വെള്ളമുണ്ട ഇലക്ട്രിക്കല്‍ സെക്ഷനു കീഴിലുള്ള പാസ്റ്ററല്‍ സെന്റര്‍, ഐ.ടി.സി, പുലിക്കാട് ട്രാന്‍സ്‌ഫോര്‍മര്‍ പരിധികളില്‍ ഇന്ന് (ജൂണ്‍ 10) രാവിലെ 8.30 മുതല്‍ വൈകുന്നേരം 5.30 വരെ വൈദ്യുതി വിതരണം പൂര്‍ണമായോ ഭാഗികമായോ തടസ്സപ്പെടും.

മാനനന്തവാടി ഐ.സി.ഡി.എസ് ഓഫീസിന് കീഴില്‍ പ്രവര്‍ത്തിക്കുന്ന കോണ്‍വെന്റ്കുന്ന് അങ്കണവാടി കം ക്രഷില്‍ അങ്കണവാടി കം ക്രഷ് വര്‍ക്കര്‍, ക്രഷ് ഹെല്‍പര്‍ തസ്തികകളിലേക്ക് അപേക്ഷ ക്ഷണിച്ചു. മാനന്തവാടി നഗരസഭയില്‍ സ്ഥിരതാമസക്കാരായ 18നും 35നുമിടയില്‍ പ്രായമുള്ള സ്ത്രീകള്‍ക്കാണ് അവസരം. പട്ടികജാതി, പട്ടികവര്‍ഗ വിഭാഗങ്ങള്‍ക്ക് ഉയര്‍ന്ന പ്രായപരിധിയില്‍ മൂന്ന് വര്‍ഷം ഇളവുണ്ട്. താഴെയങ്ങാടി വാര്‍ഡിലെ താമസക്കാര്‍ക്ക് മുന്‍ഗണന ലഭിക്കും. ക്രഷ് വര്‍ക്കര്‍ക്ക് പ്ലസ് ടുവാണ് യോഗ്യത.

പട്ടികവര്‍ഗ വകുപ്പിന് കീഴിലുള്ള നല്ലൂര്‍നാട് അംബേദ്കര്‍ മെമ്മോറിയല്‍ മോഡല്‍ റസിഡന്‍ഷ്യല്‍ സ്‌കൂളിലേക്ക് കമ്പ്യൂട്ടര്‍ ഇന്‍സ്ട്രക്ടര്‍, ലൈബ്രേറിയന്‍ തസ്തികളിലേക്ക് ദിവസ വേതനാടിസ്ഥാനത്തില്‍ നിയമനം നടത്തുന്നു. കമ്പ്യൂട്ടര്‍ ഇന്‍ട്രക്ടര്‍ക്ക് ബന്ധപ്പെട്ട വിഭാഗത്തിലെ നാഷണല്‍ ട്രേഡ് സര്‍ട്ടിഫിക്കറ്റ് അല്ലെങ്കില്‍ കേരള ഗവ സര്‍ട്ടിഫിക്കറ്റ് ഇന്‍ എഞ്ചിനീയറിങ് എക്‌സാമിനേഷന്‍ അല്ലെങ്കില്‍ പി.ജി.ഡി.സി.എയും ഒരു വര്‍ഷത്തില്‍ കുറയാത്ത പ്രവൃത്തി പരിചയവും മലയാളം ടൈപ്പിങിലുള്ള പരിജ്ഞാനവും ഉണ്ടായിരിക്കണം. ലൈബ്രേറിയന് ലൈബ്രറി സയന്‍സില്‍ ബിരുദവും ഒരു വര്‍ഷത്തില്‍ കുറയാത്ത പ്രവൃത്തി പരിചയവും ഉണ്ടായിരിക്കണം.

