കെല്‍ട്രോണിന്റെ കുറ്റിപ്പുറം നോളജ് സെന്ററില്‍ ഏപ്രില്‍ 20ന് ആരംഭിക്കുന്ന അവധിക്കാല കംപ്യൂട്ടര്‍ കോഴ്‌സുകളായ ബിഗിനേഴ്‌സ് കോഴ്‌സ് ഇന്‍ മള്‍ട്ടിമീഡിയ ആന്‍ഡ് അനിമേഷന്‍, ജൂനിയര്‍ വെബ് ഡിസൈനര്‍, കാര്‍ട്ടൂണ്‍ സ്‌പെഷ്യലിസ്റ്റ്, എഡിറ്റിങ്, കംപ്യൂട്ടര്‍ ഹാര്‍ഡ്വെയര്‍  ആന്റ്  നെറ്റ്വര്‍ക്ക് മെയ്ന്റനന്‍സ്, പൈത്തണ്‍ തുടങ്ങി വിവിധ കോഴ്‌സുകളിലേക്ക് അപേക്ഷ ക്ഷണിച്ചു.മൂന്നാം തരം മുതല്‍വിദ്യാഭ്യാസ യോഗ്യതയുള്ളവര്‍ക്ക് അപേക്ഷിക്കാം. കൂടുതല്‍ വിവരങ്ങള്‍ ഹെഡ് ഓഫ് സെന്റര്‍, കെല്‍ട്രോണ്‍ നോളജ് സെന്റര്‍, കെല്‍ട്രോണ്‍ ടൂള്‍ റൂം കം ട്രെയിനിങ് സെന്റര്‍, തൃക്കണ്ണാപുരം, കുറ്റിപ്പുറം എന്ന വിലാസത്തില്‍ ലഭിക്കും.

കേരളത്തിന്റെ സമ്പൂര്‍ണ്ണ സാക്ഷരതാ പ്രഖ്യാപനത്തിന്റെ മുപ്പത്തിയഞ്ചാം വാര്‍ഷികത്തോടനുബന്ധിച്ച് ചേലക്കോടന്‍ ആയിഷുമ്മ അനുസ്മരണം ഏപ്രില്‍ 18ന് രാവിലെ 11 ന് മലപ്പുറം എല്‍.എസ്.ജി.ഡി ഹാളില്‍ നടക്കും. സംസ്ഥാന സാക്ഷരതാ മിഷന്‍ അതോറിറ്റി, ജില്ലാ സാക്ഷരതാമിഷന്‍, ജില്ലാ എന്‍.എസ്.എസ്- കാലിക്കറ്റ് യൂണിവേഴ്സിറ്റി  എന്നിവ സംയുക്തമായാണ് പരിപാടി സംഘടിപ്പിക്കുന്നത്. കവിയും സാഹിത്യ അക്കാദമി അവാര്‍ഡ് ജേതാവുമായ മണമ്പൂര്‍ രാജന്‍ ബാബു ചടങ്ങ് ഉദ്ഘാടനം ചെയ്യും.

ഐ.എച്ച്.ആര്‍.ഡി.ക്ക് കീഴിലെ വാഴക്കാട് ടെക്‌നിക്കല്‍ ഹയര്‍ സെക്കന്‍ഡറി സ്‌കൂളില്‍ 2026-27 അധ്യയന വര്‍ഷം എട്ടാം ക്ലാസ് പ്രവേശനത്തിന് അര്‍ഹരായ വിദ്യാര്‍ത്ഥികളില്‍ നിന്നും അപേക്ഷ ക്ഷണിച്ചു. 2026 ജൂണ്‍ ഒന്നിന് 16 വയസ്സ് തികയാത്തവരും ഏഴാംക്ലാസോ തത്തുല്യ പരീക്ഷയോ പാസായവരും പരീക്ഷാഫലം കാത്തിരിക്കുന്നവരും ഏപ്രില്‍ 30 നകം അപേക്ഷിക്കണം. അപേക്ഷകള്‍ സ്‌കൂള്‍ ഓഫീസിലും ഐ.എച്ച്.ആര്‍.ഡി. വെബ്‌സൈറ്റിലും (www.ihrd.ac.in) ലഭ്യമാണ്. ഫോണ്‍- 0483 2725215, 8547005009.

