വോട്ടെടുപ്പിന് മണിക്കൂറുകള്‍ ബാക്കിനില്‍ക്കെ ജില്ലയില്‍ മാതൃകാ പെരുമാറ്റച്ചട്ടം പാലിക്കപ്പെടുന്നുണ്ടെന്ന് ഉറപ്പാക്കാന്‍ കര്‍ശനനിരീക്ഷണം ഏര്‍പ്പെടുത്തിയെന്ന് ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കലക്ടര്‍ എന്‍. ദേവിദാസ് അറിയിച്ചു. വോട്ടെടുപ്പിന് മുന്നോടിയായുള്ള അവസാന 72 മണിക്കൂറുകളില്‍ മാതൃകാ പെരുമാറ്റച്ചട്ടം ലംഘിക്കുന്നത് തടയാന്‍ കര്‍ശനനടപടികളുണ്ടാകും.  എല്ലാ വരണാധികാരികള്‍ക്കും പൊലീസിനും വകുപ്പ് തലവന്മാര്‍ക്കും പ്രത്യേക നിര്‍ദ്ദേശങ്ങള്‍ നല്‍കിയിട്ടുണ്ട്.

നിയമസഭാ തിരഞ്ഞെടുപ്പിലേക്ക് വോട്ട്‌രേഖപ്പെടുത്താന്‍ അംഗീകൃത തിരിച്ചറിയല്‍ രേഖ നിര്‍ബന്ധം എന്ന് ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കലക്ടര്‍ എന്‍. ദേവിദാസ്. തിരഞ്ഞെടുപ്പ് കമ്മീഷന്‍ നല്‍കുന്ന ഫോട്ടോ ഐഡന്റിറ്റി കാര്‍ഡാണ് പ്രധാന രേഖ.

നിയമസഭാ തിരഞ്ഞെടുപ്പിന്റെ പരസ്യപ്രചാരണം അവസാനിച്ചതോടെ ജില്ലയില്‍ നിയമവിരുദ്ധമായി സംഘംചേരുന്നതിന് നിരോധനം ഏര്‍പ്പെടുത്തി ജില്ലാ കലക്ടര്‍. ഏപ്രില്‍ 10 ന് രാവിലെ ആറ് മണി വരെയാണ് ബാധകം. പൊതുയോഗങ്ങളോ റാലികളോ നടത്തരുത്. മണ്ഡലത്തിലെ വോട്ടര്‍മാരല്ലാത്ത രാഷ്ട്രീയപ്രവര്‍ത്തകരും പ്രചാരണത്തിനായി മറ്റിടങ്ങളില്‍നിന്നുവന്നവരും പ്രചാരണ സമയം അവസാനിക്കുന്നതോടെ മണ്ഡലത്തില്‍നിന്നും പുറത്തേക്ക്‌പോകണം.

2026-ലെ കേരള സംസ്ഥാന നിയമസഭാ പൊതുതിരഞ്ഞെടുപ്പിനോടനുബന്ധിച്ച് പോളിംഗ് ദിനമായ ഏപ്രില്‍ ഒമ്പതിന് ഏതെങ്കിലും ബിസിനസ്സ്, വ്യാപാരം, വ്യാവസായിക സ്ഥാപനം അല്ലെങ്കില്‍ മറ്റേതെങ്കിലും സ്ഥാപനത്തില്‍ ജോലി ചെയ്യുന്നതും ഒരു സംസ്ഥാനത്തിന്റെയോ കേന്ദ്രഭരണ പ്രദേശത്തിന്റെയോ പാര്‍ലമെന്റിലേക്കോ നിയമസഭയിലേക്കോ ഉള്ള തിരഞ്ഞെടുപ്പില്‍ വോട്ടുചെയ്യാന്‍ അര്‍ഹതയുള്ളതുമായ ഓരോ വ്യക്തിക്കും വോട്ടെടുപ്പ് ദിവസം വോട്ട് രേഖപ്പെടുത്തുന്നതിനായി ശമ്പളത്തോടെയുള്ള അവധി അനുവദിച്ച് ജില്ലാ തിരഞ്ഞെടുപ്പ് ഉദ്യോഗസ്ഥൻ കൂടിയായ  ജില്ലാ കളക്ടർ  ഉത്തരവായി.

