ദേശീയ ദുരന്തനിവാരണ അതോറിറ്റി, സംസ്ഥാന ദുരന്തനിവാരണ അതോറിറ്റി എിവയുടെ നിര്‍ദ്ദേശങ്ങളും മാനദണ്ഡങ്ങളും പാലിച്ചുകൊണ്ട് സാമൂഹികാധിഷ്ഠിത ദുരന്തനിവാരണം സാധ്യമാക്കുകയെ ലക്ഷ്യത്തോടെ ജില്ലാ ദുരന്തനിവാരണ അതോറിറ്റി വിവിധ വകുപ്പുകളെ ഏകോപിപ്പിച്ചുകൊണ്ട് ഉരുള്‍പൊ'ല്‍ പ്രതിരോധ തയ്യാറെടുപ്പ് പരിശീലനം ഇ്( ഫെബ്രുവരി ആറിന് ) വൈകി'് ആറ് മുതല്‍ വാഴത്തോപ്പ് ഗിരിജ്യോതി സി.എം.ഐ പ'ിക് സ്‌കൂള്‍ മൈതാനത്ത് നടത്തും.

മങ്കട ഗവ. കോളേജില്‍ ഇംഗ്ലീഷ് വിഭാഗത്തില്‍ അതിഥി അദ്ധ്യാപകരുടെ ഒഴിവിലേക്ക് അപേക്ഷ ക്ഷണിച്ചു. ഇംഗ്ലീഷില്‍ 55 ശതമാനം മാര്‍ക്കില്‍ കുറയാത്ത ബിരുദാനന്തര ബിരുദവും യു.ജി.സി നിഷ്‌കര്‍ഷിക്കുന്ന യോഗ്യതയുള്ള കോളേജ് വിദ്യാഭ്യാസ ഉപഡയറക്ടറേറ്റു കളില്‍ രജിസ്റ്റര്‍ ചെയ്തിട്ടുള്ളവരുമായവര്‍ അസ്സല്‍ രേഖകളും പകര്‍പ്പും  സഹിതം ഫെബ്രുവരി ഏഴിന് രാവിലെ 10.30 ന് കൂടിക്കാഴ്ചക്ക് കോളേജില്‍ എത്തണം. നെറ്റ് യോഗ്യത ഉള്ളവരുടെ അഭാവത്തില്‍ മറ്റുള്ളവരേയും പരിഗണിക്കും.  ഫോണ്‍ 04933-202135.

ഏറ്റവും മികച്ച രീതിയില്‍ ജന്തുക്ഷേമ പ്രവര്‍ത്തനം നടത്തുന്ന ജന്തുക്ഷേമ സംഘടനയ്ക്ക്/വ്യക്തിക്ക് സംസ്ഥാന മൃഗസംരക്ഷണ വകുപ്പ് അവാര്‍ഡ് നല്‍കുന്നു.  രജിസ്റ്റര്‍ ചെയ്ത ജന്തുക്ഷേമ സംഘടനകള്‍ എസ്.പി.സി.എ കള്‍ ജന്തുക്ഷേമം ജീവചര്യയായി സ്വീകരിച്ചിട്ടുള്ള വ്യക്തികള്‍ എന്നിവര്‍ക്ക് അപേക്ഷിക്കാം. 30,000 രൂപയുടെ ക്യാഷ് അവാര്‍ഡാണ് നല്‍കുന്നത്.  സംഘടനകള്‍ അവരുടെ ഔദ്യോഗിക ലെറ്റര്‍ ഹെഡിലുള്ള അപേക്ഷയില്‍ ജന്തുക്ഷേമ യൂണിറ്റിന്റെ പേര്, മേല്‍വിലാസം, രജിസ്റ്റര്‍ നമ്പര്‍, പ്രവര്‍ത്തനം, ആരംഭിച്ച തീയതി, 2017 വര്‍ഷത്തെ പ്രവര്‍ത്തനങ്ങള്‍ (രേഖകള്‍ സഹിതം) പ്രവര്‍ത്തിക്കുന്ന ജില്ല എന്നിവ ഉള്‍പ്പെടുത്തിയിരിക്കണം.

കേരള സ്റ്റേറ്റ് ലീഗല്‍ സര്‍വ്വീസസ് അതോറിറ്റിയുടെ കീഴിലുള്ള പെര്‍മനന്റ് ലോക് അദാലത്തില്‍ തിരുവനന്തപുരത്ത് മെമ്പറായി നിയമിക്കുന്നതിന് അപേക്ഷ ക്ഷണിച്ചു. വിശദ വിവരങ്ങള്‍ കേരള സ്റ്റേറ്റ് ലീഗല്‍ സര്‍വ്വീസസ് അതോറിറ്റിയുടെ വെബ്‌സൈറ്റില്‍. (www.kelsa.nic.in) ലഭ്യമാണ്.

