നിയമസഭാ തെരഞ്ഞെടുപ്പില്‍ വോട്ടര്‍മാരുടെ പങ്കാളിത്തം ഉറപ്പാക്കുന്ന 'സ്വീപ്' പ്രചാരണ പരിപാടികളുടെ ഭാഗമായി പടിഞ്ഞാറേക്കര അഴിമുഖത്ത് 'കൈറ്റ് ഫെസ്റ്റ് സംഘടിപ്പിച്ചു. പരിപാടിയില്‍ തിരൂര്‍ സബ് കളക്ടര്‍ ദിലീപ് കെ കൈനിക്കര, ഇലക്ഷന്‍ ജനറല്‍ ഒബ്‌സെര്‍വര്‍ ഷെവാങ് ഗ്യാച്ചോ ബൂട്ടിയ (തിരൂര്‍, കോട്ടക്കല്‍), എക്‌സ്‌പെന്‍ഡീച്ചര്‍ ഒബ്‌സര്‍വര്‍മാരായ അനുരാഗ് ശ്രീവാസ്തവ, മഹീന്ദ്ര പ്രതാപ് സിംഗ് എന്നിവർ പങ്കാളികളായി.

സംസ്ഥാന ഹജ്ജ് കമ്മിറ്റി വഴി ഹജ്ജിന് പുറപ്പെടുന്നവരുടെ കൂടെ സേവനം ചെയ്യുന്നതിന് തിരഞ്ഞെടുക്കപ്പെട്ട സ്റ്റേറ്റ് ഹജ്ജ് ഇൻസ്‌പെക്ടർമാരുടെ ദ്വിദിന റസിഡൻഷ്യൽ  പരിശീലന ക്യാംപ് കരിപ്പൂർ ഹജ്ജ് ഹൗസിൽ സമാപിച്ചു. രണ്ടാം ദിനത്തിലെ ആദ്യ സെഷൻ ഫിസിക്കൽ ട്രൈനിംഗ് കരിപ്പൂർ അന്താരാഷ്ട്ര വിമാനത്താവളം സി.ഐ.എസ്.എഫ് അസി. കമാന്റഡന്റ് സുനിൽ റജ്വാർ ഫ്‌ളാഗ് ഓഫ് ചെയ്തു. സാങ്കേതിക പരിശീലനം സെഷനിൽ നോഡൽ ഓഫിസർ പി.കെ അസ്സൈൻ ക്ലാസെടുത്തു,.  എയർലൈൻസ് പ്രതിനിധികളായ കെ.പി. ഹനി (ഫ്‌ളൈ നാസ്), ജി. ഋഷികുമാർ (ആകാശ എയർ) എന്നിവർ അവതരണം നടത്തി.

വൈദ്യുതി മുടങ്ങും 

കെ.എസ്.ഇ.ബി ഏച്ചൂർ വൈദ്യുതി സെക്ഷന് കീഴിലെ തണ്ടപ്പുറം, ഏച്ചുർ കോട്ടം എന്നീ ട്രാൻസ്‌ഫോർമർ പരിധിയിൽ മാർച്ച്‌ 30 ന് രാവിലെ 9.30 മുതൽ വൈകുന്നേരം അഞ്ചു വരെ വൈദ്യുതി മുടങ്ങും.

