വനിതാ ശിശു വികസന വകുപ്പിന് കീഴിലുള്ള എറണാകുളം ജില്ലാതല ഐസിഡിഎസ് സെല്ലിന്റെ പരിധിയിൽ വരുന്ന അങ്കണവാടികളിൽ പുതുതായി ജോലിയിൽ പ്രവേശിക്കുന്ന വർക്കർമാർക്ക് പരിശീലനം നൽകുന്നതിനായി ക്ലാസ് മുറി, താമസം, ഭക്ഷണം, വെള്ളം, ഇലക്ട്രിസിറ്റി, ഇന്റർനെറ്റ് എന്നിവ ലഭ്യമാക്കുന്നതിനായി താല്പര്യമുള്ള സ്ഥാപനങ്ങളിൽ നിന്നും പുനർ ദർഘാസ് ക്ഷണിച്ചു. താല്പര്യമുള്ളവർ പ്രോഗ്രാം ഓഫീസർ, ജില്ലാതല ഐസിഡിസി സെൽ , കാക്കനാട്, പിൻ - 682030 എന്ന വിലാസത്തിൽ ജനുവരി 13 ഉച്ചയ്ക്ക് 1 നുള്ളിൽ പുനർ ദർഘാസ് സമർപ്പിക്കേണ്ടതാണ്. കൂടുതൽ വിവരങ്ങൾക്ക് കാക്കനാട് സിവിൽ സ്റ്റേഷനിലുള്ള ഐസിഡിഎസ് സെൽ ഓഫീസുമായി ബന്ധപ്പെടുക

കോട്ടയം: കേരള സർക്കാർ ഉന്നത വിദ്യാഭ്യാസ സ്ഥാപനമായ അസാപ് കേരളയും കോട്ടയം ജില്ലാ പട്ടികജാതി വികസന വകുപ്പും ചേർന്ന് കോട്ടയം ജില്ലയിലെ ഗ്രാമപഞ്ചായത്തുകളിൽ സ്ഥിരതാമസക്കാരായ പട്ടികജാതി വിഭാഗത്തിൽപ്പെട്ട ആൺകുട്ടികൾക്ക്  സൗജന്യ നൈപുണ്യ പരിശീലനം നൽകും. 18 മുതൽ 36 വയസ്സ് വരെ പ്രായമുള്ള പ്ലസ് 2 വിദ്യാഭ്യാസ യോഗ്യതയുള്ള ആൺകുട്ടികൾക്കാണ് അവസരം. പരിശീലന കാലയളവിൽ സ്റ്റൈപ്പൻഡ് ലഭിക്കും. അപേക്ഷിക്കാനുള്ള അവസാന തീയതി ജനുവരി 15. ഫോൺ: 9495999688.

കോട്ടയം: സംസ്ഥാനത്ത് ആദ്യമായി കുടുംബശ്രീ മിഷന്റെയും ഹരിത കർമ സേനയുടെയും നേതൃത്വത്തിൽ പേപ്പർ മാലിന്യ ശേഖരണ പദ്ധതി വെള്ളൂർ പഞ്ചായത്തിൽ ആരംഭിച്ചു. വീടുകളിലും സ്ഥാപനങ്ങളിലുമുണ്ടാകുന്ന പേപ്പർ മാലിന്യം ശാസ്ത്രീയമായി ശേഖരിച്ചു സംസ്‌കരിക്കുന്നതിനോടൊപ്പം ഹരിത കർമ സേനയ്ക്ക് സ്ഥിരമായ അധിക വരുമാന മാർഗം ഉറപ്പാക്കുന്നതുമാണ് പദ്ധതി.

ആലപ്പുഴ ജില്ലാ വ്യവസായ കേന്ദ്രത്തിന്റെയും കുട്ടനാട്  താലൂക്ക് ഓഫീസിന്റെയും സംയുക്താഭിമുഖ്യത്തില്‍ താലൂക്ക് പരിധിയില്‍ ഉള്ള സംരംഭകരെ പങ്കെടുപ്പിച്ചു കൊണ്ട് ജനുവരി 14ന് എം .എസ് സ്വാമി നാഥന്‍ നെല്ല് ഗവേഷണ കേന്ദ്രം, മങ്കൊമ്പ് കോണ്‍ഫറന്‍സ് ഹാളില്‍ വര്‍ക്ക്ക്ഷോപ്പ് ഓണ്‍ - എക്‌സ്‌പോര്‍ട്ട്‌സ് ഓറിയന്റേഷന്‍ സംഘടിപ്പിക്കുന്നു.  ഫോൺ: വ്യവസായ വികസന ഓഫീസര്‍ ചമ്പക്കുളം : 9188127075 വ്യവസായ വികസന ഓഫീസര്‍ വെളിയനാട്: 9188127076.

