കോട്ടയം: പ്രവാസി സംരംഭകർക്ക് നോർക്ക പ്രവാസി ബിസിനസ്സ് കണക്ട് സൗജന്യ സംരംഭകത്വ ശിൽപശാല സംഘടിപ്പിക്കും. ആലപ്പുഴ, പത്തനംതിട്ട, കോട്ടയം ജില്ലകളിലുള്ളവർക്കായി ജനുവരിയിൽ ചെങ്ങന്നൂരിൽ വച്ചാണ് ശിൽപശാല. താത്പര്യമുള്ളവർ ജനുവരി 20ന് മുൻപായി രജിസ്റ്റർ ചെയ്യണം. ആദ്യം രജിസ്റ്റർ ചെയ്യുന്ന 40  പേർക്കാണ് അവസരം. രജിസ്റ്റർ ചെയ്യാനും കൂടുതൽ വിവരങ്ങൾക്കും 0471-2770534, 8592958677 എന്നീ നമ്പറുകളിലോ, nbfc.coordinator@gmail.com എന്ന ഇമെയിൽ വിലാസത്തിലോ ബന്ധപ്പെടണം.

കോട്ടയം: ജില്ലയിൽ 2025-26 സാമ്പത്തിക വർഷത്തെ മൃഗക്ഷേമ പ്രവർത്തനങ്ങൾക്കുള്ള പുരസ്‌കാരത്തിന് അപേക്ഷ ക്ഷണിച്ചു. അപേക്ഷാ ഫോം മൃഗാശുപത്രികളിൽ ലഭിക്കും. താത്പര്യമുള്ളവർ ജനുവരി 17 ന് മുൻപായി മൃഗാശുപത്രികൾ മുഖേന അപേക്ഷകൾ  നൽകണമെന്ന് ജില്ലാ മൃഗസംരക്ഷണ ഓഫീസർ അറിയിച്ചു. ഫോൺ: 0481 2563726.

കോട്ടയം: മേലുകാവ് ട്രൈബൽ എക്സ്റ്റെൻഷൻ ഓഫീസ് പരിധിയിൽ തയ്യൽ സംരംഭം ആരംഭിക്കുന്നതിന് ആവശ്യമായ സാധനങ്ങൾ വിതരണം ചെയ്യുന്നതിന് താൽപര്യമുള്ള അംഗീകൃത സ്ഥാപനങ്ങൾ/ സർക്കാർ ഏജൻസികൾ/ വ്യക്തികൾ എന്നിവരിൽ നിന്ന് ടെൻഡർ ക്ഷണിച്ചു. ജനുവരി 17 ന് വൈകുന്നേരം മൂന്ന് വരെ ടെൻഡറുകൾ സ്വീകരിക്കും. ഫോൺ: 04828 202751.

കോട്ടയം: ഏറ്റുമാനൂർ കുടുംബകോടതിയിലേക്ക് അഡീഷണൽ കൗൺസലർമാരുടെ പാനൽ രൂപവത്കരിക്കുന്നതിന് അപേക്ഷ ക്ഷണിച്ചു. സോഷ്യൽ വർക്ക്/ സൈക്കോളജിയിൽ ബിരുദാനന്തരബിരുദവും ഫാമിലി കൗൺസലിങ്ങിൽ രണ്ടുവർഷത്തിൽ കുറയാത്ത പ്രവൃത്തിപരിചയവുമുള്ളവർക്ക് അപേക്ഷിക്കാം. (ഉയർന്ന വിദ്യാഭ്യാസ യോഗ്യതയുള്ളവർക്കു പ്രവൃത്തിപരിചയകാലയളവിൽ നിബന്ധനകൾക്കു വിധേയാമായി ഇളവ് അനുവദിക്കും). പ്രായം, യോഗ്യത, പ്രവൃത്തിപരിചയം എന്നിവ തെളിയിക്കുന്നതിനുള്ള രേഖകളുടെ പകർപ്പുകളും ഫോൺ നമ്പരും ഇ-മെയിലും സഹിതമുള്ള അപേക്ഷ ജഡ്ജ്, ഫാമിലി കോടതി, ഏറ്റുമാനൂർ - 686631 എന്ന വിലാസത്തിൽ ജനുവരി 27 നകം ലഭ്യമാക്കണം. ഫോൺ: 9400187017.

ജില്ലയിലെ മുഴുവന്‍ പത്താം ക്ലാസ് വിദ്യാര്‍ഥികള്‍ക്കും കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്നോളജി ഫോര്‍ എഡ്യൂക്കേഷന്‍ (കൈറ്റ്) റോബോട്ടിക്സ് പരിശീലനം നല്‍കും. പത്താം ക്ലാസിലെ പുതുക്കിയ ഐ.ടി പാഠപുസ്തകത്തില്‍ ഉള്‍പ്പെടുത്തിയ റോബോട്ടിക്സ് പാഠഭാഗങ്ങള്‍ പ്രായോഗികമായി പഠിക്കാനും എസ്.എസ്.എല്‍.സി പരീക്ഷക്ക് തയാറെടുക്കാനും കുട്ടികള്‍ക്ക് അധികപിന്തുണ എന്ന നിലയിലാണ് ലിറ്റില്‍ കൈറ്റ്സ് ഐ.ടി ക്ലബുകളുടെ നേതൃത്വത്തില്‍ പരിശീലനം നല്‍കുന്നത്. 