തമിഴ്‌നാട്ടിലെ വാൽപ്പാറ-പൊള്ളാച്ചി റോഡിലുണ്ടായ ദാരുണമായ വാഹനാപകടത്തിൽ മലപ്പുറം പെരിന്തൽമണ്ണ പാങ്ങ് എൽ.പി. സ്കൂളിലെ അധ്യാപകസംഘവും കുടുംബാഗങ്ങളും മരിക്കാനിടയായ സാഹചര്യത്തിൽ യുദ്ധകാലാടിസ്ഥാനത്തിൽ രക്ഷാപ്രവർത്തനങ്ങൾ ഏകോപിപ്പിക്കാനായി മലപ്പുറം ജില്ലാ കളക്ടർ ഡോ. വിനയ് ഗോയൽ, കോയമ്പത്തൂർ കളക്ടർ പവൻ കുമാർ ജി. ഗിരിയപ്പനവറുമായി ബന്ധപ്പെട്ട് അപകടത്തിൽപ്പെട്ടവർക്കുള്ള അടിയന്തര സഹായം ഉറപ്പാക്കി. മരിച്ചവരുടെ മൃതദേഹം ഉടൻ നാട്ടിലെത്തിക്കാനുള്ള നടപടിക്രമങ്ങൾ സ്വീകരിക്കും. പരിക്കേറ്റവർക്ക് മെച്ചപ്പെട്ട ചികിത്സ ഉറപ്പാക്കും.

നിയമസഭാ തിരഞ്ഞെടുപ്പ് വോട്ടെണ്ണലിനോടനുബന്ധിച്ച് ചീഫ് ഇലക്ടറൽ ഓഫീസർ അം​ഗീകരിച്ച മോഡലിലുള്ള ക്യൂ ആർ കോഡ് സ്കാനറുകൾ ലഭ്യമാക്കുന്നതിനായി ക്വട്ടേഷൻ ക്ഷണിച്ചു.

ഉപകരണങ്ങൾ പ്രവർത്തനക്ഷമവും ​ഗ്യാരന്റിയുള്ളതും ആയിരിക്കണം. മറ്റ് ചാർജ്ജുകൾ പാടില്ല. ക്വട്ടേഷൻ സ്ഥിരപ്പെടുത്തിയ ഉടനെ തന്നെ സ്കാനറുകൾ കളക്ടറേറ്റിൽ ലഭ്യമാക്കേണ്ടതാണ്.

ജില്ലാ കളക്ടറേറ്റ് ഇലക്ഷൻ വിഭാ​ഗത്തിൽ ഏപ്രിൽ 23ന് വൈകുന്നേരം 5 മണിവരെ ക്വട്ടേഷൻ സമർപ്പിക്കാം. ഫോൺ: 0471-2731122.

കുടുംബശ്രീ മുഖേന സംസ്ഥാനത്ത് നടപ്പാക്കുന്ന കെ ഫോര്‍ കെയര്‍ പദ്ധതിയുടെ ഭാഗമായി വയോജന- രോഗി പരിചരണ മേഖലയില്‍ തൊഴില്‍ നേടാന്‍ കുടുംബശ്രീ വനിതകള്‍ക്ക് അവസരം. നാഷണല്‍ ഇന്‍സ്റ്റിറ്റ്യൂട്ട് ഫോര്‍ ഫിസിക്കല്‍ മെഡിസിന്‍ ആന്‍ഡ് റീഹാബിലിറ്റേഷൻ (നിപ്മർ) സഹകരണത്തോടെ ഒരു മാസത്തെ സര്‍ട്ടിഫൈഡ് കോഴ്സിലാണ് പരിശീലനം നല്‍കുക. പ്രായോഗിക പരിശീലനം ഉള്‍പ്പെടുന്ന കോഴ്സ് തൃശൂർ നിപ്മർ ക്യാമ്പസിൽ നടക്കും. കുടുംബശ്രീ അംഗങ്ങൾക്കും ഓക്സിലറി ഗ്രൂപ്പ് അംഗങ്ങൾക്കും പരിശീലന പരിപാടിയില്‍ പങ്കെടുക്കാം.

നിയമസഭാ തിരഞ്ഞെടുപ്പിന്റെ വോട്ടെണ്ണൽ കേന്ദ്രം സജ്ജീകരിക്കുന്ന മാർ ഇവാനിയോസ് വിദ്യാന​ഗർ ക്യാമ്പസ്സിനുള്ളിൽ ഇന്റർനെറ്റ് കണക്റ്റിവിറ്റി ലഭ്യമാക്കുന്നതിനായി  ക്വട്ടേഷനുകൾ ക്ഷണിച്ചു. സപ്ലൈ ചെയ്യുന്ന ഉപകരണങ്ങൾ പൂർണ്ണമായും പ്രവർത്തനക്ഷമവും ​ഗ്യാരന്റിയുള്ളതും ആയിരിക്കണം. മറ്റ് ​ഹിഡൻ ചാർജ്ജുകൾ പാടില്ല.