കോട്ടയം: പള്ളിക്കത്തോട് ഗവണ്മെന്റ് ഐ.ടി.ഐയിൽ ആർക്കിടെക്ച്ചറൽ ഡ്രാഫ്റ്റ്സ്മാൻ ട്രേഡിൽ ഓപ്പൺ വിഭാഗത്തിനായി സംവരണം ചെയ്തിരിക്കുന്ന ഗസ്റ്റ് ഇൻസ്ട്രക്ടർ ഒഴിവിലേക്ക് ജനുവരി 15 ന് രാവിലെ 11ന് അഭിമുഖം നടത്തും. ബന്ധപ്പെട്ട ട്രേഡിൽ എൻജിനീയറിംഗ് ബിരുദവും ഒരു വർഷത്തെ പ്രവൃത്തി പരിചയവും അല്ലെങ്കിൽ  ഡിപ്ലോമയും രണ്ടുവർഷത്തെ പ്രവൃത്തി പരിചയവും അല്ലെങ്കിൽ എൻ.ടി.സി/ എൻ.എ.സിയിൽ മൂന്നുവർഷത്തെ പ്രവൃത്തി പരിചയവുമാണ് യോഗ്യത. താൽപര്യമുള്ളവർ അസ്സൽ സർട്ടിഫിക്കറ്റുകൾ, പകർപ്പുകൾ എന്നിവ സഹിതം അഭിമുഖത്തിൽ പങ്കെടുക്കണം. പ്രതിമാസ വേതനം പരമാവധി 28620 രൂപ. ഫോൺ: 0481 2551062, 6238139057.

പട്ടികജാതി വികസന വകുപ്പിന് കീഴില്‍ ആലുവയില്‍ പ്രവര്‍ത്തിക്കുന്ന ഗവ പ്രി എക്‌സാമിനേഷന്‍ ട്രെയിനിംഗ് സെന്ററില്‍ കമ്പ്യൂട്ടര്‍ ഇന്‍സ്ട്രക്ടറെ കരാര്‍ അടിസ്ഥാനത്തില്‍ നിയമിക്കുന്നു. 

ആലപ്പുഴ ഗവ. റ്റി.ഡി മെഡിക്കല്‍ കോളേജിലെ ന്യൂറോളജി വിഭാഗത്തില്‍ അസിസ്റ്റന്റ് പ്രൊഫസര്‍ തസ്തികയിലെ ഒരു ഒഴിവിലേയ്ക്ക് കരാര്‍ അടിസ്ഥാനത്തില്‍ നിയമനം  നടത്തും.  ജനുവരി 23ന് രാവിലെ 11 മണിക്ക് പ്രിന്‍സിപ്പലിന്റെ ഓഫീസിൽ  ഇതിനായി  അഭിമുഖം നടത്തും.

ആലപ്പുഴ ജില്ലയില്‍ വിദ്യാഭ്യാസ വകുപ്പില്‍ പാര്‍ട്ട് ടൈം ഹൈസ്‌കൂള്‍ ടീച്ചര്‍ (അറബിക്) (കാറ്റഗറി നം. 201/2024) തസ്തികയിലെ ചുരുക്കപ്പട്ടികയില്‍ ഉള്‍പ്പെട്ട നിശ്ചിത യോഗ്യതയുള്ള ഉദ്യോഗാര്‍ഥികള്‍ക്കായി  ജനുവരി 23ന് രാവിലെ 9.30 മണിക്ക് കേരള പബ്ലിക് സര്‍വീസ് കമ്മീഷന്‍, പത്തനംതിട്ട ജില്ലാ ഓഫീസില്‍ അഭിമുഖം നടത്തും. ഉദ്യോഗാര്‍ഥികള്‍ പി.എസ്.സി വെബ്സൈറ്റിലെ ഇന്റര്‍വ്യൂ ഷെഡ്യൂള്‍, അനൗണ്‍സ്മെന്റ് ലിങ്കുകള്‍ എന്നിവ പരിശോധിക്കണം. പ്രൊഫൈലില്‍ അറിയിപ്പ് ലഭിക്കാത്തവര്‍ പി.എസ്.സി യുടെ ആലപ്പുഴ ജില്ലാ ഓഫീസുമായി ബന്ധപ്പെടണം. ഫോണ്‍: 0477-2264134.

കോട്ടയം: വനിതാ ശിശുവികസന വകുപ്പ് ഈരാറ്റുപേട്ട മുനിസിപ്പാലിറ്റിയിലെ അങ്കണവാടി കം ക്രഷിലേയ്ക്ക് ഹെൽപ്പർ തസ്തികയിൽ അപേക്ഷ ക്ഷണിച്ചു. 20-ാം വാർഡിലും സമീപ വാർഡുകളിലുമുള്ളവർക്ക് അപേക്ഷിക്കാം. അപേക്ഷകൾ ജനുവരി 21 ന് വൈകിട്ട് അഞ്ചു വരെ സ്വീകരിക്കും. ഫോൺ: 9188959694, 9495706151.

കോട്ടയം: പാമ്പാടി അസാപ് കമ്മ്യൂണിറ്റി സ്‌കിൽ പാർക്കിൽ നൈപുണ്യ പരിശീലന കോഴ്സുകളിലേക്ക് അപേക്ഷ ക്ഷണിച്ചു. ജനറൽ ഫിറ്റ്നസ് ട്രെയ്നർ, വി.ആർ. ഡെവലപ്പർ വിത്ത് യൂണിറ്റി എന്നിവയാണ് കോഴ്സുകൾ. പ്ലസ് ടു അടിസ്ഥാന യോഗ്യതയുള്ളവർക്ക് അപേക്ഷിക്കാം. താൽപര്യമുള്ളവർ https://docs.google.com/forms/d/e/1FAlpQLSeARH0q66wfUsgBeVyWLPsgiRj1GbTakowYWjujBcbQMeXA/viewform?usp=sharing&ouid=107822012426707413926 എന്ന വെബസൈറ്റ് വഴി രജിസ്റ്റർ ചെയ്യണം. ഫോൺ: 7025535172, 949599731.