65-ാമത് സംസ്ഥാനതല സുബ്രതോ കപ്പ് ഫുട്‌ബോൾ ടൂർണമെന്റിന്റെ ഔദ്യോഗിക ഉദ്ഘാടനം തൃശ്ശൂർ മുനിസിപ്പൽ സ്റ്റേഡിയത്തിൽ പൊതുവിദ്യാഭ്യാസ, ന്യൂനപക്ഷ ക്ഷേമ വകുപ്പ് മന്ത്രി എൻ. ഷംസുദ്ദീൻ നിർവ്വഹിച്ചു.

കേരള ജയിൽ വകുപ്പിൽ ആധുനിക സാങ്കേതികവിദ്യ പ്രയോജനപ്പെടുത്തി ജയിൽ സുരക്ഷ കൂടുതൽ ശക്തിപ്പെടുത്തുന്നതിനുള്ള നടപടികളുടെ ഭാഗമായി വിയ്യൂർ സെൻട്രൽ പ്രിസൺ ആൻഡ് കറക്ഷണൽ ഹോമിൽ ഡ്രോൺ സർവൈലൻസ് സംവിധാനത്തിന്റെ പരീക്ഷണാടിസ്ഥാനത്തിലുള്ള ട്രയൽ റൺ സംഘടിപ്പിച്ചു. ട്രയൽ റൺ ആഭ്യന്തര വകുപ്പ് മന്ത്രി രമേശ് ചെന്നിത്തല നേരിട്ടെത്തി വിലയിരുത്തി.  കേരള പ്രിസൺസ് ആൻഡ് കറക്ഷണൽ സർവ്വീസസ് ഡയറക്ടർ ജനറൽ എസ്. ശ്രീജിത്ത്, മധ്യമേഖല ഡെപ്യൂട്ടി ഇൻസ്‌പെക്ടർ ജനറൽ ഓഫ് പ്രിസൺസ് എസ്. സജീവ് എന്നിവരും മുതിർന്ന ജയിൽ ഉദ്യോഗസ്ഥരും പങ്കെടുത്തു.

തൊടുപുഴയിലെ പുറപ്പുഴ സര്‍ക്കാര്‍ പോളിടെക്‌നിക് കോളേജില്‍ കമ്പ്യൂട്ടര്‍ എന്‍ജിനീയറിങ്ങ്, ഇന്‍ഫര്‍മേഷന്‍ ടെക്നോളജി, മെക്കാനിക്കല്‍ എന്‍ജിനീയറിങ്ങ് എന്നീ ത്രിവത്സര ഡിപ്ലോമ കോഴ്‌സുകളിലെ ഒഴിവുള്ള സീറ്റുകളിലേക്കായി സ്ഥാപനാടിസ്ഥാനത്തിലുള്ള സ്പോട്ട് അഡ്മിഷന്‍ ജൂലൈ 28 മുതല്‍ 31 വരെ നടത്തും.

രാജാക്കാട് ഐ.ടി.ഐയിലെ പ്ലംബര്‍, വെല്‍ഡര്‍ എന്നീ ട്രേഡുകളില്‍ ഏതാനും സീറ്റുകള്‍ ഒഴിവുണ്ട്. ഐ.ടി.ഐ പ്രവേശനത്തിന് താത്പര്യമുള്ളവര്‍ എസ്.എസ്.എല്‍.സി, ആധാര്‍ കാര്‍ഡ്, ജാതി സര്‍ട്ടിഫിക്കറ്റ്, എന്നിവയുടെ പകര്‍പ്പുകള്‍ സഹിതം ഐ.ടി.ഐ യില്‍ നേരിട്ട് ഹാജരായി അപേക്ഷ നല്‍കണമെന്ന് പ്രിന്‍സിപ്പാള്‍ അറിയിച്ചു. എസ്.എസ്.എല്‍.സി തോറ്റവര്‍ക്കും, ജയിച്ചവര്‍ക്കും, തത്തുല്യ യോഗ്യതയുള്ളവര്‍ക്കും അനുയോജ്യമായ ട്രേഡുകളിലേക്ക് അപേക്ഷ സമര്‍പ്പിക്കാം.

