നിയമസഭാ തെരഞ്ഞെടുപ്പുമായി ബന്ധപ്പെട്ട് പെരുമാറ്റചട്ടം നിലനിൽക്കുന്നതിനാൽ ഏപ്രിൽ മാസത്തെ ജില്ലാ വികസന സമിതി യോഗം ഉണ്ടാകില്ലെന്ന് ജില്ലാ പ്ലാനിങ് ഓഫീസർ അറിയിച്ചു.
 

ഇരിങ്ങാലക്കുട ഉണ്ണായി വാരിയർ സ്‌മാരക കലാനിലയത്തിൽ പി. എസ്.സി അംഗീകൃത കഥകളി വേഷം,കഥകളി സംഗീതം, കഥകളി ചെണ്ട, കഥകളി മദ്ദളം, കഥകളി ചുട്ടി അല്ലെങ്കിൽ കോപ്പുപണി എന്നീ വിഷയങ്ങളിൽ ഡിപ്ലോമ കോഴ്‌സുകളിലേക്കും അംഗീകൃത സ്ഥാപനങ്ങളിൽ നിന്നും മേൽപറഞ്ഞ വിഷയങ്ങളിൽ ഡിപ്ലോമയോ തത്തുല്യ യോഗ്യതയോ നേടിയവർക്ക് അതത് വിഷയങ്ങളിൽ പോസ്റ്റ് ഗ്രാജുവേറ്റ് കോഴ്‌സുകളിലേക്കും സൗജന്യമായി പഠിക്കുവാൻ ആൺകുട്ടികളായ വിദ്യാർത്ഥികളെ തിരഞ്ഞെടുക്കുന്നു. ഏഴാം ക്ലാസ്സ്‌ പാസാണ് ഡിപ്ലോമ കോഴ്‌സുകളിൽ പ്രവേശനത്തിനുള്ള കുറഞ്ഞ വിദ്യഭ്യാസ യോഗ്യത. ഡിപ്ലോമ കോഴ്‌സിലേക്ക് കൂടിയ പ്രായപരിധി 18 വയസ്സാണ്.

മൊറയൂര്‍ - ഒഴുകൂര്‍ - എക്കാപ്പറമ്പ് റോഡില്‍ കള്‍വേര്‍ട്ട്  പ്രവൃത്തി നടക്കുന്നതിനാല്‍ ഈ  റോഡിലൂടെയുള്ള വാഹനഗതാഗതം ഏപ്രില്‍ 20 മുതല്‍ പ്രവൃത്തി അവസാനിക്കുന്നത് വരെ പൂര്‍ണ്ണമായി നിരോധിച്ചു. ഈ  റോഡ് വഴി എക്കാപ്പറമ്പ് ഭാഗത്തേക്ക് പോകുന്ന വാഹനങ്ങള്‍ കൊണ്ടോട്ടി -അരീക്കോട് റോഡ് വഴി തിരിഞ്ഞു പോകണം.

സമ്പൂര്‍ണ്ണ സാക്ഷരതാ പ്രഖ്യാപനത്തിന്റെ 35-ാം വാര്‍ഷികത്തിന്റെ ഭാഗമായി ചേലക്കോടന്‍ ആയിഷുമ്മ അനുസ്മരണം സംഘടിപ്പിച്ചു. സംസ്ഥാന സാക്ഷരതാ മിഷന്‍ അതോറിറ്റി, ജില്ലാ എന്‍.എസ്.എസ്- കാലിക്കറ്റ് യൂണിവേഴ്സിറ്റി എന്നിവയുടെ സഹകരണത്തോടെ തദ്ദേശ സ്വയംഭരണ വകുപ്പ് ഓഡിറ്റോറിയത്തില്‍ നടത്തിയ ചടങ്ങിന്റെ ഉദ്ഘാടനം കവി മണമ്പൂര്‍ രാജന്‍ ബാബു നിര്‍വ്വഹിച്ചു. എല്‍.എസ്.ജി.ഡി ഡെപ്യൂട്ടി ഡയറക്ടര്‍ കെ.എസ്. രമേഷ്  അധ്യക്ഷത വഹിച്ചു. സംസ്ഥാന സാക്ഷരതാമിഷന്‍ ഡയറക്ടര്‍ പ്രൊഫ. എ.ജി.ഒലീന മുഖ്യപ്രഭാഷണം നടത്തി. ചേലക്കോടന്‍ ആയിഷുമ്മയുടെ ഫോട്ടോ പേരമകന്‍ ടി.വി.അബ്ദുറഹിമാന് നല്‍കി പ്രകാശനം ചെയ്തു.