കേന്ദ്ര നൈപുണ്യ വികസന സംരംഭകത്വ മന്ത്രാലയത്തിന്റെയും സംസ്ഥാന വ്യാവസായിക പരിശീലന വകുപ്പിന്റെയും ആഭിമുഖ്യത്തില്‍ സംഘടിപ്പിക്കുന്ന പ്രധാനമന്ത്രി നാഷണല്‍ അപ്രന്റിസ്ഷിപ്പ് മേള ജൂണ്‍ 11ന് രാവിലെ 9.30 മുതല്‍ കല്‍പറ്റ കെ.എം.എം ഗവ. ഐ.ടി.ഐയില്‍ നടക്കും. വിവിധ സര്‍ക്കാര്‍, പൊതുമേഖലാ, സ്വകാര്യ സ്ഥാപനങ്ങളില്‍ അപ്രന്റിസ് പരിശീലനം നേടാന്‍ ആഗ്രഹിക്കുന്ന വിവിധ ഐ.ടി.ഐ ട്രേഡുകള്‍ വിജയിച്ച ഉദ്യോഗാര്‍ത്ഥികള്‍ക്കും പരിശീലനം നല്‍കാന്‍ സന്നദ്ധരായ സ്ഥാപനങ്ങള്‍ക്കും മേളയില്‍ പങ്കെടുക്കാം. ഫോണ്‍: 04936 205519, 7034321001

സുല്‍ത്താന്‍ ബത്തേരി നഗരസഭയുടെ വാര്‍ഷിക പദ്ധതിയിലെ സ്റ്റുഡന്റ് കൗണ്‍സില്‍ പദ്ധതിയില്‍ ഉള്‍പ്പെടുത്തി നിര്‍മ്മാണം പൂര്‍ത്തീകരിച്ച ഓപ്പണ്‍ ജിമ്മിന്റെ ഉദ്ഘാടനം കൃഷി വകുപ്പ് മന്ത്രി അഡ്വ. ടി. സിദ്ധീഖ് നിര്‍വഹിച്ചു. യുവതലമുറയുടെ ശാരീരികവും മാനസികവുമായ ആരോഗ്യ സംരക്ഷണത്തിന് ഇത്തരമൊരു നൂതന ആശയം പ്രാവര്‍ത്തികമാക്കിയ ബത്തേരി നഗരസഭയെ മന്ത്രി അഭിനന്ദിച്ചു. ഓപ്പണ്‍ ജിം എന്ന ആശയം മുന്നോട്ട് വെച്ച വിദ്യാര്‍ത്ഥികളെയും പദ്ധതി വിജയകരമായി പൂര്‍ത്തിയാക്കാന്‍ നേതൃത്വം നല്‍കിയ പി.ടി.എ, അധ്യാപകര്‍ എന്നിവരെയും മന്ത്രി പ്രത്യേകം പ്രശംസിച്ചു.

വിവിധ ആശുപത്രികളില്‍ ചികിത്സയില്‍ കഴിയുന്ന കോളിയാടി മാര്‍ ബസേലിയോസ് എ.യു.പി സ്‌കൂളിലെ കുട്ടികളെ ചൊവ്വാഴ്ച സംസ്ഥാന ഭക്ഷ്യ കമ്മീഷന്‍ അംഗം പി രമേശനും മറ്റ് ഉദ്യോഗസ്ഥരും സന്ദര്‍ശിച്ചു. സ്‌കൂളിലെ അധ്യാപരോടും രക്ഷിതാക്കളോടും വിദ്യാര്‍ത്ഥികളോടും വിവരങ്ങള്‍ ചോദിച്ചറിഞ്ഞു. ജില്ലാ വിദ്യാഭ്യാസ ഉപഡയറക്ടറുടെ ഓഫീസിലെ നൂണ്‍ ഫീഡിങ് സൂപ്പര്‍വൈസര്‍, സുല്‍ത്താന്‍ ബത്തേരി ഉപജില്ലാ വിദ്യാഭ്യാസ ഓഫീസര്‍, സുല്‍ത്താന്‍ ബത്തേരി ഉപജില്ലാ നൂണ്‍മീല്‍ ഓഫീസര്‍ എന്നിവരും സംഘത്തിലുണ്ടായിരുന്നു.

സ്റ്റേറ്റ് റിസോഴ്സ് സെന്ററിന്റെ എസ്.ആര്‍.സി കമ്യൂണിറ്റി കോളജില്‍ ഡിപ്ലോമ ഇന്‍ എയര്‍ലൈന്‍ ആന്‍ഡ് എയര്‍പോര്‍ട്ട് മാനേജ്മെന്റ് പ്രോഗ്രാമിലേക്ക് പ്ലസ്ടു / തത്തുല്യ യോഗ്യതയുള്ളവര്‍ക്ക് https://app.srccc.in/register ല്‍ അപേക്ഷിക്കാം. അവസാന തീയതി ജൂണ്‍ 30. അപേക്ഷ ഫോം തിരുവനന്തപുരം നന്ദാവനം പോലീസ് ക്യാമ്പിനു സമീപം പ്രവര്‍ത്തിക്കുന്ന എസ്.ആര്‍.സി ഓഫീസില്‍ ലഭിക്കും. വെബ്സൈറ്റ്: www.srccc.in . ഫോണ്‍: 0471 2570471, 9846033001.
 

