കണ്ണൂര്‍ പരിയാരം ഗവ: ആയുര്‍വേദ കോളേജിന്റെ രജത ജൂബിലി അഘോഷങ്ങളുടെ ഭാഗമായി ദേശീയ സെമിനാര്‍ ഡിസംബര്‍ 12 ന് നടക്കും.  ഉച്ചക്ക് രണ്ടിന് പരിയാരം ഗവ:ആയുര്‍വേദ കോളേജില്‍ നടക്കുന്ന ചടങ്ങ് ആരോഗ്യമന്ത്രി കെ.കെ. ശൈലജ ടീച്ചര്‍ ഉദ്ഘാടനം ചെയ്യും.  ടി.വി. രാജേഷ് എം.എല്‍.എ അധ്യക്ഷത വഹിക്കും.  പി. കരുണാകരന്‍ എം.പി വിശിഷ്ട സാന്നിധ്യമാകും.  ഡിസംബര്‍ 12 മുതല്‍ 14 വരെ രജത 2017 എന്ന പേരില്‍ എന്‍ഡോക്രൈനോളജി  വിഷയത്തിലാണ് സെമിനാര്‍. 

പി.എന്‍.എക്‌സ്.5179/17

2010-14 വര്‍ഷങ്ങളിലെ ഒഴിവുകളില്‍ കായിക ഇനങ്ങളായ കളരിപ്പയറ്റ്, മൗണ്ടനീയറിംഗ് എന്നിവയില്‍ അര്‍ഹരായ പുരുഷ/വനിത കായിക താരങ്ങള്‍ക്ക് സര്‍ക്കാര്‍ സര്‍വീസില്‍ സ്‌പോര്‍ട്‌സ് ക്വാട്ട നിയമനത്തിന് ഡിസംബര്‍ 15 വൈകിട്ട് അഞ്ച് വരെ അപേക്ഷിക്കാം. അപേക്ഷകള്‍ പൊതുഭരണ (സര്‍വീസസ്.ഡി.) വകുപ്പിലാണ് നല്‍കേണ്ടത്.

പി.എന്‍.എക്‌സ്.5178/17

കേരള പരിസ്ഥിതി കോണ്‍ഗ്രസ് ഡിസംബര്‍ ആറ് മുതല്‍ എട്ട് വരെ തിരുവനന്തപുരം എനര്‍ജി മാനേജ്‌മെന്റ് സെന്ററില്‍ നടക്കും.  സെന്റര്‍ ഫോര്‍ എണ്‍വയോണ്‍മെന്റിന്റെ നേമതൃത്വത്തില്‍ നടക്കുന്ന മൂന്ന് ദിവസത്തെ കോണ്‍ഗ്രസ് എനര്‍ജി മാനേജ്‌മെന്റ് സെന്റര്‍, കൗണ്‍സില്‍ ഫോര്‍ സയന്‍സ്, ടെക്‌നോളജി ആന്റ് എണ്‍വയോണ്‍മെന്റ്, കേരള സ്റ്റേറ്റ് ബയോഡൈവേഴ്‌സിറ്റി ബോര്‍ഡ്, അനര്‍ട്ട് എന്നിവയുടെ സഹകരണത്തോടെയാണ് സംഘടിപ്പിക്കുന്നത്.

കാക്കനാട്: കടലില്‍ നിന്ന് 11 മത്സ്യത്തൊഴിലാളികളെ കൂടി ഇന്നലെ (ഡിസംബര്‍ 4) നാവികസേന രക്ഷപ്പെടുത്തി റവന്യൂ വകുപ്പിന് കൈമാറി. 60 ഓളം പേര്‍ സ്വയം തിരിച്ചെത്തിയിട്ടുമുണ്ട്. ദുരിതാശ്വാസ ക്യാംപുകളില്‍ നിന്ന് നിരവധി പേര്‍ തിരികെ പോയതായി ദുരന്ത നിവാരണ അതോറിറ്റി ഡെപ്യൂട്ടി കളക്ടര്‍ അറിയിച്ചു. 