കിറ്റ്സിൽ എം.ബി.എ (ട്രാവൽ ആന്റ് ടൂറിസം) 2026-28 ബാച്ചിലേക്കുള്ള അഭിമുഖം ഏപ്രിൽ 18 രാവിലെ 10.30ന് തൈക്കാട് കിറ്റ്സ് ക്യാംപസിൽ നടക്കും. 50 ശതമാനം മാർക്കിൽ കുറയാതെയുള്ള ബിരുദാമാണ് അടിസ്ഥാന യോഗ്യത. അവസാന വർഷ ബിരുദ വിദ്യാർഥികൾക്കും കെ-മാറ്റ്/ സി-മാറ്റ്/ ക്യാറ്റ് പ്രവേശന പരീക്ഷ സ്കോർ കാർഡ് ഉള്ളവർക്കും തയ്യാറെടുക്കുന്നവർക്കും അഭിമുഖത്തിൽ പങ്കെടുക്കാം.

സാങ്കേതിക വിദ്യാഭ്യാസ വകുപ്പും കേരള സ്റ്റേറ്റ് സെന്റർ ഫോർ അഡ്വാൻസ്ഡ് പ്രിന്റിംഗ് & ട്രെയിനിംഗും സംയുക്തമായി ആരംഭിക്കുന്ന ഒരു വർഷ കെ.ജി.റ്റി.ഇ പ്രീ- പ്രസ്സ് ഓപ്പറേഷൻ/ കെ.ജി.റ്റി.ഇ പ്രസ്സ് വർക്ക്/ കെ.ജി.റ്റി.ഇ പോസ്റ്റ്- പ്രസ്സ് ഓപ്പറേഷൻ ആന്റ് ഫിനിഷിംഗ് കോഴ്സുകളിലേക്ക്

ജീവനക്കാരുടെ അഭാവം മൂലം ഏപ്രിൽ 10ന് സ്റ്റേറ്റ് സെൻട്രൽ ലൈബ്രറിയുടെ പ്രവർത്തന സമയം രാവിലെ 10 മുതൽ വൈകുന്നേരം 5 മണിവരെ ആയിരിക്കും.

കേരള സ്റ്റേറ്റ് സ്പോർട്‌സ് കൗൺസിലിന്റെ കീഴിൽ വിവിധ ജില്ലകളിലായി പ്രവർത്തിക്കുന്ന കോളേജ് സ്പോർട്‌സ് അക്കാദമികളിലേക്ക് 2026-27 അദ്ധ്യയന വർഷത്തിൽ കായിക താരങ്ങളെ തിരഞ്ഞെടുക്കുന്നതിന് സോണൽ സെലക്ഷൻ നടത്തുന്നു.

തിരുവനന്തപുരം സ്വീപ്പിന്റെയും ജില്ലാ ഭരണകൂടത്തിന്റെയും നേതൃത്വത്തില്‍ ഗ്രാമ സേവാ സമിതി ഗ്രന്ഥശാല അമ്പലമുക്ക് എൻ.സി.സി റോഡിൽ വോട്ടേഴ്‌സ് ബോധവത്ക്കരണ പരിപാടി നടത്തി. വോട്ടു സഭ എന്ന പേരില്‍ സംഘടിപ്പിച്ച പരിപാടി സ്വീപ് അസിസ്റ്റൻ്റ് നോഡൽ ഓഫിസർ ഷീജ വി.വി ഉദ്ഘാടനം ചെയ്തു.

ഗ്രന്ഥാല പ്രസിഡൻ്റ് എ തങ്കപ്പൻ അധ്യക്ഷത വഹിച്ചു. ചർച്ചാവേദി കൺവീനർ സി മോഹൻ കുമാർ, വോട്ട് സഭ എന്ന വിഷയത്തിൽ സംസാരിച്ചു. യോഗം സെക്രട്ടറി എസ് കലാധരൻ, സ്വീപ്പ് അംഗം ബിനു കുമാർ എ.എൽ, എസ് കുമാർ തുടങ്ങിയവർ പങ്കെടുത്തു.

ജില്ലയില്‍ നിയമസഭ തിരഞ്ഞെടുപ്പുമായി ബന്ധപ്പെട്ട ഒരുക്കങ്ങള്‍ വിലയിരുത്തുന്നതിനും അടിയന്തര ഘട്ടങ്ങളിലെ പ്രവര്‍ത്തനങ്ങള്‍ ഏകോപിപ്പിക്കുന്നതിനുമായി ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ സ്നേഹില്‍ കുമാര്‍ സിങ്ങിന്റെ അധ്യക്ഷതയില്‍ അവശ്യ സര്‍വീസ് വകുപ്പുകളുടെ യോഗം ചേര്‍ന്നു.