ആയുഷ് മിഷന്‍ ജില്ലയിലെ വിവിധ ആരോഗ്യ സ്ഥാപനങ്ങളിലേക്ക് കരാറടിസ്ഥാനത്തില്‍ ഫാര്‍മസിസ്റ്റ് (ഹോമിയോ) തസ്തികയിലേക്ക് നിയമനം നടത്തും. ജനുവരി 12ന് 40 വയസ്സ് കവിയാത്ത സിസിപി/എന്‍സിപി യോഗ്യതയുള്ളവര്‍ ജനുവരി 27നകം അപേക്ഷിക്കണം. ഫോണ്‍- 0483 2731700, 9778426343.

വിദ്യാഭ്യാസം പൂര്‍ത്തിയാക്കി മത്സര പരീക്ഷകള്‍ക്ക് തയ്യാറെടുക്കുന്നവര്‍ക്കും സ്‌കില്‍ പരിശീലനം നടത്തുന്നവര്‍ക്കും പ്രതിമാസം 1000 രൂപ സ്‌കോളര്‍ഷിപ്പ് നല്‍കുന്ന മുഖ്യമന്ത്രിയുടെ കണക്ട് ടു വര്‍ക്ക് പദ്ധതിയിലേക്ക് അപേക്ഷ ക്ഷണിച്ചു. എപ്ലോയ്മെന്റ് എക്സ്ചേഞ്ച് മുഖേനയാണ് പദ്ധതി നടപ്പാക്കുന്നത്. 18നും 30നും ഇടയില്‍ പ്രായമുള്ള പി.എസ്.സി, യു.പി.എസ്.സി തുടങ്ങിയ മത്സര പരീക്ഷകള്‍ക്ക് തയ്യാറെടുക്കുന്നവര്‍, ഔപചാരിക വിദ്യാഭ്യാസത്തിനു ശേഷം സ്‌കില്‍ പരിശീലനം നേടുന്നവര്‍ എന്നിവര്‍ക്ക് അപേക്ഷിക്കാം. കുടുംബ വാര്‍ഷിക വരുമാനം അഞ്ച് ലക്ഷം രൂപയില്‍ കവിയരുത്.

അസാപ് ലക്കിടി നടത്തുന്ന ജനറല്‍ ഡ്യൂട്ടി അസിസ്റ്റന്റ് (ജിഡിഎ) അഡ്വാന്‍സ്ഡ് ട്രെയിനിംഗ് കോഴ്സിലേക്ക് അപേക്ഷകള്‍ ക്ഷണിച്ചു. പ്ലസ് ടു യോഗ്യതയുള്ളവര്‍ക്ക് ആരോഗ്യരംഗത്ത് സ്ഥിരതയുള്ള കരിയര്‍ നേടാനുള്ള മികച്ച അവസരമുണ്ട്. തിയറി, പ്രായോഗിക പരിശീലനം, ഹാന്‍ഡ്സ്-ഓണ്‍ അനുഭവം എന്നിവ ഉള്‍ക്കൊള്ളുന്നതാണ് കോഴ്സ്. പരിശീലനം വിജയകരമായി പൂര്‍ത്തിയാക്കുന്നവര്‍ക്ക് ആരോഗ്യമേഖലയില്‍ പ്രമുഖ സ്ഥാപനങ്ങളില്‍ ജോലി ലഭ്യതയ്ക്കുള്ള സാധ്യതയുമുണ്ട്. കോഴ്സില്‍ പങ്കെടുക്കാന്‍ താല്പര്യമുള്ളവര്‍ക്ക് https://forms.gle/THbV5Su474kNiTpCA ല്‍ അപേക്ഷിക്കാം.

സംസ്ഥാന സാക്ഷരതാമിഷന്‍ പൊതുവിദ്യാഭ്യാസ വകുപ്പിന്റെ സഹകരണത്തോടെ നടത്തുന്ന പത്താംതരം തുല്യത, 18-ാം ബാച്ചിന്റെ പഠിതാക്കള്‍ക്ക് 2025 നവം ബറില്‍ നടത്തിയ പൊതുപരീക്ഷയുടെ ഫലം പ്രഖ്യാപിച്ചു. ഉത്തരക്കടലാസ് പുനര്‍മൂല്യനിര്‍ണയത്തിന് ആഗ്രഹിക്കുന്ന പഠിതാക്കള്‍ നിര്‍ദ്ദിഷ്ട മാതൃകയിലുള്ള അപേക്ഷയും പേപ്പര്‍ ഒന്നിന് 400/ രൂപയും ജനുവരി 19ന് വൈകിട്ട് നാലിനകം അതാത് പരീക്ഷാകേന്ദ്രത്തിലെ ഹെഡ്മാസ്റ്റര്‍ക്ക് ലഭ്യമാക്കണം. ഫോണ്‍- 0483- 2734670.

ദേശീയ ആരോഗ്യ മലപ്പുറം മൊബൈല്‍ ഇന്റര്‍വെന്‍ഷന്‍ യൂണിറ്റിലേക്ക് സൈക്കോളജിസ്റ്റ് തസ്തികയില്‍ ഓണ്‍ലൈനായി അപേക്ഷ ക്ഷണിച്ചു. അപേക്ഷകള്‍ ജനുവരി 26ന് വൈകീട്ട് അഞ്ചിനകം ലഭിക്കണം. കൂടുതല്‍ വിവരങ്ങള്‍ ആരോഗ്യകേരളം വെബ്‌സൈറ്റില്‍ ലഭിക്കും. വെബ്‌സൈറ്റ് : www.arogyakeralam.gov.in, അപേക്ഷ അയക്കേണ്ട ലിങ്ക് : https://forms.gle/xSK95yeXWdrBYGD96, ഫോണ്‍- 04832730313.