കാക്കനാട്: ചുഴലിക്കാറ്റിനെ തുടര്‍ന്ന് കൊച്ചിയില്‍ നിന്നു പുറപ്പെട്ട മത്സ്യബന്ധന ബോട്ടുകളെക്കുറിച്ചുള്ള വിവരങ്ങള്‍ അടിയന്തിരമായി കണ്ടെത്തുന്നതിന് വിവിധ വകുപ്പുകളെ ഏകോപിപ്പിച്ച് പ്രവര്‍ത്തിക്കാന്‍ ജില്ല കളക്ടറുടെ അധ്യക്ഷതയില്‍ ചേര്‍ന്ന യോഗത്തില്‍ തീരുമാനം. നാവികസേന രക്ഷപെടുത്തി വിവിധ ആശുപത്രികളില്‍ ചികിത്സയില്‍ കഴിയുന്നവരെ ആശുപത്രിയില്‍ നിന്ന് ഡിസ്ചാര്‍ജ് ചെയ്യുന്ന മുറയ്ക്ക് നാട്ടിലെത്തിക്കും. ഇതിനായി വാഹന സൗകര്യവും ഏര്‍പ്പെടുത്തും. തിരച്ചിലിനിടെ മൃതദേഹം ലഭിക്കുന്ന സാഹചര്യത്തില്‍ അടിയന്തിരമായി പോസ്റ്റ് മോര്‍ട്ടം നടത്തി നടപടികള്‍ വേഗത്തില്‍ പൂര്‍ത്തീകരിക്കാനും നിര്‍ദേശം നല്‍കി.

കാക്കനാട്: തിരഞ്ഞെടുപ്പ് കമ്മീഷന്‍ അഖിലേന്ത്യാടിസ്ഥാനത്തില്‍ നടത്തുന്ന ക്വിസ് മത്സരവുമായി ബന്ധപ്പെട്ട് ജില്ലാടിസ്ഥാനത്തിലുള്ള സ്‌കൂള്‍ വിദ്യാര്‍ഥികളുടെ മത്സരത്തില്‍ പുളിയനം ജിഎച്ച്എസ്എസിലെ അക്ഷയ് പരമേശ്വരനും എമില്‍ എല്‍ദോയും ജേതാക്കളായി. ഡില്ല ജോണി, ബസ്മ അബ്ദുള്‍ കരീം (എസ്എജിഎച്ച്എസ്എസ്, മുവാറ്റുപുഴ), അനുശ്രീ കെ ദേവ്, മിഥു അന്ന ജോസഫ് (സെന്റ് അഗസ്റ്റിന്‍സ് ജിഎച്ച്എസ്എസ്, കോതമംഗലം) എന്നിവര്‍ യഥാക്രമം രണ്ടും മൂന്നും സ്ഥാനങ്ങളിലെത്തി. 

കാക്കനാട്: ഈ വര്‍ഷത്തെ സായുധ സേന പതാക ദിനാചരണവും പതാക നിധിയുടെ സമാഹരണോദ്ഘാടനവും ഡിസംബര്‍ ഏഴിന് രാവിലെ 10.30 ന് കളക്ട്രേറ്റ് കോണ്‍ഫറന്‍സ് ഹാളില്‍ നടക്കും. പതാക ദിനാചരണം ഉദ്ഘാടനവും ആദ്യ പതാക സ്വീകരിക്കലും അന്‍വര്‍ സാദത്ത് എംഎല്‍എ നിര്‍വഹിക്കും.രാജ്യത്തിനായി ജീവന്‍ ബലിയര്‍പ്പിച്ച ധീര സേനാനികളുടെ വീരസ്മരണയ്ക്കു മുന്നില്‍ ആദരാഞ്ജലി അര്‍പ്പിക്കും. ജില്ല കളക്ടര്‍ മുഹമ്മദ് വൈ സഫീറുള്ള അധ്യക്ഷത വഹിക്കും. ജില്ല സൈനിക ക്ഷേമ ഓഫീസര്‍ ഇന്‍ ചാര്‍ജ് സജീവന്‍ ടി.എ., ജില്ല സൈനിക ബോര്‍ഡ് വൈസ് പ്രസിഡന്റ് കേണല്‍ എം.ഒ. ഡാനിയേല്‍, എന്‍എക്‌സ് സിസി ജില്ല പ്രസിഡന്റ് എം.എന്‍.