നിയമസഭാ തെരഞ്ഞെടുപ്പുമായി ബന്ധപ്പെട്ട് ജില്ലയിലേക്ക് നിയോഗിക്കപ്പെട്ട തെരഞ്ഞെടുപ്പ് നിരീക്ഷകര്‍ പൊതുജനങ്ങളൈ നേരില്‍ കണ്ട് പരാതി സ്വീകരിക്കും. പൊതു നിരീക്ഷകരായ ഷെവാങ് ഗ്യാച്ചോ ബുട്ടിയ (തിരൂര്‍, കോട്ടക്കല്‍), എം.ബി. രാജേഷ് ഗൗഡ (മഞ്ചേരി, പെരിന്തല്‍മണ്ണ, മങ്കട, മലപ്പുറം), രാജേന്ദ്രകുമാര്‍ (തവനൂര്‍, പൊന്നാനി) എന്നിവര്‍ മലപ്പുറം ഗസ്റ്റ് ഹൗസില്‍ ക്യാമ്പ് ചെയ്ത് പരാതികള്‍ സ്വീകരിക്കും. ഷെവാങ് ഗ്യാച്ചോ ബുട്ടിയ, എം.ബി. രാജേഷ് ഗൗഡ -മാര്‍ച്ച് 31 മുതല്‍ ഏപ്രില്‍ എട്ട് വരെ ഉച്ചയ്ക്ക് 2.30 മുതല്‍ 3.30 വരെ രാജേന്ദ്രകുമാര്‍ -ഏപ്രില്‍ ഒന്ന് മുതല്‍ ഏപ്രില്‍ എട്ട് വരെ ഉച്ചയ്ക്ക് 2.30 മുതല്‍ 3.30 വരെ

നിയമസഭാ തിരഞ്ഞെടുപ്പിൽ ആലപ്പുഴ ജില്ലയിൽ 100 ശതമാനം വോട്ടിംഗ് ലക്ഷ്യമിട്ട് നടത്തുന്ന പ്രചാരണ പരിപാടികളുടെ (സ്വീപ്) ഭാഗമായി    സെവൻസ് ഫുട്ബോൾ മത്സരം സംഘടിപ്പിച്ചു. ആലപ്പുഴ ആൽപൈറ്റ് ടർഫിൽ നടന്ന മത്സരത്തിൽ സ്വീപ് നോഡൽ ഓഫീസറും കുടുംബശ്രീ ജില്ലാ മിഷൻ കോ ഓർഡിനേറ്ററുമായ എസ് രഞ്ജിത്ത് ഉദ്ഘാടനം ചെയ്തു. വോട്ട് ചെയ്യുന്നതിന്റെ പ്രാധാന്യത്തെക്കുറിച്ച് ജനങ്ങളിൽ അവബോധം ഉണ്ടാക്കുക എന്നതാണ് പദ്ധതിയിലൂടെ ലക്ഷ്യമിടുന്നത്. ആലപ്പി വെറ്ററൻസും ആലപ്പി യൂത്തും തമ്മിലുള്ള സെവൻസ് ഫുട്ബോൾ മത്സരമാണ് നടന്നത്. മത്സരത്തിൽ ആലപ്പി യൂത്ത് 1-0 ന് വിജയിച്ചു.

വോട്ടെടുപ്പ് ദിവസം തെരഞ്ഞെടുപ്പ് ചുമതല നിര്‍വഹിക്കേണ്ട പോളിംഗ് ഉദ്യോഗസ്ഥരുടെ രണ്ടാം ഘട്ട റാന്‍ഡമൈസേഷന്‍ മലപ്പുറം ജില്ലാ കളക്ടര്‍ ഡോ. വിനയ് ഗോയലിന്റെ അധ്യക്ഷതയില്‍ കളക്ടറുടെ ചേംബറില്‍ നടന്നു. 20 ശതമാനം റിസര്‍വ് ഉള്‍പ്പെടെ 4435 പ്രിസൈഡിംഗ് ഓഫീസര്‍മാര്‍, 4435 ഫസ്റ്റ് പോളിംഗ് ഓഫീസര്‍മാര്‍, 8870 പോളിങ് ഓഫീസര്‍മാര്‍ എന്നിവരക്കം 17740 പോളിങ് ഉദ്യോഗസ്ഥരെയാണ് തിരഞ്ഞെടുത്തത്.

