കേരള സംസ്ഥാന അസംഘടിത തൊഴിലാളി സാമൂഹിക സുരക്ഷാപദ്ധതിയില്‍ അംഗത്വം നേടി ഒരുവര്‍ഷം പൂര്‍ത്തിയാക്കിവരും കുടിശ്ശികയില്ലാത്തവരുമായ അംഗങ്ങളുടെ എല്‍. കെ. ജി, ഒന്നാം ക്ലാസില്‍ പ്രവേശനം നേടിയ കുട്ടികള്‍ക്ക് പഠനോപകരണം വാങ്ങുന്നതിന് പ്രത്യേക ധനസഹായം ലഭ്യമാക്കുന്നതിന് അപേക്ഷ ക്ഷണിച്ചു. അനുബന്ധ രേഖകളും സ്‌കൂള്‍ മേലധികാരിയുടെ സാക്ഷ്യപത്രവും സഹിതം http://services.unorganisedwssb.org/index.php/home ലിങ്കില്‍ ജൂണ്‍ 20 ന് മുമ്പ് അപേക്ഷ സമര്‍പ്പിക്കണം. ഫോണ്‍ 0468 2220248.

കേരള സംസ്ഥാന അസംഘടിത തൊഴിലാളി സാമൂഹിക സുരക്ഷാപദ്ധതിയില്‍ അംഗത്വം നേടി ഒരുവര്‍ഷം പൂര്‍ത്തിയാക്കിവരും കുടിശ്ശികയില്ലാത്തവരുമായ അംഗങ്ങളുടെ എല്‍. കെ. ജി, ഒന്നാം ക്ലാസില്‍ പ്രവേശനം നേടിയ കുട്ടികള്‍ക്ക് പഠനോപകരണം വാങ്ങുന്നതിന് പ്രത്യേക ധനസഹായം ലഭ്യമാക്കുന്നതിന് അപേക്ഷ ക്ഷണിച്ചു. അനുബന്ധ രേഖകളും സ്‌കൂള്‍ മേലധികാരിയുടെ സാക്ഷ്യപത്രവും സഹിതം http://services.unorganisedwssb.org/index.php/home ലിങ്കില്‍ ജൂണ്‍ 20 ന് മുമ്പ് അപേക്ഷ സമര്‍പ്പിക്കണം. ഫോണ്‍ 0468 2220248.

റാന്നി എം.സി.സി.എം താലൂക്കാശുപത്രിയില്‍ കാസ്പ് /ജെ.എസ്.എസ്.കെ./ ആര്‍.ബി.എസ്.കെ./എ കെ/ട്രൈബല്‍/ മെഡിസെപ്പ് മുതലായ പദ്ധതികളില്‍പെട്ട രോഗികള്‍ക്ക്  സി. ടി സ്‌കാനിംങ് സേവനം ലഭ്യമാക്കുന്നതിന് അംഗീകത സ്ഥാപനങ്ങളില്‍ നിന്ന്  ക്വട്ടേഷന്‍ ക്ഷണിച്ചു. അവസാന തീയതി ജൂണ്‍ 15 ഉച്ചയ്ക്ക് രണ്ട്. ഫോണ്‍ 9188522990.

റാന്നി എം.സി.സി.എം താലൂക്കാശുപത്രിയില്‍ കാസ്പ് /ജെ.എസ്.എസ്.കെ./ ആര്‍.ബി.എസ്.കെ./എ കെ/ട്രൈബല്‍/ മെഡിസെപ്പ് മുതലായ പദ്ധതികളില്‍പെട്ട രോഗികള്‍ക്ക് എം.ആര്‍.ഐ സ്‌കാനിംങ് സേവനം ലഭ്യമാക്കുന്നതിന് അംഗീകൃത സ്ഥാപനങ്ങളില്‍ നിന്ന്  റീ ക്വട്ടേഷന്‍ ക്ഷണിച്ചു. അവസാന തീയതി ജൂണ്‍ 15 രാവിലെ 11. ഫോണ്‍ 9188522990.

പരിസ്ഥിതി ദിനത്തോടനുബന്ധിച്ച് റാന്നി ബ്ലോക്ക് പഞ്ചായത്ത് കാര്യാലയത്തില്‍ ഫലവൃക്ഷ തൈകള്‍ നട്ടും പുന്തോട്ടം നിര്‍മിച്ചും കേരള സ്റ്റേറ്റ് റൂട്രോണിക്‌സ് റാന്നിയിലെ വിദ്യാര്‍ഥികള്‍. ബ്ലോക്ക് പഞ്ചായത്ത് പ്രസിഡന്റ് സോണിയ മനോജ് ഉദ്ഘാടനം ചെയ്തു. സാമൂഹിക പ്രവര്‍ത്തകനും മുന്‍ റാന്നി ഗ്രാമപഞ്ചായത്ത് പ്രസിഡന്റുമായ കെ.ആര്‍ പ്രകാശ്, റൂട്രോണിക്‌സ് വിദ്യാര്‍ഥികള്‍, കുടുംബശ്രീ, തൊഴിലുറപ്പ് അംഗങ്ങള്‍ തുടങ്ങിയവര്‍ പങ്കെടുത്തു.

വള്ളിക്കോട് കൃഷിഭവന്റെ നേതൃത്വത്തില്‍ പി ഡി യു പി സ്‌കൂള്‍ അങ്കണത്തില്‍ ഗ്രാമപഞ്ചായത്ത് പ്രസിഡന്റ് ബീനാ സോമന്‍ ഫലവൃക്ഷ തൈ നട്ട് പരിസ്ഥിതി ദിനാചരണം ഉദ്ഘാടനം ചെയ്തു. വാര്‍ഡ് അംഗം മിനി സി അജയന്‍ അധ്യക്ഷയായി. ബ്ലോക്ക് പഞ്ചായത്ത് അംഗം റോസമ്മ ബാബുജി, സി. സുമേഷ്, പഞ്ചായത്ത് അംഗങ്ങളായ ആര്‍.മോഹനന്‍ നായര്‍, ബിജി പീറ്റര്‍, കൃഷി ഓഫീസര്‍ അനില റ്റി ശശി, പ്രധാന അധ്യാപിക സിന്ധു, വിദ്യാര്‍ഥികള്‍, കൃഷിഭവന്‍ ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

ലോകപരിസ്ഥിതി ദിനത്തോടനുബന്ധിച്ച് തൈ നടീല്‍ ഉദ്ഘാടനം തോട്ടപ്പുഴശ്ശേരി ഗ്രാമപഞ്ചായത്ത് അങ്കണത്തില്‍ പ്രസിഡന്റ് എല്‍സി ക്രിസ്റ്റഫര്‍ നിര്‍വഹിച്ചു. വൈസ് പ്രസിഡന്റ് സി.എസ് അനീഷ് കുമാര്‍ അധ്യക്ഷനായി. വികസനകാര്യ സ്ഥിരം സമിതി ചെയര്‍പേഴ്‌സണ്‍ മഞ്ജു ലക്ഷ്മി , ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ തോമസ് എബ്രഹാം, വാര്‍ഡ് അംഗങ്ങളായ ഷെറിന്‍, സിസിലി തോമസ് , ഗീതാകുമാരി, സഞ്ജീവ് കുമാര്‍, റ്റി.ജി പ്രദീപ് കുമാര്‍, മാത്യു ഉമ്മന്‍, ഗിവ്‌സണ്‍ വര്‍ഗീസ്, സാമുവേല്‍ തോമസ്, മായ മനോഹരന്‍ എന്നിവര്‍ പങ്കെടുത്തു.