പി.എന്‍.എക്‌സ്.471/18

ഗവേഷണ പഠനങ്ങള്‍ നടത്തി മുന്‍പരിചയമുള്ള വ്യക്തികള്‍/സ്ഥാപനങ്ങളില്‍ നിന്നും മൈനര്‍/മേജര്‍ ഗവേഷണ പഠനങ്ങള്‍ക്ക് വനിതാ കമ്മീഷന്‍ പ്രൊപ്പോസലുകള്‍ ക്ഷണിച്ചു. ഗവേഷണ വിഷയങ്ങള്‍, അപേക്ഷര്‍ക്ക് വേണ്ട യോഗ്യത,  പ്രൊപ്പോസല്‍  തയ്യാറാക്കേണ്ട രീതി, നിബന്ധനകള്‍ തുടങ്ങി ഇതുമായി ബന്ധപ്പെട്ട വിവരങ്ങള്‍  www.keralawomenscommission.gov.in ല്‍ ലഭ്യമാണ്.  വെബ്‌സൈറ്റില്‍  നല്‍കിയിരിക്കുന്ന  മാര്‍ഗ്ഗനിര്‍ദ്ദേശങ്ങള്‍ പ്രകാരം തയ്യാറാക്കിയിട്ടുള്ള പ്രൊപ്പോസലുകള്‍ മാത്രമേ പരിഗണിക്കൂ. പ്രൊപ്പോസലുകള്‍ ലഭിക്കേണ്ട അവസാന തീയതി ഫെബ്രുവരി 20.

പി.എന്‍.എക്‌സ്.470/18

മറ്റു സംസ്ഥാനങ്ങളിലെ സ്റ്റേറ്റ് ബോര്‍ഡ് ഓഫ് ടെക്‌നിക്കല്‍ എഡ്യൂക്കേഷന്‍ ലാറ്ററല്‍ എന്‍ട്രി വഴി നല്‍കുന്ന എഞ്ചിനീയറിംഗ് ഡിപ്ലോമ സര്‍ട്ടിഫിക്കറ്റിന് (രണ്ടു വര്‍ഷ കോഴ്‌സ്) സംസ്ഥാനത്തെ സ്റ്റേറ്റ് ബോര്‍ഡ് ഓഫ് ടെക്‌നിക്കല്‍ എഡ്യൂക്കേഷന്‍ നല്‍കുന്ന ത്രിവത്സര  എഞ്ചിനീയറിംഗ് ഡിപ്ലോമ സര്‍ട്ടിഫിക്കറ്റുമായി തുല്യത ലഭിക്കുന്നതിനുള്ള തുല്യതാ പരീക്ഷ സാങ്കേതിക പരീക്ഷാ കണ്‍ട്രോളര്‍ മെയ് അഞ്ചിന് നടത്തും. പരീക്ഷാ സംബന്ധ വിവരങ്ങളടങ്ങിയ നോട്ടിഫിക്കേഷന്‍ www.tekeral.org യിലെ  Equivalency Test എന്ന ലിങ്കില്‍ ലഭ്യമാണ്. ഓണ്‍ലൈനായി മാര്‍ച്ച് 17 നകം അപേക്ഷ സമര്‍പ്പിക്കണം.

തദ്ദേശസ്വയം ഭരണ സ്ഥാപനങ്ങള്‍ക്കായി തിരുവനന്തപുരം വഞ്ചിയൂര്‍ കോടതി സമുച്ചയത്തില്‍ പ്രവര്‍ത്തിക്കുന്ന ട്രൈബ്യൂണല്‍ കാര്യാലയത്തില്‍ ഡ്രൈവര്‍/ഓഫീസ് അറ്റന്‍ഡന്റ്-കം-ഡ്രൈവര്‍ തസ്തികയിലേക്ക് ഡെപ്യൂട്ടേഷന്‍ വ്യവസ്ഥയില്‍ നിയമിക്കുന്നതിന് അപേക്ഷ ക്ഷണിച്ചു. സംസ്ഥാന സര്‍ക്കാരിന്റെ വിവിധ വകുപ്പുകളില്‍ സമാന തസ്തികകളില്‍ ജോലിചെയ്യുന്നവര്‍ക്ക് അപേക്ഷിക്കാം.

ഡല്‍ഹിയില്‍ റിപ്പബ്‌ളിക് ദിന ക്യാമ്പില്‍ പങ്കെടുത്ത എന്‍.സി.സി കേഡറ്റുകള്‍ക്കും ഓഫീസര്‍മാര്‍ക്കും ഗവര്‍ണര്‍ പി. സദാശിവം രാജ്ഭവനില്‍ സ്വീകരണം നല്‍കി. എന്‍.സി.സി കേരള-ലക്ഷദ്വീപ് ഡയറക്ടറേറ്റിനു കീഴിലെ 37 പെണ്‍കുട്ടികളും 74 ആണ്‍കുട്ടികളും അടങ്ങുന്ന സംഘമാണ് റിപ്പബ്‌ളിക് ദിന ക്യാമ്പില്‍ പങ്കെടുത്തത്. ഗവര്‍ണര്‍ക്കൊപ്പം ചായസത്കാരത്തില്‍ പങ്കെടുത്ത ശേഷം കേഡറ്റുകള്‍ ഡല്‍ഹി അനുഭവങ്ങള്‍ പങ്കുവെച്ചു. തുടര്‍ന്ന്, ഗവര്‍ണറോട് ആശയവിനിമയത്തിനും അവസരം ലഭിച്ചു. 

    കേരള ചുമട്ടു തൊഴിലാളി ക്ഷേമ ബോര്‍ഡ് ജില്ലാ കമ്മിറ്റിക്ക് കീഴില്‍ സ്‌കാറ്റേര്‍ഡ് വിഭാഗം ക്ഷേമ പദ്ധതിയില്‍ പേര് രജിസ്റ്റര്‍ ചെയ്ത് അംശാദായ അടവില്‍ കുടിശ്ശിക വന്ന് അംഗത്വം റദ്ദായ തൊഴിലാളികള്‍ക്ക് പിഴ പലിശ കൂടാതെ  അംശാദായം ഫെബ്രുവരി 28 വരെ അടച്ച് അംഗത്വം പുതുക്കാം.