ജില്ലാ സാക്ഷരതാമിഷന്റെ നേതൃത്വത്തില്‍ തുല്യത സമ്പര്‍ക്ക പഠന കേന്ദ്രങ്ങളില്‍ ഇലക്ടറല്‍ ലിറ്ററസി ക്ലാസ്സ് സംഘടിപ്പിച്ചു. തെരഞ്ഞെടുപ്പിന്റെ ആവശ്യകത എല്ലാ ജനവിഭാഗങ്ങളിലും എത്തിക്കുന്നതിന്റെ ഭാഗമായി ഇലക്ടറല്‍ ലിറ്ററസി ക്ലാസ്സുകള്‍, വോട്ടര്‍ പ്രതിജ്ഞ, വോട്ട് മരം നടീല്‍, വോട്ട് ഓര്‍മ്മകള്‍ പങ്കുവെയ്ക്കല്‍ തുടങ്ങിയ പ്രവര്‍ത്തനങ്ങള്‍ നടന്നു.

നിയമസഭാ പൊതുതെരഞ്ഞെടുപ്പുമായി ബന്ധപ്പെട്ട് ആന്റി ഡീഫേസ്‌മെന്റ് സ്‌ക്വാഡിന്റെ നേതൃത്വത്തില്‍ ജില്ലയില്‍ നടത്തിയ പരിശോധനയില്‍ വെള്ളിയാഴ്ച 244 സാമഗ്രികള്‍ നീക്കം ചെയ്തു.  ഇതില്‍ പൊതു ഇടങ്ങളിലായി വിവിധ രാഷ്ട്രീയ പാര്‍ട്ടികള്‍  സ്ഥാപിച്ച 218 പോസ്റ്ററുകള്‍, 12 ബാനറുകള്‍ ഒരു  പ്രചരണ സാമഗ്രി, സ്വകാര്യ ഇടങ്ങളില്‍ സ്ഥാപിച്ച 13 പോസ്റ്ററുകളും ഉള്‍പ്പെടുന്നു

കണ്ണൂർ, അഴീക്കോട്‌ മണ്ഡലങ്ങളിലെ നിരീക്ഷകന് പരാതി നൽകാം

നിയമസഭ തിരഞ്ഞെടുപ്പുമായി ബന്ധപ്പെട്ട് കണ്ണൂർ, അഴീക്കോട് മണ്ഡലങ്ങളിലെ പൊതുനിരീക്ഷകൻ പൊതുജനങ്ങളിൽ നിന്നും പരാതി സ്വീകരിക്കുന്നു. ഈ നിയമസഭ മണ്ഡലങ്ങളിലെ ജനങ്ങൾക്ക് എല്ലാ ദിവസവും രാവിലെ 10.30 മുതൽ 11.30 വരെ കണ്ണൂർ കളക്ടറേറ്റിലെ ജില്ലാ ഇൻഫർമേഷൻ ഓഫീസിലെ മീഡിയ റൂമിൽ എത്തി പരാതി നൽകാം.

2026 ലെ നിയമസഭ തിരഞ്ഞെടുപ്പിന് മുന്നോടിയായി ഹരിപ്പാട്, കായംകുളം, ചെങ്ങന്നൂർ, മാവേലിക്കര മണ്ഡലങ്ങളിലെ സ്ഥാനാർഥികളുടെ ഏജന്റുമാർക്ക് പരിശീലന പരിപാടി  സംഘടിപ്പിച്ചു. തഴക്കര ഗ്രാമപഞ്ചായത്ത് കോൺഫറൻസ് ഹാളിൽ സംഘടിപ്പിച്ച പരിപാടിയിൽ പൊതുനിരീക്ഷകൻ പദുംസിംഗ് അൽമ,  ചെലവ് നിരീക്ഷകരായ ഭാരതി ശർമ്മ, യോഗീതാ ശർമ്മ, പൊലീസ് നിരീക്ഷകൻ അവിജിത്ത് ബാനർജി എന്നിവർ തിരഞ്ഞെടുപ്പിന്റെ സുഗമമായ നടത്തിപ്പിനുള്ള നിർദേശങ്ങൾ നൽകി. തിരഞ്ഞെടുപ്പിൽ ചെലവ് കണക്കുകൾ എങ്ങനെ കൈകാര്യം ചെയ്യണം എന്നതിനെപ്പറ്റി ജില്ലാതല മാസ്റ്റർ പരിശീലകൻ എസ് എം ഫമിൻ ക്ലാസ് നയിച്ചു.