കാക്കനാട്: കൃഷി വകുപ്പില്‍ (കാറ്റഗറി നമ്പര്‍ 215/2014) ട്രാക്ടര്‍ ഡ്രൈവര്‍ ഗ്രേഡ് - II തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട കോട്ടയം ജില്ലയിലെ ഉദ്യോഗാര്‍ഥികള്‍ക്ക് ഡിസംബര്‍ ആറിന് രാവിലെ 9.30 മുതല്‍ കോട്ടയം ജില്ല പിഎസ്‌സി ഓഫീസില്‍ നടക്കും. 

കാക്കനാട്: കാസര്‍ഗോഡ് ജില്ലയില്‍ കൃഷി (മണ്ണ് സംരക്ഷണം) വകുപ്പില്‍ കാറ്റഗറി നമ്പര്‍ 095/2014 വര്‍ക്ക് സൂപ്രണ്ട് (എന്‍സിഎ മുസ്ലിം) തസ്തികയ്ക്ക് അപേക്ഷ സമര്‍പ്പിച്ച യോഗ്യത തെളിയിച്ച ഉദ്യോഗാര്‍ഥികളുടെ ഇന്റര്‍വ്യൂ ഡിസംബര്‍ ആറിന് കാസര്‍ഗോഡ് ജില്ല പിഎസ് സി ഓഫീസില്‍ നടക്കും. കൃഷി വകുപ്പില്‍ വര്‍ക്ക് സൂപ്രണ്ട് കാറ്റഗറി നമ്പര്‍ 441/2014 തസ്തികയിലേക്കുള്ള ഇന്‍ര്‍വ്യൂവും അന്നേ ദിവസം നടക്കും.

പിഎസ്‌സി ഇന്റര്‍വ്യൂ

കാക്കനാട്: കുട്ടികളുടെ അവകാശങ്ങളും സംരക്ഷണ പ്രവര്‍ത്തനങ്ങളും കാര്യക്ഷമമായി നടപ്പാക്കുന്നതിന്റെ ഭാഗമായി ജില്ലാതല വാര്‍ഷിക പദ്ധതിക്ക് രൂപം നല്‍കുന്നതിന് വനിത ശിശു വികസന വകുപ്പിലെ ജില്ല ശിശു സംരക്ഷണ യൂണിറ്റ് തയാറെടുക്കുന്നു. കുട്ടികളുടെ അവകാശ സംരക്ഷണ പ്രവര്‍ത്തനങ്ങളില്‍ മികച്ച പരിഗണന നല്‍കേണ്ട വിഷയങ്ങള്‍, അതിന്റെ പ്രയോജനം, നടപ്പാക്കേണ്ട രീതി, പങ്കാളിത്തം എന്നിവ ഉള്‍ക്കൊള്ളിച്ച് ഈ മേഖലയില്‍ പ്രവര്‍ത്തിക്കുന്നതോ താത്പര്യമുള്ളതോ ആയ സംഘടനകള്‍, വ്യക്തികള്‍ എന്നിവരില്‍ നിന്നും നിര്‍ദേശങ്ങള്‍ ക്ഷണിച്ചു. നിര്‍ദേശങ്ങള്‍ ലഭിക്കേണ്ട അവസാന തീയതി ഡിസംബര്‍ 31.