ജില്ലയില്‍ വിവിധ വകുപ്പുകളില്‍ എല്‍.ഡി ക്ലാര്‍ക്ക് (കാറ്റഗറി നം.414/2016) തസ്തികയുടെ സാദ്ധ്യതാ പട്ടികയില്‍ ഉള്‍പ്പെട്ടവരുടെ  ഒറ്റത്തവണ പ്രമാണ പരിശോധന (ഒ.റ്റി.ആര്‍. വെരിഫിക്കേഷന്‍) ഫെബ്രുവരി ഏഴാം തീയതി മുതല്‍ കോട്ടയം ജില്ലാ പിഎസ്‌സി ഓഫീസില്‍ നടക്കും. ഇത് സംബന്ധിച്ച വിശദ വിവരങ്ങള്‍ പിഎസ്‌സി വെബ്‌സൈറ്റില്‍ ഉദ്യോഗാര്‍ത്ഥിയുടെ പ്രൊഫൈലില്‍ ലഭിക്കും. ~~

കോട്ടയം ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ അസിസ്റ്റന്റ് (ഗണിതം, മലയാളം മീഡിയം- കാറ്റഗറി നമ്പര്‍ 661/12) തസ്തികയിലെ ചുരുക്കപ്പട്ടികയില്‍ ഉള്‍പ്പെട്ടിട്ടുള്ള ഉദ്യോഗാര്‍ത്ഥികള്‍ക്കായി ഫെബ്രുവരി ഏഴ്, എട്ട്, ഒമ്പത് തീയതികളില്‍ ഒന്നാംഘട്ട അഭിമുഖം നടത്തുന്നു. അറിയിപ്പ് ലഭിക്കാത്ത ഉദ്യാഗാര്‍ത്ഥികള്‍ പിഎസ്‌സിയുടെ കോട്ടയം ജില്ലാ ഓഫീസുമായി ഫെബ്രുവരി അഞ്ചിനകം ബന്ധപ്പെടണം. 

കോഹിനൂര്‍ - പുത്തൂര്‍ പള്ളിക്കല്‍ - കുമ്മിണിപ്പറമ്പ് - തറയിട്ടാല്‍ റോഡില്‍ ഓവുപാലം പണിനടക്കുന്നതിനാല്‍ ഇതിലൂടെ ഫെബ്രുവരി നാലു മുതല്‍ വാഹന ഗതാഗതം നിരോധിച്ചു.  കോഹിനൂരില്‍ നിന്നും കൊണ്ടോട്ടി ഭാഗത്തേക്കുള്ള വാഹനങ്ങള്‍ ദേവതിയാല്‍ - പറമ്പില്‍പീടിക വഴിയും കൊണ്ടോട്ടിയില്‍ നിന്ന് കോഹിനൂര്‍ ഭാഗത്തേക്കുള്ള വാഹനങ്ങള്‍ പുത്തൂര്‍ പള്ളിക്കല്‍ - പരുത്തിക്കോട് - പള്ളിക്കല്‍ബസാര്‍ വഴിയും പോകണമെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു.

ഫെബ്രുവരി 10ന് കോഴിക്കോട് മലബാര്‍ ക്രിസ്റ്റന്‍ കോളേജ് കാമ്പസില്‍ രാവിലെ ഒമ്പത് മുതല്‍ വൈകീട്ട് അഞ്ച് വരെ മെഗാ ജോബ് ഫെയര്‍ നടത്തും.  ജോലി ആവശ്യമുള്ളവര്‍ക്കും ജോലിക്കാരെ ആവശ്യമുള്ളവര്‍ക്കും www.jobfest.kerala.gov.inഎന്ന വെബ് സൈറ്റില്‍ സൗജന്യമായി രജിസ്റ്റര്‍ ചെയ്യാം.  100 ല്‍ പരം കമ്പനികളിലായി 5000 ത്തോളം ഒഴിവുകള്‍ പ്രതീക്ഷിക്കുന്ന മേളയില്‍ ജില്ലയിലുള്ളവര്‍ക്ക് അപേക്ഷിക്കാം. ഫോണ്‍ 0495 2370179, 9946042204.

അയ്മനം പഞ്ചായത്ത് വനിത സഹകരണ സംഘത്തിന്റെ വരവ് ചെലവുകള്‍ പാസാക്കുന്നതിന് ഫെബ്രുവരി 16 രാവിലെ 11 ന് കോട്ടയം അസിസ്റ്റന്റ് രജിസ്ട്രാര്‍ (ജനറല്‍) ഓഫീസില്‍ അന്തിമ പൊതുയോഗം ചേരും. സംഘത്തിന്റെ ലിക്വിഡേറ്ററായി കുമാരനല്ലൂര്‍ യൂണിറ്റ് ഇന്‍സ്‌പെക്ടറെ കോട്ടയം ജോയിന്റ് രജിസ്ട്രാര്‍ (ജനറല്‍)            നിയമിച്ചിട്ടുണ്ട്.  

ചട്ടിപ്പറമ്പ്  ഇലക്ട്രിക്കല്‍ സെക്ഷന്‍ പരിധിയില്‍ ഫെബ്രുവരി മൂന്നിന് രാവിലെ ഒമ്പത് മുതല്‍ വൈകിട്ടു അഞ്ച് വരെ ഭ്രാന്തന്‍കാവ്, ചെറുകുളമ്പ് ഈസ്റ്റ്  എന്നീ ട്രാന്‍സ്‌ഫോര്‍മറുകളില്‍ പൂര്‍ണമായും കാച്ചടിപ്പാറ, വറ്റലൂര്‍, വറ്റലൂര്‍ ക്രഷര്‍, കടാരം, അയനികുത്തുച്ചാല്‍, ചെറുകുളമ്പ് വെസ്റ്റ്, ക്യാപിറ്റല്‍ മാള്‍  എന്നീ  ട്രാന്‍സ്‌ഫോര്‍മറു കളില്‍ ഭാഗികമായും വൈദ്യുതി വിതരണം തടസപ്പെടും.