മാള ഗവ. ഐ ടി ഐ യിൽ സ്കിൽ അപെക്സ് ഇൻസ്റ്റിറ്റ്യൂട്ടുമായി സഹകരിച്ചു ഡിപ്ലോമ ഇൻ മറൈൻ മെക്കാനിക്കൽ . ഫിറ്റർ ആൻഡ് ഷിപ്പ് ടെക്നോളജി, ഡിപ്ലോമ ഇൻ ഓയിൽ ആൻഡ് ഗ്യാസ് ടെക്നോളജി, അഡ്വാൻസ്ഡ് ഡിപ്ലോമ ഇൻ ഓഫീസ് അഡ്മിനിസ്ട്രേഷൻ എന്നീ കോഴ്സുകളിലേക്ക് അഡ്മിഷൻ ആരംഭിച്ചു. ആറു മാസ കാലാവധിയുള്ള കോഴ്സ് വിജയകരമായി പൂർത്തിയാക്കുന്നവർക്ക് പ്ലേസ്മെന്റ് സപ്പോർട്ട് നൽകുന്നു.  ഫോൺ: 8136806093

ഐ. എച്ച്. ആര്‍. ഡി.യുടെ ജെറിയാട്രിക് കെയറില്‍ ഡിപ്ലോമ കോഴ്സിന് അപേക്ഷ ക്ഷണിച്ചു. പ്ലസ് ടു/തത്തുല്യ പരീക്ഷ പാസായവര്‍ക്ക് അപേക്ഷിക്കാം. മുതിര്‍ന്നവരുടെ പരിചരണത്തിന് ആവശ്യമായ ആശുപത്രി പരിശീലനം, വീടുകളിലെ പരിചരണം, പാലിയേറ്റീവ് സേവനങ്ങള്‍ എന്നിവയില്‍ ആവശ്യമായ കഴിവുകള്‍ വിദ്യാര്‍ഥികള്‍ക്ക് നല്‍കുന്ന രീതിയിലാണ് ഈ കോഴ്സ് രൂപകല്‍പന ചെയ്തിരിക്കുന്നത്. പരിശീലനം വിജയകരമായി പൂര്‍ത്തിയാക്കുന്നവര്‍ക്ക് ഐ. എച്. ആര്‍. ഡി-യുടെ സര്‍ട്ടിഫിക്കറ്റ് ലഭിക്കും.

പകല്‍ ചൂട് വര്‍ധിച്ചു വരുന്ന സാഹചര്യത്തില്‍ കന്നുകാലികള്‍, വളര്‍ത്തുമൃഗങ്ങള്‍, പക്ഷികള്‍ എന്നിവയുടെ വേനല്‍ക്കാല പരിചരണത്തിന് മലപ്പുറം ജില്ലാ മൃഗസംരക്ഷണ ഓഫീസര്‍ മാര്‍ഗ നിര്‍ദേശങ്ങള്‍ പുറപ്പെടുവിച്ചു.

ജില്ലാ സാക്ഷരതാ മിഷന്റെ നേതൃത്വത്തിൽ മുപ്പത്തിയഞ്ചാമത് കേരള സമ്പൂർണ്ണ സാക്ഷരതാ പ്രഖ്യാപന ദിനാചാരണം നടത്തി. ജില്ലാ പഞ്ചായത്ത് മിനി കോൺഫറൻസ് ഹാളിൽ നടന്ന ചടങ്ങ് ഡെപ്യൂട്ടി കളക്ടർ കെ കൃഷ്ണ‌കുമാർ ഉദ്ഘാടനം ചെയ്തു.

നാടിനെ നടുക്കിയ വാല്‍പാറ ദുരന്തത്തെ ഒറ്റക്കെട്ടായി നേരിട്ട് മലപ്പുറം ജില്ലാ ഭരണകൂടം. ദുരന്തമുണ്ടായ നിമിഷം മുതല്‍ ജില്ലാ കളക്ടര്‍ ഡോ. വിനയ് ഗോയലിന്റെ നേരിട്ടുള്ള മേല്‍നോട്ടത്തില്‍ റവന്യൂ, ആരോഗ്യ, പോലീസ് വകുപ്പുകള്‍ ഒരൊറ്റ മനസ്സോടെ പ്രവര്‍ത്തിച്ചതാണ് ദുരിതാശ്വാസ നടപടികള്‍ വേഗത്തിലാക്കിയത്.

സമ്പൂർണ്ണ സാക്ഷരതാ പ്രഖ്യാപനത്തിന്റെ 35-ാം വാർഷിക ദിനാചരണത്തിന്റെ ജില്ലാതല ഉദ്ഘാടനം ആലപ്പുഴ ഗവ. മുഹമ്മദൻസ് ബോയ്സ് ഹയർ സെക്കൻഡറി സ്‌കൂളിൽ നടന്നു. പരിപാടിയുടെ ഭാഗമായി സാക്ഷരതാ പ്രേരക്മാർ 35 ദീപങ്ങൾ ജ്വലിപ്പിച്ചു.  ജില്ലാ ഇൻഫർമേഷൻ ഓഫീസർ കെ.എസ്. സുമേഷ് പരിപാടി ഉദ്ഘാടനം ചെയ്തു. സാക്ഷരതാ പ്രവർത്തനം കേവലം അക്ഷരങ്ങളിൽ ചുരുങ്ങേണ്ടതല്ലെന്നും ഭരണഘടന സംബന്ധിച്ച അറിവിലേക്കും ഡിജിറ്റൽ സാക്ഷരതയിലേക്കും അറിവിന്റെ ശരിയായ തിരഞ്ഞെടുപ്പിലേക്കും അത് വികസിപ്പിക്കേണ്ടത് ആവശ്യമാണെന്ന്  അദ്ദേഹം പറഞ്ഞു. ജില്ലാ വിമൻ എംപവർമെന്റ് ഓഫീസർ ബിൻസിമോൾ വർഗീസ് അധ്യക്ഷത വഹിച്ചു. ജില്ലാ പട്ടികജാതി വികസന ഓഫീസർ റ്റി.എസ്.