സ്റ്റേറ്റ് ഐ.ടി. ഫെസ്റ്റ് വിജയികള്‍ക്കുള്ള സമ്മാനദാനം ജില്ലാ പഞ്ചായത്ത് വൈസ് പ്രസിഡന്റ് സക്കീന പൂല്‍പ്പാടന്‍ നിര്‍വ്വഹിച്ചു.  ചടങ്ങില്‍ ഐ.ടി അറ്റ് സ്‌കൂള്‍ ജില്ലാ കോഡിനേറ്റര്‍ ടി.കെ. അബ്ദുല്‍ റഷീദ് അധ്യക്ഷത വഹിച്ചു.  മാസ്റ്റര്‍ ട്രൈനര്‍മാരായ കൃഷ്ണന്‍. എം.പി, ഹബീബുറഹ്മാന്‍ പുല്‍പ്പാടന്‍ എന്നിവര്‍ സംസാരിച്ചു. 

ജില്ലാതല സായുധ സേനാ പതാക ദിനാചരണം ഡിസംബര്‍ ഏഴിന് രാവിലെ 10.30ന് കലക്‌ട്രേറ്റ് സമ്മേളന ഹാളില്‍ നടക്കും.  നഗരസഭാ ചെയര്‍പേഴ്‌സണ്‍ സി.എച്ച് ജമീല, ജില്ലാ കലക്ടര്‍ അമിത് മീണ തുടങ്ങിയവര്‍ പങ്കെടുക്കും.

ജില്ലാ പഞ്ചായത്ത് സുരക്ഷാ പദ്ധതിയുടെ ആഭിമുഖ്യത്തില്‍ ലോക എയ്ഡ്‌സ് ദിനത്തോടനുബന്ധിച്ച് 'എന്റെ ആരോഗ്യം എന്റെ അവകാശം' പ്രമേയം ആസ്പദമാക്കി  ബോധവല്‍ക്കരണ റാലി നടത്തി.  പി. ഉബൈദുള്ള എം.എല്‍.എ ഫ്‌ളാഗ് ഓഫ് ചെയ്തു.  ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍  അധ്യക്ഷത വഹിച്ചു.
ജില്ലയിലെ വിവിധ സ്ഥാപനങ്ങള്‍ റാലിയില്‍ പങ്കെടുത്തു. റാലിയില്‍ ജെന്റ് ജമാസ് ഹയര്‍ ഹയര്‍ സെക്കന്‍ഡറി സ്‌കൂള്‍ മലപ്പുറം ഒന്നാം സ്ഥാനവും മലപ്പുറം കേന്ദ്രീയ വിദ്യാലയത്തിലെ സ്‌കൗട്ട്‌സ് ആന്‍ഡ് ഗെയ്ഡ്‌സ് രണ്ടാം സ്ഥാനവും  മലപ്പുറം എഡ്യുകെയര്‍ ഡെന്റല്‍ കോളേജും മഞ്ചേരി നേഴ്‌സിങ് സ്‌കൂളും മൂന്നാം സ്ഥാനവും നേടി.

നിലമ്പൂര്‍ റിജ്യണല്‍ എ.എച്ച്. സെന്ററിലേക്ക് ഫോട്ടോകോപ്പിയര്‍, കംപ്യൂട്ടറും അനുബന്ധ ഉപകരണങ്ങളും വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷനുകള്‍ ഡിസംബര്‍ അഞ്ചിന് ഉച്ചക്ക് രണ്ടിനകം അസി. പ്രോജക്ട് ഓഫീസര്‍, റീജ്യണല്‍ എ.എച്ച്. സെന്റര്‍, നിലമ്പൂര്‍, ചന്തക്കുന്ന്. പി.ഒ വിലാസത്തില്‍ ലഭിക്കണം.  ഫോണ്‍ 04931 225247

പെരിന്തല്‍മണ്ണ ജില്ലാ ആശുപത്രിയിലേക്ക് ആവശ്യമായ ഉപകരണങ്ങള്‍ വിതരണം ചെയ്യുന്നതിന് ടെണ്ടര്‍ ക്ഷണിച്ചു.  ടെണ്ടറുകള്‍ ഡിസംബര്‍ എട്ടിന് വൈകീട്ട് മൂന്നിനകം സൂപ്രണ്ട്, ജില്ലാ ആശുപത്രി, പെരിന്തല്‍ണ്ണ വിലാസത്തില്‍ ലഭിക്കണം.  ഫോണ്‍ 04933228279.

    മലപ്പുറം ഗവ. ഗേള്‍സ് ഹയര്‍ സെക്കന്‍ഡറി സ്‌കൂളില്‍ നിന്നും 2016 മാര്‍ച്ച് പരീക്ഷ എഴുതിയ വിദ്യാര്‍ഥികളുടെ കോഷന്‍ ഡിപ്പോസിറ്റ് ഡിസംബര്‍ നാല് മുതല്‍ വിതരണം ചെയ്യും.  ഡിസംബര്‍ 31നകം തുക കൈപ്പറ്റണമെന്ന് പ്രിന്‍സിപ്പാള്‍ അറിയിച്ചു.

    കുറ്റുപ്പുറം ടൗണ്‍ എംപ്ലോയ്‌മെന്റ് എക്‌സ്‌ചേഞ്ചില്‍ 2018-2020 വര്‍ഷത്തേക്ക് വിവിധ ഓഴിവുകളിലേക്ക് പരിഗണിക്കുന്നതിന് തയ്യാറാക്കിയ സീനിയോറിറ്റി ലിസ്റ്റ് പ്രസിദ്ധീകരിച്ചു. ലിസ്റ്റ് ഓഫീസില്‍ പരിശോധനക്ക് ലഭിക്കും.  പരാതികള്‍ ഡിസംബര്‍ 23നകം നല്‍കണം.

    അന്തര്‍ദ്ദേശീയ ഭിന്നശേഷി ദിനത്തില്‍ ജില്ലാ സാമൂഹ്യനീതി വകുപ്പ് ഭിന്നശേഷിയുളള വര്‍ക്കായി ജില്ലാതല കായിക മത്സരങ്ങള്‍ നടത്തുന്നു.  മലപ്പുറം എം.എസ്.പി.എല്‍.പി സ്‌കൂള്‍ മൈതാനത്താണ് ദിനാഘോഷത്തിന്റെ ഭാഗമായുളള പരിപാടികള്‍ നടക്കുക. ക്ഷേമപദ്ധതികള്‍ വിശദീകരിക്കുന്നതിനുളള പ്രദര്‍ശനങ്ങള്‍, ലീഗല്‍ ഗാര്‍ഡിയന്‍ഷിപ്പ് വിതരണം, നിരാമയ ഇന്‍ഷ്വറന്‍സ് പദ്ധതി സഹായത്തിനുളള അപേക്ഷ സ്വീകരിക്കല്‍ എന്നിവയുമുണ്ടാകും.    രാവിലെ 9.30 ന് എം.എസ്.പി ഡെപ്യൂട്ടി കമാന്‍ഡന്റ് കുരികേശ്മാത്യു പതാകയുയര്‍ത്തും. ജില്ലാ കളക്ടര്‍ അമിത്മീണ മാര്‍ച്ച്പാസ്റ്റില്‍ സല്യൂട്ട് സ്വീകരിക്കും.