അപേക്ഷാ ഫീസ് 100/ രൂപ. അപേക്ഷ ഫോമുകള്‍ ഐ.ടി.ഐ യില്‍ നിന്നു ലഭിക്കും. അവസാന തീയതി ജൂലൈ 27. കൂടുതല്‍ വിവരങ്ങള്‍ക്ക് ഫോണ്‍: 04868241813, 9746978400, 8593094385

ഇടുക്കി ജില്ലയിലെ ഇടുക്കി താലൂക്കില്‍ വാത്തിക്കുടി പഞ്ചായത്തില്‍ ഒന്‍പതാം വാര്‍ഡില്‍ കനകക്കുന്ന് എന്ന സ്ഥലത്ത് 1674029-ാം നമ്പര്‍ ന്യായ വില കട ലൈസന്‍സിയെ സ്ഥിരമായി നിയമിക്കുന്നതിനായി പട്ടികജാതി സംവരണ വിഭാഗത്തില്‍ നിന്ന് അപേക്ഷ ക്ഷണിച്ചു. യോഗ്യതകള്‍ - 2026 ജനുവരി 1 ന് 21 വയസ്  പൂര്‍ത്തീകരിച്ചിരിക്കണം. ജനുവരി 1 ന് 62 വയസില്‍ കൂടുവാന്‍ പാടില്ല. കേരള സംസ്ഥാന പൊതുപരീക്ഷ ബോര്‍ഡ് നടത്തുന്നതോ അംഗീകരിച്ചതോ ആയ എസ്.എസ്.എല്‍.സി/ തത്തുല്യയോഗ്യതാ പരീക്ഷ വിജയിച്ചിരിക്കണം. ന്യായവില ഷോപ്പ് ഉടമസ്ഥനാകുന്നതിനുതകുന്ന ശാരീരികവും മാനസികവുമായ  പ്രാപ്തിയുള്ള വ്യക്തിയായിരിക്കണം.

ഖാദി ഗ്രാമ വ്യവസായ ബോര്‍ഡിന്റെ ആഭിമുഖ്യത്തില്‍ ഇടുക്കി ജില്ലാ ഖാദി ഗ്രാമ വ്യവസായ ഓഫീസ്  'എനിക്കും വേണം ഖാദി' എന്ന ആശയം മുന്‍നിര്‍ത്തി ഓണത്തെ വരവേല്‍ക്കാനൊരുങ്ങുകയാണ്. ഓണം ഖാദി മേളയുടെ ഇടുക്കി ജില്ലാതല ഉദ്ഘാടനം  ജൂലൈ 27 തിങ്കളാഴ്ച്ച  വൈകിട്ട് 3 ന് തൊടുപുഴ പി ഡബ്ല്യൂ ഡി റസ്റ്റ് ഹൗസ് ഹാളില്‍ ഗവ. ചീഫ് വിപ്പ് അപു ജോണ്‍ ജോസഫ്  നിര്‍വഹിക്കും.  

ഇടുക്കി ജില്ലയിലെ ഇടുക്കി താലൂക്കില്‍ കട്ടപ്പന മുന്‍സിപ്പാലിറ്റിയില്‍ 33-ാം വാര്‍ഡില്‍ എ.കെ.ജി പടി എന്ന സ്ഥലത്ത് 1674135-ാം നമ്പര്‍ ന്യായ വില കട ലൈസന്‍സിയെ സ്ഥരിമായി നിയമിക്കുന്നതിനായി ഭിന്നശേഷി സംവരണ വിഭാഗത്തില്‍ നിന്ന് അപേക്ഷ ക്ഷണിച്ചു. യോഗ്യതകള്‍ - 2026 ജനുവരി 1 ന് 21 വയസ്  പൂര്‍ത്തീകരിച്ചിരിക്കണം. ജനുവരി 1 ന് 62 വയസില്‍ കൂടുവാന്‍ പാടില്ല. കേരള സംസ്ഥാന പൊതുപരീക്ഷ ബോര്‍ഡ് നടത്തുന്നതോ അംഗീകരിച്ചതോ ആയ എസ്.എസ്.എല്‍.സി/ തത്തുല്യയോഗ്യതാ പരീക്ഷ വിജയിച്ചിരിക്കണം. ന്യായവില ഷോപ്പ് ഉടമസ്ഥനാകുന്നതിനുതകുന്ന ശാരീരികവും മാനസികവുമായ  പ്രാപ്തിയുള്ള വ്യക്തിയായിരിക്കണം.

