്ങില്‍ 'ശ്രദ്ധ','മലയാളത്തിളക്കം'എന്നീ പരിപാടികളുടെ വിജയ പ്രഖ്യാപനം ജില്ലാ പഞ്ചായത് വൈസ് പ്രസിഡന്റ് സക്കീന  പുല്‍പ്പാടന്‍നിര്‍വഹിച്ചു.

പഞ്ചായത്ത് ദിനാഘോഷത്തിന്റെ ഭാഗമായി ഫെബ്രുവരി 14ന് രാവിലെ 10 ന് ജില്ലാ പഞ്ചായത്ത് ഹാളില്‍ 'മാലിന്യ സംസ്‌കരണം പഞ്ചായത്തുകള്‍ നേരിടുന്ന വെല്ലുവിളികള്‍' വിഷയത്തില്‍ സെമിനാര്‍ നടത്തും.  ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍ സെമിനാര്‍ ഉദ്ഘാടനം ചെയ്യും.  ഹരിത കേരളം മിഷന്‍ കണ്‍സല്‍ട്ടന്റ് എന്‍. ജഗജീവന്‍ വിഷയാവതരണം നടത്തും.

പഞ്ചായത്ത് ദിനാഘോഷത്തിന്റെ ഭാഗമായി നടന്ന ജില്ലാതല ക്വിസ് മത്സരത്തില്‍ ഒന്നാം സ്ഥാനം എ.ആര്‍.നഗര്‍ പഞ്ചായത്തിന് ലഭിച്ചു. രണ്ടാം സ്ഥാനം ഒഴുര്‍ പഞ്ചായത്തും മൂന്നാം സ്ഥാനം പോത്തുകല്‍ പഞ്ചായത്തും നേടി. വിജയികള്‍ക്ക് പെരിന്തല്‍മണ്ണ ഷിഫ കണ്‍വെന്‍ഷന്‍ സെന്ററില്‍ ഫെബ്രവരി 17 ന് നടക്കുന്ന പരിപാടിയില്‍ സമ്മാനങ്ങള്‍ നല്‍കും.

കുടുംബശ്രീ വഴി നടപ്പാക്കുന്ന ദീന്‍ദയാല്‍ ഉപാധ്യായ ഗ്രാമീണ്‍ കൗശല്യയോജന പദ്ധതിയിലൂടെ നടത്തുന്ന സൗജന്യ തൊഴില്‍ പരിശീലനത്തിനുള്ള കൗണ്‍സിലിംഗ് ഫെബ്രുവരി 15ന് രാവിലെ  10.30 ന് കുറുവ ഗ്രാമ പഞ്ചായത്ത്      കുടുംബശ്രീ സി.ഡി.എസ് ഓഫീസ് ഹാളില്‍ (പടപ്പറമ്പ്) നടത്തുന്നു.  പരിശീലനത്തില്‍  ഗ്രാമീണ മേഖലയിലെ 18 നും 35 നും ഇടയില്‍ പ്രായമുള്ള ബി.പി.എല്‍, കുടുംബശ്രീ തൊഴിലുറപ്പ്, ആശ്രയ എന്നീ പദ്ധതികളില്‍ ഉള്‍പ്പെട്ട എസ്.സി, മൈനോറിറ്റി വിഭാഗത്തിലുള്ളവര്‍ക്ക് പങ്കെടുക്കാം. പരിശീലനം പൂര്‍ത്തിയാക്കുന്നവര്‍ക്ക് ജോലിയില്‍ നിയമനം നല്‍കുന്നതാണ്.  വിദ്യാഭ്യാസ യോഗ്യത: എസ്.എസ്.എല്‍.സി. ഫോണ്‍ 8078965390, 04832 733470.

ചെറുകുളം - പേലേപ്പുറം-പത്തിരിയാല്‍ റോഡില്‍ കൊയിലാണ്ടി മുതല്‍ പേലേപ്പുറം വഴി പത്തിരിയാല്‍ വരെ റോഡ് പണി നടക്കുന്നതിനാല്‍ കൊയിലാണ്ടി മുതല്‍ പേലേപ്പുറം ജങ്ഷന്‍ വരെ വാഹന ഗതാഗതം നിരോധിച്ചു.
പൊന്നാനി പൊതുമരാമത്ത് വകുപ്പ് നിരത്തുകള്‍ വിഭാഗം അസിസ്റ്റന്റ് എഞ്ചിനീയറുടെ കീഴിലുള്ള പാറ - കുണ്ടുച്ചിറ റോഡില്‍ പ്രവൃത്തി നടക്കുന്നതിനാല്‍ ഇതിലൂടെയുള്ള വാഹന ഗതാഗതം നിരോധിച്ചു.