അസാപ് കേരളയുടെ കുന്നന്താനം കമ്യൂണിറ്റി സ്‌കില്‍ പാര്‍ക്കില്‍ ജൂണ്‍ 12 ന് ആരംഭിക്കുന്ന ഇലക്ട്രിക് വാഹന സര്‍വീസിങ് കോഴ്‌സിലേയ്ക്ക് പ്രവേശനം നേടാം. പ്ലസ് ടു/ഐടിഐ/ഡിപ്ലോമ/ബിരുദ യോഗ്യതയുള്ളവര്‍ക്ക് ജൂണ്‍ 10,11 തീയതികളില്‍ കുന്നന്താനം കിന്‍ഫ്ര പാര്‍ക്കിലെ കമ്യൂണിറ്റി സ്‌കില്‍ പാര്‍ക്കില്‍ നടക്കുന്ന പ്രവേശനത്തില്‍ പങ്കെടുക്കാം. പ്രായപരിധി 18-40. ഫോണ്‍ 9495999688.
 

ഈ വര്‍ഷത്തെ മത്സ്യകര്‍ഷക അവാര്‍ഡിന് അപേക്ഷ ക്ഷണിച്ചു. മികച്ച ശുദ്ധജല മത്സ്യകര്‍ഷകന്‍, നൂതന മത്സ്യകൃഷി നടപ്പാക്കുന്ന മത്സ്യകര്‍ഷകന്‍, അലങ്കാരമത്സ്യ കര്‍ഷകന്‍, പിന്നാമ്പുറങ്ങളിലെ മത്സ്യ വിത്ത് ഉല്‍പാദനയൂണിറ്റുകള്‍, അക്വാകള്‍ച്ചര്‍ പ്രൊമോട്ടര്‍, പ്രോജക്ട് കോ-ഓര്‍ഡിനേറ്റര്‍, തദ്ദേശ സ്വയംഭരണ സ്ഥാപനം, സ്റ്റാര്‍ട്ട്അപ്പുകള്‍ക്കുള്ള പ്രത്യേക അവാര്‍ഡ്, ഇന്നോവേറ്റീവ് അക്വാകള്‍ച്ചര്‍ യൂണിറ്റ് എന്നിവയ്ക്കാണ് അവാര്‍ഡ്. പത്തനംതിട്ട ഫിഷറീസ് അസിസ്റ്റന്റ് ഡയറക്ടറുടെ കാര്യാലയത്തില്‍ അപേക്ഷ സമര്‍പ്പിക്കണം. വിവരങ്ങള്‍ക്ക് മത്സ്യഭവന്‍ ഓഫീസുമായോ പത്തനംതിട്ട ജില്ല ഓഫീസുമായോ ബന്ധപ്പെടണം. അവസാന തീയതി ജൂണ്‍ 12.

2025-26 അധ്യയന വര്‍ഷത്തില്‍ സ്റ്റേറ്റ് സിലബസില്‍ പത്ത്, പ്ലസ്ടു ക്ലാസുകളില്‍ എല്ലാ വിഷയങ്ങളിലും എ1/ എ+ ലഭിച്ചവരും സിബിഎസ്ഇ, ഐ സി എസ് ഇ സ്ട്രീമുകളില്‍ അഗ്രിഗേറ്റ് 90 ശതമാനത്തിന് മുകളില്‍ മാര്‍ക്ക് ലഭിച്ചവരുമായ വിമുക്ത ഭടന്‍മാരുടെ മക്കള്‍ക്ക് ഒറ്റ തവണ ക്യാഷ് അവാര്‍ഡിനുള്ള  അപേക്ഷ ക്ഷണിച്ചു. അപേക്ഷ ഓണ്‍ലൈന്‍ മുഖേന ജൂലൈ 30നകം വയനാട് ജില്ലാ സൈനിക ക്ഷേമ ഓഫീസില്‍ സമര്‍പ്പിക്കണം. ഫോണ്‍- 04936 202668.