കേരള മോട്ടോര്‍ തൊഴിലാളി ക്ഷേമനിധി പദ്ധതിയില്‍ അംഗങ്ങളായ തൊഴിലാളികള്‍ക്ക് കുടിശ്ശിക അടയ്ക്കുന്നതിന് സെപ്റ്റംബര്‍ 30 വരെ സമയം അനുവദിച്ചിട്ടുളളതാണ്. അവസാന 36 മാസം വരെ തൊഴിലാളി വിഹിതം കുടിശ്ശിക ഉള്ളവര്‍ക്ക് മാത്രമേ കുടിശ്ശിക ഒടുക്കാന്‍ അര്‍ഹതയുള്ളു. ഈ അവസരം ഫലപ്രദമായി വിനിയോഗിക്കണമെന്ന് ജില്ലാ എക്സിക്യൂട്ടീവ് ഓഫീസര്‍ അറിയിച്ചു. വിശദവിവരങ്ങള്‍ക്കായി ഇടുക്കി ജില്ലാ ഓഫീസുമായി ബന്ധപ്പെടുക. ഫോണ്‍: 04862 220308, 9188519856
 

കേരള മോട്ടോര്‍ തൊഴിലാളി ക്ഷേമനിധി പദ്ധതിയില്‍ അംഗങ്ങളായ ഉടമകള്‍ ഉടമാവിഹിതം കുടിശ്ശിക വരുത്തിയവര്‍ക്ക് കുടിശ്ശിക അടയ്ക്കുന്നതിന് പരമാവധി നാല് തവണകള്‍ അനുവദിച്ചിട്ടുളളതാണ്. ഈ തവണ വ്യവസ്ഥ സെപ്റ്റംബര്‍ 30 വരെ മാത്രമാണ്. ഈ അവസരം ഫലപ്രദമായി വിനിയോഗിക്കണമെന്ന് ജില്ലാ എക്സിക്യൂട്ടീവ് ഓഫീസര്‍ അറിയിച്ചു. വിശദവിവരങ്ങള്‍ക്കായി ഇടുക്കി ജില്ലാ ഓഫീസുമായി ബന്ധപ്പെടുക. ഫോണ്‍: 04862 220308, 9188519856
 

കേരള സ്റ്റേറ്റ് എയ്ഡ്‌സ് കണ്‍ട്രോള്‍ സൊസൈറ്റിയും സംസ്ഥാന ആരോഗ്യ കുടുംബ ക്ഷേമ വകുപ്പും നാഷണല്‍ സര്‍വീസ് സ്‌കീമും ചേര്‍ന്ന് സ്‌കൂള്‍, കോളേജ് വിദ്യാര്‍ത്ഥികള്‍ക്കിടയില്‍ എച്ച്, ഐ, വി എയ്ഡ്‌സിനെക്കുറിച്ച് അവബോധം സൃഷ്ടിക്കുന്നതിനായി ക്വിസ്, മാരത്തോണ്‍ മത്സരങ്ങള്‍ സംഘടിപ്പിക്കുന്നു. അന്താരാഷ്ട്ര യുവജന ദിനത്തിനു മുന്നോടിയായി ജില്ലാ അടിസ്ഥാനത്തിലാണ് മത്സരങ്ങള്‍. ജില്ലയിലെ 8, 9, 11 ക്ലാസുകളില്‍ പഠിക്കുന്ന സ്‌കൂള്‍ കുട്ടികള്‍ക്കായാണ് ക്വിസ് മത്സരങ്ങള്‍.  ഒരു സ്‌കൂളില്‍ നിന്നും രണ്ട് പേര്‍ അടങ്ങുന്ന ഒരു ടീമിന് പങ്കെടുക്കാം.