ജില്ലാ കളക്ടറേറ്റ് ഇലക്ഷൻ വിഭാ​ഗത്തിൽ ഏപ്രിൽ 23ന് വൈകുന്നേരം 5 മണിവരെ ക്വട്ടേഷൻ സമർപ്പിക്കാം. ക്വട്ടേഷൻ സ്ഥിരപ്പെടുത്തുന്ന പക്ഷം മെയ് ഒന്നിന് തന്നെ ഇൻസ്റ്റൊലൈസേഷൻ പൂർത്തിയാക്കേണ്ടതാണ്. ഫോൺ: 0471-2731122.

നിയമസഭാ തിരഞ്ഞെടുപ്പിന്റെ വോട്ടെണ്ണൽ കേന്ദ്രം സജ്ജീകരിക്കുന്ന മാർ ഇവാനിയോസ് വിദ്യാന​ഗർ ക്യാമ്പസ്സിനുള്ളിൽ കേബിൾ കണക്ഷൻ ലഭ്യമാക്കുന്നതിനായി  ക്വട്ടേഷനുകൾ ക്ഷണിച്ചു. ജില്ലാ കളക്ടറേറ്റ് ഇലക്ഷൻ വിഭാ​ഗത്തിൽ ഏപ്രിൽ 23ന് വൈകുന്നേരം 5 മണിവരെ ക്വട്ടേഷൻ സമർപ്പിക്കാം.

ക്വട്ടേഷൻ സ്ഥിരപ്പെടുത്തുന്ന പക്ഷം മെയ് ഒന്നിന് തന്നെ ഇൻസ്റ്റൊലൈസേഷൻ പൂർത്തിയാക്കേണ്ടതാണ്. ഫോൺ: 0471-2731122.

കാട്ടാക്കട താലൂക്കിലെ അമ്പൂരി പഞ്ചായത്തിൽ പുരവിമല കാരിക്കുഴിയിൽ പ്രവർത്തിക്കുന്ന എഫ്പിഎസ് 44-ാം നമ്പർ ന്യായവില കടയിൽ നിന്നും റേഷൻ സാധനങ്ങൾ പുരവിമല, തന്മല, കണ്ണമാമൂട്, വള്ളക്കടവ്, കൊമ്പ, തേക്കുംമൂട് തുടങ്ങിയ ആദിവാസി സെറ്റിൽമെന്റുകളിൽ എത്തിക്കുന്നതിനായുള്ള വാഹനം പ്രതിമാസ വാടകയ്ക്ക് നൽകുന്നതിന് ​ദർഘാസ് ക്ഷണിച്ചു.

 ദർഘാസുകൾ ലഭിക്കേണ്ട അവസാന തീയതി ഏപ്രിൽ 30ന് ഉച്ചയ്ക്ക് 2 മണി.  വിലാസം: ജില്ലാ സപ്ലൈ ഓഫീസർ, ജില്ലാ സപ്ലൈ ഓഫീസ്, സിവിൽ സ്റ്റേഷൻ, കുടപ്പനക്കുന്ന്, തിരുവനന്തപുരം-695 043.

നെടുമങ്ങാട് സര്‍ക്കാര്‍ ടെക്‌നിക്കല്‍ ഹൈസ്‌കൂൾ പ്രവേശനത്തിനുള്ള അഭിരുചി പരീക്ഷ ഏപ്രില്‍ 21ന് രാവിലെ 10 മുതല്‍ 11:45 വരെ സ്‌കൂളിൽ നടക്കും. അപേക്ഷിച്ച കുട്ടികള്‍ രക്ഷിതാവിനൊപ്പം തിരിച്ചറിയല്‍ രേഖയുമായി രാവിലെ ഒമ്പതിന് സ്‌കൂളില്‍ ഹാജരാകേണ്ടതാണ്.

ഫലപ്രഖ്യാപനം 21ന്  വൈകുന്നേരം 4 മണിക്ക്. പരാതികള്‍ ഉണ്ടെങ്കില്‍ 22ന് 4 മണിക്ക് മുമ്പായി സ്‌കൂളില്‍ സമര്‍പ്പിക്കേണ്ടതാണ്. പ്രവേശനത്തിനുളള അന്തിമ പട്ടിക 24ന് 11 മണിക്ക് സ്‌കൂളില്‍ പ്രസിദ്ധീകരിക്കും. പ്രവേശനം ഏപ്രില്‍ 27 മുതല്‍ 30 വരെ നിശ്ചയിച്ച റാങ്ക് പട്ടിക പ്രകാരം സ്‌കൂളില്‍ നടത്തുന്നതാണ്. വിശദവിവരങ്ങള്‍ക്ക് 9846170024, 8606251157.